വാർത്തകൾ സ്കാൻ ചെയ്തു നോക്കുമ്പോൾ

*ഒന്ന്*

മംഗളം വാരികയിൽ കെ.എം. റോയ് എഴുതിയ *ഇരുളും വെളിച്ചവും* എന്ന പംക്തി മുടങ്ങാതെ വായിക്കുമായിരുന്നു.പിന്നീട് മംഗളം വാരികയുടെ വായന നിന്നു പോയി.പിന്നീടാണ്  കെ.എം. റോയ് മംഗളം പത്രത്തിൽ തിങ്കളാഴ്ചകളിൽ എഴുതുന്ന തുറന്ന മനസോടെ എന്ന കോളം വായിക്കാൻ തുടങ്ങിയത്. ഫെബ്രുവരി 18 തിങ്കളാഴ്ച തുറന്ന മനസോടെ കോളത്തിൽ കെ.എം. റോയ് എഴുതിയത് *സൂര്യനെല്ലിയിലെ കുട്ടിയും ബസന്ത്‌ എന്ന ജഡ്‌ജിയും* എന്ന തലക്കെട്ടിൽ ബസന്തിനെ ഇന്ത്യാവിഷൻ റിപ്പോർട്ടർ ഒളിക്യാമറയിൽ കുടുക്കിയതിനെക്കുറിച്ചായിരുന്നു. കുറച്ച് ദിവസം കഴിഞ്ഞ് മാധ്യമം പത്രത്തിന്റെ ഓൺലൈൻ എഡീഷനിൽ കെ.എം. റോയ് തുറന്നിട്ട ജാലകം എന്ന പേരിൽ എഴുതുന്ന കോളം കണ്ടു. അതിൽ *മാന്യത വഴിമാറുന്ന മാധ്യമ പ്രവര്‍ത്തനം* എന്ന തലക്കെട്ടിലെ വിശകലനം വായിച്ചപ്പോൾ അത് നേരത്തെ എവിടയോ വായിച്ചതായി തോന്നി. നോക്കി നോക്കി ചെന്നപ്പോൾ കെ.എം.റോയ് തന്നെ മംഗളം പത്രത്തിൽ എഴുതിയ *സൂര്യനെല്ലിയിലെ കുട്ടിയും ബസന്ത്‌ എന്ന ജഡ്‌ജിയും* എന്ന വിശകലനത്തിലെ കുറേ ഭാഗങ്ങൾ ആണ് മാധ്യമത്തിലെ *മാന്യത വഴിമാറുന്ന മാധ്യമ പ്രവര്‍ത്തനം*ത്തിൽ ഉള്ളത്. രണ്ട് മൂന്ന് വാചകങ്ങൾ അധികത്തിലും ചില വാചകങ്ങളുടെ ഘടനയ്ക്കും വെത്യാസം ഉണ്ടന്നും മാത്രം!!
ലിങ്കുകൾ താഴെ
മാധ്യമം
മാന്യത വഴിമാറുന്ന മാധ്യമ പ്രവര്‍ത്തനം

മംഗളം
സൂര്യനെല്ലിയിലെ കുട്ടിയും ബസന്ത്‌ എന്ന ജഡ്‌ജിയും - Page 2


കെ.എം.റോയ് മാധ്യമത്തിൽ എഴുതിയ വേറെ ഒരു വിശ്കലനം കൂടി വായിച്ചു
*മുല്ലപ്പെരിയാര്‍ കഴിഞ്ഞപ്പോള്‍ കൊച്ചിമെട്രോ*

മംഗളത്തിൽ തപ്പിയപ്പോൾ മുകളിലെ വിശ്കലനത്തിന്റെ 'സോഴ്സ്'കിട്ടി. മംഗളത്തിൽ രണ്ടു ദിവസമായി എഴുതിയതിൽ നിന്ന് എടുത്ത് മാധ്യമത്തിൽ കോപ്പി പേസ്റ്റ് എഡിറ്റ് ചെയ്തതാണ്.
ഇതാണ് സോഴ്സ്
മെട്രോ റെയില്‍ ഇല്ലെങ്കില്‍ കേരളം കടലില്‍ മുങ്ങിപ്പോകുമോ
കഥ അറിയാതെ ആട്ടം കാണുന്ന കേരളീയര്‍

മാധ്യമത്തിലെ തുറന്നിട്ട ജാലകത്തിലെ 'മാന്യത വഴിമാറുന്ന മാധ്യമ പ്രവര്‍ത്തനം' എന്ന വിശകലനം തുടങ്ങുന്നത് ഇങ്ങനെയാണ്
 'സാങ്കേതിക വിപ്ളവത്തെത്തുടര്‍ന്ന് വന്‍ മുതല്‍മുടക്ക് ആവശ്യമായിട്ടുള്ള മാധ്യമ പ്രവര്‍ത്തന രംഗത്ത് സാമ്പത്തിക ലാഭത്തിനുവേണ്ടിയുള്ള കഴുത്തറുപ്പന്‍ മത്സരം നടക്കുമ്പോള്‍ ധാര്‍മികതയും മനുഷ്യ മാന്യതയും ചിലപ്പോള്‍ വിസ്മരിക്കേണ്ടിവരുമെന്ന കച്ചവട മന$സ്ഥിതിയെ ന്യായീകരിക്കാന്‍ ആര്‍ക്കെങ്കിലും കഴിയുമോ?' ഈ ചോദ്യത്തിലെ ഒരു വാക്ക് തന്നെ എടുത്ത് ചോദിക്കട്ടെ , രണ്ട് പത്രങ്ങളിൽ 'പംക്തി' എഴുതുമ്പോൾ ഒന്നു തന്നെ രണ്ടിടത്തും എഴുതുന്നത് ധാർമികത ആണോ??
(ഞാൻ ഒന്നു തന്നെ രണ്ടു പത്രങ്ങളിലും എഴുതൂ എന്ന് പത്രമാനേജ്മെന്റിനോട് കോളമിസ്റ്റ് പറഞ്ഞിട്ടൂണ്ടങ്കില്‍  അദ്ദേഹം ധാർമികത വിട്ടില്ലന്ന് പറയാം, പക്ഷേ ഒരു വായനക്കാരൻ എന്ന നിലയിൽ എന്റെ ചോദ്യം ചോദ്യമായി തന്നെ അവശേഷിക്കട്ടെ)

*രണ്ട്*
ഏഷ്യാനെറ്റ് ന്യൂസ് ഓൺലൈനില്‍ ഫെബ്രുവരി 25 ആം തീയതി ദില്ലിയില്‍ ലൈംഗികാക്രമണം ചെറുത്ത യുവതിയെ വെടിവച്ചു കൊന്നു എന്ന ഒരു വാർത്ത ഉണ്ടായിരുന്നു.

ദില്ലി: രാജ്യ തലസ്ഥാനത്ത് ലൈംഗികാക്രമണം എതിര്‍ത്ത യുവതിയെ വെടിവെച്ചു കൊന്നു. എന്നു പറഞ്ഞാണ് വാർത്ത തുടങ്ങുന്നത്. ജോലി കഴിഞ്ഞ് വീട്ടിലേക്ക് ഭര്‍ത്താവിനൊപ്പം മടങ്ങാന്‍ ബസ് കാത്തു നില്‍ക്കുകയായിരുന്നു 25 കാരിയായ യുവതി.പെട്ടെന്ന് ബൈക്കിലെത്തിയ സംഘം യുവതിക്കു നേരെ അശ്ലീലം പറയുകയും കടന്നു പിടിക്കുകയും ചെയ്തു. ഇത് ചോദ്യം ചെയ്ത ഭര്‍ത്താവിനെ മര്‍ദ്ദിച്ചവശനാക്കിയ ശേഷം സംഘത്തിലൊരാള്‍ യുവതിക്കു നേരെ വെടിവച്ചു. എന്നും ഈ റിപ്പോർട്ടീൽ കാണുന്നുണ്ട്.

പക്ഷേ ഈ വാർത്തയിൽ പറഞ്ഞിരിക്കുന്നതുപോലെയായിരുന്നോ സംഭവം? ഡൽഹിയിൽ നിന്ന് ഇറങ്ങുന്ന പത്രങ്ങൾ നോക്കിയപ്പോൾ യുവതി വെടിയേറ്റ് മരിച്ചിട്ടുണ്ട്. പക്ഷേ  ലൈംഗികാക്രമണം/ബലാത്സംഗം ചെറുക്കുമ്പോഴൊന്നും അല്ലായിരുന്നു വെടിവെയ്പ്.

