ഇത് ഫോര്‍‌വേഡ് ചെയ്യാമോ , സാറുന്മാരേ ????

ടിന്റുമോന്‍ രണ്ടു ദിവസമായി ആകെ ടെന്‍ഷനിലാണ് . കൃത്യമായി പറഞ്ഞാല്‍ തിങ്കളാഴ്‌ച രാവിലെ മുതല്‍ ടിന്റു‌മോന് ടെന്‍‌ഷന്‍ തുടങ്ങിയതാണ്. ടിന്റുമോന് ഒരു മെയില്‍ കിട്ടി. ആ മെയില്‍ ആര്‍ക്കെങ്കിലും അയച്ചുകൊടുത്താല്‍ പോലീസ് പിടിക്കുമോന്ന് പേടി അയച്ചുകൊടുക്കാതിരുന്നാല്‍ കൂട്ടുകാര്‍ക്ക് എന്ത് തോന്നുമെന്നുള്ള വിചാരം. ഈ രണ്ട് അവസ്ഥകള്‍ക്കിടയില്‍ നില്‍ക്കുമ്പോള്‍ ടിന്റു‌മോന് ടെന്‍‌ഷനോട് ടെന്‍ഷന്‍. ഒരു ‘വ്യാജവീട് ‘അയച്ചുകൊടുത്തതിന്റെ ടെന്‍‌ഷന്‍ കഴിഞ്ഞതേയുള്ളു.... വീട് അയച്ചു കൊടുത്തതിന്റെ പേരില്‍ പോലീസ് വന്ന് തന്റെ കമ്പ്യൂട്ടര്‍ പരിശോധിക്കുന്നതും ആരും കാണാതെ സിഡ്രൈവിലെ പ്രോഗ്രാം ഫയലില്‍ ഇട്ടിരുന്ന തന്റെ കാമുകി തിന്റു‌മോളുടെ ഫോട്ടോ വീട്ടിലെല്ലാവരുംകാണുന്നതും പോലീസ് പിടിച്ചുകൊണ്ടു പോകുന്ന തന്നെ തിന്റു‌മോളുടെ അപ്പന്‍ വെട്ടുകത്തിയുമായി വന്ന് വെട്ടുന്നതും സ്വപ്നത്തില്‍ കണ്ട് ടിന്റു‌മോന്‍ ഞെട്ടിയുണര്‍ന്നത് ഒരാഴ്ചയാണ് . വീടെല്ലാം ആറിത്തണുത്ത് നില്‍ക്കുമ്പോഴാണ് പുതിയ മെയില്‍ വരുന്നത്. മെയിലിന്റെ രൂപമാണ ങ്കിലും സംഗതി ആരും ‘ഉണ്ടാക്കി‘ വിട്ടതല്ല. പത്രത്തില്‍ വന്ന ഒരു ഫോട്ടോയാണ് തിങ്കളാഴ്ച് ടിന്റുമോന് കിട്ടിയത് ...

പോലീസിന് ഒരെല്ല് കൂടുതലാണന്ന് പറഞ്ഞ് സിന്‍‌ഡിക്കേറ്റ് പത്രങ്ങളില്‍ വന്ന വാര്‍ത്തയാണ് മെയിലില്‍ വന്നിരിക്കുന്നത്. മന്ത്രി പോലീസ് എന്ന് എഴുതിയപ്പോള്‍ ഒരെല്ല് കൂടിപോയതാണ് പ്രശ്നമായതും ഒരെല്ല് കൂടുതലാണന്ന് പറഞ്ഞ് പത്രങ്ങളൊക്കെ വാര്‍ത്തയാക്കിയതും. നമ്മുടെ പോലീസ് പാവമാണന്ന് ടിന്റുമോന് അറിയാം. കള്ളന്മാരെപിടിക്കാന്‍ നേരം നമ്മുടെ പോലീസിന് എല്ലുതന്നെയില്ലന്നാ‍ണ് എല്ലാവരും പറയുന്നത്. ഹെല്‍മറ്റ് ഇല്ലാത്തവരെ പിടിക്കാന്‍ റോഡിലോട്ട് ഇറങ്ങിയാല്‍ പോലീസിന് ഒരെല്ല് കൂടുതലും ആവും .. മന്ത്രി അധികത്തില്‍ ഇട്ടുകൊടുത്ത എല്ല് ഊരാന്‍മറ്റൊരാള്‍ വന്നു. എല്ല് മാറ്റിയപ്പോള്‍ 'POLLICE' 'POL ICE' ആയി..

