യു‌ഡി‌എഫ് തമാശകള്‍

തൃശൂരിലെ സ്ഥാനാര്‍ത്ഥി നിര്‍ണ്ണയം കരുണാകരന്റെ ആത്മാവിനെ വേദനിപ്പിക്കുന്നതായിരുന്നു എന്ന് പത്മജ.
ചേച്ചിയുടെ പ്രവര്‍ത്തനവും പ്രസ്താവനകളും കണ്ടാല്‍ ഏ. ഓ. ഹ്യൂം , മോഹന്‍‌ദാസ് കരംചന്ദ് ഗാന്ധി തുടങ്ങിയവരുടെ ആത്മാവും വേദനിക്കും. അവരൊക്കെ ആരാണന്ന് ചേച്ചിക്കറിയാമോ ആവോ?

ചാലക്കുടിയിലെ കോണ്‍ഗ്രസുകാര്‍ തനിക്ക് വോട്ട് ചെയ്തില്ലന്ന് യു‌ഡി എഫ് സ്ഥാനാര്‍ത്ഥി ബെന്നി
വോട്ട് ചെയ്യുന്ന കുറേ കോണ്‍‌ഗ്ഗ്രസുകാരെക്കൂടി ഡല്‍ഹിയില്‍ നിന്ന് കൊണ്ട് വരാന്‍ രാഹുല്‍ ഗാന്ധിയോട് ആദ്യമേ പറയാമായിരുന്നു

തോല്‍‌വി അന്വേഷിക്കാന്‍ യുഡി‌എഫി നോട് ആവിശ്യപ്പെടുമെന്ന് ജോണി നെല്ലൂര്‍
ആദ്യം ജേക്കബിന്റെ കൂടെ യുഡീഫ് സ്ഥാനാര്‍ത്ഥി,പിന്നെ വഴി ഡി‌ഐസ് വഴി ഇടതുപക്ഷത്ത്, ദേ വീണ്ടും ജേക്കബ് വഴി വീണ്ടും യു‌ഡി‌എഫ്!!! അണ്ണന്‍ ആദ്യം എവിടെയെങ്കിലും ഒന്നു ഉറയ്ക്കട്ടെ എന്ന് ജനങ്ങള്‍ കരുതിയതിന് എന്ത് അന്വേഷണം

പ്രവര്‍ത്തകരെ പേടിച്ച് കോഴിക്കോട് കോണ്‍ഗ്രസ് യോഗം രഹസ്യമായി നടത്തിയന്ന് റിപ്പോര്‍ട്ട്.
ഇനി ജനങ്ങളേ അഞ്ചു വര്‍ഷം കഴിഞ്ഞ് പേടിച്ചാല്‍ മതിയല്ലോ എന്ന് ആശ്വസിച്ചിരിക്കുമ്പോഴാ പ്രവര്‍ത്തകര്‍!!!!!‍

മന്ത്രിയാകാന്‍ പോലും ഇല്ലന്ന് ചെന്നിത്തല
ആ കെപി‌സി‌സി പ്രസിഡണ്ട് സ്ഥാനം കൂടി ആര്‍ക്കെങ്കിലും കൊടുത്താല്‍ പാര്‍ട്ടി രക്ഷപെടും

പ്രധാന വകുപ്പുകള്‍ വേണാമെന്ന് ഘടക കക്ഷികളുടെ ആവിശ്യം
ഷിബു ബേബിജോണിനെ മുഖ്യമന്ത്രിയും ഗണേശ് കുമാറിനെ ആഭ്യന്തര മന്ത്രിയും ടി‌എം ജെക്കബിനെ ധനമന്ത്രിയും ആക്കണം. ഉമ്മാന്‍‌ചാണ്ടി വേണമെങ്കില്‍ റയില്‍‌വേ എടുത്തോട്ടേ

സീറ്റ് കുറവ് അന്വേഷിക്കുമെന്ന് യു‌ഡി‌എഫ് കണ്‍‌വീനര്‍.
ഇങ്ങനത്തെ ഒക്കെ അന്വേഷ്ണം നടത്താന്‍ സമയം തികയില്ലന്ന് കരുതിയതുകൊണ്ടാവും പുള്ളിക്കാരന്‍ മത്സരിക്കാതിരുന്നത്

ലയനം മൂലം കൂടുതല്‍ നഷ്ടം സംഭവിച്ചത് തനിക്കെന്ന് കെ.എം.മാണി
കേന്ദ്രത്തില്‍ ഒരു സഹമന്ത്രി സ്ഥാനം കൊണ്ട് ഈ നഷ്ടം ലാഭമാക്കാവുന്നതേ ഉള്ളൂ.  താന്‍ മന്ത്രിയാകാനില്ലന്നും കെ.പി.സി.സി പ്രസിഡണ്ടായി കോണ്‍ഗ്രസിനെ നയിക്കും എന്നും ചെന്നിത്തല
അടുത്ത ഇലക്ഷന്‍ സമയത്ത് ചെന്നിത്തല കെ.പി.സി.സി പ്രസിഡണ്ടും രാഹുല്‍ മോന്റെ സ്ഥാനാര്‍ത്ഥി പട്ടികയും.. എല്‍‌ഡി‌എഫിന് പോസ്റ്റ്രു പോലും അടിക്കാതെ ഭരണത്തില്‍ വരാമെന്ന് ചുരുക്കം

കേരളം അഭിമുഖീകരിക്കൂന്ന വമ്പന്‍ പ്രശ്നങ്ങള്‍

കേരളം അഭിമുഖീകരിക്കൂന്ന വമ്പന്‍ പ്രശ്നങ്ങള്‍ : രാഷ്ട്രീയ പാര്‍ട്ടികള്‍ അവതരിപ്പിക്കുന്നത്
1. വി.എസിനെ സ്ഥാനാര്‍ത്ഥിയാക്കിയതാര്
2. കേരളത്തിനു രണ്ടു രൂപ്യക്ക് അരിവേണോ ഒരു രൂപയ്ക്ക് അരി വേണോ
3. കുഞ്ഞാലിക്കുട്ടിയും ഐസ്ക്രീം കേസും
4.വി‌എസിന്റെ മകന്റെ ജോലി
5. പാമോയിലും ഗ്രാഫൈറ്റ് കേസും
6. ചെന്നിത്തലയുടെ ഹെലി‌കോപ്‌ടര്‍ യാത്ര.
7. ഒരുത്തിയും,പ്രശസ്തിയുടെ അന്വേഷ്ണവും
8. പി.ശശിയുടെ അസുഖം എന്തായിരുന്നു... പോലീസ് കേസെടുക്കുമോ
9.ജയരാജന്‍ ഷാജഹാനെ തല്ലിയോ അതൊ ഷാജഹാന്‍ ജയരാജനെ തല്ലിയോ
10. മന്ത്രി ദിവാകരന്‍ വോട്ടറെ തല്ലിയോ
11. രാഹുലിന്റേയും സോണിയായുടേയും സമ്മേളനങ്ങളില്‍ ഒഴിഞ്ഞു കിടന്ന കസേരകള്‍
12. ജമാ അത്തൈ ഇസ്ലാമിയുടെയും ആര്‍.എസ്.എസിന്റേയും വോട്ട് ആര് വാങ്ങും

(തുടരുന്നു...)

കേരളത്തെ ബാധിക്കുന്നതായി ഒരു രാഷ്ട്രീയ പാര്‍ട്ടികള്‍ക്കും തോന്നാത്ത കാര്യങ്ങള്‍
1.കുടി വെള്ളം
2. റോഡുകള്‍
3. വിദ്യാഭ്യാസ മേഖലകളിലെ പരിഷ്ക്കാരം
4. പദ്ധതികള്‍ക്കായി കുടിയൊഴിപ്പിക്കപെട്ടവരുടെ പുനരധിവാസം
5. മാലിന്യ സംസ്ക്കരണം
6. കുറഞ്ഞത് ഇരുപതു വര്‍ഷത്തിനപ്പുറത്തെ കെരളം എങ്ങനെ ആയിരിക്കണം എന്നുള്ള കാഴ്ചപ്പാട്..

ഈ തിരഞ്ഞെടുപ്പില്‍ മുഖ്യധാര രാഷ്ട്രീയ പാര്‍ട്ടികള്‍ക്ക് തങ്ങള്‍ക്ക് കേരള വികസനത്തെക്കുറിച്ചുള്ള കാഴ്ചപ്പാട് എന്താണന്ന് പോലും പറയാതെ വോട്ടു തേടുകയാണ്. കേരളത്തിലെ ജനങ്ങളെ വിവാദങ്ങളില്‍ തളച്ചിടാന്‍ മാധ്യമങ്ങളും തങ്ങളുടേതായ പങ്ക് വഹിക്കുന്നുണ്ട്

ഈ തിരഞ്ഞെടുപ്പില്‍ ആരു ജയിച്ചാലും കേരളത്തിലെ ജനങ്ങളെ സംബന്ധിച്ച് അതൊരു ദുരന്തം ആയിരിക്കും. കാരണം ഇന്നേ ദിവസം വരെ രാഷ്ട്രീയപാര്‍ട്ടികള്‍ തങ്ങളുടെ കേരളത്തിന്റെ വികസനത്തെക്കൂറിച്ചുള്ള കാഴ്ചപ്പാട് അവതരിപ്പിച്ചിട്ടില്ല. പേരിനൊരു തിരഞ്ഞെടുപ്പ് പത്രിക പുറത്തിറക്കിയെന്ന് മാത്രം. എന്നിട്ട് അതിലെ വിഷയങ്ങള്‍ ചര്‍ച്ച ചെയ്യുന്നതിനു പകരം പെണ്‍ വിഷയവും അഴിമതിയും മാത്രം ചര്‍ച്ച ചെയ്ത് നിര്‍വൃതി അടയുന്നു. ആരോപണ പ്രത്യാരോപണം ഉന്നയിക്കുമ്പോള്‍ പ്രിയപ്പെട്ട നേതാക്കാന്മാരെ നിങ്ങള്‍ ഒന്ന് ഓര്‍ക്കുക.. നിങ്ങള്‍ക്ക് വേണ്ടത് കേരളത്തിലെ ഭരണമോ അതോ കേരളത്തിന്റെ പുരോഗതിയോ????

ഒരു പക്ഷേ കേരളം ഇതുവരെ കണ്ടതില്‍ വെച്ചേറ്റവും വൃത്തികെട്ട രാഷ്ട്രീയ പ്രചരണമാണ് ഇപ്പോള്‍ നടക്കുന്നത്. ഭരണ-പ്രതിപക്ഷത്തിന്റെ വാക് പയറ്റ് കണ്ടാല്‍ തോന്നും കേരളം കുത്തഴിഞ്ഞ ലൈഗിംക തൃഷ്ണയുള്ള മനുഷ്യരുടെ നാടാണന്ന്.

ഒരു ദിവസമെങ്കിലും കേരളത്തിന്റെ വികസനത്തെക്കുറിച്ചുള്ള സ്വപ്നങ്ങള്‍ ജനങ്ങളോട് പങ്ക് വെച്ചിട്ട് തിരഞ്ഞെടുപ്പിനെ നേരിടൂ

കൊച്ചിയും ശിവസേനയും

ഇന്ന് (ജനുവരി 18) ശിവസേനയുടെ ഒരു ഫ്ലക്സ് കണ്ടു...

JOIN SHIVSENA

SAVE KOCHI എന്നാണ് ഫ്ലക്സിലെ വാക്യം.

മറാത്തവാദം ഉയര്‍ത്തികൊണ്ട് മഹാരാഷ്‌ട്രയില്‍ തുടങ്ങിയ ശിവസേനയുടെ പ്രധാന മുദ്രാവാക്യം ‘മക്കള്‍വാദം ’ തന്നെയാണ് . ഇടയ്ക്കിടയ്ക്കിടയ്ക്ക് മഹാരാഷ്ട്ര മറാത്തക്കാര്‍ക്ക് അവകാശപ്പെട്ടതാണന്ന് അവകാശം ഉന്നയിക്കുകയും അല്പം വിവാദ പരാമര്‍ശങ്ങള്‍ ഉണ്ടാക്കുകയും ചെയ്യുന്ന പതിവ് പാര്‍ട്ടി തെറ്റിക്കാറില്ല.

കേരളം എല്ലാപാര്‍ട്ടികള്‍ക്കും വളരാനുള്ള(മേല്‍‌പ്പോട്ടും താഴോട്ടും) മണ്ണാണന്ന് തോന്നുന്നു. ബി.എസ്.പി കഴിഞ്ഞഇലക്ഷനില്‍ ചില മണ്ഡലങ്ങളില്‍ സ്ഥാനാര്‍ത്ഥികളെവരെ നിര്‍ത്തി. എന്തിന് കുമാരി മായാവതിയുടെ ജന്മദിനത്തില്‍ പ്രമുഖമലയാളപത്രങ്ങളില്‍ ഫുള്‍‌പേജ് പരസ്യം വരെ ഉണ്ടായിരുന്നു. ലാലുപ്രസാദ് യാദവ് റയില്‍‌വേ മന്ത്രിയായിരുന്നപ്പോള്‍ കേരളാത്തിന്റെ റയില്‍‌വേ വികസനത്തിന്റെ ഹോള്‍‌സെയില്‍ പങ്ക് തങ്ങളാണന്ന് അവകാശപ്പെട്ട് കേരളത്തിലെ ആര്‍‌ജെഡിയുടെ മുന്നണിപ്പോരാളിയായ ഒരു സ്ത്രിയുടെ ചിത്രം ഉള്‍പ്പെട്ട ഒരു ഫ്ലക്സ് എറണാ‍കുളം നോര്‍ത്ത് റയില്‍‌വേ സ്തേഷനിലെ ഓട്ടോ സ്റ്റാന്‍‌ഡിലെ മരച്ചുവട്ടില്‍ ഉണ്ടായിരുന്നു. 2009 ലെ ഇലക്ഷന്‍ കഴിഞ്ഞതൊടെ ഫ്ലക്സ് അപ്രത്യക്ഷമായി.

ഇനി നമ്മുടെ കേരളകോണ്‍‌ഗ്രസിന് തമിഴ്‌നാടിനയോ കര്‍ണ്ണാടകയോ ആന്ധ്രയയോ രക്ഷിക്കണമെങ്കില്‍

അങ്ങനെയാവാം. കേരളകോണ്‍ഗ്രസ് മഹാരാഷ്ട്രയിലേക്ക് ചെല്ലേണ്ടതില്ല. അവിടെ ഇപ്പോള്‍ ആവിശ്യത്തിന് ആളുകള്‍ ഉണ്ട്. ആന്ധ്രയെ രക്ഷിക്കാന്‍ കേരളകോണ്‍‌ഗ്രസില്‍ ചേരൂ എന്ന ബോര്‍ഡ് ഹൈദരാബാദിലുള്ളവര്‍ക്ക് കാണേണ്ടിവരുന്നതൊന്ന് ആലോചിക്കുക.

കൊച്ചിയെ രക്ഷിക്കാന്‍ ശിവസേനയ്ക്ക് കഴിയുമെങ്കില്‍ നല്ല കാര്യം. കൊച്ചിയെമാത്രമല്ല കേരളത്തെ മുഴുവന്‍ രക്ഷിക്കാന്‍ ശിവസേനയ്ക്ക് കഴിയട്ടെ. ഹര്‍ത്താല്‍ നടത്തുമ്പോള്‍ മാത്രം കേള്‍ക്കുന്ന ഒരു പാര്‍ട്ടിയുടെ പേരായി ശിവസേനമാറാതിരിക്കട്ടെ. (ശിവസേനയുടെ നേതൃത്വത്തില്‍ നടത്തുന്ന ആംബുലന്‍‌സ് സര്‍വ്വീസ് പോലുള്ള സേവന സന്നദ്ധപരമായ കാര്യങ്ങള്‍ ഈ പാര്‍ട്ടിയില്‍ നിന്ന് കൂടുതല്‍ ഉണ്ടാവട്ടെ.....)

update:: January 19 , 8:16pm

മുകളില്‍ പറഞ്ഞരിക്കുന്ന ഫ്ലക്സിന്റെ ചിത്രം ‘ഒറ്റവരി രാമന്‍‘ വക Life@3.2megapixel എന്ന ബ്ലോഗില്‍ ശിവസേന കൊച്ചിയില്‍ !! എന്ന പോസ്റ്റില്‍ കാണാം

സ്വര്‍ണ്ണവും DYFI യും സമൂഹവും

DYFI യുടെ പതിനൊന്നാം സംസ്ഥാന സമ്മേളനം തിരുവന്തപുരത്ത് അവസാനിക്കു മ്പോള്‍ കേരള സമൂഹത്തിന്റെ മുന്നിലേക്ക് ഈ സമ്മേളനം വയ്ക്കുന്ന ചിന്തകളില്‍ ഒന്ന് മഞ്ഞലോഹത്തിന്റെ മാസ്മരികവലയത്തില്‍ നിന്ന് പുറത്തുകടക്കുക‘ എന്നുള്ളതാണ്. മറ്റുള്ള യുവജന സഘടനകളില്‍ നിന്ന് DYFI വഴിമാറി ചിന്തിക്കുന്നു എന്നുള്ളത് കേരള സമൂഹത്തിന് പ്രതീക്ഷ നല്‍കുന്നു. (ചിന്തകളുടേയും പ്രവര്‍ത്തനങ്ങളുടേയും അന്തര ത്തേയും , അസഹിഷണതയേയും പരാമര്‍ശിക്കാതെ നല്ല ഒരു ചിന്തയ്ക്ക് പിന്തുണ നല്‍കുക എന്ന ഒരു ലക്ഷ്യം മാത്രമേ ഈ പോസ്റ്റിനുള്ളു.)കേരളം സ്വര്‍ണ്ണക്കടകളുടെ കേന്ദ്രമായി മാറിയിരിക്കുന്നു എന്നുള്ളത് ആര്‍ക്കാണ് അറിയാന്‍ പാടില്ലാത്തത്. ഉത്സവാന്തരീക്ഷത്തില്‍ താരങ്ങളെ അണിനിരത്തി വമ്പന്‍ പരസ്യകോലാഹല ങ്ങളോടെ തുടങ്ങുന്ന പുതിയ സ്വര്‍ണ്ണക്കടകള്‍ക്ക് നമ്മുടെ കേരളത്തില്‍ വി‌ല്പനയ്ക്ക് കുറവുണ്ടോ?? പുതിയ പരസ്യ തന്ത്രങ്ങളില്‍ ജനങ്ങളെ മയക്കി എങ്ങനെ വില്പന വര്‍ദ്ധിപ്പിക്കാം എന്ന് പ്രഫഷണല്‍ തലച്ചോറുകള്‍ ഗവേഷ്ണം നടത്തുന്ന സ്വര്‍ണ്ണ വില്പന കേന്ദ്രങ്ങളിലേക്ക് ജനങ്ങള്‍ ആകര്‍ഷിക്കപ്പെട്ടുകൊണ്ടിരിക്കുക തന്നെ ചെയ്യും. ഇത്തരം തലച്ചോറുകള്‍ കണ്ടുപിടിച്ച ഒന്നാണ് 'അക്ഷയതൃതീയ' ആഘോഷം.!!! (ഫ്ലാറ്റു വില്പനക്കാരുടെ തലച്ചോറുകള്‍ കഴിഞ്ഞ വര്‍ഷം ‘അഷ്ടപഞ്ചമി‘ കണ്ടുപിടിച്ചത് മറക്കുന്നില്ല.)

