1.അവതാരക - 1
2.ജഡ്‌ജസ് - 5
3. സെല്‍ബ്രിറ്റി ഗസ്റ്റ് ജഡ്‌ജ് - ഒഴിവുകള്‍ തിട്ടപ്പെടുത്തിയിട്ടില്ല.
4. കണ്ടെസ്റ്റന്റ്- ഒഴിവുകള്‍ തിട്ടപ്പെടുത്തിയിട്ടില്ല.
5. പക്കമേളക്കാര്‍ - 15
6. കാണികള്‍ - ഒഴിവുകള്‍ തിട്ടപ്പെടുത്തിയിട്ടില്ല.
യോഗ്യതയും പരിചയവും :
1. അവതാരക : ഒഴിവ് ഒന്ന്
ഈ ഒഴിവിലേക്ക് അപേക്ഷിക്കുന്ന ആള്‍ ശരിക്കും ഒരു അവതാരം തന്നെ ആയിരിക്കണം. നാണവും മാനവും ഏഴയലോക്കത്തുകൂടി പോയ ആള്‍ ആയിരിക്കരുത്. ആക്കിയുള്ള ചിരി, വെറുതെയുള്ള പൊട്ടച്ചിരി , ഇളിക്കല്‍ , പൊട്ടിച്ചിരി, വളിച്ച തമാശപറഞ്ഞ് ചമ്മലില്ലാതെ സ്വയം ചിരിക്കാനുള്ള കഴിവൊക്കെ ഉണ്ടായിരിക്കണം. ( ഈ കഴിവ് സ്ക്രീന്‍ ടെസ്റ്റിങ്ങില്‍ പരിശോധിക്കുന്നതായിരിക്കും.). എങ്ങനേയും വസ്ത്രം ധരിക്കാനുള്ളകഴിവ് ഉണ്ടായിരിക്കണം. അംഗലാവണ്യം കാണിച്ച് ജനങ്ങളെ ബോറടിപ്പിച്ച് കത്തിവച്ച് പ്രോഗ്രാം വലിച്ചു നീട്ടി ഒരു മണിക്കൂര്‍ എത്തിക്കാനുള്ളകഴിവും ഉണ്ടായിരിക്കണം. മലയാളം കൊലയാളമാക്കി മലയാളികളെ കൊല്ലാക്കൊലചെയ്യാനുള്ള കഴിവ് അധിക യോഗ്യതയായിരിക്കും.
അപേക്ഷക സംസാരിക്കുമ്പോള്‍ ബാസ് കൂട്ടി സംസാരിക്കാന്‍ ശ്രമിക്കണം. ചുണ്ടുകള്‍ക്കിടയിലൂടെ പുറപ്പെടുവിക്കേണ്ട അക്ഷരങ്ങള്‍നാക്കില്‍ക്കൂടി പുറപ്പെടുവിക്കാന്‍ അറിഞ്ഞിരിക്കണം. (ഉദാഹരണമായി യുണ്ണിയെറ്റാറ്റാ , കണ്ട^സ്റ്റ്ന്റ് തുടങ്ങിയ വാക്കുകള്‍) . പുട്ടിന് പീര വയ്ക്കുന്നതുപോലെ ഇടയ്ക്കിടയ്ക്കേ മലയാളം പറയാവൂ. രണ്ട് വാക്ക് മലയാളം പറഞ്ഞാല്‍ നാലുവാക്ക് ഇംഗ്ലീഷില്‍ പറഞ്ഞിരിക്കണം.(അതാര്‍ക്കെങ്കിലും മനസിലാകണമെന്ന് നിര്‍ബന്ധമില്ല.). മത്സരവേദിയില്‍ ‘S’ പോലെ നില്‍ക്കാന്‍ കഴിയണം. മൈക്കിലൂടെ എന്തും പറയാം. സാരിയാണ് വേഷമെങ്കില്‍ ബ്ലൌസ് ഇടാന്‍ മറന്നാലും സാരി താഴ്ത്തിയുടുക്കാന്‍ മറക്കരുത്.