ആ വെടിവെപ്പും മരണവും ഇങ്ങനെയായിരുന്നു
കൊല്ലപ്പെട്ട പൂജയുടെ കൂട്ടൂകാരിയായ കിരണിന്റെ 'ലിവിംങ് പാർടണർ' ആയിരുന്നു കൊലപാതകിയായ മുൻഷി രാം യാദവ്. ഇയാൾ കിരണിനെ വിവാഹം കഴിച്ച് സ്വന്തം നാടായ ബീഹാറിലേക്ക് പോകാൻ ആഗ്രഹിച്ചിരുന്നു എങ്കിലും പൂജ അതിനെ എതിർത്തിരുന്നുവെത്രെ. കുറെ നാളായി യാദവും പൂജയും ഇതിന്റെ പേരിൽ വഴക്ക് ഉണ്ടായിരുന്നുവെന്നും ഒരു ദിവസം വഴക്ക്  ഉണ്ടായപ്പോൾ പൂജ ഇയാളെ അടിക്കുകയും കല്ലെറിയുകയും ചെയ്തുവത്രെ. അന്നുമുതൽ ഇയാൾ പൂജയെ കൊലപ്പെടുത്താൻ ചിന്തിക്കുകയും നാട്ടിൽ നിന്ന് തോക്കു കൊണ്ടൂവരികയും ചെയ്തു. കൊലപാതക ദിവസം കൊല്ലപ്പെട്ട പൂജയും ഭർത്താവും(ഇവരും 'ലിവിംങ് പാർടണർ' ആയി കഴിയുകയായിരുന്നു എന്നും പറയുന്നു) ബസ് സ്റ്റോപ്പിൽ നിൽക്കുമ്പോൾ മുൻഷി രാം യാദവ് ബൈക്കിൽ എത്തി വെടിവയ്ക്കുകയായിരുന്നു

ചില വാർത്തകളിൽ കാണുന്നത് ഈ രണ്ട് സ്ത്രികളും (കൊല്ലപ്പെട്ട പൂജയും കൂട്ടൂകാരി കിരണും) ലൈംഗീക തൊഴിലാളികൾ ആയിരുന്നു എന്നാണ്.
{ഡൽഹിയിൽ ഒരു സ്ത്രിയെ വെടിവെച്ച് കൊന്നു എന്നുള്ള വാർത്ത തെറ്റാണന്നല്ല , ബലാത്സംഗം/ലൈംഗീക ആക്രമണം ചെറൂത്ത സ്ത്രിയെ വെടിവെച്ചു കൊന്നു എന്നുള്ള വാർത്ത തെറ്റാണന്ന് പറഞ്ഞന്നേ ഉള്ളൂ.} അല്ലങ്കിൽ തന്നെ ഒരു വാർത്തയെ വായനക്കാരന് ആവശ്യമായ രീതിയിൽ നൽകിയെങ്കിൽ മാത്രമേ മത്സരത്തിൽ പിടിച്ചുനിൽക്കാൻ പറ്റൂ

*മൂന്ന്* 

റിപ്പോർട്ടർ ചാനലിന്റെ സിനിമാ നിരൂപണ പരിപാടിയായ റിവേഴ്സ് ക്ലാപ്പിന്റെ ഓൺലൈൻ വായനയിൽ 'റിവേഴ്സ് ക്ലാപ്പില്‍ ഡ്രാക്കുളയുടേയും ബ്ലാക്ക് ബട്ടര്‍ഫ്ലൈയുടേയും വായന' എന്ന തലക്കെട്ടിലെ വിശകലനം വായിച്ച് അവസാന ഭാഗത്തെ കൗബോയി പടത്തിൽ എത്തുമ്പോൾ - ഹോളിവുഡില്‍ കൗബോയ് എന്നു പറഞ്ഞാല്‍ സംഭവം കിടിലനാണ്. ഇവിടെപ്പക്ഷേ, കറവക്കാരന്‍ പയ്യനെന്നു പരിഭാഷപ്പെടുത്താം ആ ഉഗ്രന്‍ വാക്കിനെ. ഒരു കറവക്കാരന്‍ പയ്യന്‍ പോലുമായില്ല, ബാലചന്ദ്രമേനോന്റെയും ആസിഫലിയുടെയും കൗ ബോയ്. പ്രേക്ഷകന്റെ കാശു പോയ്...  ഈ പടത്തിൽ ബാലചന്ദ്രമേനോന്‍ അഭിനയിക്കുന്നുണ്ടോ??? അതോ 'ബാലചന്ദ്രകുമാര്‍ എന്ന നവാഗതസംവിധായകന്‍ എഴുത്തും കൂടി നിര്‍വഹിച്ച് നിരത്തിലിറക്കിയിരിക്കുന്ന' , പ്രേക്ഷകരെ പേടിപ്പിച്ച്, പീഡിപ്പിക്കുകയാണ് ബാലചന്ദ്രകുമാറും അദ്ദേഹത്തിന്റെ സിനിമ കൗബോയിയും-  എന്ന് പറയുന്നതിലെ ബാലചന്ദ്രകുമാര്‍ ബാലചന്ദ്രമേനോന്‍ ആയിപ്പോയതാണോ??

*നാല്* 

മാർച്ച് 1-2013 മലയാള മനോരമയിലെ ഉപതിരഞ്ഞെടൂപ്പ് വാർത്ത , നിയമസഭാ ഉപതിരഞ്ഞെടുപ്പ്: എട്ടു സീറ്റുകളിൽ മൂന്നെണ്ണം കോൺഗ്രസിന് എന്ന തലക്കെട്ടിൽ ഇങ്ങനെയാണ്.
ന്യൂഡൽഹി : ആറു സംസ്ഥാനങ്ങളിലായി എട്ടൂ സീറ്റുകളിലേക്ക് നടന്ന നിയമ സഭാ ഉപതിരഞ്ഞെടൂപ്പിൽ കോൺഗ്രസ് മൂന്നു സീറ്റ് നേടി.ബംഗാളിലും മിസോറാമിലും അസമിലും കോൺഗ്രസ് ഓരോ സീറ്റ് നേടിയപ്പോൾ...... തൃണമൂൽ കോൺഗ്രസും ഇടതുമുന്നണിയും ബംഗാളിൽ ഓരോ സീറ്റ് നേടി.

ഈ വാർത്തയിലെ അവസാന ഖണ്ഡിക ഇങ്ങനെയാണ്.

ബംഗാളിലെ മുൻഷിദാബാദ് ജില്ലയിലെ രജിനഗർ മൺഡലത്തിൽ കോൺഗ്രസ് വിജയത്തിനു ഇരട്ടി മധുരം. തൃണമൂൽ കോൺഗ്രസ് മന്ത്രിയായ ഹുമയൂൺ കമീറിനെയാണു കോൺഗ്രസ് സ്ഥാനാർത്ഥി റബിയുൽ അലാം ചൗധരി തോൽപ്പിച്ചത്. മുൻ കോൺഗ്രസ് എം.എൽ.എ കൂടിയാണ് ഹുമയൂൺ.

ഈ വാർത്തയിലെ ഉൾവാർത്ത
ബംഗാളിൽ ഉപതിരഞ്ഞെടുപ്പ് നടന്ന മൂന്നു മണ്ഡലങ്ങളും കോൺഗ്രസിന്റെ സിറ്റിമ്ങ് സീറ്റുകളാണ്.(തൃണമൂൽ-കോൺഗ്രസ് സഖ്യത്തിൽ ആയിരുന്നു കഴിഞ്ഞ തിരഞ്ഞെടുപ്പ്). ഇതിൽ ഒരു സീറ്റ് മാത്രമേ കോൺഗ്രസിനു നിലനിർത്താൻ കഴിഞ്ഞുള്ളൂ. ആ സീറ്റാണ് ഇരട്ടി മധുരം എന്ന് മനോരമ പറയുന്നത്. എന്നാൽ ഒരു ഇരട്ടി കയ്പിന്റെ വാർത്തകൂടി ഉണ്ട്. രാഷ്ട്രപതിയായപ്പോൾ പ്രണാബ് മുഖർജി ഒഴിഞ്ഞ സീറ്റിൽ ലോക്സഭയിലേക്ക് ആ സീറ്റിൽ മത്സരിച്ചത് പ്രണാബിന്റെ മകൻ അഭിജിത് ആയിരുന്നു. നാൽഹത്തി മണ്ഡലത്തിലെ എം.എൽ.എ ആയിരുന്ന അഭിജിത് ആ സ്ഥാനം രാജിവെച്ചാണ് എം.പി ആയത്. പക്ഷേ ഉപതിരഞ്ഞെടുപ്പിൽ  നാൽഹത്തി മൺഡലത്തിൽ വിജയിച്ചത് ഫോർവേഡ് ബ്ലോക്കാണ്. രാഷ്ട്രപതിയുടെ മകന്റെ സിറ്റിംങ് സീറ്റാണ് ഇടതുപക്ഷത്തിലെ ഫോർവേഡ് ബ്ലോക്ക് കോൺഗ്രസിന്റെ കൈയ്യിൽ നിന്ന് പിടിച്ചെടുത്തത്. ഏതായാലും മധുരവാർത്ത നൽകിയപ്പോൾ കയ്പ് വാർത്തകൂടി നൽകാമായിരുന്നു.