712.6 ടണ്‍‌ സ്വര്‍ണ്ണമാണ് 2008 ല്‍ ഇന്ത്യയിലേക്ക് ഇറക്കുമതി ചെയ്തത്. വിപണിയിലെ ഉയര്‍ന്ന വിലയെതുടര്‍ന്ന് 2009 ല്‍ ഇന്ത്യയിലേക്കുള്ള സ്വര്‍ണ്ണത്തിന്റെ ഇറക്കുമതി കുറഞ്ഞു. (ഇറക്കുമതി കുറഞ്ഞിട്ടും വില്പന കുറഞ്ഞില്ല എന്ന് സ്വര്‍ണ്ണക്കടകളിലെ തിരക്ക് കാണിക്കുന്നുണ്ട്.)

:: എന്തുകൊണ്ട് സ്വര്‍ണ്ണം ::

എന്തുകൊണ്ടാണ് സ്വര്‍ണ്ണം ആളുകള്‍ വാങ്ങിക്കൂട്ടുന്നു?? സ്വര്‍ണ്ണത്തെ ഒരു മികച്ച നിക്ഷേപമായി ജനങ്ങള്‍ കണ്ടുതുടങ്ങിയതുകൊണ്ടാണ് സ്വര്‍ണ്ണം ആളുകള്‍ വാങ്ങി കൂട്ടുന്നത്. ഓഹരികളുടെ ചാ‍ഞ്ചാട്ടം, സാമ്പത്തിക പ്രതിസന്ധികളെ തുടര്‍ന്ന് ‍ റിയല്‍ എസ്റ്റേറ്റ് ബിസ്‌നസിനുണ്ടായ തളര്‍ച്ച ഒക്കെയും നിക്ഷേപകരെ സ്വര്‍ണ്ണത്തിലേക്ക് ആകര്‍ഷിച്ചു. സ്വര്‍ണ്ണം നിക്ഷേപമാക്കി മാറ്റുമ്പോള്‍ വന്‍ നഷ്ടം വരുമെന്നുള്ള ഭയവും വേണ്ട. സ്വര്‍ണ്ണം വീണ്ടും പണമാക്കി മാറ്റാന്‍ അധികം താമസവും വേണ്ട. ഇത് നിക്ഷേപകരുടേയും സമൂഹത്തിലെ ഉയര്‍ന്ന സാമ്പത്തിക സ്ഥിതിയുള്ളവരുടെയും കാര്യം മാത്രമല്ല മധ്യവര്‍ഗ്ഗവും അതിനു താഴെയുള്ളവരും സ്വര്‍ണ്ണത്തെ ഒരു നിക്ഷേപമായോ എളുപ്പം പണമാക്കി മാറ്റാവുന്ന ഒരു ആസ്തിയായോ കണ്ടുതുടങ്ങിയിരിക്കുന്നു. പണത്തിന് ആവിശ്യം വരുമ്പോള്‍ സ്വര്‍ണ്ണം പണയം വച്ച് കാര്യങ്ങള്‍ നടത്തുകയും പിന്നീട് പണയം തിരിച്ചെടുക്കുകയും ചെയ്യാം എന്നതുകൊണ്ടാണ് സാധാരണക്കാരും സ്വര്‍ണ്ണത്തിലേക്ക് ആകൃഷ്ടരാകുന്നത്.

:: സ്വര്‍ണ്ണവും കേരള സമൂഹവും ::

കേരളത്തില്‍ എന്തുകൊണ്ട് ഇത്രയും സ്വര്‍ണ്ണക്കടകള്‍? ഇന്ന് സ്വര്‍ണ്ണം പോലും ‘ബ്രാന്‍ഡ്’ ചെയ്യപെട്ടുകഴിഞ്ഞു. (പരസ്യങ്ങളിലെ ‘ടാഗ് ‘ യുദ്ധം നിരീക്ഷിക്കുക). ചെറിയ ചെറിയ സ്വര്‍ണ്ണക്കടകള്‍ ഇന്ന് അപ്രത്യക്ഷമായി വന്‍‌കിട സ്വര്‍ണ്ണഹാളുകള്‍ നമ്മുടെ ഇടയില്‍ സ്ഥാനം നേടിയിരിക്കുന്നു. പണ്ട് സ്വര്‍ണ്ണക്കടകളുടെ മുന്നില്‍ ആളുകളെ ആകര്‍ഷിച്ചു കൊണ്ടിരുന്നിരുന്ന തട്ടാന്‍‌മാര്‍ ഇന്ന് എവിടെയാണ്? തട്ടാന്മാരുടെ സ്ഥാനം പരസ്യങ്ങളും കണ്ണാടിവാതില്‍ തുറന്നു തരാന്‍ നില്‍കുന്ന സുന്ദരന്മാരും സുന്ദരിമാരും കൈയ്യടക്കിയിരി ക്കുന്നു.

ഒരു പെണ്‍കുട്ടിയുടെ വിവാഹം ഇന്ന് രക്ഷകര്‍ത്താക്കള്‍ക്ക് പേടിസ്വപ്നമായി മാറുന്നു. സ്വര്‍ണ്ണ വിലയില്‍ ഉണ്ടാകുന്ന ഓരോ രൂപയുടേയും വര്‍ദ്ധന പെണ്‍കുട്ടികളുടെ രക്ഷകര്‍ത്താക്കളുടെ ഹൃദയമിടുപ്പിനെ കൂട്ടുന്നു. പെണ്‍കുട്ടിയുടെ വിവാഹത്തിന് സ്വര്‍ണ്ണം ഒരു ആവിശ്യമായി മാറിയിരിക്കുന്നു. തങ്ങള്‍ നല്‍കുന്ന സ്വര്‍ണ്ണത്തിന്റെ അളവ് പെണ്‍കുട്ടിയുടെ ജീവിതം സ്വര്‍ഗ്ഗതുല്യമാക്കുമെന്ന് എല്ലാമാതാപിതാക്കളും കരുതുന്നു. പെണ്‍‌കുട്ടിയെപ്പോലെ (സ്ത്രിയെപ്പോലെ) സ്വര്‍ണ്ണത്തേയും ഒരു ഉപഭാഗവസ്തുവായി നമ്മുടെ സമൂഹം കാണുന്നു. പെണ്‍കുട്ടിക്ക് നല്‍കുന്ന സ്വര്‍ണ്ണം സമൂഹത്തില്‍ തങ്ങളുടെ സ്ഥാനവും അന്തസും ഉയര്‍ത്തുമെന്ന് പെണ്‍കുട്ടിയുടെ മാതാപിതാക്കളും തന്നളുടെ പുത്രവധുവിന് ലഭിച്ച സ്വര്‍ണ്ണം സമൂഹത്തില്‍ തങ്ങളുടെ സ്ഥാനവും അന്തസും ഉയര്‍ത്തുമെന്ന് ആണ്‍കുട്ടികളുടെ മാതാപിതാക്കളും കരുതുന്നു. ഈ അന്തസും സ്ഥാനവും നേടാനും നിലനിര്‍ത്താനും രണ്ടുകൂട്ടരും ശ്രമിക്കുമ്പോള്‍ സ്വര്‍ണ്ണക്കടകളിലെ വില്പന കുതിച്ചുയരും. ഈ ശ്രമത്തില്‍ പെണ്‍കുട്ടിയുടെ മാതാപിതാക്കള്‍ പരാജയപ്പെടുന്നതിന്റെ ഫലമായിട്ടാണ് പത്രത്താളുകളില്‍ ആത്മഹത്യകളും സ്ത്രിധനപീഡന മരണങ്ങളും നിറയുന്നത്.

:: സ്വര്‍ണ്ണവും സര്‍ക്കാരും ::

കേരളത്തിലെ സ്വര്‍ണ്ണഭ്രമം സമര്‍ദ്ധമായി ഉപയോഗിക്കുന്നത് സ്വര്‍ണ്ണക്കടക്കാര്‍ മാത്രമാണന്ന് കരുതിയെങ്കില്‍ തെറ്റി. നമ്മുടെ സര്‍ക്കാരും മലയാളികളുടെ (ആളുകളുടെ) സ്വര്‍ണ്ണ ഭ്രമത്തെ ചൂഷ്ണം ചെയ്യുന്നുണ്ട്. ഉദാഹരണത്തിന് നമ്മുടെ സര്‍ക്കാരിന്റെ ലോട്ടറി ഘടനയുടെ പരിഷ്‌കരണം ശ്രദ്ധിക്കുക. തിങ്കളാഴ്ച നറുക്കെടുപ്പ് നടത്തുന്ന MEGA - WIN Weekly Lottery യുടെ ഒന്നാം സമ്മാനം 30,00,000 രൂപ +100 പവന്‍ ആ‍ണ്. ബുധനാഴ്ച നറക്കെടുപ്പ് നടത്തുന്ന WIN-WIN Weekly Lottery യുടെ ഒന്നാം സമ്മാനംരു. 40,00,000 + 50 പവന്‍. സ്വര്‍ണ്ണം മാത്രം സമ്മാനമായി നല്‍കുന്ന KANAKADHARA BI-WEEKLY LOTTERY യുടെ നറുക്കെടുപ്പ് എല്ലാമാസവും 10 ആം തീയതിയും 25 ആം തീയതിയും ആണ് . ഈ ലോട്ടറീയുടെ ഒന്നാം സമ്മാനം 201 പവന്‍ ആണ്. ബമ്പറുകളിലും സ്വര്‍ണ്ണ സമ്മാനം ഉള്‍പ്പെടുത്തി സമ്മാനഘടനയില്‍ മാറ്റങ്ങള്‍ വരുത്തിയിട്ടുണ്ട്.

ഈ വര്‍ഷം മുതല്‍ ഗ്രാന്‍ഡ് കേരള ഷോപ്പിംങ്ങ് ഫെസ്റ്റ്‌വെലിന് നല്‍കുന്ന സമ്മാനങ്ങള്‍ എല്ലാം തന്നെ സ്വര്‍ണ്ണമാണ്.(സമ്മാനഘടന ഇവിടെ). കഴിഞ്ഞ ഷോപ്പിംങ്ങ് മാമാങ്കത്തില്‍ സമ്മാനമായി കാറുകളും ഫ്ലാറ്റുകളും ഉണ്ടായിരുന്നു. പഴയതുപോലെ ഫ്ലാറ്റും കാറും കൊടുത്താല്‍ ജനങ്ങള്‍ വീഴില്ലന്ന് തോന്നിയതു കൊണ്ടായിരിക്കണം മലയാളിയുടെ വീക്‌നസില്‍ തന്നെ പിടിച്ച് സമ്മാനങ്ങള്‍ എല്ലാം സ്വര്‍ണ്ണമാക്കിയത്. ഗ്രാന്‍ഡ് കേരള ഷോപ്പിംങ്ങ് ഫെസ്റ്റ്‌വെലിന്റെ പരസ്യങ്ങളില്‍ ഹൈലൈറ്റ് ചെയ്തിരിക്കുന്നത് 40കിലോ സ്വര്‍ണ്ണമാണ്. (ഗ്രാന്‍ഡ് കേരള ഷോപ്പിംങ്ങ് ഫെസ്റ്റ്‌വെലിന്റെ സൈറ്റ് ഹോംപേജ് ) . [ഗ്രാന്‍ഡ് കേരള ഷോപ്പിംങ്ങ് ഫെസ്റ്റ്‌വെലിന്റെ പഴയ രണ്ട് പരസ്യങ്ങള്‍ ഇവിടെയും ഇവിടയും കാണാം].

:: സ്വര്‍ണ്ണക്കടകളും മാധ്യമങ്ങളും ::

ഏതൊരു മാധ്യമത്തിന്റെയും പ്രഥമ കര്‍‌ത്തവ്യം എന്നത് ജനപക്ഷത്തുനിന്ന് വാര്‍ത്തകള്‍ നല്‍കുക അല്ലങ്കില്‍ അവതരിപ്പിക്കുക എന്നുള്ളതാണ്. വാര്‍ത്ത നല്‍കുമ്പോള്‍ മാധ്യമ ങ്ങള്‍ക്ക് തങ്ങളുടെ മാനേജ്‌മെന്റിനോടും അവര്‍ പ്രതിനിധീകരിക്കുന്ന രാഷ്ട്രീയത്തോടും സമുദായത്തോടുമുള്ള കൂറ് ഉറപ്പിക്കുകയും വേണം. വാര്‍ത്തമാത്രം നല്‍കി ഒരു മാധ്യമത്തിനും നില്‍‌നില്‍ക്കാന്‍ കഴിയാത്തതുകൊണ്ട് മാധ്യമങ്ങള്‍ക്ക് പരസ്യങ്ങള്‍ ആവിശ്യമാണ്. വിപണിയില്‍ നിലനില്‍ക്കാന്‍ വേണ്ടിയും ലാഭത്തിനുവേണ്ടിയും മാധ്യമങ്ങള്‍ക്ക് പരസ്യങ്ങള്‍ സ്വീകരിക്കുകയെ വഴിയുള്ളു. ഈ വഴിയിലൂടെയാണ് മറ്റ് പരസ്യങ്ങളോടൊപ്പം സ്വര്‍ണ്ണ പരസ്യങ്ങളും നമ്മുടെ മുന്നില്‍ എത്തുന്നത്. പരസ്യങ്ങള്‍ ശ്രദ്ധിച്ചാല്‍ സ്വര്‍ണ്ണപരസ്യങ്ങളുടെ ‘തീം‘ ഒന്നുതന്നെയാണന്ന് മനസിലാക്കം. ഒരു പെണ്ണ് സുന്ദരിയാകണമെങ്കില്‍ അവള്‍ സ്വര്‍ണ്ണം അണിയണമെന്നും വിവാഹത്തിന് ശരീരം നിറച്ച് സ്വര്‍ണ്ണമണിഞ്ഞ് അവളെ വിവാഹപന്തലില്‍ കയറ്റണമെന്നുമാണ് എല്ലാ സ്വര്‍ണ്ണ പരസ്യങ്ങളും പറയുന്നത്.

:: സ്വര്‍ണ്ണ പരസ്യങ്ങള്‍ ::

ടെലിവിഷന്‍ ചാനലുകള്‍ക്ക് ഇന്ന് കൂടുതല്‍ വരുമാനം ലഭിക്കുന്നത് ഫ്ലാറ്റ് നിര്‍മ്മാതാക്കളില്‍ നിന്നും സ്വര്‍ണ്ണക്കട പരസ്യങ്ങളില്‍ നിന്നുമാണ്. പരസ്യമോഡലുകള്‍ക്ക് കുറച്ചു വസ്ത്രങ്ങളും കൂടുതല്‍ സ്വര്‍ണ്ണാഭരങ്ങളും ധരിപ്പിച്ച് ഡാന്‍സ് ചെയ്യിപ്പിക്കുമ്പോള്‍ അവള്‍ ഓരോ സ്വര്‍ണ്ണാഭരണവും ക്യാമറ ഒപ്പിയെടുത്ത് കാഴ്ചക്കാരന്റെ മുന്നിലേക്ക് എത്തിക്കുന്നു. 916 ന്റെയും പ്രൈസ് ടാഗുകളുടേയും സെയില്‍‌സ്‌മാന്മാരുടേയും പേരില്‍ സ്വര്‍ണ്ണക്കടകളില്‍ കൊമ്പുകോര്‍ത്ത് പരസ്യങ്ങള്‍ തയ്യാറാക്കുമ്പോള്‍ ലാഭം ടെലിവിഷന്‍ ചാനലുകള്‍ക്ക് തന്നെയാണ്. ( രാത്രിയില്‍ കാമുകനോടൊപ്പം ഒളിച്ചോടിപ്പോകാന്‍ ഇറങ്ങിയ മകള്‍ തിരിച്ചു വരുന്നതിലും ഒരു സ്വര്‍ണ്ണപ്പരസ്യം ഒളിഞ്ഞിരിപ്പുണ്ട് എന്ന് മനസിലാക്കിയ കോപ്പി റൈറ്റര്‍ക്കും പരസ്യഏജന്‍സിക്കും ഒരഭിനന്ദനം കൊടുക്കാതിരിക്കുന്നത് ശരിയല്ലല്ലോ?).

:: സ്വര്‍ണ്ണ പരസ്യങ്ങളും താരങ്ങളും ::
“കേരളം കൊണ്ടുനടക്കുന്ന വലിയ താരങ്ങളില്‍ സംസ്‌കാരത്തിന്റെയും ജീവിതമൂല്യങ്ങളുടെയും അമ്പാസിഡര്‍മാരാകേണ്ടതിനു പകരം സ്വര്‍ണ്ണക്കടകളുടെ അമ്പാസിഡര്‍മാരാകുന്ന കാഴ്ച അങ്ങേയറ്റം ദയനീയമാണ്. “ ഈ സത്യം വിളിച്ചു പറയാന്‍ DYFI യുണ്ടായി എന്നത് നല്ല കാര്യം.(നമ്മളാരും ഇതൊന്നും വിളിച്ചു പറയാന്‍ നില്‍‌ക്കേണ്ട. കുറച്ചുനാളുകള്‍ക്ക് മുമ്പ് മമ്മൂട്ടി ഭൂമി കൈയ്യേറി എന്ന് വിളിച്ചു പറഞ്ഞ കേരളഹൌസ് ജീവനക്കാരന് കിട്ടിയത് ഓര്‍ത്തതുകൊണ്ടാണ് ഈ പറഞ്ഞത്) . സൂപ്പര്‍താരങ്ങളായ മമ്മൂട്ടിയും മോഹന്‍‌ലാലും , മുകേഷ് , അന്തരിച്ച മുരളി തുടങ്ങിയവര്‍ സ്വര്‍ണ്ണപരസ്യങ്ങളില്‍ ഉണ്ട്. DYFI യുടെകൂടെ ചാനല്‍ എന്ന് വിളിക്കാവുന്ന കൈരളിയുടെ ചെയര്‍മാനായ മമ്മൂട്ടി കല്യാണ്‍ ജൂവലറിയുടെ പരസ്യത്തിലാണ്.

വൈകിട്ടത്തെ പരിപാടിക്ക് ആളെ ക്ഷണിച്ച മോഹന്‍ലാല്‍ മലബാര്‍ഗോള്‍ഡിന്റെ അമ്പാസിഡറായി എല്ലാ പരസ്യത്തിലും സജീവമായിട്ടുണ്ട്.

ഈ രണ്ട് താരങ്ങളെ ആയിരിക്കുമോ DYFI ഉദ്ദേശിച്ചത്.?? നടിമാരില്‍ ഒട്ടുമിക്കവരും സ്വര്‍ണ്ണ പരസ്യങ്ങളില്‍ ഉണ്ട്.