ടിന്റു‌മോന്റെ ഗവേഷ്ണം 'POL ICE' നെ ചുറ്റുപ്പറ്റിയായി. ആധുനിക ഉത്തരാധുനിക സാഹിത്യകൃതികളെ വലിച്ചുകീറി വിശകലനം ചെയ്യുന്നതുപോലെ മോഡേണ്‍ ആര്‍ട്ടിലെ നിറങ്ങളും വരകളും ബിംബങ്ങളും ഭൂതകണ്ണാടികൊണ്ട് നോക്കി മൂര്‍ത്തവും അമൂര്‍ത്താവുമായ ജീവിതത്തിന്റെ അര്‍ത്ഥവ്യാതിയില്‍ എത്തിക്കുന്നതുപോലെ ടിന്റുമോനും 'POL ICE' നെ വിശകലനം ചെയ്തു. പോള്‍ ഇപ്പോള്‍ പോലീസിന് ഒരു തലവേദനയായിത്തീര്‍ന്നിരിക്കുവാണല്ലോ? ഒരു ബൈക്കുകാരനെ ഇടിച്ചുവീഴ്‌ത്തിയ പോള്‍ മുത്തൂറ്റിനെ തങ്ങളുടെ ക്വൊട്ടേഷന്‍‌പോലും മാറ്റിവച്ച് പൌരബോധത്തില്‍ തിളച്ചുമറിഞ്ഞ ‘ഗുണ്ടകള്‍’ എന്‍ഡോവറിനെ ചെയ്സ് ചെയ്ത് കുത്തികൊലപെടുത്തിയ മുതല്‍ പോലീസും പോളും തമ്മിലുള്ള
ബന്ധം ആരംഭിക്കുന്നു. അവസാനം പഴുതടച്ച് പൂര്‍ത്തിയാക്കിയ ‘തിരക്കഥ‘യില്‍ മുഴുവന്‍ അബദ്ധങ്ങളാണന്ന് പറഞ്ഞ് കോടതി ആ കുറ്റപത്രം ഇന്നലെ തിരിച്ചും കൊടുത്തു. പോളും ‘എസ്’ കഠിയും ഇപ്പോഴും നമ്മുടെ പോലീസിനെ വട്ടം കറക്കുകയാണ്. ആരാണ് വട്ടം കറക്കുന്നതെന്ന്
ചോദിച്ചാല്‍ ഒരുത്തരവും ഇല്ല. ആരോ ഒരാള്‍ ... കുട്ടിച്ചാത്തന്‍ സിനിമകളിലൊക്കെ കണ്ടിട്ടില്ലേ അദൃശ്യനായ ഒരാള്‍ വടിയെടുത്ത് വില്ലന്മാരെഓടിക്കുന്നത് കണ്ടിട്ടില്ലേ? അങ്ങനെയുള്ള ആരോ ഒരാളാണ് നമ്മുടെ പോലീസിനേയും വട്ടം കറക്കൂന്നത്. പോള്‍ വധക്കേസിലെ നല്ലവരായ
രണ്ടുപേരെ തമിഴ്‌നാട്ടില്‍ നിന്ന് കേരളത്തിലേക്ക് കൊണ്ടുവന്നപ്പോള്‍ വരുന്നവഴിക്ക് തന്നെ സിനിമാ‌സ്റ്റൈലില്‍ വാഹനം ഓടിച്ച് അതില്‍ ഒരു പൊലീസ് ഓഫീസര്‍ ചാടിക്കയര്‍ ചൂടോടെ അവരെ ചോദ്യം ചെയ്‌തത് പോലീസിന് സത്‌കീര്‍ത്തി തന്നെയാണ് നല്‍കിയത്.

പോള്‍ പോലീസിനെ ഐസ് ആക്കുമെന്നാണോ അതോ പോളിനെ പോലീസ് ഐസ് ആക്കുമെന്നാണോ അതോ പോള്‍ വധക്കേസ് ഫ്രീസറില്‍ തന്നെ ഇരിക്കുമെന്നാണോ 'POL ICE' എന്നതുകൊണ്ട് വിവക്ഷിക്കുന്നത് എന്ന് മാത്രം ടിന്റുമോന് മനസിലായില്ല. അവരവരുടെ മനോധര്‍മ്മത്തിന് അനുസരിച്ച് അര്‍ത്ഥവ്യാപ്തികള്‍ കണ്ടെത്താവുന്ന ഒരു വാക്കായി 'POL ICE' മാറട്ടെ എന്നാണ് ടിന്റുമോന്റെ അഗ്രഹം...

മുകളിലെ ഫോട്ടോ പത്തുപേര്‍ക്ക് അയച്ചു കൊടുത്താല്‍ അപകീര്‍ത്തികരമായ മെയില്‍ അയച്ചതിന് തന്നെ പോലീസ് അറസ്റ്റുചെയ്യുമോ എന്നാണ് ടിന്റുമോന് അറിയേണ്ടത് .. താന്‍ ഈ ഫോട്ടോ അയക്കാതിരുന്നാല്‍ ഉണ്ടായ അപകീര്‍ത്തി സത്കീര്‍ത്തിയായി മാറുമോ എന്ന് ടിന്റുമോന് അറിയില്ല.ഏതായാലും ടിന്റുമോന് ഒന്നറിയാം തന്റെ ക്ലാസ്‌ടീച്ചര്‍ ഇതുവരെ സ്കൂളിന്റെ പേര് തെറ്റിച്ചെഴുതിയിട്ടില്ല.....

:: ടിന്റുമോന്‍ സ്പെഷല്‍ ::

തിന്റുമോള്‍ :: “ടിന്റു മോനേ ... വ്യാജ ഈമെയില്‍ അയച്ച ആളുകളെ പിടിച്ചത് വ്യാജ സിഡി ഉണ്ടാക്കിയതിന് സസ്‌പെന്‍ഷന്‍ കിട്ടിയ ആളാണന്ന് !! "

ടിന്റുമോന്‍ :: “കാല്‍ക്കള്ളനെ പിടിക്കാന്‍ അരക്കള്ളനെങ്കിലും വേണമെന്ന് പറയുന്നത് ശരിയാ ...”

കേരളപോലീസ് ഇവരെ പിടിക്കാത്തതെന്താ ???

പിണറായി വിജയന്റെ പരാതികിട്ടി ഒരാഴ്ചയ്ക്കുള്ളില്‍ പിണറായി വിജയന് അപകീര്‍ത്തി കരമായ ഇമെയില്‍ ഉണ്ടാക്കിയ ആളെ കണ്ടെത്തുകയും അത് ഫോര്‍വേഡ് ചെയ്ത ലക്ഷക്കണക്കിന് ആളുകളില്‍ നിന്ന് അവരുടെ പ്രതിനിധിയായി രണ്ടുപേരെ കണ്ടെത്തി അറസ്റ്റ് ചെയ്ത് പത്രങ്ങളിലൂടെയും ചാനലുകളിലൂടയും ജനങ്ങളെ അറിയിച്ച പോലിസിന്റെ ‘സാഹസികമായ സൈബര്‍ അന്വേഷ്ണ‘ത്തെ ആദ്യം തന്നെ അഭിനന്ദിക്കട്ടെ. ഈ പ്രതിക ളുടെ ചിത്രങ്ങള്‍ തങ്ങളുടെ ഒന്നാം