*അഞ്ച്* 

ഒരു ചാനലിൽ രാജ്യസഭയിലെ നടപടിക്രമങ്ങൾ കാണാൻ ഇടയായി.(അദ്ധ്യക്ഷ കസേരയിൽ പി.ജെ.കുര്യൻ തന്നെ). നമ്മുടെ രാഷ്‌ട്രീയക്കാർ എന്തിനാണ് ഇങ്ങനെ മേക്കപ്പ് ചെയ്യുന്നതന്ന് ഒരു ചോദ്യം ഇത് കണ്ടപ്പോൾ മനസിൽ തോന്നി. പ്രായത്തിന്റെ എല്ലാം ചുളുവുകളും മുഖത്ത് നിന്നും മനസിലാക്കാൻ പറ്റുന്ന ഒരു നേതാവ് സഭയിൽ സംസാരിക്കുന്നു. പക്ഷേ അദ്ദേഹത്തിന്റെ മീശയ്ക്കൂം തലയിൽ അവശേഷിക്കുന്ന മുടിക്കും ഭയങ്കര കറുപ്പ്!!!.(ഡൈ അടിക്കുന്നത് അദ്ദേഹത്റ്റിന്റെ വ്യക്തിപരമായ കാര്യം ആണങ്കിലും ) ഈ കറുപ്പീര് അരോചകം തന്നെ !!!!

ഒ.ന്‍‌.വി യും ചന്ദ്രനിലെ വെള്ളവും

അങ്ങനെ അവസാനം നമ്മുടെ ബേബി മന്ത്രി ഒരു കണ്ടുപിടിത്തം കൂടി നടത്തി. രണ്ടാം മുണ്ടശേരി എന്ന് വിശേഷിപ്പിച്ച് വിദ്യഭ്യാസ രംഗത്ത് പുരോഗമനപരമായ പുതിയ പുതിയ കണ്ടുപിടിത്തങ്ങള്‍ നടത്തി അവയെല്ലാം ‘ഇപ്ലിമെന്റ് ‘ ചെയ്ത് എല്ലാം കുളമാക്കി അടുത്ത അദ്ധ്യായന വര്‍ഷത്തിലേക്കുള്ള പുതിയ പരീക്ഷണങ്ങളുടെ ഇടയിലായിരിക്കണം പുതിയ കണ്ടുപിടിത്തം നടത്തിയത്. ആ മഹത്തായ കണ്ടുപിടിത്തം ഇതായിരുന്നു. ചന്ദ്രനില്‍ ജലമുണ്ടെന്ന് ശാസ്ത്രജ്ഞന്മാര്‍ കണ്ടെത്തുംമുമ്പ് 'അമ്പിളിയമ്മാവന്റെ താമരക്കുമ്പിളി'നെ ഭാവനയില്‍ കണ്ട കവിയാണ് ഒ.എന്‍.വി. എന്നു വച്ചാല്‍ ചന്ദ്രനില്‍ വെള്ളമുണ്ടന്ന് ആദ്യം ഭാവനയില്‍ കണ്ടത് ഒ.എന്‍.വി. ആണന്ന്. പക്ഷേ സാക്ഷാല്‍ ഒ.എന്‍.വി. ഇങ്ങനെയൊരു കാര്യം പറയുമോ എന്നതില്‍ സംശയം ഉണ്ട്. ഇനി ശരിക്ക് അങ്ങനെയൊന്ന് അദ്ദേഹം ഭാവനയില്‍ കണ്ടിട്ടുണ്ടാവുമോ? ഏതായാലും ആ പാട്ടന്ന് കേള്‍ക്കാം എന്ന് വിചാരിച്ചു. കെ.പി.എ.സി.യുടെ ഒരു നാടകത്തില്‍ (പേരെനിക്കറിയില്ല) ഒ.ന്‍.വി. എഴുതി ദേവരാജന്‍ മാഷ് സംഗീതം നല്‍കി കെ.പി.എ.സി സുലോചന പാടിയ പാട്ടാണ് അമ്പിളി അമ്മാവാ...

അമ്പിളിയമ്മാവാ താമരക്കുമ്പിളിലെന്തുണ്ട്

കുമ്പിട്ടിരിപ്പാണോ മാനത്തെ കൊമ്പനാനപുറത്ത് (അമ്പിളി...)

താമരക്കുമ്പിളുമായ് അമ്മാവന്‍

താഴോട്ടു പോരാമോ (2)

പാവങ്ങളാണേലും ഞങ്ങളു

പായസച്ചോറു തരാം (2)

പായസച്ചോറുണ്ടാ‍ല്‍ ഞങ്ങള്

പാടിയുറക്കുമല്ലോ (2) ...

( ഈ പാട്ടിന്റെ മുഴുവന്‍ വരികള്‍ കാണാന്‍)

ഇതിലെ താമരക്കുമ്പിളും വെള്ളവുമായി എന്തു ബന്ധം ??? താമരക്കുമ്പിളുമായി താഴോട്ട് പോന്നാല്‍ പായസച്ചോറുതരാമന്നാണ് കവി പറയുന്നത്. (താമരകുമ്പിളില്‍ പായസച്ചോറു കൊടുക്കാം എന്നായിരിക്കണം ). ഞാനീ പാട്ട് നോക്കിയിട്ട് ചന്ദ്രനിലെ വെള്ളവുമായിട്ട് ഒരു ബന്ധവും കണ്ടില്ല. ഇനി താമര വെള്ളത്തില്‍ വളരുന്ന ഒരു സസ്യം ആയതുകൊണ്ട് താമരക്കുമ്പിള്‍ എന്ന പദം വന്നതുകൊണ്ട് ചന്ദ്രനില്‍ ഒരു വലിയ കുളം ഉണ്ടായിരുന്നു എന്നും ആ കുളത്തില്‍ ഒത്തിരിത്താമരകള്‍ ഉണ്ടായിരുന്നു എന്നും അതിലെ ഒരു താമര ഇല പറിച്ച് ചന്ദ്രന്‍ കുമ്പിള്‍ ഉണ്ടാക്കി എന്നൊക്കെ ഒരു വിശദീകരണം നല്‍കാന്‍ ‘കണ്ടുപിടിത്തം‘ നടത്തിയവര്‍ക്ക് കഴിയാതിരിക്കില്ല.

ഈ പുതിയ വെളുപ്പെടുത്തല്‍ നടത്താനുള്ള സാഹചര്യങ്ങളിലേക്ക് ഒരു യാത്ര....

സംഗീത സംവിധായകന്‍ ഇളയരാജ വ്യാഴായ്ച ചെന്നയില്‍ നടത്തിയ ചില പരാമര്‍ശ ങ്ങള്‍ക്ക് നല്‍കുന്ന ‘മറുപിടി‘യില്‍ ആണ് എം.എ. ബേബി മുകളില്‍ കൊടുത്തിരിക്കുന്ന പരാമര്‍ശങ്ങള്‍ നടത്തിയത്. മന്ത്രിയുടെ വാക്കുകളുടെ പത്രവാര്‍ത്ത താഴെ ...(കേരള കൌമുദിയുടെ)

http://news.keralakaumudi.com/rapture108/news.php?nid=b7e0a5659cdab412fdc73bdfa8647220


ഇനി ഇളയരാജയുടെ വിമര്‍ശനം (കൌമുദി പ്ലസ് )

http://www.kaumudiplus.com/news.php?nid=4c63a38de84c8eb2ad7584bbb274af2d&mcid=14

ഇളയരാജയെ കുറ്റപ്പെടുത്താന്‍ കഴിയുമോ ? കഴിയില്ല എന്നാണ് എന്റെ അഭിപ്രായം. കാരണം അദ്ദേഹം പറഞ്ഞ കാര്യങ്ങള്‍ എല്ലാം മുകളില്‍ ഇല്ല എന്നതു തന്നെ കാരണം. മാതൃഭൂമിയിലെ വാര്‍ത്ത കൂടി കാണുക ... ( സ്ക്രീന്‍ ഷോട്ട് എടുക്കാന്‍ സാങ്കേതികമായ ബുദ്ധിമുട്ടുകള്‍ ഉള്ളതുകൊണ്ട് ആ വാര്‍ത്ത താഴെ പേസ്റ്റ് ചെയ്യുന്നു.)