:: ഭരത് മുരളിയെ വേട്ടയാടിയ പരസ്യം ::
സ്വര്‍ണ്ണപരസ്യത്തില്‍ അഭിനയിച്ചു എന്നതിന് ക്രൂരമായി വിമര്‍ശനത്തിന് ഇരയായ ആളാണ് മുരളി. മുരളിയെപ്പോലെ ഇടതുപക്ഷ സഹയാത്രികനായ ഒരാള്‍ ഇത്തരം പരസ്യത്തില്‍ അഭിനയിച്ചതിനെ പാര്‍ട്ടി അനുഭാവികളില്‍ നിന്നും അല്ലാതയും അദ്ദേഹത്തിന് വിമര്‍ശനങ്ങള്‍ ഏല്‍‌ക്കേണ്ടിവന്നു. (മമ്മൂട്ടിയുടെ കാര്യത്തില്‍ ഇങ്ങനെയുള്ള വിമര്‍ശനങ്ങള്‍ ഉയര്‍ന്നില്ല). താന്‍ എന്തുകൊണ്ടാണ് ആ പരസ്യത്തില്‍ അഭിനയച്ചതെന്ന് അദ്ദേഹം പറഞ്ഞതോടെ വിമര്‍ശനങ്ങളുടെ തീവ്രത കുറഞ്ഞു.

തമിള്‍ ഇവിടെ കാണാം

:: വീണ്ടും DYFI യിലേക്ക് ::
“ കേരളം കൊണ്ടുനടക്കുന്ന വലിയ താരങ്ങളില്‍ സംസ്‌കാരത്തിന്റെയും ജീവിതമൂല്യങ്ങളുടെയും അമ്പാസിഡര്‍മാരാകേണ്ടതിനു പകരം സ്വര്‍ണ്ണക്കടകളുടെ അമ്പാസിഡര്‍മാരാകുന്ന കാഴ്ച അങ്ങേയറ്റം ദയനീയമാണ്. ഈ കെണിയില്‍ നിന്ന് കേരളീയസമൂഹത്തിന് പുറത്തുകടന്നേ പറ്റൂ. അതിന് നിരന്തരമായ പ്രചരണവും ബോധവല്‍ക്കരണവും അത്യാവശ്യമാണ്. സ്വയം മാതൃക കാണിച്ച് അത്തരം പ്രചരണപ്രവര്‍ത്തനങ്ങള്‍ക്ക് നേതൃത്വം കൊടുക്കാനും, സ്വര്‍ണ്ണവ്യാമോഹത്തിന്റെ മായികലോകത്തു നിന്ന് പുറത്തുകടക്കാന്‍ നമ്മുടെ സമൂഹത്തെ പ്രാപ്തമാക്കാനും മുന്നിട്ടിറങ്ങണമെന്ന് കേരളീയ യുവത്വത്തോടെ ഡിവൈഎഫ്‌ഐ പതിനൊന്നാം സംസ്ഥാനസമ്മേളനം ആഹ്വാനം ചെയ്യുന്നു. “

ആശയപരമായും പ്രവര്‍ത്തനപരമായും DYFI യോട് വിയോജനം ഉണ്ടങ്കിലും DYFI യുടെ ഈ ആഹ്വാനത്തിന് പിന്തുണ നല്‍കേണ്ടത് ഇന്നത്തെ കേരളസമൂഹത്തിന് ആവിശ്യമാണ്. യോജിച്ച് പ്രവര്‍ത്തിക്കാവുന്ന എല്ലാ മേഖലകളിലും എല്ലാ യുവജനസംഘടനകളും യോജിച്ച് പ്രവര്‍ത്തിക്കേണ്ടതുതന്നെയാണ്.

ഉണ്ണിത്താന്റെ മുണ്ട് കോണ്‍ഗ്രസ് തലയില്‍ ...

വാളെടുത്തവന്‍ വാളാലേ എന്നൊക്കെ പറയുന്നതുപോലെയായി രാജ്‌മോഹന്‍ ഉണ്ണിത്താ ന്റെ കാര്യം. പണ്ട് കൃത്യമായിട്ട് പറഞ്ഞാല്‍ 2004 ജൂണ്‍ 2 ന് ഒരു ‘മുണ്ട് പറിയല്‍’ സംഭവത്തോടെയാണ് രാജ്‌മോഹന്‍ ഉണ്ണിത്താനെ നാലാളുകള്‍ അറിഞ്ഞുതുടങ്ങിയത്. അന്ന് തൊട്ട് ഇന്നലെവരെ പുള്ളിക്കാരന്‍ കോണ്‍‌ഗ്രസില്‍ ഒരു സംഭവം തന്നെയായിരുന്നു. കൊല്ലത്തുനിന്ന് തലശേരിയില്‍ പോയി കൊടിയേരുമായി കഴിഞ്ഞ നിയമസഭാ ഇലക്ഷ നില്‍ അങ്കം വെട്ടിയ ചേവകനാണ്. കൊല്ലത്ത് നിന്ന് ഒരിക്കല്‍ ചെന്ന് അങ്കം വെട്ടിയത് അവിടുള്ളവര്‍ ക്ഷമിച്ചു. പക്ഷേ ഇടയ്ക്കിടെ ചെന്ന് അങ്കം വെട്ടിയാലോ? അവസാനം സംഭവിക്കേണ്ടത് സംഭവിച്ചു...

കോണ്‍ഗ്രസിന്റെ ഗ്രൂപ്പ് പോരാട്ടത്തിന്റെ രക്തസാക്ഷി പരിവേഷം ലഭിച്ചവരായിരുന്നു ഉണ്ണിത്താനും ശരതും. ഉമ്മന്‍‌ചാണ്ടിയും കരുണാകരനും മുഖത്തോടുമുഖം നോക്കി പോരാട്ടം നടത്തുമ്പോഴാണ് കരുണാകരന്റെ വിശ്വസ്തനായ ഉണ്ണിത്താന്‍ മറുകണ്ടം ചാടിയത്. ഉണ്ണിത്താനും ശരത് ചന്ദ്രപ്രസാദും കെ.പി.സി.സി. യോഗത്തില്‍ പങ്കെടുക്കാന്‍(?) വന്ന പ്പോള്‍ മുരളിയുടെ ആളുകള്‍(?) ഉണ്ണിത്താനെയും ശരതിനെയും അടിച്ചോടിച്ച് മുണ്ട് പറിച്ചെ ടുക്കാന്‍ ശ്രമിച്ചത് കോണ്‍ഗ്രസില്‍ മറ്റൊരു യുദ്ധത്തിനാണ് വഴിതെളിച്ചത്. ഈ മുണ്ട് പറിക്കല്‍ സംഭവമാണ് കോണ്‍‌ഗ്രസിലെ വര്‍ത്തമാനകാലത്തിലെ പിണങ്ങി പ്പോകലിനു നാന്ദികുറിക്കല്‍. അന്നുതൊട്ട് തുടങ്ങിയ വാക്‍പോര് അവസാനം കരുണാകരന്‍ കോണ്‍‌ഗ്ര സ് വിട്ടതോടുകൂടിയാണ് അവസാനിച്ചത്.

അന്ന് “എന്റെ മുണ്ട് പറിച്ചേ പറിച്ചേ“ എന്ന് വിലപിച്ച ഉണ്ണിത്താന് ഇന്നലെ മുണ്ട് കുത്താന്‍ പോലും അശക്തനായിരുന്നു എന്നാണ് ചിലര്‍ എഴുതിപിടിപ്പിച്ചത്. അര്‍ദ്ധരാത്രിയില്‍ സൂര്യന്‍ ഉദിച്ചാല്‍ ഇവിടെയുള്ള പലരുടേയും മറ്റൊരുമുഖം കാണാം എന്ന് ഉണ്ണിത്താന്‍ പറഞ്ഞത് ഏതായാലും ഗുളികന്‍ ആയി. അര്‍ദ്ധരാത്രിയില്‍ സൂര്യന്‍ ഉദിക്കാതെ തന്നെ ജനങ്ങള്‍ ടോര്‍ച്ച് അടിച്ചപ്പോള്‍ തന്നെ ചിലരുടെ മുഖങ്ങള്‍ കണ്ടു എങ്കില്‍ സൂര്യന്‍ ഉദിച്ചാല്‍ എന്തായിരിക്കും അവസ്ഥ??? പിണറായി വിജയന്‍ എതാണ്ടൊക്കെ കണ്ടിട്ടാണ് പി.ഡി.പി.യെ സംരക്ഷിക്കുന്നതെന്ന് പറഞ്ഞ ‘അന്വേഷി‘ ആയിരുന്നു രാജ്‌മോഹന്‍ ഉണ്ണിത്താന്‍.

2004 ല്‍ ആരക്കയോ പറിച്ചെറിഞ്ഞ ഉണ്ണിത്താന്റെ മുണ്ട് കോണ്‍‌ഗ്രസിലെ വെടിനിര്‍ത്തല്‍ കാലത്ത് എല്ലാവരും കൂടി തിരിച്ചു നല്‍കി. പിന്നെ കോണ്‍‌ഗ്രസിന്റെ ‘നാക്ക്’ തന്നെ ആയിരു ന്നു ഉണ്ണിത്താന്‍. ഉണ്ണിത്താന്‍ എവിടെത്തിരിഞ്ഞാലും അവിടെല്ലാം ചാനല്‍‌ക്യാമറകള്‍, ചാനല്‍ ചര്‍ച്ചകളിലെ സ്ഥിരം ക്ഷണിതാവായി, പിന്നെ കിട്ടുന്ന കുറച്ച് സമയം കൊണ്ട് രണ്ട് മൂന്ന് സിനിമകളിലും അഭിനയിച്ചു. തങ്ങളുടെ ചര്‍ച്ചകളില്‍ പങ്കെടുത്ത ഒരാളാണ് എന്നുള്ള പരിഗണനപോലും ഇന്നലെ രാത്രിമുതല്‍ രാജ്‌മോഹന് ഒരു ചാനലുകാരനും കൊടുത്തില്ല. (അറിയാവുന്ന പോലീസുകാരന്‍ ഒരടി കൂടുതല്‍ കൊടുക്കുമന്ന് പറയുന്നത് ശരിയാണല്ലേ?). ഏതായാലും കോണ്‍‌ഗ്രസുകാര്‍ കൊടുത്ത മുണ്ട് ഇപ്പോള്‍ കോണ്‍‌ഗ്രസിന്റെ തലയില്‍ ആയിപ്പോയി. ഉണ്ണിത്താന്റെ നാക്ക് പലരും ഉപയോഗിച്ചിട്ടുണ്ട്. കഴിഞ്ഞ ലോക്‍സഭാ ഇലക്ഷനില്‍ തിരുവന്തപുരത്ത് ശശിതരൂര്‍ സ്ഥാനാര്‍ത്ഥിയായത് കേരളത്തിലുള്ളവര്‍ അറിയാതെ ആണന്നും ചില എം.എല്‍.എ മാര്‍ ഹൈക്കമാന്‍‌ഡിനെ ഹൈജാക്ക് ചെയ്ത് സ്ഥാനാര്‍ത്ഥിയായന്നും (ലക്ഷ്യം വേണുഗോപാല്‍ തന്നെ) രാജ്‌മോഹന്‍ സ്വന്തമായിട്ട് പറയില്ലന്നുറപ്പ്. അണിയറയില്‍ ഇരുന്ന് കോപ്പ് കൂട്ടിയവര്‍ക്ക് തങ്ങളുടെ തല്‍‌ക്കാലത്തേക്ക് ആയുധം നഷ്ട്‌പെട്ടു.

:: കേരള രാഷ്ട്രീയവും പെണ്‍ആരോപണങ്ങളും ::

1. കേരളത്തില്‍ കോളിളക്കം സൃഷ്ടിച്ച ആദ്യ ‘പെണ്‍‌ആരോപണം‘ ആര്‍.ശങ്കറിന്റെ മന്ത്രിസഭയിലെ അംഗം ആയിരുന്നു പി.ടി.ചാക്കോയ്ക്ക് എതിരെ ആയിരുന്നു. വിമര്‍ശന ങ്ങളുടേയും ആരോപണങ്ങളുടേയും അവസാനം പി.ടി.ചാക്കോ മന്ത്രിസഭയില്‍ നിന്നുതന്നെ രാജിവയ്ക്കുകയും കോണ്‍ഗ്രസിനോട് വിടപറയുകയും ചെയ്തു.

2. സൂര്യനെല്ലി പെണ്‍‌വാണിഭത്തില്‍ പി.ജെ.കുര്യന്‍ തന്നെ പീഡിപ്പിച്ചു എന്നുള്ള പെണ്‍കുട്ടി യുടെ മൊഴി രാഷ്ട്രീയകൊടുങ്കാറ്റിന് വഴിവച്ചില്ലങ്കിലും പി.ജെ.കുര്യന്റെ രാഷ്ട്രീയഭാവിയെ അത് ബാധിച്ചു. പിന്നീട് നടന്ന ലോക്‍സഭാഇലക്ഷനില്‍ പരാജപ്പെട്ട പി.ജെ.കുര്യന്‍ പിന്നീട് രാജ്യസഭയിലേക്ക് എം.പി.യായി. ‘ഇര‘യുടെ മൊഴി പ്രതികൂലമായിട്ടും തെളിവുകളുടെ അഭാവത്തില്‍ പി.ജെ.കുര്യന്‍ കുറ്റവിമുക്തനായി. പക്ഷെ ജനങ്ങളുടെ കോടതിയില്‍ അദ്ദേഹത്തിനു വിജയിക്കാന്‍ കഴിഞ്ഞില്ല. ജനങ്ങള്‍ തിരസ്ക്കരിച്ച ഒരാളെ പിന്നെ എന്തിന് ? എം.പിയാക്കി എന്നതിന് കോണ്‍ഗ്രസ് നെതൃത്വം ആണ് ഉത്തരം നല്‍കേണ്ടത് .

3. ഐ‌സ്ക്രീം പാര്‍ലര്‍ കേസില്‍ പി.കെ.കുഞ്ഞാലിക്കുട്ടി ആരോപണ വിധേയനാവുകയും കേരളരാഷ്ട്രീയത്തിലിതിനെക്കാള്‍ മുസ്ലീം‌ലീഗില്‍ തന്നെ പൊട്ടിത്തെറികള്‍ ഉണ്ടാവുകയും ചെയ്ത്. മുനീറിന്റെ നേതൃത്വത്തില്‍ ഉള്ള ഇന്ത്യാവിഷന്‍ തുറന്നുവിട്ട ‘റെജീനയുടെ അഭിമുഖം’ കേരളസമൂഹത്തില്‍ ചര്‍ച്ചയ്ക്ക് വിധേയമാവുകയും ഇപ്പൊഴും ആ അഭിമുഖത്തിന്റെ ന്യായ‌അന്യായങ്ങളില്‍ ചര്‍ച്ചതുടരുകയും ചെയ്യുന്നു. ഈ കേസില്‍ കോടതി കുഞ്ഞാലിക്കു ട്ടിയെ കുറ്റവിമുക്തനാക്കി.

4. 1996-2001 വര്‍ഷത്തിലെ ഇടതുപക്ഷ സര്‍ക്കാരില്‍ ഗതാഗതവകുപ്പ് മന്ത്രിയായിരുന്ന നീലലോഹിതദാസനാടാര്‍ക്ക് എതിരെ വകുപ്പ് സെക്രട്ടറിയായിരുന്ന നളിനിനെറ്റോ ഫയല്ല് ചെയ്ത പിഡനക്കേസില്‍ നാടാരെ കീഴ്‌ക്കോടതി ശിക്ഷിച്ചു എങ്കിലും മേല്‍ക്കോടതി വെറു തെവിട്ടു. (മേല്‍ക്കോടതിയില്‍ നീലലോഹിതദാസനാടാര്‍ സമര്‍പ്പിച്ച വ്യാജരേഖയുടെ അടിസ്ഥാനത്തിലായിരുന്നു നീലലോഹിതദാസനാടാര്‍ ശിക്ഷയില്‍ നിന്ന് രക്ഷപെട്ടത്.) . പാര്‍ട്ടിയില്‍ നിന്ന് പുറത്തുപോകേണ്ടിവന്ന നീലലോഹിതദാസനാടാര്‍ ഇപ്പോള്‍ ബി.എസ്.പി.യുടെ ഭാഗമാണ്. (സ്ത്രികളുടെ സംരക്ഷക എന്ന് നടിക്കുന്ന മായാവതിയുടെ പാര്‍ട്ടിയില്‍ നാടാര്‍ക്ക് സ്ഥാനം കിട്ടിയത് മറ്റൊരു വിരോധാഭാസം)

5. കോണ്‍‌ഗ്രസ്(ജെ) നേതാവും മന്ത്രിയും ആയിരുന്ന പി.ജെ ജോസഫിനെതിരെ കിംങ്ങ്‌ഫിഷര്‍ വിമനത്തിലെ സഹയാത്രികയായ ലക്ഷ്‌മി ഗോപകുമാര്‍ പീഡന ആരോപണം ഉന്നയിച്ചതിനെതുടര്‍ന്ന് 2006 ല്‍ പി.ജെ ജോസഫിന് രാജിവയ്ക്കേണ്ടിവന്നു. കോടതി കുറ്റവിമുകതനാക്കിയതിനെത്തുടര്‍ന്ന് 2009 ഓഗസ്റ്റില്‍ അദ്ദേഹം തിരിച്ച് മന്ത്രിയാവുകയും ചെയ്തു. (വി.സുരേന്ദ്രന്‍ പിള്ള പാര്‍ട്ടിയില്‍ ഉയര്‍ത്തിയ കലാപക്കൊടി പി.ജെ ജോസഫ് തിരിച്ചു വന്നതോടെ അവസാനിക്കുകയും ചെയ്തു. വി.സുരേന്ദ്രന്‍ പിള്ള ജയിച്ച തിരുവനന്തപുരം വെസ്റ്റില്‍ മുണ്ട്പറിയലില്‍ ‘ഇര’യായ ശരത്‌ചന്ദ്രപ്രസാദ് കോണ്‍‌ഗ്രസ് റിബലായി മത്സരിച്ചിരുന്നു.)

6. ഇപ്പോള്‍ ഈ ലിസ്റ്റില്‍ അവസാനമായി രാജ്‌മോഹന്‍ ഉണ്ണിത്താനും.
: കേട്ട്‌കേള്‍വി :

7. ഇതും കോണ്‍‌ഗ്രസ് പാര്‍ട്ടിയില്‍ നിന്ന് തന്നെ. ഒരു നേതാവ് തന്റെ അടുത്ത അനുയായി ആയിരുന്ന ഒരാളുമായി തെറ്റുകയും അയാളെ രാഷ്ട്രീയമായി ഇല്ലാതാക്കാന്‍ ശ്രമിക്കുകയും ചെയ്യുന്ന സമയത്ത് നേതാവിന്റെ കണ്ണിലെ കരടായവന്‍ ഒരു സിനിമാനടിയുമായി ഹോട്ടലില്‍ മുറിയെടുത്തിട്ടുണ്ടന്ന് ആരോ നേതാവിനെ വിളിച്ചറിയിക്കുന്നു. നേതാവ് ഉടനെ പോലീസിനെ വിളിച്ചു പറയുന്നു. സര്‍വ്വസന്നാഹങ്ങളുമായി പൊലീസ് സ്ഥലത്ത് എത്തി നോക്കുമ്പോള്‍ ഹോട്ടല്‍ മുറിയില്‍ സിനിമാനടിയും നേതാവിന്റെ അടുത്ത ആളും. അന്ന് ചാനലുകള്‍ ഒന്നും ഇല്ലാതിരുന്നതുകൊണ്ട് ഇപ്പോഴും ഇവര്‍ രാഷ്ട്രിയത്തില്‍ ‘തിളങ്ങി’ നില്‍ക്കുന്നു.