പേജില്‍ തന്നെ തങ്ങളുടെ പത്രത്തിന് തലക്കെട്ടിന് താഴെത്തന്നെ കൊടുത്ത് തങ്ങളുടെ പത്രപ്രവര്‍ത്തനം വെറും വാണിജ്യമല്ലന്നും തെളിയിച്ച പത്രധര്‍മ്മത്തെയും അഭിനന്ദിക്കുന്നു. മൂന്നാമതായി ഒരിക്കല്‍കൂടി നമ്മുടെ പോലീസിന് അഭിനന്ദനം രേഖപ്പെടുത്തട്ടെ; കൊലപാതക പ്രതികള്‍ക്കും പെണ്‍‌വാണിഭപ്രതികള്‍ക്കും ഗുണ്ടകള്‍ക്കും പത്രക്കാര്‍ ഫോട്ടോ എടുക്കാന്‍ വരുമ്പോള്‍ മുഖം മറയ്ക്കാന്‍ ഏര്‍പ്പെടുത്തി യിരുന്ന സൌകര്യം വ്യാജ ഇമെയില്‍ പ്രതികള്‍ക്ക് നല്‍കാതിരുന്നതിനാണ് മൂന്നാമത്തെ അഭിനന്ദനം. കേരളം കണ്ട ഏറ്റവും വലിയ സൈബര്‍ ഭീകരന്മാരായിരുന്നല്ലോ അവര്‍ !!!!!!

സൈബര്‍ കുറ്റങ്ങള്‍ തടയാന്‍ നമ്മുടെ കേരളപോലീസ് നടത്തുന്ന എല്ലാ പ്രവര്‍ത്തന ങ്ങളേയും പിന്തുണയ്ക്കുന്നു. കേരളപോലീസിനെ കുറിച്ചും, സൈബര്‍ കുറ്റങ്ങളെക്കുറിച്ചും , ഐറ്റി ആക്റ്റിനെക്കുറിച്ച് അറിയുന്നതിനും നിങ്ങള്‍ക്ക് കേരള പോലീസിന്റെ വൈബ് സൈറ്റില്‍ ചെന്ന് നോക്കാവുന്നതാണ് . നിങ്ങള്‍ ഏത് വൈബ് സൈറ്റ് അഡ്രസായിരിക്കും കേരളപോലീസി

ന്റെ വിവരങ്ങള്‍ അറിയാന്‍ ഉപയോഗിക്കുന്നത്. സ്വാഭാവികമായി ഇന്റെ‌ര്‍നെറ്റ് ഉപയോഗിക്കുന്നവരില്‍ 80% ആളുകളും http://www.keralapolice.com/ എന്ന അഡ്രസ് ഉപയോഗിച്ചായിരിക്കും കേരളപോലീസിന്റെ സൈറ്റിലേക്ക് പോകാന്‍ ശ്രമിക്കുന്നത്. http://www.keralapolice.com/ എന്ന അഡ്രസ് ടൈപ്പ് ചെയ്ത് കാത്തിരിക്കുന്നവരുടെ മുന്നിലേക്ക് വരുന്നത് ഇങ്ങനെ ഒരു സൈറ്റായിരിക്കും.

നമ്മുടെ കേരളാപൊലീസ് ആത്മീയ മന്നയുടെ മൊത്തവിതരണക്കാരായോ എന്ന് നിങ്ങള്‍ സംശയിച്ച് നില്‍ക്കുവായിരിക്കും. നമ്മുടെ കേരളാപോലീസിനെക്കുറിച്ചുള്ള വിവരങ്ങള്‍ അറിയണമെങ്കില്‍ http://www.keralapolice.org/ എന്നു തന്നെ അഡ്രസ്‌ബാറില്‍ ടൈപ്പ് ചെയ്തുകൊടുക്കണം.

ഇനി http://www.keralapolice.net/ എന്ന സൈറ്റ് ഒന്നു എടുത്തു നോക്കൂ...

ഇതും കണ്ട സ്ഥിതിക്ക് http://www.mannaexpress.com/ എന്ന സൈറ്റു കൂടി കണ്ടു നോക്കൂ.

ഇപ്പോള്‍ ഒരു ഏകദേശ ധാരണയായി കാണുമല്ലോ? http://www.keralapolice.com/ , http://www.keralapolice.net/ , http://www.mannaexpress.com/ എന്ന സൈറ്റുകളുടെ ഉള്ളടക്കം ഒന്നുതന്നെ ആണ്. ഒരേ സോഴ്സ് കോഡുതന്നെയാണ് മൂന്ന് സൈറ്റുകളിലും ഉപയോഗിച്ചിരിക്കുന്നത്. ഈ സൈറ്റുകളിലെ ഹിറ്റ് കൌണ്ടറുകള്‍ ശ്രദ്ധിച്ചാല്‍ പെട്ടന്ന് ഇത് മനസിലാക്കാം.

തങ്ങള്‍ ആരാണന്ന് http://www.keralapolice.com/ , http://www.keralapolice.net/ , http://www.mannaexpress.com/ എന്ന സൈറ്റിന്റെ നടത്തിപ്പുകാര്‍ പറയുന്നത് കാണുക.