പഴശ്ശിരാജ: ഒ.എന്‍.വി.യുടെ വരികളില്‍ തൃപ്തിയില്ലെന്ന് ഇളയരാജ ചെന്നൈ:

പഴശ്ശിരാജ'യുടെ ഗാനരചയിതാവിനുനേരെ സംഗീതസംവിധായകന്‍ വിരല്‍ചൂണ്ടുന്നു. പഴശ്ശിരാജയിലെ മുഖ്യഗാനരചയിതാവ് ഒ.എന്‍.വി. കുറുപ്പിനെതിരെ സംഗീതസംവിധായകന്‍ ഇളയരാജയാണ് പരസ്യമായി രംഗത്തുവന്നത്. പഴശ്ശിരാജയ്ക്കുവേണ്ടി ഒ.എന്‍.വി. എഴുതിയ 'ആദിയുഷസ്സന്ധ്യ പൂത്തതിവിടെ' എന്ന ഗാനം നിശിതമായി വിചാരണചെയ്തുകൊണ്ടാണ് ഇളയരാജ സ്വന്തം നിലപാട് വ്യക്തമാക്കിയത്. ''സ്വന്തം വീടു വിട്ട് പിറന്നമണ്ണില്‍ അഭയാര്‍ഥിയായി കഴിയേണ്ടിവന്ന പഴശ്ശിരാജയുടെ ആത്മനൊമ്പരങ്ങള്‍ ഈ പാട്ടിലില്ലാതെ പോയി''-വ്യാഴാഴ്ച ചെന്നൈയില്‍ പഴശ്ശിരാജയുടെ തമിഴ് ഓഡിയോ പ്രകാശനവേളയില്‍ ഇളയരാജ തുറന്നടിച്ചു. ചില കാര്യങ്ങള്‍ എനിക്ക് പത്രപ്രവര്‍ത്തകരോട് പറയാനുണ്ടെന്ന് പറഞ്ഞാണ് ഇളയരാജ തുടങ്ങിയത്. എം.ടി.യുടെയും ഹരിഹരന്റെയും കൂട്ടുകെട്ടിലുള്ള ഒരു സിനിമയ്ക്ക് സംഗീതം നല്‍കാന്‍ ലഭിച്ച ക്ഷണം ഒരു ബഹുമതിയായാണ് താന്‍ കണ്ടതെന്ന് ഇളയരാജ പറഞ്ഞു. ''സാധാരണഗതിയില്‍ ആദ്യദിവസംതന്നെ ട്യൂണ്‍ നല്‍കി ജോലി പൂര്‍ത്തിയാക്കുന്ന സ്വഭാവമാണ് എന്‍േറത്. പക്ഷേ, എം.ടി.യോടും ഹരിഹരനോടും വിശദമായി സംസാരിച്ചതിനുശേഷമാണ് പഴശ്ശിരാജയുടെ പണി തുടങ്ങിയത്.'' താന്‍ ആദ്യം നല്‍കിയ അഞ്ചാറ് ട്യൂണുകളില്‍നിന്ന് ഹരിഹരന്‍ തിരഞ്ഞെടുത്ത ട്യൂണിനനുസരിച്ച് പാട്ടെഴുതാന്‍ ഒ.എന്‍.വി.ക്കായില്ലെന്ന് ഇളയരാജ പറഞ്ഞു. ഹരിഹരന്‍ ഒ.എന്‍.വി.യുടെ പാട്ടുമായി തന്റെയടുക്കല്‍ വന്ന് ഈ പാട്ടിന് സംഗീതം നല്‍കിയാല്‍ നന്നായിരിക്കുമെന്ന് പറഞ്ഞതായി ഇളയരാജ ചൂണ്ടിക്കാട്ടി. ''സ്വന്തം വീടു വിട്ട് പിറന്ന മണ്ണില്‍ അഭയാര്‍ഥിയെപ്പോലെ കഴിയേണ്ടിവന്നവനാണ് പഴശ്ശി. പക്ഷേ, ഒ.എന്‍.വി.യുടെ വരികളില്‍ പഴശ്ശിയുടെ

ഈ വ്യഥയോ മനഃക്ലേശമോ പ്രതിഫലിച്ചുകണ്ടില്ല''.പഴശ്ശിയുടെ പടപ്പുറപ്പാടിന്റെ ചിത്രമായിരുന്നിരിക്കാം ഈ വരികളെഴുതിയപ്പോള്‍ ഒ.എന്‍.വി.യുടെ മനസ്സിലുണ്ടായിരുന്നതെന്ന് ഇളയരാജ പറഞ്ഞു. ''ഒരു മാര്‍ച്ച്പാസ്റ്റിന്റെ താളത്തിലുള്ള വരികളായിരുന്നു അത്. പക്ഷേ, ആ രീതിയിലല്ല ഞാന്‍ അത് കൈകാര്യംചെയ്തത്''.താന്‍ നല്‍കിയ ട്യൂണുകള്‍ക്കനുസരിച്ച് ഇതിനുമുമ്പ് മനോഹരമായി ഒ.എന്‍.വി. പാട്ടെഴുതിയിട്ടുണ്ടെന്ന് ഇളയരാജ പറഞ്ഞു. 'തുമ്പീ വാ.....തുമ്പക്കുടത്തിന്‍, തുഞ്ചത്തായ് ഊഞ്ഞാലിടാം' എന്ന പാട്ട് അദ്ദേഹം ഉദാഹരണമായി ചൂണ്ടിക്കാണിക്കുകയും ചെയ്തു. പഴശ്ശിരാജയുടെ കാര്യത്തില്‍ എന്താണ് പറ്റിയതെന്ന് തനിക്കറിയില്ലെന്നും ഇളയരാജ പറഞ്ഞു.പഴശ്ശിരാജ അസാധാരണമായ ചിത്രമാണെന്നും തമിഴ്ജനത ഒന്നടങ്കം ഈ സിനിമ കാണുമെന്നും ഇളയരാജ പറഞ്ഞു. ''എണ്ണൂറോളം പടങ്ങള്‍ക്ക് ഞാന്‍ സംഗീതം നല്‍കിയിട്ടുണ്ട്. പക്ഷേ, പഴശ്ശിരാജയ്ക്ക് സംഗീതം നല്‍കുമ്പോള്‍ ഇതെന്റെ ആദ്യചിത്രംപോലെയാണ് എനിക്ക് അനുഭവപ്പെട്ടത്. അത്രമാത്രം സവിശേഷ താത്പര്യത്തോടെയാണ് ഞാന്‍ ഈ ദൗത്യം നിറവേറ്റിയത്''.പഴശ്ശിരാജയില്‍ സുപ്രീം സ്റ്റാറോ (ശരത്കുമാര്‍), മെഗാസ്റ്റാറോ (മമ്മൂട്ടി) അല്ല എം.ടി.തന്നെയാണ് താരമെന്ന് ഇളയരാജ പറഞ്ഞു. ''അത്രമാത്രം ഗംഭീരമായ തിരക്കഥയാണിത്. നിശ്ശബ്ദതയ്ക്ക് ചിലയിടങ്ങളില്‍ എം.ടി. വലിയ പ്രാധാന്യം നല്‍കിയിട്ടുണ്ട്. അവിടെയൊക്കെ പശ്ചാത്തലസംഗീതംപോലും ഒഴിവാക്കുകയാണ് ഞാന്‍ ചെയ്തത്''.രാവിലെ അഞ്ചുമണിയോടെ എഴുന്നേറ്റ് എല്ലാ ബഹളങ്ങളില്‍നിന്നും ഒഴിഞ്ഞുമാറിയാണ് പഴശ്ശിരാജയുടെ സംഗീതം താന്‍ വാര്‍ത്തെടുത്തതെന്നും ഇളയരാജ പറഞ്ഞു.

(http://frames.mathrubhumi.com/story.php?id=66701)

മുകളില്‍ കൊടുത്തിരിക്കുന്നത് വായിച്ചുവോ? ഇളയരാജ ഒ.ന്‍.വി.യോടുള്ള എല്ലാ ആദരവും പ്രകടിപ്പിച്ചു കൊണ്ടാണ് മുകളില്‍ കൊടുത്തിരിക്കുന്ന പരാമര്‍ശം നടത്തിയിരിക്കുന്നതന്ന് മനസിലാക്കാം.

മലയാള സിനിമാ ഗാനരംഗത്ത് ഒ.ന്‍.വിയെ പോലെ ഭാവഗീതങ്ങള്‍ പാട്ടെഴുത്തില്‍ കൊണ്ടുവരാന്‍ ആര്‍ക്കെങ്കിലും കഴിഞ്ഞിട്ടുണ്ടോ എന്ന് സംശയമാണ്. ഒ.ന്‍.വി.യുടെ സിനിമാപാട്ടുകള്‍ ഏതൊരു മലയാളിക്കും അതിലെ ‘കവിത‘ കൊണ്ട് മനസിലാക്കാന്‍ സാധിക്കുകയും ചെയ്യും. സമകാലിക മലയാള കവിതകളിലും സിനിമാപാട്ടിലും ഒ.ന്‍.വി തന്നെയാണ് തലയുയര്‍ത്തി നില്‍‌ക്കുന്നത് എന്നതിലും സംശയം ഇല്ലാത്ത കാര്യംആണ്. വിലകുറഞ്ഞ വിശകലനവും വിശദീകരണവും നല്‍കി ഒ.ന്‍.വിക്ക് പിന്തുണ നല്‍കാന്‍ എം.എ. ബേബി ശ്രമിച്ചു എങ്കിലും അത് വളരെ അരോചകമായി എന്നാണ് ഞാന്‍ കരുതുന്നത്. കാരണം ഒ.ന്‍.വി എന്ന കവിക്കും സിനിമാപാട്ടെഴുത്തുകാരനും നാടകഗാന രചിയതാവിനും എന്റെയും നിങ്ങളുടേയും മനസിലുള്ള സ്ഥാനം ഒരു പാട്ട് മോശമായി എന്നതുകൊണ്ട് മാറുന്നതല്ല. അത് ഇളയരാജയ്ക്കും അറിയാം. ഒ‌.ന്‍.വിയില്‍ നിന്ന് അദ്ദേഹം കൂടുതല്‍ പ്രതീക്ഷിച്ചിരിക്കാം.