:: ഭാവി ::

ജാമ്യം ലഭിക്കാനായി രാജ്‌മോഹന്റെ അഭിഭാഷകന്‍ വാദിച്ചത് പോലീസ് നടത്തിയ വൈദ്യപരിശോധനറിപ്പോര്‍ട്ടാണ്. ‘നെഗറ്റീവ്’ ആയ റിപ്പോര്‍ട്ട് അനുസരിച്ച് അവിടെ ഇന്നലെ ഒന്നും സംഭവിച്ചിട്ടില്ല. ഒരു വീട്ടില്‍ നിന്ന് ഒരു സ്ത്രിയേയും പുരുഷനേയും പിടിച്ചു എന്നുമാത്രം. തനിക്ക് പേടിക്കാനൊന്നും ഇല്ലന്ന് ഉണ്ണിത്താന്‍ പറയുമ്പോള്‍ പിന്നെ എന്തിന് ഇന്നലെ വാഹനഠില്‍ കയറി രക്ഷപെടാന്‍ ശ്രമിച്ചു എന്നത് ഒരു ചോദ്യം??പെണ്‍‌വാണിഭ ക്കേസില്‍ പെട്ട ആളെ ജനങ്ങളുടെ വിധിയെഴുത്തിനുമുകളിലൂടെ എം.പിയാക്കിയ പാരമ്പര്യമുള്ള കോണ്‍‌ഗ്രസില്‍ രാജ്‌മോഹന്‍ ഉണ്ണിത്താനും ഒന്നും സംഭവിക്കാന്‍ പോകുന്നില്ല.

:: നമ്മുടെ നിയമം ::

കാടിളക്കി പിടിക്കുന്നവര്‍ ഒരു കുഴപ്പവും ഇല്ലാതെ ഇറങ്ങിപ്പൊകുന്നത കണ്ടിട്ടായിരിക്കും ‘ഇതൊക്കെ അങ്ങ് നിയമവിധേയമാക്കിക്കൂടേ‘ എന്ന് കോടതി ചോദിച്ചത് ??. (പ്രായപൂര്‍ത്തിയാകാത്തവരുമായുള്ള ലൊഗിംകബന്ധം മാത്രമേ നമുടെ നിയമങ്ങളില്‍ കുറ്റകരമായിട്ടുള്ളത് എന്നതുകൂടി ഓര്‍ക്കുക.)

:: നാറ്റക്കഥകള്‍ ::

കഥകളും നാറ്റക്കഥകളും ആയി നമ്മുടെ കേരളരാഷ്ട്രീയത്തി കുറച്ച് ദിവസങ്ങളിലേക്ക് ഒരു പെരുന്നാള്‍ ആയിരിക്കും. ഉണ്ണിത്താനെതിരെ നടപടിയെടുക്കണമെന്ന് ഷാനിമോള്‍ ഉസ്‌മാനും , ഷാനിയുടെ ചരിത്രവും ഭൂമിശാസ്ത്രവും പറയാന്‍ താന്‍ ആഗ്രഹിക്കുന്നില്ലന്ന് ഉണ്ണിത്താനും പറഞ്ഞ് സാമ്പിളി വെടിക്കെട്ടുകള്‍ നടത്തികഴിഞ്ഞു. പുതിയ പുതിയ കഥകള്‍ കേള്‍ക്കാനായി നമുക്കും കാത്തിരിക്കാം. (കുറച്ച് പഞ്ഞികൂടി കരുതുന്നത് നന്നായിരിക്കും. നാറ്റം കൂടിയാല്‍ മൂക്കിലോ കാതിലോ വയ്ക്കാമല്ലോ??)

:: ഗൂഗിള്‍ ട്രന്‍‌ഡ് ::

മാസങ്ങള്‍ക്ക് ശേഷം ഗൂഗിള്‍ ട്രെന്‍‌ഡില്‍ ആദ്യ പത്തില്‍ നമ്മുടെ ഒരു രാഷ്ട്രീയ നേതാവ് കയറിപറ്റി. ലാവ്‌ലില്‍ കേസ് ഉയര്‍ന്നപ്പോള്‍ പിണറായി വിജയന്‍ ആദ്യപത്തില്‍ എത്തിയതിനുശേഷം രാജ്‌മോഹന്‍ ഉണ്ണിത്താനാണ് ഈ ‘ബഹുമതി‘ കിട്ടിയിരിക്കുന്നത്.

ഇതുപോലെ തലയില്‍ കൈവച്ച് നമ്മളും ഇരുന്ന് പോകും. എന്റെ കോണ്‍‌ഗ്രസേ വിതച്ചതേ കൊയ്യൂ .. കൊയ്‌തതേ പാറ്റൂ.. പാറ്റുന്നതേ വേവൂ...

:: പാഴ്‌വെടി ::

സ്ത്രികള്‍ക്ക് നേരെയുള്ള കടന്നാക്രമണമാണ് രാജ്‌മോഹന്‍ നടത്തിയിരിക്കുന്നത്. ഇത് വച്ച്പൊറിപ്പിക്കാന്‍ സാധ്യമല്ല. കോണ്‍‌ഗ്രസ് പാര്‍ട്ടിക്ക് തന്നെ ഇത് കളങ്കം വരുത്തിയിരി ക്കുന്നു. :: ഷാനിമോള്‍ (മഹിളാകോണ്‍‌ഗ്രസ് സംസ്ഥാന പ്രസിഡണ്ട് )

ഹോ പിന്നെ... കളങ്കം ഇല്ലാത്ത ഒരു പാര്‍ട്ടി. വലിയ രാജകുമാരനും ഗേള്‍‌ഫ്രണ്ടും കുമരകത്ത് ഹൌസ്‌ബോട്ടില്‍ കറങ്ങിനടന്നപ്പോല്‍ ഇല്ലാത്ത ‘സ്ത്രികള്‍ക്ക് നേരെ യുള്ള കടന്നാക്രമണം’ ഇന്നലെ ഉണ്ടായോ?? രാജകുമാരന്‍ കതിനപൊട്ടിക്കുമ്പോള്‍ ഭടന്‍ ഒരു ഓലപ്പടക്കം എങ്കിലും പൊട്ടിക്കേണ്ടേ???

KSU തമാശകള്‍ നിറഞ്ഞ തിരഞ്ഞെടുപ്പ്

പഠിക്കുന്നത് ഒരു കുറ്റമാണോ ?
അല്ല
പഠനത്തിനുള്ള ചിലവ് കണ്ടത്താന്‍ ഒരു ജോലി ചെയ്യുന്നത് കുറ്റമാണോ?
അല്ല
ജോലിചെയ്ത് കാശുണ്ടാക്കി പഠിക്കുന്നത് കുറ്റമാണോ ?
അതും കുറ്റമല്ല.
ജോലിചെയ്ത് കാശുണ്ടാക്കി പഠിക്കുന്ന സമയത്ത് തിരഞ്ഞെടുപ്പില്‍ മത്സരിച്ച് ജയിക്കുന്നത് കുറ്റമാണോ?
അല്ല.
അതും ചെയ്യുന്ന ജോലി ജനങ്ങള്‍ക്കുവേണ്ടിയുള്ള ‘സേവനം’ ആകുന്നത് കുറ്റമാണോ?
അല്ലേ അല്ല.

ഇത്രയും ചോദ്യങ്ങള്‍ക്കും അല്ല എന്നുതന്നേയല്ലേ നമ്മള്‍ ഉത്തരം പറയൂ.എന്നിട്ട് കെ.എസ്.യു വിന്റെ ഒരു വടക്കന്‍ജില്ലാ പ്രസിഡണ്ടിനെതിരെ ആരക്കയോ ആരോപണം ഉന്നയിക്കുവാണത്രെ.പുള്ളിക്കാരന്‍ മണല്‍മാഫിയാ‍യുടെ ആളാണന്ന് .പഠിക്കാനുള്ള പണം കണ്ടത്താന്‍ മണല്‍ വാരാന്‍ പോകുന്നത് തെറ്റാണോ??

ഇങ്ങനെ എന്തെല്ലാം തമാശകള്‍ ആണ് കുറച്ചു ദിവസമായി നടന്നു കൊണ്ടിരിക്കുന്നത് . ഈ തമാശകള്‍ ആരും നേരത്തെ കണ്ടില്ലേ? ചില തമാശകള്‍ കണ്ടിട്ടും കാണാതയും കെട്ടിട്ടും കേള്‍ക്കാതയും ഇരിക്കുന്നവര്‍ക്കു വേണ്ടി...

പത്തിരുപതുവര്‍ഷങ്ങള്‍ക്കു ശേഷമാണ് ഇപ്പോഴത്തെ കെ.എസ്.യു തിരഞ്ഞെടുപ്പ്. പുതിയ പുതിയ മാര്‍ഗങ്ങളിലൂടെ ആയിരുന്നു ഇതുവരെ തിരഞ്ഞെടുപ്പ്. നോമിനേറ്റഡ് സ്ഥാനാര്‍ത്ഥികള്‍ അലങ്കരിച്ചിരുന്ന കെ.എസ്.യു പ്രസിഡന്റ് കസേരയില്‍ ഇനി മുതല്‍ ഇരിക്കുന്നത് ബാലറ്റിലൂടെ തിരഞ്ഞെടുക്കപ്പെട്ട ഒരാള്‍.. കെ.സി.വേണുഗോപാലിനുശേഷം തിരഞ്ഞെടുപ്പിലൂടെ അധികാരത്തില്‍ എത്തുന്ന കെ.എസ്.യു പ്രസിഡന്റ് ആയി ഷാഫി പറമ്പില്‍ .. ടാലന്റ് ഹണ്ട് നടത്തി തിരഞ്ഞേടുത്തവരുടെ ടാല്ന്റ് ശരിയാവാഞ്ഞതു കൊണ്ടാ ണോ വീണ്ടും പഴയ ബാലറ്റ് തന്നെ പൊടി തട്ടി എടുത്തതന്ന് ഒരു പിടിയും ഇല്ല. ഓണ്‍ലൈന്‍ വോട്ടെടുപ്പ് വഴി കെ.എസ്.യു പ്രസിഡണ്ടിനെ തിരഞ്ഞെടുക്കും എന്ന് കരുതി ഇരിക്കുമ്പോഴാണ് ബാലറ്റ് വോട്ടെടുപ്പ് . ഏതായാലും ബാലറ്റ് വോട്ടെടുപ്പ് ആയതുകൊണ്ട് കെ.എസ്.യു പിള്ളാരുടെ വീറും വാശിയും ഒക്കെ കാണാന്‍ കഴിഞ്ഞില്ലേ??

കള്ളവോട്ടിന് കള്ളവോട്ട് , തെറിവിളിക്ക് തെറിവിളി , കൈയ്യങ്കാളിക്ക് കൈയ്യങ്കാളി എന്തിന് നമ്മുടെ ഇടതുപക്ഷഗവണ്മെന്റിന്റെ ‘മെഷ്യനറി’ വരെ കെ.എസ്.യു തിരഞ്ഞെടു പ്പിന് സഹായം ചെയ്തുകൊടുത്തില്ലേ??നമ്മുടെ പോലീസുകാര്‍ ഇല്ലായിരുന്നെങ്കില്‍ ഇപ്പോള്‍ നമ്മുടെ പല കുട്ടിഖദര്‍ദാരികള്‍ക്കും വിജയാഹ്ലാദം ഏതെങ്കിലും ഒക്കെ സര്‍ക്കാര്‍ ആശുപത്രികളില്‍ നടത്താമായിരുന്നു. കെ.എസ്.യു തിരഞ്ഞെടുപ്പ് വിജയികരമായി നടത്താന്‍ സഹായിച്ച കേരളപോലീസിന് ആരെങ്കിലും നന്ദിരേഖപ്പെടുത്തിയതായി ഇഅതുവരെ കേട്ടില്ല.

വിവരാവകാശ നിയമവും കെ.എസ്.യു തിരഞ്ഞെടുപ്പും തമ്മില്‍ എന്തെങ്കിലും ബന്ധമു ണ്ടോ ?? ഏതെങ്കിലും രാഷ്‌ട്രീയപാര്‍ട്ടികള്‍ തങ്ങളുടെ പോഷകസംഘടനാ തിരഞ്ഞെടുപ്പി ല്‍ ‘വിവരാവകാശ നിയമം’ ഉപയോഗിച്ചതായി കേട്ടിട്ടുണ്ടോ? വിവരാവകാശ നിയമം ഫലപ്രദമായി ഉപയോഗിച്ച ഒരു തിരഞ്ഞെടുപ്പായിരുന്നു ഇന്നലെ പൂര്‍ത്തിയായ കെ.എസ്.യു തിരഞ്ഞെടുപ്പില്‍ വിവരവകാശ നിയമം മൂലം സംഘടിപ്പിച്ചെടുത്ത ചില രേഖകള്‍ പലരുടേയും സ്വപ്നങ്ങള്‍ക്ക് വിലങ്ങുതടിയായി. വിവരാവകാശനിയമം വഴി ലഭിച്ച കുറിമാനം കൊണ്ട് ശരിക്കും അടികിട്ടിയത് എറണാകുളത്ത് മത്സരിച്ച ബിനോയി അരീക്കലിനാണ്. ബി.എഡ് വിദ്യാര്‍ത്ഥിയാണന്ന് പറഞ്ഞ് മത്സരിച്ച അരീക്കലിനെ പെട്ടിപൊട്ടിക്കുന്നതിനുമുമ്പുതന്നെ പുറത്താക്കി. വ്യാജരേഖ ചമച്ച് ജയിച്ച പലര്‍ക്കും ഇപ്പോള്‍ വിവരാവകാശ നിയമം പെടിസ്വപ്നമാവാനാണ് സാധ്യത. വ്യാജരേഖചമച്ച് മത്സരിച്ചവരെയെല്ലാം നേരിട്ട് യൂത്ത് കോണ്‍ഗ്രസിലോ , ആളും പേരും ഇല്ലാതെ ശുഷ്കിച്ചു പോയ സേവാദളിലേ ഓരോ സ്ഥാനങ്ങള്‍ കൊടുത്ത് ഭാവിയിലേക്ക് വളര്‍ത്തിയാല്‍ അടുത്ത നിയമസഭാ ഇലക്ഷനില്‍ കണ്ണൂരില്‍ ഇവരുടെ സേവനം ഉറപ്പാക്കാവുന്നതാണ്.

കെ.എസ്.യു തിരഞ്ഞെടുപ്പില്‍ കള്ളവോട്ട് ചെയ്യാന്‍ വന്നവരെ ഓടിച്ചന്നോ പിടിച്ചന്നോ ഒക്കെ കേട്ടു..!! കണ്ണൂരില്‍ സി.പി.എം. കള്ള വോട്ട് ചെയ്യുന്നു എന്ന് പറഞ്ഞ് ചന്ദ്രഹാസം ഇളക്കിയവരാണ് കോണ്‍ഗ്രസുകാര്‍. കള്ളവോട്ട് തടയാന്‍ കേന്ദ്രസേനയെ കണ്ണൂരിലേക്ക് കൊണ്ടുവരാന്‍ വരെ കോണ്‍ഗ്രസുകാര്‍ക്ക് കഴിഞ്ഞു. ഇനി എന്നെങ്കിലും കെ.എസ്.യു വില്‍ തിരഞ്ഞെടുപ്പ് നടത്തുകയാണങ്കില്‍ കള്ളവോട്ട് തടയാന്‍ കേന്ദ്രസേനയുടെ സഹായം തേടാന്‍ മറക്കേണ്ട. അതില്‍ നാണക്കേട് വിചാരിക്കുകയും വേണ്ട.

ഏതായാലും ഈ തിരഞ്ഞെടുപ്പുകൊണ്ട് കെ.എസ്.യു വിന് ഒരു ഗുണമുണ്ടായി. ഇന്നഗ്നെയൊരു വിദ്യാര്‍ത്ഥി സംഘടനയുണ്ടന്ന് നാലുപേര്‍ അറിഞ്ഞല്ലോ?? കോളേജ് ഇലക്ഷനില്‍ ജയിച്ച് പത്രത്തില്‍ പേര് വരാനുള്ള ശക്തിയൊന്നും ഇന്നത്തെ കെ.എസ്.യു.വിന് ഇല്ലന്ന് ആര്‍ക്കാണ് അറിയാന്‍ പാടില്ലാത്തത്. രണ്ട് സമരം നടത്തി അടിവാങ്ങാമെന്ന് വച്ചാല്‍ അടിവാങ്ങാന്‍ ശക്തിയുള്ള ഒരുഅണിയേയും കണ്ടുകിട്ടാന്‍ പോലുമില്ല. കുറെ നേതാക്കന്മാര്‍ മാത്രമുണ്ട്. അല്ല നമ്മള്‍ കെ.എസ്.യു വിനെ കുറ്റം പറയരുത്. തടിയും ആരോഗ്യമുള്ള യൂത്ത് കോണ്‍ഗ്രസിനുപോലും നേരാവണ്ണം ഒരു സമരം നടത്താന്‍ കഴിഞ്ഞിട്ടില്ല. നാഴികയ്ക്ക് നാല്പതുവട്ടം പത്രസമ്മേളനവും ചാനല്‍ ക്യാമറയുടെ മുന്നില്‍നിന്ന് ഗീര്‍വാണം മുഴക്കി യൂത്ത് കോണ്‍ഗ്രസിന്റെ യൌവനത്തിന് കുഴപ്പമൊന്നും വരാതെ പരിപാലിക്കുന്നവരെക്കാള്‍ നമ്മുടെ കെ.എസ്.യു. പിള്ളാരുതന്നെയാണ് ഭേദം. ഒന്നുമല്ലങ്കില്‍ അവര്‍ തങ്ങളുടെ കഴിവുകള്‍ പത്രസമ്മെളനങ്ങള്‍ ഒന്നും നടത്താന്‍ ഉപയോഗിക്കുന്നില്ലല്ലോ???