ദൈവ വചനവുമായി പൊരുത്തപെടുന്നവര്‍ ആണ് കേരളപോലീസ് എന്ന് മന്ന‌ എക്സ്‌പ്രക്സ്കാരന് തോന്നിയത് എന്തുകൊണ്ടാണന്ന് അറിയില്ല. ജനങ്ങളെ തെറ്റിധരിപ്പിക്കുക എന്നുള്ള ഉദ്ദേശത്തോടുകൂടി ആയിരിക്കണം mannaexpress നടത്തിപ്പുകാര്‍ http://www.keralapolice.com/ , http://www.keralapolice.net/ എന്നീ സൈറ്റുകള്‍ തുടങ്ങിയിരിക്കുന്നത്. ആദ്യം പറഞ്ഞിരിക്കുന്ന മെയില്‍ അയിച്ചവര്‍ ചെയ്തിരിക്കുന്ന കുറ്റവും ഇതുതന്നെ ആണന്നല്ലേ നമ്മുടെ പോലീസ് പറയുന്നത്; മെയിലില്‍ പറഞ്ഞിരിക്കുന്ന ആളെക്കുറിച്ച് ജനങ്ങളുടെ ഇടയില്‍ തെറ്റിധാരണപരത്തി അപകീര്‍ത്തി പ്പെടുത്തുക. mannaexpress നടത്തിപ്പുകാരും ചെയ്തിരിക്കൂന്നത് ഇതുതന്നെയല്ലേ?? IT Act as amended by Information Technology (Amendment) Act 2008 ല്‍ XI. OFFENCES എന്ന സെക്ഷനില്‍ പറഞ്ഞിരിക്കുന്ന കുറ്റങ്ങളിലൊന്നും mannaexpress ല്‍ കണ്ടെത്താന്‍ പോലീസിന് ഇതുവരെ കഴിഞ്ഞിട്ടില്ലേ??

ഗവണ്‍‌മെന്റ് സ്ഥപനങ്ങളുടെ പേരോ , ഗവണ്‍‌മെന്റ് നടത്തുന്നതോ എന്നോ മറ്റുള്ളവര്‍ക്ക് തോന്നല്‍ ഉണ്ടാക്കുന്ന രീതിയില്‍ സ്വകാര്യ സ്ഥാപനങ്ങളുടെ (കമ്പിനി) പേരിന്റെ കൂടെ ഉപയോഗിക്കാന്‍ പാടില്ല എന്ന നിയമം നമ്മുടെ നാട്ടില്‍ ഇപ്പോഴും ഉണ്ടന്ന് തോന്നുന്നു. (പണ്ട് കോളേജില്‍ കമ്പിനി ലോ പഠിച്ചപ്പോള്‍ പഠിച്ചതാണ്.). കമ്യൂണിറ്റി സൈറ്റുകളില്‍ വ്യാജപ്രൊഫൈല്‍ ഉണ്ടാക്കുന്നത് ഗുരുതരമായ കുറ്റമാണല്ലോ? പിന്നെ എന്തുകൊണ്ട് നമ്മുടെ കേരളപോലീസിന് http://www.keralapolice.com/ , http://www.keralapolice.net/ , എന്നീ സൈറ്റുകള്‍ ഒഴിവാക്കാന്‍ കഴിയുന്നില്ല. സ്വന്തം കണ്ണിലെ കോല്‍ എടുക്കാതെ മറ്റുള്ളവന്റെ കണ്ണിലെ കരട് എടുക്കാന്‍ എങ്ങനെ കഴിയും ???

http://www.keralapolice.com/ , http://www.keralapolice.net/ , http://www.mannaexpress.com/ എന്നീ മൂന്ന് സൈറ്റുകളും രജിസ്റ്റര്‍ ചെയ്തിരിക്കുന്നത് ഒരാള്‍ തന്നെയാണ് . താഴെ കൊടുത്തിരിക്കുന്ന ചിത്രം നോക്കൂ..

http://www.keralapolice.info/ എന്നൊരു സൈറ്റ് രജിസ്റ്റ്‌ര്‍ ചെയ്തിട്ടുണ്ടങ്കിലും അതിപ്പോള്‍ പ്രവര്‍ത്തന രഹിതമാണ്.

സൈബര്‍ കുറ്റകൃത്യങ്ങള്‍ ഒഴിവാക്കപെടേണ്ടതും കുറ്റവാളികള്‍ ശിക്ഷിക്കപെടേണ്ടതു തന്നെയാണ് . പതിനായിരക്കണക്കിന് ആളുകള്‍ ഫോര്‍വേഡ് ചെയ്ത മെയിലിന്റെ പേരില്‍ രണ്ട് പേര്‍മാത്രം കുറ്റവാളികളായി സമൂഹത്തിന്റെ മുന്നില്‍ നില്‍ക്കേണ്ടിവരുന്നത് എന്ത് കുറ്റന്വേഷ്‌ണത്തിന്റെ പേരിലാണങ്കിലും അത് നല്ല ഒരു നടപടിക്രമം അല്ല. മെയില്‍ ഫോര്‍‌വേഡ് ചെയ്തവരില്‍ രണ്ടുപേര്‍ മാത്രം എങ്ങനെ പിടിക്കപെട്ടു. ??? ഫോര്‍വേഡ് മെയിലിന്റെ താഴെ സിഗ്‌നേച്ചറായി പേരും അഡ്രസും ഫോണ്‍‌നമ്പരും വയ്ക്കുന്നവര്‍ സൂക്ഷിക്കുക....

------------------------------------------------

:: update ::

മുകളില്‍ കൊടുത്തിരിക്കുന്ന ചിത്രങ്ങളില്‍ ക്ലിക്ക് ചെയ്യുമ്പോള്‍ അത് വലുതായി കാണിക്കുന്നില്ല എന്ന് ചിലര്‍ ചൂണ്ടിക്കാണിക്കുകയുണ്ടായി. അവസാനത്തെ ചിത്രത്തിലെ കാര്യങ്ങള്‍ താഴെ കൊടുത്തിരിക്കുന്ന രീതിയിലാണ് ::

MannaExpress.com Whois Record ( Manna Express )

Registrant:
none
130-12-97 th ave
Richmond Hill, NY 11419
US
7183008865

Domain Name: MANNAEXPRESS.COM

Administrative Contact:
Baby, William
130-12-97 th ave
Richmond Hill, NY 11419
US
7183008865

Technical Contact:
Baby, William
130-12-97 th ave
Richmond Hill, NY 11419
US
7183008865

Record last updated 09-15-2008 04:52:46 PM
Record expires on 04-30-2010
Record created on 04-29-2003

Domain servers in listed order:
NS0.DIRECTNIC.COM 74.117.217.20
NS1.DIRECTNIC.COM 74.117.222.20

KeralaPolice.com Whois Record ( Kerala Police )