:: പഴശ്ശിരാജയും ചില ആരോപണങ്ങളും പരാതികളും. ::

മലയാളത്തില്‍ നിന്ന് ഒരു ലോകസിനിമ എന്ന വിശേഷണം മാധ്യമങ്ങള്‍ നല്‍കിയ പഴശ്ശിരാജ മലയാളം ഒന്നടക്കം കീഴടക്കി അന്യഭാഷകളിലേക്കും മുന്നേറുമ്പോള്‍ ‘പഴശ്ശിരാജ ടീ’മില്‍ നിന്നു തന്നെ ഒഴിവാക്കേണ്ടിയിരുന്ന ചില പരാതി/ആരോപണങ്ങള്‍ ഉയരുന്നുണ്ട്. അതിലെ അവസാനത്തേത് ആയിരുന്നു ഇളയരാജയുടെ പരാമര്‍ശം. താന്‍ ചെയ്ത ശബ്‌‌ദ്ദമിശ്രണം അതേപോലെ ശ്രവിക്കാന്‍ നമ്മുടെ തിയേറ്ററുകളില്‍ കഴിയുന്നില്ല എന്ന പരാതി ഉന്നയിച്ചത് റസൂല്‍ പൂക്കുട്ടി ആയിരുന്നു. അത് സത്യമാണങ്കിലും നമ്മുടെ തിയേറ്ററുകള്‍ മാറാന്‍ പോകുന്നില്ല എന്ന് നമുക്കറിയാം.

നവംബര്‍ 22-28 ലെ 37 ആം ലക്കം മാതൃഭൂമി ആഴ്ചപ്പതിപ്പില്‍ ഹരിഹരന്‍ പി.സക്കീര്‍ ഹുസൈനുമായി നടത്തിയ അഭിമുഖത്തില്‍ നിര്‍മ്മാതാവിനോടും ടെക്‍നീഷ്യന്മാരോടും താരങ്ങളോടും യുദ്ധം ചെയ്യേണ്ടി വന്നിട്ടുണ്ടന്ന് പറയുന്നു. (പേജ് 33).തന്റെ മനസില്‍ ചിത്രീകരിച്ചതിന്റെ അമ്പതുശതമാനം മാത്രമേ സിനിമയില്‍ കൊണ്ടുവരാന്‍ തനിക്ക് കഴിഞ്ഞിട്ടുള്ളു എന്നും സ്വയം വിമര്‍ശനമായി ഹരിഹരന്‍ പറയുന്നുണ്ട്.

'ആദിയുഷസ്സന്ധ്യ പൂത്തതിവിടെ' എന്ന ഗാനത്തെക്കാള്‍ ഉപരിയായിട്ടുള്ള വരികള്‍ താന്‍ ഒ.ന്‍.വി. യില്‍ നിന്ന് പ്രതീക്ഷിച്ചിരുന്നു എന്ന് ഇളയരാജയും പറയുന്നു.

ഈ ആരോപണ/ പരാതികളില്‍ എന്തുകൊണ്ട് ഉണ്ടായി എന്ന് ഒന്നു വിശകലനം ചെയ്യുമ്പോള്‍ മനസിലാകുന്നത് , തങ്ങള്‍ പ്രതീക്ഷച്ചതിലും വര്‍ക്കും ചെയ്തതിലും, ബുദ്ധിമുട്ടിയതിലും ഉള്ള ഒരു പൂര്‍ണ്ണത പ്രേക്ഷകരിലേക്ക് എത്തിക്കാന്‍ തങ്ങള്‍ക്ക് കഴിഞ്ഞിട്ടില്ല എന്ന ഒരു ചിന്ത പഴശ്ശിരാജയുടെ അണിയറയില്‍ ഉള്ളവര്‍ക്ക് ഉണ്ട് എന്നുള്ളതാണ് .

മന്ത് ഗുളികയും മന്ത്രിയും :: ഇതാണ് ആരോഗ്യമന്ത്രി

ഇന്നലെ നവംബര്‍ 11...
ദേശീയ മന്തുരോഗ നിവാരണ സമൂഹചികിത്സാ പരിപാടിയുടെ സംസ്ഥാന ഉദ്‌ഘാടനം രാ‍വിലെ ഒന്‍‌പതുമണിക്ക് തിരുവന്തപുരം ജനറല്‍ ആശുപത്രിയില്‍ വച്ച് .

ഇന്നലത്തെ പത്രങ്ങളിലെ കാല്‍‌പേജ് പരസ്യത്തില്‍ നിന്നാണ് ഈ വിവരം കിട്ടിയത്. എറണാകുളത്തെ മാതൃഭൂമി എഡീഷനിലെ 13 ആം പേജിലും ഈ പരസ്യം ഉണ്ടായിരുന്നു. പരസ്യത്തില്‍ നമ്മുടെ മുഖ്യമന്ത്രിയും ആരോഗ്യമന്ത്രിയും ചിരിച്ചുകൊണ്ടുള്ള ഫോട്ടോ . വര്‍ഷത്തില്‍ ഒരു പ്രാവിശ്യം കഴിച്ചാല്‍ നമ്മുടെ നാട്ടില്‍ നിന്ന് മന്ത് രോഗം അറബിക്കടലില്‍ താഴ്ന്നുപോകുമെന്ന് .

നല്ല കാര്യം ...

മന്തില്ലാത്ത കേരളത്തെ സ്വപ്‌നം കണ്ട് ഉറങ്ങി എഴുന്നേറ്റപ്പോള്‍ പത്രങ്ങളെല്ലാം എടുത്തു നോക്കി.

എല്ലാ പത്രങ്ങളിലും വാര്‍ത്തയുണ്ട് . മന്തുനിവാരണഗുളികകള്‍ കഴിച്ചവര്‍ക്ക് പത്തഞ്ഞൂറ് പേര്‍ക്ക് അസ്വസ്ഥതകള്‍ !!!

എന്തുകൊണ്ടാണ് ഈ അസ്വസ്ഥതകള്‍ ഉണ്ടായത് എന്ന് ആരെങ്കിലും പറയുന്നുണ്ടോ ?

ഉണ്ട് ..

നമ്മുടെ ആരോഗ്യവകുപ്പിന്റെ മേലുള്ള ഒരാള്‍ ഒരു പത്രക്കുറിപ്പ് ഇറക്കിയിട്ടുണ്ടത്രെ! അസ്വസ്ഥതകളില്‍ ആശങ്ക വേണ്ട എന്നാണ്

പത്രക്കുറിപ്പ്. തലക്കറക്കവും ഛര്‍ദിയും ഉണ്ടായ സ്ഥലങ്ങളില്‍ അവര്‍ പരിശോധിച്ചത്രെ. ആര്‍ക്കും ഒരു കഴപ്പവും ഇല്ല.

ഹാ‌വൂ !! സമാധാനമായി .

മാതൃഭൂമി അടച്ചു വച്ചു.

എല്ലാ പത്രങ്ങളിലും ഇങ്ങനെതന്നെയാണോ ...

മനോരമ എടുത്തുനോക്കി ... അതില്‍ മറ്റൊരു സംഗതി കിടക്കുന്നു.

മന്തുനിവാരണഗുളികകള്‍ കഴിക്കേണ്ടത് ഉച്ചഭക്ഷണത്തിനു ശേഷമായിരുന്നത്രേ !!!

വീണ്ടും ഇന്നലത്തെ പരസ്യം എടുത്തുനോക്കി. അതിലെവിടെയെങ്കിലും ഉച്ച ഭക്ഷണത്തീനുശേഷമാണ് ഗുളിക കഴിക്കേണ്ടത് എന്ന് പറയുന്നുണ്ടോ ? ഇല്ലേ ഇല്ല.. അങ്ങനെ ഒരു വിവരവും ആ പരസ്യത്തില്‍ ഇല്ല. ഗുളികകള്‍ സുരക്ഷിതവും ഫലപ്രദവും ആണന്ന് പറയുന്നുണ്ട്. പിന്നെ ഒരു കാര്യം കൂടി ഉണ്ട് . ആരോഗ്യ- സന്നദ്ധ പ്രവര്‍ത്തകര്‍ വീടുകളിലും സ്ഥാപനങ്ങളും സന്ദര്‍ശിച്ച് നല്‍കുന്ന ഗുളികകള്‍ അവരുടെ സാന്നിദ്ധ്യത്തില്‍ തന്നെ കഴിക്കുക.