കോണ്‍‌ഗ്രസില്‍ എത്ര ഗ്രൂപ്പുണ്ട് ? നമ്മുടെ പത്രക്കാര്‍ കെ.എസ്.യു. തിരഞ്ഞെടുപ്പോടെ കുറേ കോണ്‍ഗ്രസ് ഗ്രൂപ്പുകളെ കണ്ടുപിടിച്ചു. ഉമ്മഞ്ചാണ്ടിയുടെ എ ഗ്രൂപ്പ് , ചെന്നിത്തലയുടെ ഐ ഗ്രൂപ്പ് , മൂന്നാം ഗ്രൂപ്പ് , നാലാം ഗ്രൂപ്പ് . ഐ തന്നെ മൂന്നെണ്ണം ഉണ്ടന്ന് . ചെന്നിത്തല , പത്മജ , പി.സി.ചാക്കോ എന്നിവരാണ് അവര്‍. ഇതില്‍ ചെന്നിത്തല എങ്ങനെയാണ് ഐ ഗ്രൂപ്പ് ആകുന്നതന്ന് ഒരു പിടിയും കിട്ടുന്നില്ല. കോണ്‍ഗ്രസുകാര്‍ക്കു തന്നെ മനസിലാകാത്ത ഗ്രൂപ്പ് കണക്കുകള്‍ നമ്മളെപോലുള്ളവര്‍ക്ക് മനസിലാക്കി എടുക്കാന്‍ അല്പം പാടാണ്. നാലാം ഗ്രൂപ്പ് എ ഗ്രൂപ്പിന് സപ്പോര്‍ട്ട് കൊടുത്തു. മൂന്നാം ഗ്രൂപ്പ് ഐ ഗ്രൂപ്പിനും. ഐ ഗ്രൂപ്പന്ന് പറയുന്ന സാദനം വലിയ ഒരു സംഭവമാണന്ന് മനസിലാക്കിയത് കുറച്ചുമുമ്പാണ് . വിശാലമതേതര മുന്നണി എന്നൊക്കെ പറയുന്നതുപോലെ ‘ഐ ഗ്രൂപ്പ്‘ ‘വിശാല ഐ ഗ്രൂപ്പ് ‘ ആയിട്ടാണത്രെ മത്സരിച്ചത്. പക്ഷേ വോട്ട് ചെയ്തവര്‍ അത്രയ്ക്ക് വിശാലര്‍ അല്ലാത്തതുകൊണ്ട് നാലു ജില്ല കൊണ്ട് തൃപ്തിപെടേണ്ടി വന്നുവെന്ന് മാത്രം. പത്മജ ഇപ്പോള്‍ ഏത് ഗ്രൂപ്പിലാണന്ന് ചോദിക്കാന്‍ പാടില്ലാത്തതാണ് . ആങ്ങളയെ പാര്‍ട്ടിയില്‍ തിരികെ കൊണ്ടുവരാന്‍ അച്ഛന്‍ ശ്രമിക്കുന്നതിന് ആവും വിധം പാരകള്‍ പണിയാന്‍ മാഡം ശ്രമിക്കുന്നുണ്ട്. മുരളിയെ പാര്‍ട്ടിയില്‍ തിരുച്ചെടുക്കാനുള്ള കത്ത് കരുണാകരന്റെ കൈയ്യില്‍ നിന്ന് വാങ്ങി തിരുവനന്തപുരത്താര്‍ക്കോ കൊണ്ടുപോയി കൊടുത്തന്ന് പറഞ്ഞ് ഒരാളെ ഏതോ സമിതിയില്‍ നിന്ന് മാറ്റിയ ആളാണ് പത്മജ. (ഇത് ശരിക്കങ്ങോട്ട് ഓര്‍മ്മവരുന്നില്ല.) . കരുണാകരന്റെ എഴുത്ത് ഡല്‍ഹിയില്‍ എത്തിച്ച പി.സി.ചാക്കോയെ എം.പി സ്ഥാനത്ത് നിന്ന് പത്മജമാഡത്തിന് മാറ്റാന്‍ കഴിയുമോ എന്തോ??? (ചില പത്രങ്ങളില്‍ വിശാല ഐ ഗ്രൂപ്പ് എന്നതിനു പകരം ഏകീകൃത ഐ ഗ്രൂപ്പ് എന്ന് കണ്ടു... വിശാലമാണോ ഏകീകൃതമാണോ നല്ലതന്ന് ഇനിയും തീരുമേനിക്കേണ്ടിയിരിക്കുന്നു. )

ഉഡായിപ്പും തട്ടിപ്പും എല്ലാം എ ഗ്രൂപ്പിനുമാത്രമാണ് സ്വന്തമെന്ന് കരുതെണ്ട. വിശാല ഐ ഗ്രൂപ്പും തങ്ങളെക്കൊണ്ട് ആവുന്നതെല്ലാം ചെയ്തിട്ടുണ്ട്.‘ചത്തത് കീചകനെങ്കില്‍ കൊന്നത് ഭീമന്‍ ‘ തന്നെ എന്ന് കെട്ടിട്ടില്ലേ? കണ്ണുരില്‍ ഒരു കെ.എസ്.യു ക്കാരന്റെ വീട് തകര്‍ത്താല്‍ ആരായിരിക്കും അതിന് ഉത്തരവാദി. ‘ചത്തത് കീചകനെങ്കില്‍ കൊന്നത് ഭീമന്‍ ‘ തന്നെ എന്ന തിയറി അനുസരിച്ച് ആ വീട് തകര്‍ത്തത് സി.പി.എമ്മുകാര്‍ തന്നെ. ഇതുതന്നെയാണ് കണ്ണൂരില്‍ നിന്നുള്ള പ്രസിഡന്റ് സ്ഥാനാര്‍ത്ഥി റിജിലും ചെയ്തത്. തന്റെ വീട് സി.പി.എമ്മു കാര്‍ തകര്‍ത്തു എന്നായിരുന്നു റിജിലിന്റെ പ്രചാരണം. (കോളേജ് ഇലക്ഷനില്‍ സഹതാപ തരംഗം കിട്ടാന്‍ ഇങ്ങനെയുള്ള തരികടകളൊക്കെ ഉപയോഗിക്കാറില്ലേ??). പക്ഷേ കൂടെയു ള്ളവര്‍ തന്നെ പ്രസിഡന്റ് സ്ഥാനാര്‍ത്ഥിക്ക് പാരയായി. വീട് തകര്‍ത്തതിന് അറസ്റ്റിലായ തെല്ലാം ബിജെപിക്കാരാണന്നും അതിനുപിന്നില്‍ മറ്റ് പലകാരണങ്ങളാണന്നും സഹ’പ്രവര്‍ത്തകര്‍’ തന്നെ അറിയിക്കേണ്ടവരെയെല്ലാം അറിയിച്ചു.

കെ.മുരളീധരന്‍ കോണ്‍ഗ്രസിന് പുറത്താണങ്കിലും അദ്ദേഹത്തിന്റെ രണ്ട് ‘അനുയായി’കള്‍ കെ.എസ്.യു. തിരഞ്ഞെടുപ്പില്‍ വിജയിച്ച് എല്ലാവരേയും ഞെട്ടിച്ചത്രെ!! കോണ്‍ഗ്രസിന് പുറത്ത് നിന്നിട്ടും രണ്ട് പേരെ വിജയിപ്പിക്കാന്‍ കെ.മുരളീധരന് കഴിഞ്ഞെങ്കില്‍ പാര്‍ട്ടിക്ക കത്ത് കയറിയാല്‍ എത്രപേരെ വിജയിപ്പിക്കാന്‍ കഴിയും.????

::: ഇലക്ഷന്‍ ഇം‌പാക്റ്റ് :::

കോണ്‍‌ഗ്രസുകാര്‍ പോലീസ് സ്റ്റേഷനില്‍ കയറി ആരെയെങ്കിലും മോചിപ്പിച്ചുകൊണ്ട് പോയി എന്ന് കേട്ടിട്ട് എത്രനാളായി. സി.പി.എം.കാരും , ഡി.വൈ.എഫ്.ഐ.കാരും, എസ്.എഫ്.ഐ. കാരും പോലീസ് സ്റ്റേഷനില്‍ കയറി പോലീസ് പിടിച്ച പലരേയും മോചിപ്പിച്ചോണ്ട് പോകുന്നത് നമ്മുടെ എല്ലാ പ്രചാരണ പത്രങ്ങളും ഒന്നാം പേജില്‍ തന്നെ ജനങ്ങളെ അറിയിക്കാറുണ്ട്. എന്നാല്‍ നമ്മുടെ കെ.എസ്.യു നേതാവിനെ സ്റ്റേഷനില്‍ കയറി മോചിപ്പിച്ചോണ്ട് പോയത് എത്ര പേര്‍ അറിഞ്ഞു. എന്നാല്‍ കേട്ടോളൂ.. ഇങ്ങനെയും ഒരു സംഭവം ഉണ്ടായി. ചൊവ്വാഴ്ച രാത്രി മലപ്പുറം പാണ്ടിക്കാട് പോലീസ് സ്റ്റേഷനില്‍ നിന്നാണ് കെ.എസ്.യു. നേതാവിനെ മോചിപ്പിച്ചു കൊണ്ടു പോയത്. തിരഞ്ഞെടുപ്പ നടക്കുമ്പോള്‍ ഇങ്ങനെയൊക്കെ നടന്നുതുടങ്ങിയെങ്കില്‍ കെ.എസ്.യു.വിന് ആശ്വസിക്കാം. കൈയ്യൂക്കില്‍ തങ്ങളും മറ്റുള്ളവരുടെ പിന്നിലല്ലന്ന് നാലാള്‍ അറിയട്ടെ..

എം.പി. മാര്‍ മുങ്ങി ??

നമ്മള്‍ ജനങ്ങള്‍ വീണ്ടും കഴുതകളായി.....


ഇന്ത്യയിലെ ജനങ്ങളെ സേവിച്ച് കൊല്ലും എന്ന് ശപഥം എടുത്ത് ലോക്‍സഭയിലേക്ക് പോയ കുറെപേരെ
ഇന്ന് (നവംബര്‍ 30 ) അവിടെ കണ്ടില്ലന്ന് ...

(malayalamanorama)

വെറും കാണാതാവല്‍ അല്ലായിരുന്നു....


എല്ലാ ദിവസം എല്ലാവര്‍ക്കും അവിടെ ചെന്നിരിക്കാന്‍ പറ്റുമോന്ന് തിരിച്ചു ചോദിക്കാം...


ചോദ്യം ന്യായം .... പക്ഷേ കാണാതായവര്‍ ഇന്ന് സഭയില്‍ തന്നെ ഉണ്ടാവേണ്ടവര്‍ ആയിരുന്നു..


ജനങ്ങളുടെ നീറുന്നതും നീറാത്തതുമായ പ്രശ്‌നങ്ങളെക്കുറിച്ചുള്ള ചോദ്യങ്ങള്‍ ചോദിക്കാന്‍ ഇന്ന് അവസരം കൊടുത്തിരുന്നവര്‍ ആയിരുന്നു മുന്നറിയിപ്പില്ലാതെ മുങ്ങിയത് ....


ഒന്നും രണ്ടുമല്ല ഇരുപത്തെട്ട് എം.പി.മാര്‍ ഇങ്ങനെ മുങ്ങിയന്ന് ....


മൂന്ന് എം.പി.മാരേ ചോദ്യം ചോദിക്കാന്‍ ഉണ്ടായിരുന്നുള്ളുവത്രെ ....


ബാക്കിയുള്ളവര്‍ എവിടെ പോയി..?????


ഏതായാലും നമുക്ക് ചോദിക്കാന്‍ പറ്റത്തില്ലല്ലോ?


ചോദിക്കാന്‍ ബാധ്യസ്ഥതയുള്ള രഷ്ട്രീയപാര്‍ട്ടികള്‍ ചോദിക്കുമോ ???


പ്രതിപക്ഷത്തുനിന്നുമാത്രമല്ല മുങ്ങല്‍ ഉണ്ടായത് കോണ്‍ഗ്രസില്‍ നിന്നുപോലും മുങ്ങല്‍ ഉണ്ടായിരുന്നത്രെ!!!


Varun Gandhi (BJP), Madhu Goud Yakshi, Eknath Gaikawad, Shruti Choudhary, B Jhansi Lakhsmi (all Cong), Anandrao Adsul, Shivaji Adhalrao Patil (Shiv Sena), Prabodh Panda (CPI), Rajiv Ranjan Singh (JDU) and Asaduddin Owaisi (AIMIM) തുടങ്ങിയവര്‍ മുങ്ങിയ കൂട്ടത്തില്‍ ഉണ്ടന്ന് ...
(times of india)


അപ്പോള്‍ നമ്മളാരായി ???????????????


നമ്മളെ സേവിക്കാന്‍ വേണ്ടി കോടിക്കണക്കിനു രൂപയാണ് ‘സേവന’ധനം നല്‍കുന്നത് .. ഏതാണ്ട്
ഇങ്ങനെയൊരു കണക്കാണ് ഇവിടെ നിന്ന് കിട്ടിയത് ഒരു എം.പി.ക്ക് വര്‍ഷം വെറും 32 ലക്ഷം രൂപാമാത്രമാണ് ജനങ്ങളെ സേവിക്കാന്‍ കൊടുക്കുന്നത്. അപ്പോള്‍ പിന്നെ ഇങ്ങനെയല്ലാതെ എങ്ങനെയാണ് ജനങ്ങളെ സേവിക്കന്നത് ??


ഉത്തരം കിട്ടാതെ അലയുന്ന ചോദ്യങ്ങളെകൂട്ടത്തില്‍ ഒരു ചോദ്യം കൂടെ ഇരിക്കട്ടെ...

**************************

എം.പിക്ക് കിട്ടുന്ന കണക്ക് ( ഈ കണക്ക് ഇവിടെ നിന്നും , ഇവിടെ നിന്നും)

Salary Slip of an Indian MP

Salary & Govt. Concessions for a Member of Parliament (MP)

Monthly Salary : Rs. 12,000
Expense for Constitution per month : Rs.10,000
Office expenditure per month : Rs.14,000

Traveling concession (Rs. 8 per km) : Rs.48,000 (For a visit to Delhi & return: 6000 km)

Daily BATA during parliament meets : Rs.500

Charge for 1 class (A/C) in train : Free (For any number of times)
(All over India )

Charge for Business Class in flights : Free for 40 trips / year
(With wife or P.A.)

Rent for MP hostel at Delhi : Free

Electricity costs at home : Free up to 50,000 units

Local phone call charge : Free up to 1,70,000 calls.

TOTAL expense for a MP per year : Rs. 32,00,000

TOTAL expense for 5 years : Rs. 1,60,00,000

*************************

Update ::

മുകളില്‍ പറഞ്ഞകൂട്ടത്തില്‍ നമ്മുടെ കേരളത്തില്‍ നിന്നുള്ള 4 പേര്‍ ഉണ്ടായിരുന്നുവെന്ന് ... ജോസ്‌ കെ. മാണി, ആന്റോ ആന്റണി, പി.ടി തോമസ്‌, കൊടിക്കുന്നില്‍ സുരേഷ്‌ എന്നിവര്‍ ആയിരുന്നു ആ

നാലുപേര്‍ ..

രാവിലെ 10.30-നു ഡല്‍ഹിയിലെത്തുന്ന ഇന്ത്യന്‍ എയര്‍ലൈന്‍സ്‌ വിമാനത്തിലാണ്‌ കേരളത്തില്‍ നിന്നുള്ള എം.പിമാര്‍ തിങ്കളാഴ്‌ച സഭയിലെത്താറുള്ളത്‌. 20 മിനിറ്റോളം വിമാനം വൈകിയതു മൂലം സഭയിലെത്താന്‍ വൈകിയെന്നാണ്‌ എം.പിമാരുടെ വിശദീകരണം.

ജോസ്‌ കെ. മാണി ബൗദ്ധിക സ്വത്തവകാശത്തെക്കുറിച്ചും ആന്റോ ആന്റണി ദേശീയ തൊഴിലുറപ്പു പദ്ധതിക്ക്‌ ഫണ്ട്‌ വകയിരുത്തിയതിനെക്കുറിച്ചും പി.ടി. തോമസ്‌ തേയില മേഖലയുടെ പുനരുദ്ധാരണ ത്തെക്കുറിച്ചും കൊടിക്കുന്നില്‍ സുരേഷ്‌ ജോലി സാധ്യതകള്‍ വര്‍ധിപ്പിക്കുന്നതിനെക്കുറിച്ചുമാണ്‌ ചോദ്യങ്ങള്‍ നല്‍കിയിരുന്നത്‌.

(മംഗളം)

കേരളപോലീസ് ഇവരെ പിടിക്കാത്തതെന്താ ???

പിണറായി വിജയന്റെ പരാതികിട്ടി ഒരാഴ്ചയ്ക്കുള്ളില്‍ പിണറായി വിജയന് അപകീര്‍ത്തി കരമായ ഇമെയില്‍ ഉണ്ടാക്കിയ ആളെ കണ്ടെത്തുകയും അത് ഫോര്‍വേഡ് ചെയ്ത ലക്ഷക്കണക്കിന് ആളുകളില്‍ നിന്ന് അവരുടെ പ്രതിനിധിയായി രണ്ടുപേരെ കണ്ടെത്തി അറസ്റ്റ് ചെയ്ത് പത്രങ്ങളിലൂടെയും ചാനലുകളിലൂടയും ജനങ്ങളെ അറിയിച്ച പോലിസിന്റെ ‘സാഹസികമായ സൈബര്‍ അന്വേഷ്ണ‘ത്തെ ആദ്യം തന്നെ അഭിനന്ദിക്കട്ടെ. ഈ പ്രതിക ളുടെ ചിത്രങ്ങള്‍ തങ്ങളുടെ ഒന്നാം

പേജില്‍ തന്നെ തങ്ങളുടെ പത്രത്തിന് തലക്കെട്ടിന് താഴെത്തന്നെ കൊടുത്ത് തങ്ങളുടെ പത്രപ്രവര്‍ത്തനം വെറും വാണിജ്യമല്ലന്നും തെളിയിച്ച പത്രധര്‍മ്മത്തെയും അഭിനന്ദിക്കുന്നു. മൂന്നാമതായി ഒരിക്കല്‍കൂടി നമ്മുടെ പോലീസിന് അഭിനന്ദനം രേഖപ്പെടുത്തട്ടെ; കൊലപാതക പ്രതികള്‍ക്കും പെണ്‍‌വാണിഭപ്രതികള്‍ക്കും ഗുണ്ടകള്‍ക്കും പത്രക്കാര്‍ ഫോട്ടോ എടുക്കാന്‍ വരുമ്പോള്‍ മുഖം മറയ്ക്കാന്‍ ഏര്‍പ്പെടുത്തി യിരുന്ന സൌകര്യം വ്യാജ ഇമെയില്‍ പ്രതികള്‍ക്ക് നല്‍കാതിരുന്നതിനാണ് മൂന്നാമത്തെ അഭിനന്ദനം. കേരളം കണ്ട ഏറ്റവും വലിയ സൈബര്‍ ഭീകരന്മാരായിരുന്നല്ലോ അവര്‍ !!!!!!

സൈബര്‍ കുറ്റങ്ങള്‍ തടയാന്‍ നമ്മുടെ കേരളപോലീസ് നടത്തുന്ന എല്ലാ പ്രവര്‍ത്തന ങ്ങളേയും പിന്തുണയ്ക്കുന്നു. കേരളപോലീസിനെ കുറിച്ചും, സൈബര്‍ കുറ്റങ്ങളെക്കുറിച്ചും , ഐറ്റി ആക്റ്റിനെക്കുറിച്ച് അറിയുന്നതിനും നിങ്ങള്‍ക്ക് കേരള പോലീസിന്റെ വൈബ് സൈറ്റില്‍ ചെന്ന് നോക്കാവുന്നതാണ് . നിങ്ങള്‍ ഏത് വൈബ് സൈറ്റ് അഡ്രസായിരിക്കും കേരളപോലീസി

ന്റെ വിവരങ്ങള്‍ അറിയാന്‍ ഉപയോഗിക്കുന്നത്. സ്വാഭാവികമായി ഇന്റെ‌ര്‍നെറ്റ് ഉപയോഗിക്കുന്നവരില്‍ 80% ആളുകളും http://www.keralapolice.com/ എന്ന അഡ്രസ് ഉപയോഗിച്ചായിരിക്കും കേരളപോലീസിന്റെ സൈറ്റിലേക്ക് പോകാന്‍ ശ്രമിക്കുന്നത്. http://www.keralapolice.com/ എന്ന അഡ്രസ് ടൈപ്പ് ചെയ്ത് കാത്തിരിക്കുന്നവരുടെ മുന്നിലേക്ക് വരുന്നത് ഇങ്ങനെ ഒരു സൈറ്റായിരിക്കും.