Registrant:
none
130-12-97 th ave
Richmond Hill, NY 11419
US
7183008865

Domain Name: KERALAPOLICE.COM

Administrative Contact:
Baby, William
130-12-97 th ave
Richmond Hill, NY 11419
US
7183008865

Technical Contact:
Baby, William
130-12-97 th ave
Richmond Hill, NY 11419
US
7183008865

Record last updated 09-15-2008 04:52:06 PM
Record expires on 04-29-2010
Record created on 04-29-2000

Domain servers in listed order:
NS0.DIRECTNIC.COM 74.117.217.20
NS1.DIRECTNIC.COM 74.117.222.20

KeralaPolice.net Whois Record ( Kerala Police )

Registrant:
none
130-12-97 th ave
Richmond Hill, NY 11419
US
7183008865

Domain Name: KERALAPOLICE.NET

Administrative Contact:
Baby, William
130-12-97 th ave
Richmond Hill, NY 11419
US
7183008865

Technical Contact:
Baby, William
130-12-97 th ave
Richmond Hill, NY 11419
US
7183008865

Record last updated 09-15-2008 04:52:06 PM
Record expires on 04-29-2010
Record created on 04-29-2000

Domain servers in listed order:
NS0.DIRECTNIC.COM 74.117.217.20
NS1.DIRECTNIC.COM 74.117.222.20

കൊച്ചിയുടെ ഒരു കറുത്തമുഖം :

കൊച്ചി വളരുകയാണ് ;കേരളത്തെക്കാള്‍ വേഗതയില്‍. ഇന്‍ഫര്‍മേഷന്‍ ടെക്‍നോള ജിയുടേയും വ്യവസായങ്ങളുടേയും പിന്‍ബലത്തില്‍ ഇന്ത്യയിലെ ഏതൊരു നഗരത്തേയും അതിശയിപ്പിക്കുന്ന രീതിയിലാണ് ആ വളര്‍ച്ച. ആദ്യം കേരളത്തിന്റെ വിവിധഭാഗങ്ങളില്‍ നിന്നുള്ളവരാണ് ജീവിതം തേടി കൊച്ചിയിലേക്ക് ഒഴുകിയെതെങ്കില്‍ ഇപ്പോള്‍ ആ ഒഴുക്ക് കേരളത്തിന് പുറത്ത് നിന്നാണ്. ബംഗാളി കളും ഒറീസക്കാരും ആണ് ഇപ്പോള്‍ കൂടുതലായി കൊച്ചിയിലെത്തുന്നത്. ജനങ്ങളുടെ എണ്ണം കൂടു മ്പോള്‍ മറ്റുനഗരങ്ങളിലെപ്പോലെ കൊച്ചിയിലും ‘കറുത്ത ബിസ്നസ്സ്‘ പെരുകി. നിയമപാലകരുടേയും രാഷ്ട്രീയക്കാരുടേയും തണലില്‍ കുഴല്‍പ്പണ, ക്വട്ടേഷന്‍, മദ്യ-മയക്കുമരുന്ന്, ‘വ്യാജ-ഭക്തി‘വ്യവസായ, റിയല്‍ എസ്റ്റേറ്റ് മാഫിയാകള്‍ കൊച്ചിയില്‍ പിടിമുറുക്കി കഴിഞ്ഞു. നിമിഷനേരങ്ങള്‍കൊണ്ട് കൂടുതല്‍ പണം സമ്പാദിക്കാന്‍ പറ്റുന്ന മാര്‍ഗ്ഗങ്ങളിലേക്ക് ‘ആളുകള്‍‘ തങ്ങളുടെ സാമ്രാജ്യം വളര്‍ത്താന്‍ ശ്രമി ക്കുന്നു. ‘ഉപഭോക്താവിന് ആവിശ്യമുള്ളത് എത്തിക്കുക’ എന്ന പ്രാഥമിക ബിസ്‌നസ്സ് തത്വത്തില്‍ അടിയുറച്ച് അവര്‍ തങ്ങളുടെ ‘കറുത്ത ബിസ്‌നസ്സ്‘ സാമ്രാജ്യം വളര്‍ത്തുന്നു.