ജഡ്‌ജസ് മത്സരിക്കാന്‍ വരുന്നവരെ ‘വധിക്കുമ്പോള്‍’ ജഡ്‌ജസിനെ പ്രോത്സാഹിപ്പിച്ചു കൊണ്ടിരിക്കണം. ഹനുമാന്‍ ഗദ കൊണ്ടുനടക്കുന്നതുപോലെ കൈയ്യിലെപ്പോഴും മൈക്ക് കൊണ്ടു നടക്കണം.‘കണ്ടെസ്റ്റന്റ് ‘ പുറത്താകുമ്പോള്‍ ഗ്ലിസറിനില്ലാതെ കരഞ്ഞ് കാണിക്കണം.(അവതാര കയായി തിരഞ്ഞെടുക്കപ്പെടുന്നയാള്‍ വെള്ളമടിച്ച് കൂതറത്തരങ്ങള്‍ കാണിക്കുകയില്ലന്നും അഥവാ വെള്ളമടിച്ചാല്‍ സെറ്റില്‍ വന്ന് വാളുവയ്ക്കുകയില്ലന്നും ആയിരം രൂപാപത്രത്തില്‍ എഴുതി ഒപ്പിട്ടു തരണം)
2. ജഡ്‌ജസ് : ഒഴിവ് അഞ്ച്
ആകെ അഞ്ച് ഒഴിവുകളില്‍ മൂന്നെണ്ണം സ്ഥിരം ഒഴിവും രണ്ടെണ്ണം ഇടക്കാല ഒഴിവുകളും ആണ് . സ്ഥിരം ഒഴിവുകളില്‍ ഒന്ന് സ്ത്രികള്‍ക്കായിസംവരണം ചെയ്തിരിക്കുന്നതാണ്. സ്ഥിരം ജഡ്‌ജിമാര്‍ പനി, തലവേദന, ഉളുക്ക്, ചതവ് തുടങ്ങിയവകൊണ്ട് സെറ്റുകളില്‍ വരാത്തസമയങ്ങളില്‍ മാത്രം ഇടക്കാല ജഡ്‌ജസുകള്‍ എത്തിയാല്‍ മതിയാകും.(മുന്‍ കൂട്ടി അറിയിക്കുന്നതാണ്).
സംഗീതത്തെക്കുറിച്ച് എന്തെങ്കിലും ഒക്കെ നിര്‍ത്താതെ പറയാനും അല്പം പാടാനും കഴിയണം എന്നതാണ് ജഡ്‌ജിമാരുടെ അടിസ്ഥാനയോഗ്യത. (ഇറച്ചിവെട്ടുകാര്‍ക്കും ഈ ഒഴിവില്‍ അപേക്ഷിക്കാ വുന്നതാണ് . മത്സരിക്കുന്നവനെ ശരിക്കങ്ങോട്ടങ്ങ് പെരുമാറാം!!!). പാട്ടുകാരന്‍, സംഗീതസംവിധാ യകന്‍ എന്നിവര്‍ക്ക് രണ്ട് ഒഴിവുകളില്‍ മുന്‍‌ഗണനയുണ്ടായിരിക്കും. പാട്ടുകാരന്‍ എന്ന നിലയില്‍ പാനലില്‍ എത്തുന്ന ആള്‍ ഒരു ട്രാക്കെങ്ങിലും പാടിയ ആളായിരിക്കണം. സംഗീത സംവിധായകന്‍ എന്ന നിലയില്‍ പാനലില്‍ എത്തുന്ന ആള്‍ ഒരു പാട്ടെങ്കിലും ചിട്ടപ്പെടുത്തിയിരിക്കണം.