നമ്മുടെ മന്ത്രിക്ക് ഗുളിക കഴിച്ച് എന്തെങ്കിലും പറ്റിയിട്ടുണ്ടാവുമോ ? മന്ത്രിക്ക് തലകറക്കമോ ഛര്‍ദിയോ ? മാതൃഭൂമിയിലും ദീപികയിലും മനോരമയിലും മന്ത്രിയെക്കുറിച്ച് ഒന്നും പറയുന്നില്ല.

ഹൊ ടെന്‍ഷന്‍ !

വല്ലാത്ത ടെന്‍‌ഷന്‍ !

നമ്മുടെ ആരോഗ്യമന്ത്രിയുടെ ആരോഗ്യത്തെക്കുറിച്ച് വല്ലാത്ത ടെന്‍‌ഷന്‍ . ഗുളിക കഴിച്ച് മന്ത്രി മന്തുരോഗ നിവാരണ സമൂഹചികിത്സാ പരിപാടിയുടെ സംസ്ഥാന ഉദ്‌ഘാടനം നടത്തുമെന്നായിരുന്ന ത്രെ അറിയിപ്പ്. ഇതറിഞ്ഞപ്പോള്‍ വീണ്ടും ടെന്‍ഷന്‍ !! മന്ത്രിക്ക് എന്തെങ്കിലും സംഭവിച്ചിട്ടുണ്ടാവു മോ ?

കേരള കൌമുദി ഓണ്‍‌ലൈന്‍ എടുത്തു നോക്കിയപ്പോഴാണ് ആശ്വാസമായത്. മന്ത്രിക്ക് ഒന്നും സഭവിച്ചിട്ടില്ല. ഗുളിക കഴിച്ചവര്‍ക്കേ എന്തെങ്കിലും ഒക്കെ സംഭവിക്കാനുള്ള വഴിയുള്ളു. ഗുളിക കഴിക്കാത്തവര്‍ക്കെന്ത് കുഴപ്പം വരാന്‍ ???????

താഴെ ദാ ആ വാര്‍ത്ത ...........

എന്നാല്‍ പിന്നെ ഈ പരിപാടി ഉച്ചകഴിഞ്ഞിട്ട് നടത്തിയാല്‍ പോരായിരുന്നോ എന്ന് ചോദിക്കരുത് ? ഗുളിക കഴിച്ച് ഉദ്‌ഘാടനം നടത്തേണ്ട മന്ത്രി എന്തെങ്കിലും കഴിച്ചിട്ട് വരേണ്ടിയിരുന്നില്ലേ എന്നും ചോദിക്കരുത് ? ഉച്ചഭക്ഷണത്തിനുശേഷമേ ഈ ഗുളിക കഴിക്കാവൂ എന്ന് പരസ്യത്തിലെങ്കിലും കൊടുക്കരുതായിരുന്നോ എന്നും ചോദിക്കരുത് ? കാരണം ചില ചോദ്യങ്ങള്‍ ഉത്തരം കിട്ടാതെ അവശേഷിക്കുന്നവയാണ് . അതായത് ചില ചോദ്യങ്ങള്‍ ചോദ്യങ്ങളായിത്തന്നെ അവശേഷിക്കും ...

പഴയ ഒരു കഥ ::

പണ്ട് പണ്ട് ഒരു വിദ്യാഭ്യാസമന്ത്രി സ്കൂളിലെ ഉച്ചക്കഞ്ഞി ഉദ്‌ഘാടനം ചെയ്യാന്‍ പോയി. കഞ്ഞികുടിച്ച് മന്ത്രി ഉ‌ദ്‌ഘാടനം ചെയ്യണമെന്ന് ആരോ പറഞ്ഞപ്പോള്‍ മന്ത്രി സമ്മതിച്ചു. പത്രത്തില്‍ പടം വരുന്നതല്ലേ ? കഞ്ഞി കുടിച്ച് മന്ത്രി ഉദ്‌ഘാടനം നടത്തി. പിറ്റേന്ന് രാവിലെ മന്ത്രിയെ നടക്കാന്‍ കാണാഞ്ഞിട്ട് ഒരു സുഹൃത്ത് മന്ത്രിയെത്തിരക്കി വീട്ടില്‍ ചെന്നു. ഉച്ചക്കഞ്ഞി ഉദ്ഘാടനം കഴിഞ്ഞതില്‍ പിന്നെ മന്ത്രിക്ക് ബാത്ത് റൂമില്‍ നിന്ന് ഇറങ്ങാന്‍ സമയമില്ലത്രെ! . സുഹൃത്ത് മന്ത്രിയെക്കണ്ട് പൊട്ടിച്ചിരിച്ചു. തന്നെ കളിയാക്കിയെ സുഹൃത്തിനോട് മന്ത്രി തട്ടിക്കയറി. സുഹൃത്ത് മന്ത്രിയോട് പറഞ്ഞു.

“ ഞാന്‍ താങ്കളെ കളിയാക്കി ചിരിച്ചതല്ല. കുറച്ച് കഞ്ഞി കുടിഞ്ഞ താങ്കളുടെ അവസ്ഥ ഇങ്ങനെയാണങ്കില്‍ എന്നും ആ കഞ്ഞി കുടിക്കുന്ന പിള്ളാരുടെ അവസ്ഥ ഓര്‍ത്ത് ചിരിച്ചു പോയതാ ....”

വീണ്ടും ഇന്നലത്തെ പത്രത്തിലെ പരസ്യം നോക്കി... രണ്ട് മന്ത്രിമാര്‍ ചിരിച്ചു കൊണ്ടിരിക്കുന്നു. അത് നമ്മളെ ഒന്ന് ആക്കിച്ചിരിക്കുന്നതല്ലേ എന്ന് ഒരു സംശയം ഇല്ലാതില്ല ...........

ദേശാ‍ാഭിമാനി കിട്ടുന്നില്ലല്ലോല്ലോ ....

http://www.deshabhimani.com സൈറ്റ് കിട്ടുന്നില്ല . തിരഞ്ഞെടുപ്പ് ഫലം അറിയാന്‍ സഖാക്കള്‍ തള്ളിക്കയറുന്നതുകൊണ്ട് ബ്ലോക്ക് ആയതോ ബ്ലോക്ക് ആക്കിയതോ ???

ഷക്കീല വിശുദ്ധയായി

ഒരു സിനിമാനടിയെക്കുറിച്ചും ആര്‍ക്കും എന്തും പറയാമോ? പറയാന്‍ പാടില്ല എന്ന് കുറഞ്ഞ പക്ഷം തമിഴ് പത്രമായ ദിനമലറിന്റെ ന്യൂസ് എഡിറ്റര്‍ ഡി.ലെനിന് മനസിലായിട്ടുണ്ടാവും. മലയാളത്തിന്റെ രോമാഞ്ചമായി മൂന്നാലുവര്‍ഷം പരിലസിച്ച ഷക്കീലചേച്ചിയെക്കുറിച്ചുപോലും ഡി.ലെനിന് അപവാദം പത്രത്തിലൂടെ പറഞ്ഞു പരത്തി. പത്രക്കാരന് സ്വപ്നം കണ്ടിട്ട് എഴുന്നേറ്റ്

ഇരുന്ന് എഴുതിയതൊന്നും അല്ല ഈ കഥകള്‍. മുപ്പത്തഞ്ചുവയസുള്ള ഭുവനേശ്വരിയെ ചെന്നയില്‍ നിന്ന് ‘ഡ്യൂട്ടി’ സമയത്ത് പോലീസ് പൊക്കി.

സിനിമയിലും ഭുവനേശ്വരി പ്രശസ്തയാണ്. ആരും മറക്കാത്തത് ഷക്കറിന്റെ ബോയ്സിലെ രംഗം ആണന്ന് മാത്രം.

ഏതായാലും ഒരു മണിക്കൂര്‍ ‘ഡ്യൂട്ടിക്ക്’ 30000 വാങ്ങുന്ന ഭുവനയെ പോലീസ് പൊക്കിയപ്പോള്‍ താന്‍ വെറും പാവമാണന്നും മറ്റുള്ളവരുടെ മുന്നില്‍ താന്‍ വെറും ‘ലോ സര്‍വീസ്’ ആണന്നും ധൈര്യമുണ്ടങ്കില്‍ പോയി മറ്റുള്ളവരെ പോയി പിടിക്കന്ന് പറഞ്ഞ് തന്നെപ്പോലെ സര്‍വീസ് ഇന്‍ഡസ്ട്രിയില്‍ സേവനം നടത്തുന്ന കുറച്ചുപേരുടെ ലിസ്റ്റും അവരുടെ സേവനനിരക്ക് പെര്‍ അവറില്‍ ഭുവന പോലീസിന് കൊടുത്തു. ഈ ലിസ്റ്റാണ് മാധ്യമ സിന്‍ഡിക്കേറ്റുകളായ തമിഴ് പത്രങ്ങള്‍ക്ക് കിട്ടിയതും അവരാലിസ്റ്റില്‍ കത്തി വയ്ക്കാതെ നേരെ പത്രത്തിലേക്ക് കയറ്റി വിട്ടു.ലിസ്റ്റ് കണ്ടപ്പോള്‍ കോടമ്പാക്കം ഒന്നു പകച്ചു.