കൊച്ചി സ്മാര്‍ട്ട് ആവുന്നതും കാത്തിരിക്കുന്നവരെ ഇളഭര്യാക്കി കൊച്ചി ഇന്ന് ചില കാര്യ ങ്ങളില്‍ ഓവര്‍സ്മാര്‍ട്ട് ആയിരിക്കുന്നു. കാമാത്തിപ്പുരയുടേയും ചുവന്നതെരുവിന്റേയും ഒക്കെ അടുത്ത് വരുന്നില്ലങ്കിലും കൊച്ചിയും രാത്രിയില്‍ തന്റെകണ്ണുകളില്‍ മദ്യത്തിന്റെ ചുവപ്പും സിരകളില്‍ രതിയുടെ അനുഭൂതിയുമായി ആളുകളെ മാടിവിളിക്കുന്നു. മാടിവിളിക്കുന്നു എന്നതിന് അപ്പുറം ആളുകളിലേക്ക് രതിയുടെ ചഷുകവുമായി കടന്നു ചെല്ലുന്നു. ഒരു മൊബൈല്‍ റിംങ്ങിനുപ്പുറത്തേക്ക് ആളുകളെ തേടി നില്‍ക്കേണ്ട. ആളുകളെ തിരഞ്ഞ് അലഞ്ഞ് തിരിയേണ്ട. പറയുന്ന സമയത്ത് പറഞ്ഞുറപ്പിച്ച വിലയില്‍ രതിയുടെ സാമ്രാജ്യ ത്തിലേക്ക് ആളുകളെ എത്തിക്കാന്‍ അവരെത്തും. ‘ഉപഭോക്താക്കള്‍ക്ക്‘ ഉല്പന്നങ്ങള്‍ എത്തിച്ചു കൊടുക്കുന്നതിനെക്കുറിച്ചോ ഉപഭാക്താക്കളെക്കുറിച്ചോ ഉല്പ്ന്നങ്ങളെക്കുറിച്ചോ അല്ല നമ്മുടെ ചിന്ത. ഈ ‘ഉല്പന്ന’ങ്ങള്‍ എങ്ങനെ സൃഷ്ടിക്കപ്പെടുന്നു??. എങ്ങനെ കൊച്ചി യിലെ ലൈംഗീക കച്ചവട മാഫിയ പ്രവര്‍ത്തിക്കുന്നു. (പെണ്‍ വാണിഭം അല്ലങ്കില്‍ സ്ത്രി പീഡനം എന്ന വാക്ക് മന:പൂര്‍വ്വം ഉപയോഗിക്കുന്നില്ല.). [ ഉല്പനങ്ങള്‍ വെറും ‘കച്ചവടവസ്തുവായി’ മാത്രം ആകുമ്പോഴാണ് കച്ചവടം അഥവാ വാണിഭം എന്ന പേര് ചേരുന്നത് . അതായത് ‘കച്ചവടവസ്തു‘വിന് സാമ്പത്തികമായി ഒരു പ്രയോജനവും ഉണ്ടാവുന്നില്ല. രണ്ടാമത് പീഡനം ; ഒരു കൂട്ടരുടെ സമ്മതമില്ലാതെ നടക്കൂന്ന ഏകപക്ഷീയമായത് ]. കൊച്ചിയിലെ ലൈംഗീക കച്ചവടമാഫിയയ്ക്ക് പെണ്‍ വാണിഭം എന്ന വാക്ക് ഒരിക്കലും ചേരില്ല. കൊച്ചിക്ക് ലൈംഗീക കച്ചവടത്തിന് മറ്റൊരു മുഖമാണ്. ഒരു സിനിമാനടി മാസങ്ങളോളം സ്വയം ഉല്പ്ന്നമായി ഉപഭോക്താക്കളെത്തേടിയത് നമ്മുടെ കൊച്ചിയിലാണ്. മാസങ്ങള്‍ക്ക് ശേഷമാണ് അവരുള്‍പ്പെട്ട ലൈംഗീക കച്ചവട സംഘത്തെ പോലീസ് പിടിച്ചത്. ഇത് നമ്മള്‍ അറിഞ്ഞ കഥ. എത്രയോ അറിയപ്പെടാത്ത കഥകള്‍. ഇന്ന് രാത്രിയിലും ലക്ഷക്കണക്കിന് രൂ‍പയുടെ ബിസ്നസ്സ് ആയിരിക്കും കൊച്ചിയില്‍ നടക്കുന്നത്.

മൂന്ന് പെണ്‍കുട്ടികള്‍ . മൂന്ന് പേരും കൊച്ചിയിലെ സ്വകാര്യ സ്ഥാപനത്തിലെ ജോലിക്കാര്‍. തങ്ങള്‍ താമസിക്കുന്ന ഹോസ്റ്റലിലെ ആഹാരം ശരിയല്ലന്ന് പറഞ്ഞ് മൂന്നുപേരും ഹോസ്റ്റല്‍ വിടാന്‍ ശ്രമിക്കുന്നു. ഒന്നാം തീയതി മുതല്‍ പുതിയ സ്ഥലത്ത് താമസം തുടങ്ങണമെന്ന് വച്ച് അവര്‍ പുതിയ ഹോസ്റ്റ്‌ല്‍ തിരക്കി ഇറങ്ങി. ശനിയാഴ്ച് ലീവെടുത്ത് മൂന്നുപേരും അന്വേഷണം നടത്തി. കൊച്ചിയല്ലേ സ്ത്രികള്‍ക്ക് താമസിക്കാനുള്ള സ്ഥലത്തിനാണോ പ്രയാസം ? പത്ത്പതിനഞ്ച് ഹോസ്റ്റലുകളില്‍ ചെന്നിട്ടും എങ്ങും ഒഴുവില്ല. ഇനി എന്ത് എന്നുള്ള ചിന്തയില്‍ നില്‍ക്കുമ്പോള്‍ ഒരു പെണ്‍കുട്ടി അവരുടെ അടുത്തേക്ക് വന്നു.
“ഹോസ്റ്റ്‌ല്‍ അന്വേഷിച്ച് ഇറങ്ങിയതാണോ...?”
“അതെ”
“എവിടെയെങ്കിലും ശരിയായോ???”
“ഇല്ല”
“ഞാനിവിടെയടുത്ത് ചേച്ചിയുടെ കൂടെ പേയിംങ്ങ് ഗസ്റ്റ് ആയിട്ട് താമസിക്കുകയാണ്... രണ്ട് പേര്‍ക്കുള്ള സ്ഥലം ഉണ്ടന്നാ തോന്നുന്നത് ...നിങ്ങളിപ്പോള്‍ മൂന്നുപേരില്ലേ? ചേച്ചിയോടൊന്ന് ചോദിച്ച് നോക്ക്.....”