നമ്മുടെ കേരളാപൊലീസ് ആത്മീയ മന്നയുടെ മൊത്തവിതരണക്കാരായോ എന്ന് നിങ്ങള്‍ സംശയിച്ച് നില്‍ക്കുവായിരിക്കും. നമ്മുടെ കേരളാപോലീസിനെക്കുറിച്ചുള്ള വിവരങ്ങള്‍ അറിയണമെങ്കില്‍ http://www.keralapolice.org/ എന്നു തന്നെ അഡ്രസ്‌ബാറില്‍ ടൈപ്പ് ചെയ്തുകൊടുക്കണം.

ഇനി http://www.keralapolice.net/ എന്ന സൈറ്റ് ഒന്നു എടുത്തു നോക്കൂ...

ഇതും കണ്ട സ്ഥിതിക്ക് http://www.mannaexpress.com/ എന്ന സൈറ്റു കൂടി കണ്ടു നോക്കൂ.

ഇപ്പോള്‍ ഒരു ഏകദേശ ധാരണയായി കാണുമല്ലോ? http://www.keralapolice.com/ , http://www.keralapolice.net/ , http://www.mannaexpress.com/ എന്ന സൈറ്റുകളുടെ ഉള്ളടക്കം ഒന്നുതന്നെ ആണ്. ഒരേ സോഴ്സ് കോഡുതന്നെയാണ് മൂന്ന് സൈറ്റുകളിലും ഉപയോഗിച്ചിരിക്കുന്നത്. ഈ സൈറ്റുകളിലെ ഹിറ്റ് കൌണ്ടറുകള്‍ ശ്രദ്ധിച്ചാല്‍ പെട്ടന്ന് ഇത് മനസിലാക്കാം.

തങ്ങള്‍ ആരാണന്ന് http://www.keralapolice.com/ , http://www.keralapolice.net/ , http://www.mannaexpress.com/ എന്ന സൈറ്റിന്റെ നടത്തിപ്പുകാര്‍ പറയുന്നത് കാണുക.

ദൈവ വചനവുമായി പൊരുത്തപെടുന്നവര്‍ ആണ് കേരളപോലീസ് എന്ന് മന്ന‌ എക്സ്‌പ്രക്സ്കാരന് തോന്നിയത് എന്തുകൊണ്ടാണന്ന് അറിയില്ല. ജനങ്ങളെ തെറ്റിധരിപ്പിക്കുക എന്നുള്ള ഉദ്ദേശത്തോടുകൂടി ആയിരിക്കണം mannaexpress നടത്തിപ്പുകാര്‍ http://www.keralapolice.com/ , http://www.keralapolice.net/ എന്നീ സൈറ്റുകള്‍ തുടങ്ങിയിരിക്കുന്നത്. ആദ്യം പറഞ്ഞിരിക്കുന്ന മെയില്‍ അയിച്ചവര്‍ ചെയ്തിരിക്കുന്ന കുറ്റവും ഇതുതന്നെ ആണന്നല്ലേ നമ്മുടെ പോലീസ് പറയുന്നത്; മെയിലില്‍ പറഞ്ഞിരിക്കുന്ന ആളെക്കുറിച്ച് ജനങ്ങളുടെ ഇടയില്‍ തെറ്റിധാരണപരത്തി അപകീര്‍ത്തി പ്പെടുത്തുക. mannaexpress നടത്തിപ്പുകാരും ചെയ്തിരിക്കൂന്നത് ഇതുതന്നെയല്ലേ?? IT Act as amended by Information Technology (Amendment) Act 2008 ല്‍ XI. OFFENCES എന്ന സെക്ഷനില്‍ പറഞ്ഞിരിക്കുന്ന കുറ്റങ്ങളിലൊന്നും mannaexpress ല്‍ കണ്ടെത്താന്‍ പോലീസിന് ഇതുവരെ കഴിഞ്ഞിട്ടില്ലേ??

ഗവണ്‍‌മെന്റ് സ്ഥപനങ്ങളുടെ പേരോ , ഗവണ്‍‌മെന്റ് നടത്തുന്നതോ എന്നോ മറ്റുള്ളവര്‍ക്ക് തോന്നല്‍ ഉണ്ടാക്കുന്ന രീതിയില്‍ സ്വകാര്യ സ്ഥാപനങ്ങളുടെ (കമ്പിനി) പേരിന്റെ കൂടെ ഉപയോഗിക്കാന്‍ പാടില്ല എന്ന നിയമം നമ്മുടെ നാട്ടില്‍ ഇപ്പോഴും ഉണ്ടന്ന് തോന്നുന്നു. (പണ്ട് കോളേജില്‍ കമ്പിനി ലോ പഠിച്ചപ്പോള്‍ പഠിച്ചതാണ്.). കമ്യൂണിറ്റി സൈറ്റുകളില്‍ വ്യാജപ്രൊഫൈല്‍ ഉണ്ടാക്കുന്നത് ഗുരുതരമായ കുറ്റമാണല്ലോ? പിന്നെ എന്തുകൊണ്ട് നമ്മുടെ കേരളപോലീസിന് http://www.keralapolice.com/ , http://www.keralapolice.net/ , എന്നീ സൈറ്റുകള്‍ ഒഴിവാക്കാന്‍ കഴിയുന്നില്ല. സ്വന്തം കണ്ണിലെ കോല്‍ എടുക്കാതെ മറ്റുള്ളവന്റെ കണ്ണിലെ കരട് എടുക്കാന്‍ എങ്ങനെ കഴിയും ???

http://www.keralapolice.com/ , http://www.keralapolice.net/ , http://www.mannaexpress.com/ എന്നീ മൂന്ന് സൈറ്റുകളും രജിസ്റ്റര്‍ ചെയ്തിരിക്കുന്നത് ഒരാള്‍ തന്നെയാണ് . താഴെ കൊടുത്തിരിക്കുന്ന ചിത്രം നോക്കൂ..

http://www.keralapolice.info/ എന്നൊരു സൈറ്റ് രജിസ്റ്റ്‌ര്‍ ചെയ്തിട്ടുണ്ടങ്കിലും അതിപ്പോള്‍ പ്രവര്‍ത്തന രഹിതമാണ്.

സൈബര്‍ കുറ്റകൃത്യങ്ങള്‍ ഒഴിവാക്കപെടേണ്ടതും കുറ്റവാളികള്‍ ശിക്ഷിക്കപെടേണ്ടതു തന്നെയാണ് . പതിനായിരക്കണക്കിന് ആളുകള്‍ ഫോര്‍വേഡ് ചെയ്ത മെയിലിന്റെ പേരില്‍ രണ്ട് പേര്‍മാത്രം കുറ്റവാളികളായി സമൂഹത്തിന്റെ മുന്നില്‍ നില്‍ക്കേണ്ടിവരുന്നത് എന്ത് കുറ്റന്വേഷ്‌ണത്തിന്റെ പേരിലാണങ്കിലും അത് നല്ല ഒരു നടപടിക്രമം അല്ല. മെയില്‍ ഫോര്‍‌വേഡ് ചെയ്തവരില്‍ രണ്ടുപേര്‍ മാത്രം എങ്ങനെ പിടിക്കപെട്ടു. ??? ഫോര്‍വേഡ് മെയിലിന്റെ താഴെ സിഗ്‌നേച്ചറായി പേരും അഡ്രസും ഫോണ്‍‌നമ്പരും വയ്ക്കുന്നവര്‍ സൂക്ഷിക്കുക....

------------------------------------------------

:: update ::

മുകളില്‍ കൊടുത്തിരിക്കുന്ന ചിത്രങ്ങളില്‍ ക്ലിക്ക് ചെയ്യുമ്പോള്‍ അത് വലുതായി കാണിക്കുന്നില്ല എന്ന് ചിലര്‍ ചൂണ്ടിക്കാണിക്കുകയുണ്ടായി. അവസാനത്തെ ചിത്രത്തിലെ കാര്യങ്ങള്‍ താഴെ കൊടുത്തിരിക്കുന്ന രീതിയിലാണ് ::

MannaExpress.com Whois Record ( Manna Express )

Registrant:
none
130-12-97 th ave
Richmond Hill, NY 11419
US
7183008865

Domain Name: MANNAEXPRESS.COM

Administrative Contact:
Baby, William
130-12-97 th ave
Richmond Hill, NY 11419
US
7183008865

Technical Contact:
Baby, William
130-12-97 th ave
Richmond Hill, NY 11419
US
7183008865

Record last updated 09-15-2008 04:52:46 PM
Record expires on 04-30-2010
Record created on 04-29-2003

Domain servers in listed order:
NS0.DIRECTNIC.COM 74.117.217.20
NS1.DIRECTNIC.COM 74.117.222.20

KeralaPolice.com Whois Record ( Kerala Police )

Registrant:
none
130-12-97 th ave
Richmond Hill, NY 11419
US
7183008865

Domain Name: KERALAPOLICE.COM

Administrative Contact:
Baby, William
130-12-97 th ave
Richmond Hill, NY 11419
US
7183008865

Technical Contact:
Baby, William
130-12-97 th ave
Richmond Hill, NY 11419
US
7183008865

Record last updated 09-15-2008 04:52:06 PM
Record expires on 04-29-2010
Record created on 04-29-2000

Domain servers in listed order:
NS0.DIRECTNIC.COM 74.117.217.20
NS1.DIRECTNIC.COM 74.117.222.20

KeralaPolice.net Whois Record ( Kerala Police )

Registrant:
none
130-12-97 th ave
Richmond Hill, NY 11419
US
7183008865

Domain Name: KERALAPOLICE.NET

Administrative Contact:
Baby, William
130-12-97 th ave
Richmond Hill, NY 11419
US
7183008865

Technical Contact:
Baby, William
130-12-97 th ave
Richmond Hill, NY 11419
US
7183008865

Record last updated 09-15-2008 04:52:06 PM
Record expires on 04-29-2010
Record created on 04-29-2000

Domain servers in listed order:
NS0.DIRECTNIC.COM 74.117.217.20
NS1.DIRECTNIC.COM 74.117.222.20

മാഡത്തിനുള്ള മാപ്പപേക്ഷ

“അമ്മാ ഞാന്‍ നിന്നോടും നമ്മുടെ തറവാട്ടുകാരോടും പാപം ചെയ്തു. നിന്റെ തറവാട്ടുകാരന്‍ എന്ന് വിളിക്കാന്‍ ഞാന്‍ യോഗ്യനല്ല. പല വീടുകള്‍ ഉണ്ടാക്കി ഗതിയാവാതെ കറങ്ങിത്തിരിഞ്ഞുവന്ന എന്നെ തറവാട്ടില്‍ ചായ വാങ്ങിക്കൊടുക്കുന്ന ഒരുത്തനെപ്പോലെ കൈക്കൊള്ളേളമേ...”

മാഡം.....

ഞാന്‍ ഇനി മാഡമേ എന്നേ വിളിക്കൂ. എന്റെ അറിവില്ലായ്മ കൊണ്ടും സാഹചര്യങ്ങളുടെ സമ്മര്‍ദ്ദവും കൊണ്ട് മാദാമ്മ എന്ന് വിളിച്ചിട്ടുണ്ടാവും. അതൊന്നും മനസില്‍ വച്ചുകൊണ്ട്
നടക്കത്തില്ലന്ന എനിക്കറിയാം. അല്ലങ്കില്‍ തന്നെ മാദാമ്മ എന്ന് വിളിക്കുന്നത് ഒരു കുറ്റമാ ണോ? ഞങ്ങളുടെ നാട്ടില്‍ വിദേശത്ത് നിന്ന് വരുന്നവരേയും വന്ന് താമസിക്കുന്ന വരേയും എല്ലാം സ്നേഹത്തോടും വിനയത്തോടും കൂടി വിളിക്കുന്നത് സായിപ്പേ , മാദാമ്മേ എന്നാണ്. അതുപോലെ സ്നേഹത്തോടും വിനയത്തോടും ബഹുമാനത്തോടും ആണ് ഞാന്‍ മാഡത്തേ യും മാദാമ്മേ എന്ന് വിളിച്ചത് . അതില്‍ തെറ്റ് കാണുന്നവര്‍ ഉണ്ടാവും. മാഡത്തിന് അറിയാ ത്ത ഒരു രഹസ്യം പറയാം. പണ്ട് നമ്മുടെ തറവാട്ടിലെ അമ്മച്ചിയെ പണ്ട് ചിലര്‍ `ലേഡീ ഹിറ്റ്‌ലര്‍' എന്നും `ഭാരത യക്ഷി' എന്നൊക്കെ വിളിച്ചിട്ടുണ്ട്. അമ്മച്ചി അവരോട് ക്ഷമിച്ചത് പോലെ മാഡവും എന്നോട് ക്ഷമിക്കണം. അവരെല്ലാം ഇന്ന് മാഡത്തിന്റെ കൂടെ തറവാട്ടില്‍ ഉയര്‍ന്ന നിലയില്‍ ആണ്.

ഞാന്‍ ചെയ്ത തെറ്റുകളെല്ലാം സാഹചര്യങ്ങള്‍ കൊണ്ട് ചെയ്ത് പോയതാണ്. അപ്പന്റെ കൂടെ തറവാട് വിട്ടുപോയതും അപ്പന്‍ തറവാട്ടില്‍ വന്നിട്ടും തിരിച്ചുവരാതെ ഞാന്‍ കറങ്ങി നടന്ന തും എന്റെ തെറ്റു തന്നെയാണ് . ആ തെറ്റുകളെല്ലാം ക്ഷമിക്കാന്‍ വേണ്ടിയാണ് ഞാനെല്ലാം ഏറ്റ് പറയുന്നത്. ഞാന്‍ പണ്ടൊരാളെ അലൂമിനിയം എന്ന് വിളിച്ച് പറഞ്ഞാണല്ലോ പല പുകിലുകളും നടന്നത്. അലൂമിനിയം എന്നത് അത്രക്ക് വെറുക്കപെടേണ്ട വാക്കാണോ ? സര്‍ദാര്‍ വല്ലഭായി പട്ടേലിനെ ഇന്ത്യയുടെ ഉരുക്കുമനുഷ്യന്‍ എന്നു എല്ലാവരും വിളിക്കുന്നി ല്ലേ? ആതുപോലെ ഒരു പട്ടേലിനെ അലൂമിനിയം പട്ടേല്‍ എന്ന് വിശേഷിപ്പിച്ചത് തെറ്റാ ണോ? അദ്ദേഹത്തെ അലൂമിനിയം പട്ടേല്‍ എന്ന് വിളിച്ചതിന് എന്നെ ആദരിക്കുകയല്ലേ വേണ്ടത്???

ഒരു ഗുണത്തിനും ഗണത്തിനും കൊള്ളാത്ത നമ്മുടെ തറവാട്ടിലെ യൂത്തന്‍ പിള്ളാരെ കൊണ്ട് പണ്ട് ഞാന്‍ തറവാട്ടില്‍ തിരഞ്ഞെടുപ്പ് നടത്താന്‍ വന്നവരെ അടിച്ച് ഓടിച്ചിട്ടു ണ്ടാവും. അന്ന് എനിക്ക് കടകം, പൂഴിക്കടകം ഒക്കെ പറഞ്ഞുതന്നവര്‍ തറവാട്ടുമുറ്റത്തൂടെ മാന്യന്മാരെപ്പോലെ ഇപ്പോള്‍ നടക്കുന്നില്ലേ? സത്യമായിട്ടും എനിക്ക് മുണ്ട് പറിക്കലുമായി യാതൊരു ബന്ധവും ഇല്ല. അന്ന് മുണ്ട് പറിക്കപെട്ടവരുടെ സ്ഥാനം ഇന്ന് എവിടെയാണ് ? അതിലൊരാള്‍ തറവാട്ട് സ്ഥാനാര്‍ത്ഥിക്കെതിരെ മത്സരിച്ചില്ലേ? സ്ത്രികളോട് യുദ്ധം ചെയ്യരുത് എന്ന സാമാന്യമര്യാദപോലും മറന്നുകൊണ്ടാണ് ആ ആള്‍ അങ്കം വെട്ടിയത് . എന്നിട്ട് കാരണവന്മാരെല്ലാം കൂടി അയാളെയും പിടിച്ച് തറവാട്ടില്‍ കയറ്റി. പിന്നെ എന്തു കൊണ്ടാണ് എന്നെമാത്രം വെളിയില്‍ നിര്‍ത്തിയിരിക്കുന്നത് ??

ഞാന്‍ അകത്ത് കയറിയാല്‍ തറവാടിന്റെ ഐക്യം പോകുമെന്നാണല്ലോ പലരും പറയു ന്നത് . പണ്ട് ‘ വലിയ കമാണ്ടിനെ’ ധിക്കരിച്ച് മൂന്നാംഗ്രൂപ്പെന്ന് പറഞ്ഞ് കേരളത്തില്‍ തെക്കോട്ടും വടക്കോട്ടും നടന്ന് നമ്മുടെ തറവാടിനെ നാണംകെടുത്തിയ ആ മൂന്നു പേരുണ്ടല്ലോ അവരെക്കാള്‍ കൂടുതല്‍ തറവാടിന് ഞാന്‍ നാണക്കേട് വരുത്തിയിട്ടുണ്ടോ? അതിലൊരാളാണ് ഇന്ന് നമ്മുടെ കേരളത്തിലെ തറവാട് ഭരിക്കുന്നത് . നമ്മുടെ തറവാട് ഭരിച്ചിട്ടുള്ള ഒരു കാരണവരും ഇത്രയ്ക്ക് കഴിവു‌കെട്ടവര്‍ ആയിരുന്നില്ലന്ന് ഞാന്‍ പറയാതെ തന്നെ മാഡത്തിന് അറിയാമല്ലോ?അതിലെ രണ്ടാമനെതിരെ ഞാന്‍ മത്സരിച്ചു എന്നത് നേരാണ്. അത് നേര്‍ക്ക് നേരെയുള്ള പോരാട്ടമായിരുന്നു. ഞാനതില്‍ തോ‌ല്‍‌വി സമ്മതിക്കു കയും ചെയ്യുന്നു. അദ്ദേഹമാണ് ഞാന്‍ തറവാട്ടില്‍ കയറിയാല്‍ തറവാട്ടിലെ അച്ചടക്കം ഇല്ലാതാവുമെന്ന് പറയുന്നത്. പണ്ട് മൂന്നാം ഗ്രൂപ്പന്ന് പറഞ്ഞ് എല്ലാവരെയും വെല്ല് വിളിച്ച് നടന്നപ്പോള്‍ ഈ അച്ചടക്കവും മനസമാധാനവും ഒന്നും കണ്ടില്ലായിരുന്നു. ടിവി ചാനലിലെ കസേരയില്‍ ചരിഞ്ഞിരുന്ന് നാക്കിട്ടിടിച്ചാല്‍ എല്ലാമായന്നാണ് അയാളുടെ വിചാരം.