തങ്ങളുടെ പേര്‍

ഇനിയും പ്രസിദ്ധീകരിക്കാത്ത പേരില്‍(?) ഉണ്ടോ എന്ന് പലരും വിളിച്ച് പോലീസിനോട് അന്വേഷിച്ചത്രെ. നമ്മുടെ കൂട്ട് ലാവ്‌ലിനും എസ്‌ കത്തിയും ഗുണ്ടാവിളയാട്ടവും ഒന്നും പത്രത്തില്‍ അടിച്ചാല്‍ പത്രം വിറ്റുപോകില്ലന്ന് തമിഴ്‌നാട്ടിലെ പത്രക്കാര്‍ക്ക് അറിയാം. ഒട്ടും താമസിക്കാതെ പത്രങ്ങളില്‍ നക്ഷത്ര ലോകത്തെ ‘സേവന’ത്തെക്കുറിച്ച് പരമ്പരകള്‍ വന്നു തുടങ്ങിയതോടെ നടികര്‍ സംഘം കമ്മീഷ്ണര്‍ ഓഫീസില്‍ ഒരു പിക്കടിംങ്ങ് നടത്തി.

പാവം പത്രക്കാര്‍!!!. കേരളത്തിലെ പോലെ പത്രക്കാര്‍ക്ക് അവിടെ ഡിമാന്റൊന്നും ഇല്ലല്ലോ?. നടികര്‍ പറയും അടിയര്‍ കേള്‍ക്കും എന്നാണ് അവിടിത്തെ ലൈന്‍. നടികരില്‍ ഒരാള്‍ ഒന്ന് കത്തിക്കടാ എന്ന് പറഞ്ഞാല്‍ ഇവിടെയാണങ്കില്‍ നീ പോയി കത്തിക്കടാ എന്ന് നടിക്കുന്നവന്റെ മുഖത്ത് നോക്കി പറയുമെങ്കില്‍ തമിഴ് നാട്ടില്‍ അങ്ങനെയല്ലല്ലോ? നടികരില്‍ ഒരാള്‍ ഒന്ന് കത്തിക്കടാ എന്ന് പറഞ്ഞാല്‍ അവിടെയാണങ്കില്‍ അവന്മാര്‍ മുഴുവനുംകൂടി കത്തിക്കും. അങ്ങനെ ഒരു അവസ്ഥ യിലേക്ക് കാര്യങ്ങള്‍ പോയി തുടങ്ങിയപ്പോള്‍ പോലീസ് ദിനമലരിന്റെ എഡിറ്ററെ അറസ്റ്റു ചെയ്തു. നടികരോടാ പത്രക്കാരുടെ കളി. തമിഴ്നാട് ഭരിക്കുന്നത് സിനിമാക്കാരന്‍ പ്രതിപക്ഷത്തിരി ക്കുന്നത് പഴയസിനിമാനടി , പുതിയ പാര്‍ട്ടിയുണ്ടാക്കുന്നത് നടികര്‍. ചുരുക്കി പറഞ്ഞാല്‍ സൃഷ്ടിയും സംഹാരമെല്ലാം നടികരുടെ ചുമതലയില്‍. ആ അവസ്ഥയിലാണ് സിനിമാപരസ്യങ്ങളുടെ പച്ചപ്പില്‍ മുന്നോട്ട് പോകുന്ന പത്രങ്ങളിലെ ‘നക്ഷത്രകഥകള്‍’. സിനിമാക്കാരുടെ പരസ്യം കിട്ടാതിരുന്നാല്‍ പത്രങ്ങളെല്ലാം അടച്ചു പൂട്ടേണ്ടിവരുമന്ന് വാര്‍ത്ത കൊടുക്കാനുള്ള ആവേശത്തില്‍

തമിഴ്നാട്ടിലെ പത്രക്കാര്‍ മറന്നു പോകാനാണ് സാധ്യത.

തമിഴ്നാട്ടിലെ കാര്യം അവിടെ നിക്കട്ടെ. നമുക്ക് നമ്മുടെ കാര്യത്തിലേക്ക് വരാം. മലയാളികളുടെ സ്വന്തം ഷക്കീലയെ മുകളില്‍ പറഞ്ഞ നാറ്റകേസിലേക്ക് വലിച്ചിഴച്ചതാരണങ്കിലും അവര്‍ക്ക് മാപ്പില്ല. നമുക്ക് ഷക്കീല വെറും ഒരു സിനിമാനടിമാത്രമായിരുന്നില്ലല്ലോ? മലയാളത്തിലെ എവര്‍ഗ്രീന്‍ ക്ലാസിക്കല്‍ ഹിറ്റ് ചിത്രമായ ‘കിന്നാരത്തുമ്പികളിലെ‘ നായിക. നായികാപ്രധാന്യമില്ലാത്ത ചിത്ര ങ്ങളാണ് മലയാളത്തില്‍ ഇറങ്ങുന്നത് എന്നുള്ള ആക്ഷേപിക്കുന്നവരുടെ മുന്നില്‍ പറഞ്ഞുകൊടുക്കാന്‍ ഇപ്പോള്‍ അവശേഷിക്കുന്നത് ഷക്കീലയുടെ ചിത്രങ്ങള്‍ മാത്രമല്ലേ? ഷക്കീലയുടെ തല(ത മാത്രമല്ല) പോസ്റ്ററില്‍ വന്നതുകൊണ്ടുമാത്രം എത്രയോ പടങ്ങളാണ് രക്ഷപെട്ടത്. കോടിക്കണക്കിന് രൂപാ ഇറക്കി പടമെടുത്ത് ലക്ഷക്കണക്കിന് രൂപയുടെ നഷ്ടമുണ്ടായ നിര്‍മ്മാതക്കള്‍ ഇന്‍‌ഡസ്ട്രിയില്‍ പിടിച്ചു നിന്നത് ലക്ഷങ്ങള്‍ മുടക്കി ഷക്കീലയുടെ പടങ്ങള്‍ എടുത്ത് കോടികള്‍ ലാഭമുണ്ടാക്കിയാണ് . നായകന്റെ പിന്നാലെ ഓടുന്ന നായികയെ മാത്രം കണ്ട പരിചിയമായ മലയാളികള്‍ക്ക് അഭിന യന്റെ മറ്റൊരു ദൃശ്യവിരുന്ന് ഒരുക്കയത് ഷക്കീലയല്ലേ? നായകനും വില്ലനും എന്തിന് സിനിമയിലുള്ള ആണുങ്ങളെല്ലാം നായികയുടെ പിന്നാലെ ഓടുന്നതും നടക്കുന്നതും കാണാന്‍ കഴിയുന്നത് ഷക്കീലയുടെ സിനിമകളില്‍ മാത്രം. മലയാള സിനിമായുടെ ‘വസന്ത‘കാലമായ 2000-2007 കാലത്ത് മലയാളം സിനിമയെ കൊണ്ടു നടന്നത് ഷക്കീല എന്ന ഒറ്റയാള്‍ പട്ടാളവും ആ പട്ടാളത്തെ അനുഗമിച്ചെത്തിയ ‘കുട്ടിപട്ടാള’ങ്ങളുമാണ്. എന്നിട്ട് നമ്മള്‍ മലയാളികള്‍ ഉണ്ടചോറിന് അവരോട് നന്ദി കാണിച്ചോ?അവരുടെ

പോസ്റ്റരുകളില്‍ കരി ഓയില്‍ ഒഴിച്ചും ചൂലെടുത്ത് ഓടിക്കുമെന്നും ഒക്കെ പറഞ്ഞ് അവരെ നമ്മള്‍ അപമാനിച്ചു. അപമാനം

സഹിക്കാനാവാതെ അവര്‍ കേരളം വിട്ടു. മനുഷ്യരാരും കാണാത്ത സിനിമകള്‍ക്ക് പോലും ജനപ്രീതിനേടിയ നേടിയ സിനിമയ്ക്കുള്ള അവാര്‍ഡ് നല്‍കിയപ്പോള്‍ സി ക്ലാസ് തിയേറ്ററില്‍ പോലും ഹൌസ്‌ഫുള്‍ ആയി ഓടിയ അവരുടെ സിനിമകള്‍ക്ക് സ്പെഷല്‍ ഇ‌ഫ്‌കറ്റിനുള്ള അവാര്‍ഡ് പോലും ആരും നല്‍കിയില്ല.