പെണ്‍കുട്ടി പറഞ്ഞ വീട്ടിലേക്ക് അവര്‍ ചെന്നു. വലിയ രണ്ടുനില വീട്. അവിടെ കുറേ പെണ്‍കുട്ടികള്‍ താമസിക്കുന്നുണ്ട്. ചേച്ചിയുടെ ഭര്‍ത്താവ് ഗള്‍ഫില്‍. ചേച്ചിയുടേത് മാന്യമായ പെരുമാറ്റം. ഇനി മറ്റൊരു സ്ഥലം അന്വേഷിക്കേണ്ട എന്ന് തീരുമാനിച്ച് ഞായറാഴ്ച് എത്താം എന്ന് പറഞ്ഞ് അവര്‍ മൂന്നുപേരും തിരിച്ചു പോന്നു. ഞായറാഴ്ച് ഉച്ചയ്ക്ക് മൂന്നുപേരും സാധനങ്ങളുമായി ചേച്ചിയുടെ വീട്ടിലെത്തി. മുകളിലത്തെ നിലയിലെ ഒരു മുറി അവര്‍ക്കായി നല്‍കി . വൈകുന്നേരത്തോടെ മറ്റ് മുറിയിലുള്ളവരും എത്തി. താഴത്തെ നിലയിലെ ഒച്ചയനക്കങ്ങള്‍ ശ്രദ്ധിക്കാതെ മൂന്നുപേരും
മുറിയില്‍ തന്നെ അടുക്കിപ്പറക്കലുമായി കഴിഞ്ഞു. സന്ധ്യയോടെ താഴത്തെ നിലയില്‍ എത്തിയ മൂന്നുപേരും ചേച്ചിയെ കണ്ട് അമ്പരന്നു. ഉറങ്ങാന്‍ പോകുന്ന സമയത്ത് ആരെങ്കിലും ഇങ്ങനെ ഒരുങ്ങി ഇരിക്കുമോ?????? ചേച്ചി ഒരാളോട് സംസാരിച്ചുകൊണ്ടിരിക്കുകയാണ്. ചേച്ചി അയാളെ അവര്‍ക്ക് പരിചപ്പെടുത്തി. “എന്റെ ആങ്ങളയുടെ മകനാണ്...”. അയാള്‍ ആരാണങ്കിലും ഞങ്ങളെന്താ എന്ന് പറയാതെ പറഞ്ഞ് അവര്‍ തങ്ങളുടെ റൂമിലേക്ക് തിരിച്ചുപോയി. അങ്ങനെ ഞായറാഴ്ച് കഴിഞ്ഞു......

തിങ്കളാഴ്ച് സന്ധ്യയ്ക്കാണ് മൂന്നുപേരും ജോലികഴിഞ്ഞെത്തിയത്. ചേച്ചിയുടെ ആങ്ങളയുടെ മകനവിടെയുണ്ട് .ഭക്ഷണം കഴിഞ്ഞ് മുകളിലേക്ക് പോകാന്‍ തുടങ്ങിയപ്പോള്‍ ചേച്ചിയുടെ ആങ്ങളയുടെ മകന്‍ അവരുടെ അടുത്തേക്ക് വന്നു... “ഉറങ്ങുമ്പോള്‍ മുറി കുറ്റി ഇടേണ്ട...” അയാളുടെ പറച്ചില്‍ കേട്ട് അവര്‍ സ്തബദ്ദരായി. എന്താണ് അയാള്‍ ഉദ്ദേശിക്കുന്നത്???? മൂവരും പെട്ടന്ന് മുറിയിലേക്ക് കയറി വാതിലടച്ചു. സമയം ഒന്‍‌പതര കഴിഞ്ഞിരിക്കുന്നു.
എന്താണ് ചെയ്യേണ്ടത്??? സുഹൃത്തുക്കളെ വിളിച്ചു പറഞ്ഞാല്‍ അവര്‍ക്ക് സഹായിക്കാന്‍ പറ്റുമോ???

::: സഹായം എവിടെ :::

കൊച്ചി നഗരത്തിലെ ചില്‍ സ്ഥലങ്ങളില്‍ അപരിചിതര്‍ക്ക് രാത്രി സമയങ്ങളില്‍ എത്താന്‍ കഴിയില്ല. ‘എത്താന്‍ കഴിയില്ല‘ എന്നതില്‍ പലതും ഉള്‍ക്കൊള്ളുന്നുണ്ട്. നമ്മള്‍ സംസാരിക്കുമ്പോള്‍ ‘ആ സ്ഥലം അത്ര ശരിയല്ല’ എന്ന് പറയാറില്ലേ? പകല്‍ വെളിച്ചത്തില്‍ കാണുന്ന കൊച്ചി ഇരുട്ട് വീണു കഴിഞ്ഞാല്‍ മറ്റൊരു കൊച്ചി ആവുകയാണ്. ‘തങ്ങളുടെ സ്ഥലത്തേക്ക് ‘ അപരിചിതര്‍ കടന്നുവരാന്‍ ‘ആ സ്ഥലങ്ങളുടെ അവകാശികള്‍’ സമ്മതിക്കാറില്ല. അപകടഘട്ടത്തിലാണന്ന് ഉറപ്പായാല്‍ പോലീസിന്റെ സഹായം തേടുകതന്നെയാണ് ഉചിതം. പുതിയ താമസ സ്ഥലം തിരഞ്ഞെടുക്കുന്നതിനു മുമ്പ് ആ സ്ഥലത്തെക്കുറിച്ച് അന്വേഷിക്കുകയും വേണം. കഴിവതും സുഹൃത്തുക്കള്‍ വഴി താമസസ്ഥലം തിരഞ്ഞെടുക്കാനും ശ്രമിക്കുക.

അമ്മയെ തിരിച്ചറിയാത്തവര്‍ :

മുകളിലെ വാര്‍ത്ത 2009 മാര്‍ച്ച് 13 ലെ മനോരമയിലെയാണ് ...

നമ്മള്‍ മനുഷ്യര്‍ എത്രമാത്രം അധപതിച്ചിരിക്കുന്നു...

വഹിച്ച ഗര്‍ഭപാത്രത്തോട് വരെ ക്രൂരത ചെയ്യാന്‍ മടിയില്ലാത്തവരായി മനുഷ്യര്‍ തീര്‍ന്നിരിക്കുന്നു.....

മനുഷ്യര്‍ മൃഗങ്ങളെക്കാള്‍ അധപതിക്കുകയാണോ?

പരസ്പരം വെട്ടിക്കീറുന്ന മനുഷ്യര്‍ക്ക് പിന്നാലെ അമ്മയോടും ക്രൂരത കാണിക്കുന്നവരുടെ സമൂഹമായിനമ്മള്‍ മാറുന്നുവോ ?

മാതാവിനേയും പിതാവിനേയും ഗുരുവിനേയും ദൈവമായി കാണുന്ന ആര്‍ഷ സംസ്ക്കാരം നമുക്ക് അന്യമാവുകയാണോ ?