ഞാനാരേയും പിന്നില്‍ നിന്ന് കുത്തിയിട്ടില്ല. പിന്നില്‍ നിന്ന് കുത്താന്‍ ഞാന്‍ പഠിച്ചിട്ടും ഇല്ല. മുന്നില്‍ നിന്ന് നേര്‍ക്കുനേര്‍ നിന്നുള്ള പോരാട്ടമേ ഞാന്‍ നടത്തിയിട്ടുള്ളു. ഞാനെന്റെ തെറ്റുകള്‍ എല്ലാം തിരിച്ചറിയുന്നു. “പിഴ, എന്റെ പിഴ, എന്റെ വലിയ പിഴ“ എന്നു ഞാന്‍ വിലപിക്കുകയും ചെയ്യുന്നു. ഞാന്‍ മാത്രമല്ലല്ലോ വിപ്ലവ പാര്‍ട്ടികളുമായി ചേര്‍ന്നിട്ടുള്ളത്. അവര് ഞങ്ങളെ ചതിക്കുകയും ചെയ്തു. വിപ്ലവ പാര്‍ട്ടികളുമായി ചേര്‍ന്ന് കേരളം ഭരിച്ചവര്‍ ഞാന്‍ വിപ്ലവപാര്‍ട്ടികളുമായി ചേര്‍ന്നതിനെ കുറ്റം പറയുന്നത് ന്യായമാണോ ?? നമ്മുടെ തറവാട്ടില്‍ നിന്ന് കാലാകാലങ്ങളില്‍ ഭാഗം വാങ്ങി പിരിഞ്ഞുപോയിട്ടുള്ളവര്‍ വീണ്ടും തിരിച്ചു വന്നിട്ടില്ലേ? നമ്മുടെ തറവാട്ടില്‍ കാരണവന്മാര്‍ എന്ന് പറഞ്ഞ് ഇപ്പോള്‍ ഇരിക്കുന്നവരില്‍ എത്രപേരുണ്ടാവും തറവാട്ടില്‍ നിന്ന് ഒരിക്കല്‍ അല്ലങ്കില്‍ മറ്റൊരിക്കല്‍ തറവാട്ടില്‍ നിന്ന് കലഹിച്ച് പോകാത്തവരായി....

ഞാന്‍ മാത്രമായിട്ടല്ല പ്രശ്‌നം ഉണ്ടാക്കിയത്. ദേശം ഭരിക്കുന്ന രാജാവ് അപകടം പറ്റി ആശുപത്രിയില്‍ കിടന്നപ്പോള്‍ രാജാധികാരത്തിനായി ഇവിടെ മുട്ടനടി നടന്നില്ലേ? ആ അടി നടത്തിയവരാണ് ഞാന്‍ പ്രശ്‌നക്കാരന്‍ ആണന്ന് പറയുന്നത്. തറവാട് നോക്കി സ്വസ്ഥമായി ഇരുന്ന എന്നെ നാട്ട്മന്ത്രിയാക്കിയിട്ട് ഇലക്ഷനില്‍ നിര്‍ത്തി നാണം കെടുത്തി തോല്‍പ്പിച്ചില്ലേ? എന്നിട്ടും ഞാനാരെയെങ്കിലും കുറ്റപ്പെടുത്തിയോ? എല്ലാം എന്റെ വിധിയാണന്ന് പറഞ്ഞ് സമാധാനിച്ചു. തറവാട്ടില്‍ നിന്ന് പോയി രണ്ട് കുടിലുകള്‍ ഉണ്ടാക്കി എന്നത് സത്യമാണ് . അത് രണ്ടും കൊടുങ്കാറ്റിലും പേമാരിയിലും തകര്‍ന്നു പോയി. വീട് നഷ്ടപെട്ടപ്പോള്‍ കുറച്ചു നാള്‍ വഴിയമ്പലത്തില്‍ കയറി താമസിച്ചു. അവരെന്നെ പിടിച്ച് അതിന്റെ മാനേജരാക്കി. ഞാന്‍ ആ വഴിയമ്പലത്തെ സ്വന്തം വീടുപോലെ കണ്ട് മാനേജ് ചെയ്യാന്‍ നോക്കി. പക്ഷേ അവിടെ ഞാന്‍ പരാജയപ്പെട്ടു.

നമ്മുടെ തറവാടിന്റെ ഇപ്പോഴത്തെ അവസ്ഥ മാഡത്തിനു അറിയാമല്ലോ? നമ്മുടെ നാട് ഭരിക്കുന്നവരുടെ കൊള്ളരുതായ്‌മകള്‍ക്കെതിരെ ഒരു സമരം പോലും നടത്താന്‍ കഴിഞ്ഞി ട്ടില്ലല്ലോ ഇതുവരെ ? നാലു പത്ര സമ്മേളനങ്ങള്‍ നടത്തിയാല്‍ നാട്ടിലെ പ്രശ്‌നങ്ങള്‍ തീരുമോ?

ബൈബിളില്‍ ഒരു കഥ ഞന്‍ വായിച്ചിടുണ്ട്. ഒരപ്പന് രണ്ട് മക്കളുണ്ടായിരുന്നു. അതിലിളയ വന്‍ തനിക്ക് കിട്ടിയ ഓഹരികളെല്ലാം വിറ്റുതുലച്ച് തിരിച്ചു വന്നപ്പോള്‍ അപ്പന്‍ മകനെ സ്വീകരിച്ച കഥ. ആ കഥയിലെ പിതാവിനെപോലെ എന്റെ എല്ലാ കുറ്റങ്ങളും ക്ഷമിച്ച് എന്നെ തറവാട്ടില്‍ കയറ്റണം. നമ്മുടെ തറവാട്ടില്‍ കയറാനുള്ള മൂന്നുരൂപയുടെ എന്‍‌ട്രി പാസ് മാത്രമേ ഞാന്‍ ചോദിക്കുന്നുള്ളു. തറവാട്ടിലെ അകത്തെ മുറിയിലെവിടങ്കിലും ഞാന്‍ കിടന്നോളാം. തറവാട് കുളം തോണ്ടിയവര്‍ തറവാട്ടമ്മയുടെ പുക കണ്ടിട്ടേ അടങ്ങുക യുള്ളു എന്നു പറഞ്ഞവര്‍ വരെ തറവാട്ടില്‍ സുഭക്ഷമായി ഉണ്ട് ഉറങ്ങുമ്പോള്‍ ഞാന്‍ മാത്രം തറവാടിന് വെളിയില്‍ നില്‍ക്കുന്നത് ശരിയാണോ ? എത്രനാള്‍ വേണമെങ്കിലും ഞാന്‍ കാത്തിരിക്കാന്‍ തയ്യാറാണ് . ഉചിതമായ ഒരു തിരുമാനം അവിടെ നിന്ന് ഉണ്ടാവും എന്ന് പ്രതീക്ഷയോടെ ...

പഴയ ഒരു തറവാട്ട് കാരണവര്‍

(ഒരു പണികിട്ടുന്നതുവരെ ഞാനീപണി തുടരും.....)

.

മൌലീകാവകാശം ആര്‍ക്ക് ???

രാഹുല്‍ഗാന്ധിയുടെ സന്ദര്‍ശനം ജനങ്ങളുടെ സഞ്ചരിക്കാനുള്ള മൌലീകാവകാശം ഇല്ലാതാക്കിയന്ന് നമ്മുടെ സ്വന്തം മന്ത്രി ജി.സുധാകരന്റെ ആരോപണം. സ്വന്തം യാത്ര മുടങ്ങിയതു കൊണ്ടായിരിക്കണം മന്ത്രി ഇങ്ങനെ ആരോപണം ഉന്നയിച്ചത്. നമ്മള്‍ ജനങ്ങള്‍ ഈ വഴിയില്‍ കിടപ്പിന് എന്നും വിധിക്കപെട്ടവരാണ് അന്നൊന്നും ഈ മന്ത്രിമാര്‍ ആരെങ്കിലും ഇങ്ങനെ പരാതി പറയുന്നത് കേട്ടിട്ടുണ്ടോ??

കൊടിവച്ച കാറില്‍ മന്ത്രിമാര്‍ വരുമ്പോള്‍ എത്ര വണ്ടികളാണ് മുന്നിലും പുറകിലും ഹോണടിച്ച് പായുന്നത് ? ഈ വണ്ടികള്‍ പോകാനായി ജനങ്ങളെ തടയുന്നത് ഇതുവരെ ജി.സുധാകരന്‍ കേട്ടിട്ടില്ലേ? ഹര്‍ത്താലുകളും ബന്ദുകളും നടത്തുമ്പോള്‍ ജനങ്ങളുടെ സഞ്ചരിക്കാനുള്ള മൌലീകാവകാശം സംരക്ഷിക്കണമെന്ന് ഇതുവരെ ഏതെങ്കിലും മന്ത്രി പറഞ്ഞിട്ടുണ്ടോ? കേന്ദ്ര അവഗണയ്ക്കെതിരെ പോസ്റ്റ് ഓഫീസും ടെലിഫോണ്‍ ഭവനും ഉപരോധിക്കുമ്പോള്‍ ജനങ്ങള്‍ക്കും അവിടെ ജോലി ചെയ്യുന്നവര്‍ക്കും മൌലീകാവകാശങ്ങള്‍ ഇല്ലേ? സംസ്ഥാന ഗവണ്മെന്റിന്റെ അവഗണയ്ക്ക് എതിരെ കളക്‍ട്രേറ്റും താലൂക്ക് ഓഫീസും ഉപരോധികുമ്പോള്‍ അവിടെ ആവിശ്യങ്ങള്‍ക്ക് വരുന്നവര്‍ക്കും ജോലിക്കാര്‍ക്കും മൌലീകാവകാശങ്ങള്‍ ഇല്ലേ?? രാഷ്ട്രീയപാര്‍ട്ടികള്‍ വഴിതടയല്‍ സമരമുറയാക്കുമ്പോള്‍ നങ്ങളുടെ സഞ്ചരിക്കാനുള്ള മൌലീകാവകാശം സംരക്ഷിക്കപെടുകയാണോ?? ജാഥകളും പ്രകടനങ്ങളും കടന്നുപോകുമ്പോള്‍ ഞങ്ങള്‍ ജനങ്ങള്‍ എത്രമാത്രം വലയുന്നുണ്ടന്ന് ഇവിടിത്തെ മന്ത്രിമാര്‍ ഇതുവരെ അന്വേഷിച്ചിട്ടുണ്ടോ??

മന്ത്രി സുധാകരന്‍ ജനങ്ങള്‍ക്ക് വേണ്ടിയാണ് പ്രതികരിച്ചതെങ്കില്‍ നല്ലത്. അടുത്ത മന്ത്രി സഭായോഗത്തില്‍ അദ്ദേഹം തന്നെ ജനങ്ങളുടെ സഞ്ചരിക്കാനുള്ള മൌലീകാവകാശത്തെ ഹനിക്കുന്ന വഴിതടയലും ഉപരോധങ്ങളും അവസാനിപ്പിക്കാന്‍ നിയമ നിര്‍മ്മാണം നടത്താന്‍ മുന്‍‌കൈ എടുക്കണം.

രണ്ട് മലയാളിനാക്കുകള്‍ :

‘മലയാളിക്ക് പേരുദോഷം ഉണ്ടാക്കുന്നത് മലയാളികള്‍’ തന്നെ ആണന്ന് പറയുന്നതില്‍ കാര്യമുണ്ടന്ന് തോന്നുന്നു. അല്ലങ്കില്‍ രണ്ട് മലയാളികള്‍ഇങ്ങനെ ഒരുങ്ങി പുറപ്പെടുമോ? ഒരാള്‍ ഇന്റ്ര് നാഷ്ണല്‍ തലത്തില്‍ മലയാളിക്ക് ‘പേരുണ്ടാക്കുമ്പോള്‍’ മറ്റൊരാള്‍ പ്രാദേശിക തലത്തില്‍ ‘പേരുണ്ടാ ക്കുന്നു’. രണ്ടുപേരുടേയും ‘ആയുധം‘ ഒന്നു തന്നെ... നാക്ക് !!!! ഈ നാക്ക് കൊണ്ട് രണ്ടുപേരും ആവിശ്യ ത്തിന് ഗുലുമാല്‍ പിടിച്ചിട്ടുണ്ടുംഉണ്ട്... പട്ടിയുടെ വാല്‍ പന്തീരാണ്ട് കൊല്ലം കുഴലില്‍ ഇട്ടാലും വാല്‍ നിവരത്തില്ലന്ന് പറയുന്നതുപോലെ രണ്ടുപേരും എത്രകിട്ടിയാലും പഠിക്കില്ല.ഇനി നമുക്കിവരെ പരിചയപ്പെടാം.

ഇന്റ്ര് നാഷ്ണല്‍ തലത്തില്‍ മലയാളിക്ക് ‘പേരുണ്ടാക്കി’ കൊടുക്കുന്ന ആളെതന്നെ ആദ്യം പരിചയ പ്പെടാം. മറ്റാരുമല്ല അത്. നമ്മുടെ ഗോപുമോന്‍ ആണ് ആള്‍.

‘കിട്ടേണ്ടത് കിട്ടിയപ്പോള്‍‘ ആളു നന്നായന്നാണ് വിചാരിച്ചിരുന്നത്. എത്രകിട്ടിയാലും ഞാന്‍ നന്നാവില്ല അമ്മാവാ , എന്നെ അടിക്കേണ്ടാ എന്ന് പറയുന്നതുപോലെയാണ് ഗോപുമോന്റെ കാര്യം. കളിക്കാന്‍ ഇറങ്ങിയപ്പോള്‍ അമ്മയും ‘നാട്ടുകാരും’ എല്ലാം കൂടി കാക്കതൊള്ളായിരം ചരടുകളാണ് കൈയ്യില്‍ കെടുത്തത്. വിധിയെ തടുക്കാന്‍ ഈശ്വരന്മാരും ചിന്തിക്കും എന്ന് പറയുന്നതുപോലെ ഭാജിയുടെ അടി ഒരു വിധി ആയിരുന്നുവെന്ന് ആശ്വസിക്കാമായിരുന്നു. ‘വാങ്ങിയേ അടങ്ങൂ’ എന്ന് കല്പിച്ച് ഇറങ്ങിയാല്‍ ആര്‍ക്കെന്ത് ചെയ്യാന്‍ കഴിയും.??? അടിയൊക്കെ വാങ്ങിസ്വസ്ഥമായിട്ട് നാട്ടില്‍ വന്ന് യോഗയും ചിക്തിസയുമൊക്കെ കഴിഞ്ഞ് ഗോപുമോന്‍ ആഫ്രിക്കയ്ക്ക് വണ്ടികയറി. 2008 ഐ.പി.എല്ലില്‍ കൂടുതല്‍ വിക്കറ്റ് ഇട്ടു എന്ന് പറഞ്ഞ് എറിയാന്‍ ഇറങ്ങിയതും എറിയുന്ന പന്തില്‍ പലതും വേലിക്ക് പുറത്തുതന്നെ പോയി വീണു. ഹെയ്‌ഡനാണങ്കില്‍ പണ്ടത്തെകലി തീര്‍ത്തത് പന്തിനോടാണ്. ഗോപുമോന്‍ ഹെയ്‌ഡന് എറിയുന്ന പന്തില്‍ പകുതിയും ബൌണ്ടറി ലൈന്‍ കടന്നു. പിന്നെ ഗോപുമോന്‍ഒട്ടും അമാന്തിച്ചില്ല. നാക്കുകൊണ്ടായി ആക്രമണം.

2008 വരെ ഗോപുമോന്‍ ആരോടൊക്കെ മുട്ടിയിട്ടുണ്ട്?. നാക്കുകൊണ്ടുമാത്രമല്ല ശരീരഭാഷകൊണ്ടും ഗോപുമോന്‍ എല്ലാവരോടും ഉടക്കി. സൈമണ്ട്സിനോടും ഹെയ്‌ഡനോടും കാണുമ്പോഴെല്ലാം മുട്ടി. അവര്‍ക്കിച്ചിരെ വിവരം ഉള്ളതുകൊണ്ട് തിരിച്ചൊന്നും ചെയ്തില്ലാ എന്നേയുള്ളു. അല്ലങ്കില്‍ തന്നെ ഒന്ന് ഓര്‍ക്കണം ഹെയ്‌ഡന്റെയും സൈമണ്ട്സിന്റേയും തുടയുടെ വലുപ്പം പോലും ഇല്ല നമ്മുടെ ഗോപുമോന്. കണ്ണില്‍ ചോരയുള്ളതുകൊണ്ട് അവരൊന്നും കൈവീശി കൊടുത്തില്ലന്നേയുള്ളു. എന്തിന് ശരീരപ്രകൃതത്തില്‍ ഗോപുമോന്റെ പകുതിയുള്ള കൈഫിനോട്വരെ കഴിഞ്ഞ വര്‍ഷം ചൊറിഞ്ഞോട്ട് ചെന്നതാണ്.

വരാനുള്ളത് വഴിയില്‍ തങ്ങില്ലല്ലോ? തലേക്കെട്ട് കെട്ടിയാണങ്കിലും കൊടുക്കാനുള്ളാതുകൊണ്ട് ആളെത്തും എന്ന് പറഞ്ഞതുപോലെ ആളെത്തികൊടുത്തപ്പോഴാണ് ഗോപുമോന് സമാധാനം ആയത്. ഈ വര്‍ഷം ഗോപുമോനെ ഇനി ഗ്രൌണ്ടില്‍ ഇറക്കില്ലന്നാണ് പഞ്ചാബുകാര്‍ പറയുന്നത്.ഈ വര്‍ഷത്തെ ‘കൈനീട്ടം’ ഗോപുമോന് മിസ്സായി....

**********************

ഇനി നമുക്ക് കേരളത്തില്‍ നിന്നുകൊണ്ട് മലയാളിക്ക് നാക്കിന്റെ നീളം കാണിക്കുന്ന ആളെ പരിചയപ്പെടാം. ആള് നമ്മുടെ സ്വന്തം ആളുതന്നെയാണ്.ശബ്ദ്ദതാരാവലിയില്‍ ഉള്ള പദങ്ങളെക്കാള്‍ കൂടുതല്‍ പദസമ്പാദനം കൈമുതലായുള്ള ആളാണ് ഇദ്ദേഹം. മലയാളത്തിന് പുതിയ പദങ്ങള്‍സംഭാ വനചെയ്യാന്‍ തക്കവണ്ണം കഴിവുള്ളം ഇദ്ദേഹം നിസാരക്കാരനല്ലന്ന് ഉറപ്പാണ്. നല്ല നീരിക്ഷണപാടവും ചരിത്ര അവഗാഹവും ഇദ്ദേഹം പല കണ്ടുപിടിത്തങ്ങളും നടതിയിട്ടുണ്ട്. സ്വഭാവ സര്‍ട്ടിഫിക്കറ്റുകള്‍ നല്‍കാനും ഇദ്ദേഹത്തെ കവിഞ്ഞ് ആരുമില്ല. “കേരളം കണ്ട ഏറ്റവും വലിയ സത്യസന്ധനാണ് പിണറായി വിജയനെന്ന് ‘ സര്‍ട്ടിഫിക്കറ്റ് നല്‍കിയ ഇദ്ദേഹം ആരാണന്ന് പറയാതെതന്ന് അറിയാമല്ലോ? (സാറാജോസഫിന് അമേരുക്കന്‍ ഏജന്റ് എന്ന സര്‍ട്ടിഫിക്കറ്റ് നല്‍കിയതും ഇദ്ദേഹമാണ്.). കവിത എഴുത്തും പുത്തരിയൊന്നും അല്ല ഇദ്ദേഹത്തിന്. അമേരിക്കന്‍ പ്രസിഡണ്ടിനെക്കുറിച്ച് വരെ കവിത എഴുതിയ ആളാണ് ഇദ്ദേഹം. ആരെക്കുറിച്ച് വേണമെങ്കിലും കവിത എഴുതും. ഇതാ ഒരു സാമ്പിള്‍..