മത്സരിക്കുന്നവന്‍ പാടുന്ന പാട്ടിനേയും അവന്റെ ശാരീരിക ചലനങ്ങളേയും കീറിമുറിച്ച് അവനെ കടിച്ചു കീറുക എന്നതാണ് ജഡ്‌ജിമാരുടെഅടിസ്ഥാന തൊഴില്‍. ‘കടിച്ചുകീറല്‍’ നടത്തിയതിനുശേഷം അവന് അഞ്ചോ പത്തോ മാര്‍ക്ക് കൊടുക്കുക എന്നതും ജോലിയുടെ ഭാഗമാണ്. ജഡ്‌ജിമാര്‍ക്ക് വേണമെങ്കില്‍ ‘പഞ്ചിംഗ് ‘ ഡയലോഗുകള്‍ ഉപയോഗിക്കാവുന്നതാണ്. (ഈ ‘പഞ്ചിംഗ് ‘ ഡയലോഗുകള്‍ക്ക് അശ്ലീലച്ചുവയുണ്ടങ്കില്‍നന്നായിരിക്കും). ജഡ്‌ജിമാര്‍ക്ക് ഇരുന്നുറങ്ങാനുള്ള സൈകര്യം ഏര്‍പ്പെടുത്തികൊടുക്കുന്നതാണ്. ജഡ്‌ജസിന് വേണമെങ്കില്‍ ചവച്ചുകൊണ്ടിരിക്കാം. (ചവയ്ക്കാന്‍ കപ്പലണ്ടി,നിലക്കടല, ബബിള്‍ക്കം തുടങ്ങിയവ അവരവര്‍ തന്നെ കൊണ്ടുവരണം). സ്വന്ത സംസാരത്തിന് അക്ഷരസ്‌ഫുടത ഇല്ലങ്കിലുംമത്സരിക്കുന്നവരുടെ ‘അച്ചരപുടത’ കണ്ടെത്തി അവരെ കൊല്ലാക്കൊല ചെയ്യാന്‍ തയ്യാറാവുന്നതോടൊപ്പം അറിയാവുന്ന ശബ്ദ്ദത്തില്‍ നാലുകീച്ചുകീച്ചി മത്സരിക്കുന്നവരെ പാടിച്ച്പാടിച്ച് കൊല്ലണം.
ജഡ്‌ജസുമാരും കഴിവതും മലയാളും ഉപയോഗിക്കാന്‍ പാടില്ല. ഇംഗ്ലീഷുമാത്രമായിട്ടും ഉപയോഗിക്കരുത്. കഴിയുമെങ്കില്‍ ലോകത്തിലുള്ള എല്ല ഭാഷകളും ഉപയോഗിച്ച് സങ്കരഭാഷയില്‍ സംസാരിക്കണം. ജഡ്‌ജിമാര്‍ക്ക് പുല്ലാങ്കുഴല്‍ ,വീണ, ഗഞ്ചിറ തുടങ്ങിയ സംഗീത ഉപകരണങ്ങള്‍കൈയ്യില്‍ വയ്ക്കാവുന്നതാണ്.
3. സെല്‍ബ്രിറ്റി ഗസ്റ്റ് ജഡ്‌ജ് - ഒഴിവുകള്‍ തിട്ടപ്പെടുത്തിയിട്ടില്ല.
ഏതെങ്കിലും സിനിമയിലോ സീരിയലിലോ തലകാണിച്ചുള്ള പരിചയം മാത്രം ഉണ്ടായിരിക്കണം എന്നുള്ള ഒരു യോഗ്യത മാത്രമേ ഈ വിഭാഗത്തിലേക്ക് ആവിശ്യമുള്ളു. പാട്ടിനെക്കുറിച്ച് ഒരു ചുക്കും അറിയില്ല എന്നുള്ളത് അധിക യോഗ്യത ആയിരിക്കും.തങ്ങളെക്കഴിഞ്ഞേ പാട്ടില്‍ആരും ഉള്ളു എന്നുള്ള മനോഭാവം മുഖത്ത് നിന്ന് മറ്റുള്ളവര്‍ക്ക് വായിച്ചെടുക്കാന്‍ പറ്റണം. വായില്‍ തോന്നുന്നതെന്തും പറയാനുള്ള ലൈസന്‍സ് ഈ വിഭാഗത്തിലുള്ളവര്‍ക്ക് ഉണ്ടായിരിക്കും. എലി നിറപത്തായത്തില്‍ പാഞ്ഞു നടക്കുന്നതുപോലെ ഇവര്‍ക്ക് നടക്കാവുന്നതാണ്. പാട്ട്, ഡാന്‍സ്, വസ്ത്രം തുടങ്ങിയവയെ ക്കുറിച്ച് അഭിപ്രായം പറയാവുന്നതാണ്. ഈ വിഭാഗത്തില്‍ തിരഞ്ഞെടുക്കപ്പെടുന്നവര്‍ക്ക് ഒരാഴ്ച് മാത്രമേ പണിയുണ്ടാവുകയുള്ളു. ആഴ്ചാവസാനം വേദിയിലെത്തി ഒരു പാട്ടും പാടണം.ആരുടെ പാട്ട് കേട്ട് കൂടുതല്‍ ജനങ്ങള്‍ ടിവി തല്ലിപ്പൊട്ടിക്കൂന്നവോ അവരുടെ പണി കാലാവധി നീട്ടിക്കൊടുക്കുന്നതാണ്