അമ്മ ഉറങ്ങിയാല്‍ ???

നമ്മുടെ നാട് അനുദിനം പുരോഗതിയിലേക്ക് കുതിക്കുമ്പോഴും മനുഷ്യനുള്ളിലെ മൃഗീയതയും കൂടിവരുന്നു. കൊലപാതകങ്ങളും, അതിക്രമങ്ങളും , പീഡനങ്ങളും ഒക്കെ വര്‍ദ്ധിക്കുന്നു. കഴിഞ്ഞമാസം സ്കൂള്‍ കുട്ടികള്‍ക്കിടയില്‍ നടത്തിയ പഠനത്തില്‍ 30% കുട്ടികള്‍ക്ക് ഏതെ ങ്കിലും തരത്തിലുള്ള പീഡനങ്ങള്‍ യാത്രാവാഹനങ്ങള്‍ക്കുള്ളില്‍നിന്നും , കൂട്ടുകാരില്‍ നിന്നും , ബന്ധുക്കളില്‍ നിന്നും ഒക്കെ അനുഭവിക്കേണ്ടിവരുന്നു എന്നാണ് വെളിവായത് . കൊച്ചുകുട്ടികളും വൃദ്ധരും ഒരേപോലെ ലൈംഗിക അതിക്രമങ്ങള്‍ക്ക് വിധേയരാകുന്നു. സ്ത്രികള്‍ പ്രകോപനപരമായ വസ്‌ത്രങ്ങള്‍ ധരിക്കുന്നതുകൊണ്ടാണ് അവര്‍ക്കെതിരെ ലൈഗിംക അതിക്രമങ്ങള്‍ കൂടുന്നതെന്ന് പറയുന്നതില്‍ ഒരു സത്യവും ഇല്ല എന്നുള്ളതാണ് വാസ്തവം. നമ്മുടെ ഇടയില്‍ ഒളിഞ്ഞിരിക്കുന്ന കാമകഴുകന്മാര്‍ എപ്പോള്‍ വേണമെങ്കില്‍ ഇരയുടെ മേല്‍ ആഴ്ന്നിറങ്ങാം . ഇര ആരുമാകാം ... രണ്ടര വയസുള്ള കുഞ്ഞോ , പതിനഞ്ചു വയസുള്ള കൌമാരക്കാരിയോ, മുപ്പതുവയസുള്ള യുവതിയോ , എഴുപതു വയസുള്ള വൃദ്ധയോ ആരുമാകാം.

കഴിഞ്ഞ ഞായറാഴ്ച് രാത്രിയില്‍ കോഴിക്കോട്ട് ഒരു നാടോടി ബാലികയ്ക്ക് നേരെ നടന്ന മാനഭംഗശ്രമത്തിന്റെ വാര്‍ത്ത എല്ലാ മനുഷ്യരേയും ഞെട്ടിച്ചിട്ടുണ്ടാവും. ഒരു രണ്ടരവയസു കാരിയുടെ നേരെയായിരുന്നു ഈ അതിക്രമം.

പോലീസ് പ്രതിയെ അറസ്റ്റ് ചെയ്തു എന്നതു നല്ല കാര്യം തന്നെ. പക്ഷേ കുറച്ചു ദിവസങ്ങ ള്‍ക്കുള്ളില്‍ ഇയാള്‍ ജാമ്യത്തില്‍ ഇറങ്ങും എന്നതില്‍ സംശയമില്ല.നമ്മുടെ നിയമവ്യവ സ്ഥിതി പാടേ മാറേണ്ടിയിരിക്കുന്നു. ജാമ്യത്തില്‍ ഇറങ്ങുന്ന ഇത്തരം ‘സൈക്കോ‘കള്‍ വീണ്ടും സമാനമായ കുറ്റകൃത്യങ്ങളില്‍ ഏര്‍പ്പെടുന്നതിന് ധാരാളം ഉദാഹരണങ്ങള്‍ നമ്മളുടെ മുന്നിലുണ്ട്. രണ്ടു പെണ്‍കുട്ടികളെ പീഡിപ്പിച്ച സെബാസ്‌റ്റ്യന്‍ എന്നയാളെ മൂന്നാമതൊരു പെണ്‍കുട്ടിയെ പീഡിപ്പിച്ച് കൊലപ്പെടുത്തിയത് മറ്റൊരു പീഡനക്കേസില്‍ ജാമ്യത്തില്‍ നടക്കുമ്പോഴാണ് . നമ്മുടെ നിയമം ശരിയായ രീതിയിലായിരുന്നുങ്കെല്‍ മൂന്നാമത്തെ പെണ്‍കുട്ടിക്ക് ജീവന്‍ നഷ്ടപ്പെടുകയില്ലായിരുന്നു.

വീടിനുവെളിയിലേക്കിറങ്ങുന്ന പെണ്‍കുട്ടി തിരിച്ചെത്തുന്നതുവരെ അമ്മമാര്‍ മുള്‍മൊന യിലാണ്. നമ്മുടെ പെണ്‍കുട്ടികള്‍ സമൂഹത്തില്‍ സുരക്ഷിതരാണോ എന്നുള്ള ചോദ്യം അവശേഷിക്കുന്നു. നമ്മുടെ പെണ്‍കുട്ടികള്‍ക്ക് ഉറക്കത്തില്‍ പോലും അമ്മമാര്‍ ഉറങ്ങാതെ കാവലിരിക്കേണ്ടി വരുന്ന ഒരു വ്യവസ്ഥിതിയിലേക്കാണോ നമ്മുടെ പോക്ക് ????

**********************

മകളെക്കുറിച്ചുള്ള ഒരമ്മയുടെ വ്യാകുലതകള്‍ എന്തായിരിക്കും? ഇതും കൂടി വായിക്കുക...

പരുന്തുകള്‍ കുറുക്കന്മാര്‍ക്ക് വഴിമാറു‌മ്പോള്‍.. : കഥ

.