"ചുടുചോര പൊടിയുന്ന മനസിന്റെ വേദന

മലയാളി മനസിന്റെ മനമുരുകി വേദന

അതുപാടെ മാറ്റാന്‍ നിനവുറ്റ ശക്തിയായി

തവ പിന്നില്‍ നില്‍പ്പൂ വിജയരഥ സാരഥി".

അര്‍ത്ഥമൊക്കെ വായനക്കാര്‍ തന്നെ മനസിലാക്കി എടുക്കുകയേ നിവൃത്തിയുള്ളു.

ആരേയും ഇന്നതേ പറയൂ എന്നൊന്നും ഇദ്ദേഹത്തിന് നിര്‍ബന്ധമില്ല. ആര്‍ക്കെതിരേയും വായില്‍ തോന്നുന്നതെന്തും വിളിച്ചുപറയാന്‍ മലയാളനാട്ടില്‍ലൈസന്‍സ് ഉള്ള ഒരേ ഒരു വ്യക്തിയാണ് ഈ മന്ത്രി. ഉമ്മന്‍‌ചാണ്ടിയന്നോ ,സാറാജോസഫെന്നോ, നാരായണപണി ക്കരന്നോ, ഐഎ‌എസ് കാരന്നോ , സത്യന് മൊകേരിയെന്നോ , സുകുമാരന്‍ നായരന്നോ, ചെന്നിത്തലയന്നോ എന്നൊന്നും ഇദ്ദേഹം നോക്കാറില്ല. ആര്‍ക്കെതിരേയും എന്തും പറയും. ഈ പറച്ചില്‍ ഏതെങ്കിലും ഗുലുമാലായാല്‍ അതിനു വിശദീകരണം നല്‍കി തടിതപ്പുകയും ചെയ്യും.“അഞ്ച്‌ കൊല്ലം മന്ത്രിയോ എം.എല്‍.എയോ ആയാല്‍ നിഷ്‌പക്ഷനായെന്ന്‌ കരുതുന്നവര്‍ മാര്‍ക്‌സിസ്റ്റല്ല.“ എന്ന് പറഞ്ഞത് അച്യുതാനന്ദനെയാണന്ന് വ്യക്തമാണ ങ്കിലും താന്‍ഉദ്ദേശിച്ചത് സോമനാഥ് ചാറ്റര്‍ജിയെയാണന്ന് പറഞ്ഞ് ‘വാമൊഴി വഴക്കം’ പ്രകടമാക്കാന്‍ ഇദ്ദേഹത്തിനു കഴിയുന്നു.

സെക്രട്ടറിയേറ്റ് ഇടിച്ചുനിരത്തണമെന്ന് അഭിപ്രായം പറയാന്‍ ഇദ്ദേഹത്തിനല്ലാതെ ആര്‍ക്ക് കഴിയും.???? “ കൂടിവന്നാല്‍ മുണ്ട്പൊക്കി മറ്റേത് കാണിക്കും” എന്നുള്ള പ്രപഞ്ച സത്യവും ഇദ്ദേഹത്തിനു മാത്രമേ അറിയൂ. സ്വന്തം അറിവുകള്‍ മറ്റുള്ളവര്‍ക്ക് പകര്‍ന്നുകൊടുക്കുന്നത് ഒരു തെറ്റാണോ?



അവാര്‍ഡുകളും ഇദ്ദേഹത്തിനു പുത്തരിയല്ല. എന്തിന്, ‘ഗജരാജപട്ടം’ വരെ ഇദ്ദേഹത്തെ തേടി എത്തിയിട്ടുണ്ട്. (ഗുരുവായൂര്‍ ദേവസ്വത്തിലെ കണ്ണന്‍ , ജയറാമിന്റെ കണ്ണന്‍, കുട്ടന്‍ കുളങ്ങര രാമദാസ്, തുടങ്ങിയ ആനകള്‍ക്ക് ‘ഗജരാജപട്ടം’ കിട്ടിയിട്ടുണ്ട്.). ഒരു മനുഷ്യന്‍ ആദ്യമായി ‘ഗജരാജപട്ടം’ നേടിയതില്‍ മനുഷ്യരായ നമ്മളും അഭിമാനിക്കണമല്ലോ???

അവസാനം കേട്ടത് : പ്രകോപനങ്ങള്‍ ചലനാത്മകത സൃഷ്ടിക്കാന്‍ വേണ്ടിയാണന്ന് മന്ത്രി പറഞ്ഞിരിക്കുന്നു. ഈ പ്രകോപനങ്ങള്‍ ദേവസ്വം വകുപ്പില്‍ കാണിച്ചായിരു ന്നെങ്കില്‍ ദേവസ്വം വകുപ്പ് എന്നേ നന്നാകുമായിരുന്നില്ലേ?എന്ന് ചോദിക്കരുത്. ‘വാമൊഴി വഴക്ക’ങ്ങളില്‍ ചോദ്യങ്ങള്‍ക്ക് ഉത്തരമില്ല.

പുറം പോയ ഗാന്ധിജി

വര്‍ഷങ്ങളായി എല്ലാം കണ്ടും കേട്ടും പത്തനംതിട്ടയുടെ ഹൃദയ ഭാഗത്ത് തന്നെ ഗാന്ധിജി ഉണ്ട്. ഒരു ചെറുപുഞ്ചിരിയുമായി തലയുയര്‍ത്തി നില്‍ക്കുന്ന ഈ ഗാന്ധി എന്തെല്ലാം കാഴ്ചകള്‍ കണ്ടിട്ടുണ്ടാവും.? എത്രയോ കോലം കത്തിക്കലുകളുടെ ചൂടും പുകയും ഈ പ്രതിമ ഏറ്റ് വാങ്ങിയിട്ടുണ്ടാവും??എത്രയോ കുത്തിയിരുപ്പുകള്‍ക്ക് സാക്ഷ്യം വഹിച്ചിട്ടുണ്ടാവും? പത്തനംതിട്ടയില്‍ നടക്കുന്ന വഴിതടയലുകള്‍ക്ക് ഒട്ടുമിക്കപ്പോഴും വേദിയാകുന്നത് ഗാന്ധിപ്രതിമയുടെ ചുറ്റുവട്ടം തന്നെയാണ്... എത്രയോ നേതാക്കന്മാരുടെ അവകാശ വാദങ്ങളും സമരപ്രഖ്യാപനങ്ങളും വിജയപ്രഖ്യാപനങ്ങളുംഒക്കെ കേട്ട് ഈ ഗാന്ധിപ്രതിമ ‘പ്രതിമയായി’ തന്നെ നിന്നിട്ടുണ്ടാവും......

ഈ പ്രതിമയെ മറച്ച് തൊടിതോരണങ്ങളും ഫ്ലക്സുകളും ഉയര്‍ന്നിരുന്നു.... വിജയാഹ്ലാദങ്ങളിലും സമരപ്രഖ്യാപനവേളകളിലും മാത്രമല്ലേ പത്തനംതിട്ടക്കാര്‍ ഈ ഗാന്ധിപ്രതിമയെ സ്നേഹിച്ചിരുന്നത് ???. ഏണീവച്ച് കയറി ഗാന്ധികഴുത്തില്‍ ഇടുന്ന പൂമാലകള്‍ വാടിക്കരി ഞ്ഞ് ഉണങ്ങികരിഞ്ഞ് താഴെവീണങ്കില്‍ ആ ‘ഉണക്കമാല’ എത്രകാലം വേണമെങ്കിലും ആ കഴുത്തില്‍ കിടക്കും. ( തിരഞ്ഞെടുപ്പ് വേളയില്‍ ഇങ്ങനെയിട്ടൊരുമാല നിങ്ങള്‍ക്ക് ഇപ്പോഴും ഈ ചിത്രങ്ങളില്‍ കാണാം.. ആരായിരിക്കും ഈ മാല ഇട്ടതെന്ന് നിങ്ങള്‍ തന്നെ ഊഹിക്കുക... തിരഞ്ഞെടുപ്പ് വേളയിലും സമരങ്ങ ളിലും മാത്രം ‘ഗാന്ധിത്തൊപ്പി’ പൊടിതട്ടിയെടുക്കുന്നവര്‍ തന്നെ.!!!!)

മഴയും വെയിലും ഏറ്റ് നില്‍ക്കുന്ന ഈ ഗാന്ധിപ്രതിമയെ ഒരിക്കല്‍ പോലും കാക്കകള്‍ ആക്രമച്ച് നിറവെത്യാസം വരുത്തിയിട്ടില്ല. എന്നാല്‍ ഈ കഴിഞ്ഞമാസം 14 ആം തീയതി (2009 ഏപ്രില്‍ 14) ഒരു കൂട്ടം മനുഷ്യരുടെ ആവേശത്തില്‍ ഈ ഗാന്ധിപ്രതിമയ്ക്ക് നഷ്ടപ്പെട്ടത് ‘വലതു പുറ‘മാണ്. തിരഞ്ഞെടുപ്പിന്റെകൊട്ടിക്കലാശത്തില്‍ യു.ഡി.എഫ്. പ്രവര്‍ത്തകരോ എല്‍.ഡി.എഫ് പ്രവര്‍ത്തകരോ ആവേശത്തോടെ ഉയര്‍ത്തിയ ഫ്ലക്സുകള്‍ ഉറപ്പിച്ച തടിക്കഷ്ണങ്ങള്‍തട്ടിയാണ് പ്രതിമയ്ക്ക് പുറം നഷ്ടപെട്ടത്. (ആണി അടിച്ച പട്ടികഷ്ണ ങ്ങളില്‍ ഒരെണ്ണം കഴിഞ്ഞാഴ്ചവരെ പ്രതിമയുടെ കാല്‍ച്ചുവട്ടില്‍ കിടപ്പുണ്ടായിരുന്നു.). കമ്യൂണിസ്റ്റ്കാരാണ് പ്രതിമയ്ക്ക് കെടുപാട് വരുത്തിയതെന്ന് കോണ്‍ഗ്രസും കോണ്‍ഗ്രസ് പ്രവര്‍ത്തകരാണ് പ്രതിമയ്ക്ക് കെടുപാട് വരുത്തിയതെന്ന് കമ്യൂണിസ്റ്റുകാരും പരസ്പരം ആരോപിച്ചതല്ലാതെ ഒന്നും ചെയ്തില്ല. വോട്ട് ബാങ്ക് രാഷ്ട്രീയം ഇല്ലാത്ത ഗാന്ധിപ്രതിമയ്ക്ക് എന്ത് സംഭവിച്ചാലും അവര്‍ക്കെന്ത്??

പത്തനംതിട്ടയില്‍ ഗാന്ധിപ്രതിമയ്ക്ക് കേടുപാടുസംഭവിച്ചതിന്റെ പേരില്‍ പ്രതിഷേധ പ്രകടനങ്ങളോ പ്രതിഷേധസമ്മേളനമോ ഹര്‍ത്താലുകളോ വഴിതടയലുകളോ ഒന്നും നടന്നില്ല. ആരക്കയോ പ്രസ്താവനകള്‍ എഴുതി പത്രഓഫീസുകളില്‍ എത്തിച്ചത് മാത്രമാണ് ആകെ നടന്നത്. ഏതോ മാനസികരോഗി കുരിശുവഞ്ചിയുടെ ചില്ലുകള്‍ തകര്‍ത്തപ്പോള്‍ പ്രതിഷേധസമ്മേളനവും പ്രസംഗങ്ങളും നടന്ന പത്തനംതിട്ടയില്‍ തന്നെയാണ് ഗാന്ധിപ്രതിമതകര്‍ക്കപെട്ടത്. അന്ന് പ്രതിഷേധ പ്രസംഗം നടത്തിയ ഇടതുവലതന്മാരില്‍ ആരും ഗാന്ധിപ്രതിമയ്ക്ക് വേണ്ടി നാവനക്കിയില്ല. പ്രതിമയാക്കപെട്ട ഗാന്ധിജിക്ക് ‘പത്തനംതിട്ടയില്‍’ വോട്ടില്ലല്ലോ?? ജയിംസ് ഓട്ടിസ് ന്യൂയോര്‍ക്കില്‍ ലേലത്തിന് വച്ച ഗാന്ധിജി ഉപയോഗിച്ച വസ്തുക്കള്‍ വിജയ് മല്യലേലത്തില്‍ പിടിച്ചതിനെതിരെ പ്രതികരിച്ച സാംസ്കാരിക നായകന്മാരാരും ഗാന്ധിപ്രതിമ തകര്‍ക്കപെട്ടതില്‍ പ്രതിഷേധിച്ചില്ല.


രണ്ടാഴ്ചകള്‍ക്ക് മുമ്പ് കളക്ടര്‍ വിളിച്ചു ചേര്‍ത്ത ഒരു ചര്‍ച്ചയില്‍ രാഷ്ട്രീയകക്ഷികള്‍ തങ്ങളുടെ നിലപാട് വ്യക്തമാക്കി.തങ്ങള്‍ ഗാന്ധിപ്രതിമ പുനര്‍നിര്‍മ്മിക്കുകയില്ല. (പ്രതിമസ്ഥാപിച്ച് ‘ജേസിസ്‘ തന്നെ പ്രതിമയുടെ പുനര്‍നിര്‍മ്മാണത്തിനുള്ള ചിലവ് ഏറ്റെടുക്കാന്‍ തയ്യാറാണന്ന് ഈ യോഗത്തില്‍അറിയിച്ചു... ജേസിസിന് ഒരായിരം പ്രണാമം..). ഇന്ത്യയ്ക്ക് സ്വാതന്ത്രം നേടിത്തരാന്‍ അഹോരാത്രം പോരാടിയ ഒരു ധീരന്‍ മാത്രമല്ല ഗാന്ധിജി. നമ്മുടെരാഷ്‌ട്രപിതാവു കൂടിയാണ്. രാഷ്‌ട്രത്തോടും ജനങ്ങളോടും ബാധ്യതയുള്ള രാഷ്ട്രീയകക്ഷികള്‍ അപമാനിച്ചിരിക്കുന്നത് രാഷ്ട്രപിതാവിനെയാണ്. തെറ്റുകള്‍ആര്‍ക്കും സംഭവിക്കാം. അത് തിരുത്താന്‍ തയ്യാറാകുമ്പോഴാണ് മനുഷ്യന്‍ മനുഷ്യനാവുന്നത്. മനപൂര്‍വ്വമല്ലായിരിക്കാം ഗാന്ധിപ്രതിമ തകര്‍ക്കപെട്ടത്.അന്ന് (ഏപ്രില്‍ 14) അവിടെ കൊട്ടിക്കലാശം നടത്തിയ എല്ലാവര്‍ക്കും പ്രതിമ തകര്‍ത്തതില്‍ തുല്യപങ്കാണുള്ളത്. അന്നവിടെ കൊട്ടിക്കലാശം നടത്തിയ എല്ലാവരും കൂടിയായിരുന്നു ആ പ്രതിമ പുന:നിര്‍മ്മിക്കേണ്ടത്.

ഗാന്ധിതൊപ്പിവച്ച് ഖദര്‍ ഉടുപ്പ് ഇട്ടോ ; സമ്മേളനവേദിയില്‍ ഗാന്ധിയുടെ പടം വച്ചോ അല്ല ആ മഹാത്മാവിനോട് ആദരവ് പ്രകടിപ്പിക്കേണ്ടത്.ഏതെങ്കിലും ആരാധനാലയ ങ്ങളുടെ വസ്തുവകകള്‍ക്കോ മറ്റോ നാശനഷ്ടം വന്നാല്‍ നമ്മുടെ രാഷ്ട്രീയ-സാംസകാരിക നേതാക്കള്‍ എങ്ങനെയാണ്പ്രതികരിക്കുന്നത്. പൊതുമുതല്‍ നശിപ്പിക്കുന്നവരില്‍ നിന്ന് ആ നഷ്ടം ഈടാക്കാന്‍ നിയമമുള്ള നാടല്ലേ നമ്മുടേത്? ഗാന്ധിപ്രതിമ ‘പൊതുമുതല്‍‘എന്ന നിര്‍വചനത്തില്‍ വരില്ലേ???


രാഷ്‌ട്രത്തിനുവേണ്ടി തന്റെ ജീവന്‍ നല്‍കിയ ആ മഹാത്മാവിനോട് നമുക്ക് നീതി പുലര്‍ത്താന്‍ കഴിയുന്നുണ്ടോ? നെഞ്ചില്‍ക്കൂടി തുളച്ചുകയറിയബുള്ളറ്റുകളില്‍ ജീവിതം ഭാരതത്തിനുവേണ്ടി വെടിയേണ്ടിവന്ന അര്‍ദ്ധനഗ്നനായ ഫക്കീറിന്റെ ജ്വലിക്കുന്ന ഓര്‍മ്മകളോടെങ്കിലും അല്പം നീതിപുലര്‍ത്തേണ്ടതല്ലേ??

ഈ ശനിയാഴ്ച (16/05/2009) തിരഞ്ഞെടുപ്പില്‍ വിജയിക്കുന്നവര്‍ ഈ ഗാന്ധിപ്രതിമയെ ത്തേടിവരും. വിജയത്തിന്റെ ആഹ്ലാദം പങ്കിടാനായി ‘വിജയയാത്ര‘ നടത്തുന്നതിനുമുമ്പായി ഏണിവച്ച് അവര്‍ ഗാന്ധിപ്രതിമയുടെ കഴുത്തില്‍ ഒരു ഉളുപ്പും ഇല്ലാതെ പൂമാല അണിയിക്കും. പ്രതിമയ്ക്ക് ജീവനില്ലാത്തതുകൊണ്ട് ഇടതുകൈയ്യിലിരിക്കുന്ന ആ വടി തങ്ങളുടെ നേരെ ഒരിക്കലും വീശുകയില്ല എന്നതില്‍ അവര്‍ക്ക് ആശ്വസിക്കാം....

രാഷ്‌ട്രത്തോടും ജനങ്ങളോടും രാഷ്ട്രപിതാവിനോടും അല്പമെങ്കിലും സ്നേഹവും ബാധ്യതയും ഉണ്ടങ്കില്‍ പ്രിയപ്പെട്ട രാഷ്ട്രീയക്കാരേ നിങ്ങള്‍ ആ പ്രതിമയുടെ പുന:നിര്‍മ്മാണം ഏറ്റെടുക്കൂക്കൂക്കൂ....