4. കണ്ടെസ്റ്റന്റ് - ഒഴിവുകള്‍ തിട്ടപ്പെടുത്തിയിട്ടില്ല
പാട്ട് പാടാന്‍ കഴിവുണ്ട് എന്നത് ഈ വിഭാഗത്തിലേക്ക് തിരഞ്ഞെടുക്കപ്പെടുവാനുള്ള യോഗ്യതയില്‍ ഒന്നു മാത്രമാണ്. ഡാന്‍സ്, മിമിക്രി,പ്രശ്ചന്നവേഷം തുടങ്ങിയവയൊക്കെ അറിഞ്ഞിരിക്കണം. നിങ്ങളുടെ പാട്ടിനെക്കാള്‍ ‘പെര്‍‌ഫോമന്‍‌സി’നാണ് മുന്‍‌ഗണന നല്‍കുന്നത്. പാട്ട് പാടിഏറ്റവും കൂടുതല്‍ എസ്.എം.എസുകള്‍ വാങ്ങുന്നവര്‍ക്ക് അടുത്ത റൌണ്ടിലേക്ക് കടക്കാവുന്നതാണ്. (പാട്ടുപാടി തെണ്ടുന്നവര്‍ക്കും അപേക്ഷിക്കാവുന്നതാണ്.). ജഡ്‌ജസ് എന്ത് പറഞ്ഞാലും അത് കേട്ട് “ഊം...”, “ശരി സര്‍..”, “ശരി മാഡം”, “താങ്കസ് ...” തുടങ്ങിയ വാക്കുകള്‍ മാത്രം ഉപയോഗിച്ച്മറുപിടി നല്‍കണം. ജ‌ഡ്‌ജസുമാരുടെ തല്ലുകൊള്ളിത്തരങ്ങള്‍കൊണ്ട് മൈക്ക് എടുത്തെറിഞ്ഞ് ഇറങ്ങിപ്പോവുകയില്ലന്ന് മത്സരാപേക്ഷകര്‍ എഴുതിത്തരണം.
5. പക്കമേളക്കാര്‍ - ഒഴിവുകള്‍ പതിഞ്ച്
ദുഃഖ സംഗീതത്തില്‍ സെപ്‌ഷ്യലൈസേഷന്‍ ചെയ്‌തിട്ടുള്ളവര്‍ക്ക് മുന്‍‌ഗണന നല്‍ക്കുന്നതാണ്. ശവമടക്കുകള്‍ക്ക് ബാന്റ്‌മേളം വായിക്കുന്നവര്‍ മാത്രം എലുമിനേഷന്‍ റൌണ്ടിലെ പക്കമേളത്തിന് അപേക്ഷിച്ചാല്‍ മതി.
6. കാണികള്‍ - ഒഴിവുകള്‍ തിട്ടപ്പെടുത്തിയിട്ടില്ല.
ഈ ഒഴിവിലേക്ക് തിരഞ്ഞെടുക്കപ്പെടുന്നവര്‍ക്ക് ദിവസക്കൂലിയായിരിക്കും. ഷൂട്ടിങ്ങുള്ള ദിവസം ഭക്ഷണം നല്‍കുന്നതാണ്. പാട്ടുകേട്ടതിനു ശേഷം ‘ടെക്നിക്കല്‍ ഹെഡ്’ പറയുമ്പോള്‍ കൈയ്യടിക്കുക എന്നതാണ് ജോലി. എലുമിനേഷന്‍ റൌണ്ടിലെ കാണികള്‍ കരഞ്ഞും കാണിക്കണം. അതിനാ വിശ്യമായ ഗ്ലിസറിന്‍ കമ്പിനി തന്നെ നല്‍കുന്നതാണ്. മത്സരിക്കുന്നവര്‍ പാട്ടുപാടുമ്പോള്‍ ക്യാമറ കാണിക്കുന്ന കാണികള്‍ തലയാട്ടുക,കൈകളില്‍ താളം പിടിക്കുക എന്നിവ ചെയ്തിരിക്കണം. ജഡ്‌ജിമാരുടേയും അവതാരകയുടേയും കമന്റുകളില്‍ പ്രതിഷേധിച്ച് സെറ്റ് തല്ലിത്തകര്‍ക്കാനും ജഡ്‌ജിമാരെ കൈയ്യേറ്റം ചെയ്യാനും അവതാരകയെ ഓടിക്കാനും ശ്രമിക്കാത്തവരെമാത്രമേ ഈ ഒഴിവിലേക്ക് പരിഗണിക്കയുള്ളു. ഷൂട്ടിംങ്ങ് കഴിയുമ്പോള്‍ തന്നെ അന്നത്തെ കൂലി തരുന്നതാണ്.
കാണികളെ മൊത്തമായും ചില്ലറയായും സപ്ലൈ ചെയ്യാന്‍ കഴിയുന്ന ബ്രോക്കര്‍മാര്‍ക്കും ഈ വിഭാഗത്തിലേക്ക് അപേക്ഷിക്കാവുന്നതാണ്.
നോ ഐഡിയ വാര്‍ സിങ്ങര്‍ 20009
“ ഞങ്ങള്‍ക്ക് എസ്.എം.എസ് ... നിങ്ങള്‍ക്ക് കണ്ണീര്‍ “
13 comments:
സമ്മാനം എന്താ? ഗള്‍ഫിലോ തിരുവനന്തപുരത്തോ ഒരു ഫ്ലാറ്റില്‍ നിലം കഴുകലും അടിച്ചുവാരലും മറ്റോ ആണോ?
I am staying in a FLAT worth half of the prize money. But my expenditure on same
Club house, facilities - 500 monthly
Maintenance charge - 3000.00
So if it is a flat worth 1 cr then operation expenditure itself will be around 7000. People who are already in that lifestyle are least bothered..
Adipoli machambi. I particularly hate some of those hostess' and the arrogance and njaramburogam of some of the judges in their late 40s when they see teenage girls.
I like Johnson Master and Ouseppachan. Didi, celebrity judges etc are ultra waste. I still do not know why Usha Uthup is considered a singer.
Really liked ur blog- well said!!
One of the best "jokes" of the year was when the so called "Avathaaraka" in Idea Star singer had intorduced the great singer Mr.Udayabhanu as "Prasidha Sangeetha Achan". What she meant was "Sangeethanjan"
കൊള്ളാം :)
well said..
I did like ousepachan..
I dont know why they included uduppi there? she is a national waste. no sense nonsense :)
apaaram...!!!
സീ മിസ്റ്റര്‍ തെക്കേടന്‍... യുവര്‍ ബ്ലോഗ് വളരെ ബ്യൂട്ടിഫുള്‍ ആണ്. ഞാന്‍ റൈറ്റ് ചെയ്യാന്‍ സ്റ്റാര്‍ട്ട് ചെയ്ത ബ്ലോഗ് ആണ് നിങ്ങള്‍ റൈറ്റ് ചെയ്തത്.... ഫാമിലിയുടെ കൂടെ സിറ്റ് ചെയ്ത് കാണാന്‍ പറ്റാത്ത പ്രോഗ്രാംസ് ആയി മാറിയിരിക്കുന്നു ഈ പ്രോഗ്രാംസ്.. ശ്രീയേട്ടന്റെ അലന്ന ഡയലോഗ് ഹിയര്‍ ചെയ്തിരിക്കുന്ന കണ്ഡസ്റ്റന്റിന്റ്റെ പപ്പമാരെയും മമ്മിമാരെയും മുക്കാലിയില്‍ റ്റൈ ചെയ്ത് പ്ലാച്ച് പ്ലാച്ച് എന്ന് രണ്ടെണ്ണം കൊടുക്കണമെന്ന് തിങ്ക് ചെയ്യാറുണ്ടായിരുന്നു...
ഇഷ്ടപ്പെട്ടു..
കണ്ടെസ്റ്റന്റ്.. പാടാനറിയാവുന്ന- ജഡ്ജിന് ചിലപ്പൊ തലവേദനയാവുന്ന എല്ലാവരേയും പ്രിലിമിനറി റൌണ്ടില്‍ തന്നെ ഒഴിവാക്കും.
മനോഹരമായിരിക്കുന്നു
ആശംസകള്‍
ha..ha..ha.. kalakki
വായിച്ച് രസിച്ചു..
കൊള്ളാം
:)
Post a Comment