കേരളത്തില്‍ നിന്ന് പോയിട്ടും നമ്മള്‍ അവരെ വേദനിപ്പിച്ചു കൊണ്ടിരുന്നു. ഷക്കീല കന്യാസ്ത്രിയായി അഭിനയിക്കുന്നു എന്ന് കേട്ടപ്പോള്‍ തുരുമ്പെടുത്ത് തേഞ്ഞ സദാചാരത്തിന്റെ വാള്‍ നമ്മള്‍ രാകി മിനുക്കിയെടുത്തി.വാളു പേടിച്ച് ഷക്കീല കന്യാസ്ത്രിയാകാന്‍കേരളത്തിലെത്തിയില്ല. (പത്രങ്ങളിലെ ചില കന്യാസ്ത്രി കഥകള്‍ വായിച്ച് ഷക്കീല പൊട്ടിച്ചിരിച്ചിട്ടുണ്ടാവും.).

സ്ക്രീന്‍ നിറയുന്ന ശരീരം കൊണ്ട് മലയാളസിനിമയെ താങ്ങി നിര്‍ത്തിയ ഷക്കീലയോട് മാത്രമല്ല നമ്മള്‍ അനീതി കാണിച്ചത്. സ്ഥൂലമായ തന്റെ ശരീരം കൊണ്ട് മലയാളസിനിമയെക്ക് ഒരു ഒതയെങ്കിലും (ഒത :: കവിട്ടയുള്ള കമ്പുകൊണ്ട് വാഴയും മറ്റും താങ്ങിനിര്‍ത്തുന്നതിന് പറയുന്ന പേര്) ആകാമെന്ന് വച്ച് വന്ന്‍ ഹിറ്റുകള്‍ നല്‍കിയ രേശ്‌മയെ

നമ്മുടെ പോലീസ് എറണാകുളത്ത് നിന്ന് അറസ്റ്റുചെയ്തില്ലേ??? അറസ്റ്റുചെയ്തതു പോരാഞ്ഞിട്ട് അവളെ ചോദ്യം ചെയുന്നത് ഇന്റ്ര്‌ നെറ്റിലൂടെ ലോകം മുഴുവന്‍ കാണിച്ചില്ലേ? എന്നിട്ടും അവര്‍ ആരോടും പരാതി

പറഞ്ഞില്ല..... ജോലി നഷ്ടപെട്ട് വീട്ടിലിരിക്കുന്ന അവര്‍ക്ക് സാമ്പത്തിക ഉത്തേജക പാക്കേജോ , വായ്പകളോ ആരും നല്‍കിയില്ല. എന്നിട്ടും അവര്‍ ആരോടും പരാതി

പറഞ്ഞില്ല.??? എന്നിട്ടും ‘ദിനമലര്‍’ എന്തിന് ഈ ചതി ചെയ്തു??????

അവസാനം ദിനമലര്‍ എഡിറ്ററെ അറസ്റ്റു ചെയ്തതോടുകൂടി സിനിമാനടികളുടെ മേല്‍ ഉള്ളതും ആരോപിക്ക പെടുന്നതും ആയ എല്ലാ കളങ്കങ്ങളും ഇന്നു മുതല്‍ ഇല്ലാതാകുന്നതാണ്. അപമാനത്തിന്റെ കുഴിയില്‍ വീഴാതെ തങ്ങളെ രക്ഷിച്ച കരുണാനിധിയായ ഭഗവാന് അവര്‍ നന്ദി അര്‍പ്പിക്കുകയും ചെയ്തു. ഇനി മുതല്‍ അവര്‍ നമുക്ക് പരിശുദ്ധിയുടെ നിറകുടങ്ങളാണ്. പരിശുദ്ധിയുടെ നിറകുട ങ്ങളായ അവരുടെ പോസ്‌റ്ററുകളില്‍ ഇനി കരി ഓയില്‍ ഒഴിക്കുന്നത് നിയമപരമായും ആത്മീയപര മായും തെറ്റാണ്.

തൂവെള്ളയില്‍ ഒരുമാടപ്രാവിനെപ്പോലെ നില്‍ക്കുന്ന ഷക്കീലയെ കണ്ടിട്ട് നിങ്ങള്‍ തന്നെ പറയൂ.. അവള്‍ക്ക് വിശുദ്ധയാകാനുള്ള എല്ലാ യോഗ്യതകളും ഇല്ലേ?? കടത്തില്‍ നിന്ന് അനേകം നിര്‍മ്മാ താക്കളെ കരകയറ്റിയില്ലേ? അവള്‍ മൂലം സിനിമാ‌ഇന്‍ഡസ്ട്രിയിലുള്ള അനേകം ആളുകള്‍ക്ക് പട്ടിണിയില്‍ നിന്ന് രക്ഷപെടാന്‍ സാധിച്ചില്ലേ? കരിഓയില്‍ കച്ചവടക്കാര്‍ക്ക് ബിസിനസ്സ് നടന്നില്ലേ? പോസ്റ്ററുകള്‍ തിന്ന് അനേകം കാലികള്‍ക്ക് വിശപ്പടക്കാന്‍ കഴിഞ്ഞില്ലേ? ഇവള്‍ ആരുടേയും ഭര്‍ത്താവിനെ വശീകരിച്ചിട്ടില്ല. മറ്റ് നായികമാരുടെ

അവസരങ്ങള്‍ തട്ടിയെടുത്തില്ല. എല്ലാം ‘സഹിച്ച്‘ ആര്‍ക്കെതിരേയും ആരോപണങ്ങള്‍ ഉന്നയിക്കാതെ ജീവിക്കുന്ന ഷക്കീലതന്നയല്ലേ സിനിമാലോകത്തെ വിശുദ്ധ???!!!!!

ന്യൂസ് ചാനല്‍ ഉഡായിപ്പ് ???

ഇത് എന്റെ ഒരു സംശയം. ഒരാള്‍ക്ക് ഒരേ സമയം രണ്ട് ടെലിവിഷന്‍ ചര്‍ച്ചകളില്‍ പങ്കെടുക്കാന്‍ കഴിയുമോ ? ഇന്നത്തെ ( ഒക്‍ടോബര്‍ 3 ശനി) രണ്ട് ചര്‍ച്ചകള്‍ കണ്ടപ്പോള്‍ ഒരാള്‍ക്ക് ഒരേ സമയം രണ്ട് ചര്‍ച്ചകളില്‍ പങ്കെടുക്കാന്‍ പറ്റുമെന്ന് മനസിലായി. അതും രാത്രി ഒന്‍പതുമണിക്ക്. ഒരേ സമയം രണ്ട് ‘ലൈവ്’ ചര്‍ച്ചയില്‍ പങ്കെടുത്ത് എന്നെ ഞെട്ടിച്ചിരിക്കുന്നത് നമ്മുടെ ധനമന്ത്രി ശ്രി.തോമസ് ഐസ്ക് ആണ്. എത്ര ആലോചിച്ചിട്ടും


എനിക്കതിന്റെ ടെക്‍നിക് അങ്ങോട്ട് മനസിലാകുന്നില്ല.


ഏഷ്യാനെറ്റ് ന്യൂസിന്റെ ‘ന്യൂസ് അവറും‘ മനോരമ ന്യൂസിന്റെ ‘കൌണ്ടര്‍ പോയിന്റും‘ തുടങ്ങുന്നത് രാത്രി ഒന്‍‌പതുമണിക്ക് .


ഇന്നത്തെ ( ഒക്‍ടോബര്‍ 3 ശനി)
ഏഷ്യാനെറ്റ് ന്യൂസ് അവറിന്റെ അവതാരകന്‍ :: ഹര്‍ഷന്‍ .
‘കൌണ്ടര്‍ പോയിന്റിന്റെ അവതാരകന്‍ :: വേണു.


ഏഷ്യാനെറ്റ് ന്യൂസ് അവറിന്റെ ആദ്യ വാര്‍ത്ത ‘അഴിമതി കൂടുതല്‍ അമരവിള ചെക്‍പോസ്റ്റില്‍’.
കൌണ്ടര്‍ പോയിന്റിന്റെ വിഷയം ‘ ഇനിയും അഴിമതി വിളയില്ലേ?’.


അമരവിള ചെക്‍പോസ്റ്റിലെ അഴിമതി ഇല്ലാതാക്കുന്നതിന്റെ ഭാഗമായി ശ്രി.തോമസ് ഐസ്‌ക് നടത്തിയ പരി‌ഷ്ക്കരണത്തെക്കുറിച്ചും അദ്ദേഹം ഇന്ന് നടത്തിയ പരാമര്‍‌ശത്തേയും ക്കുറിച്ചായിരുന്നു രണ്ട് ചാനലിലും ചര്‍ച്ച.

ന്യൂസ് അവറിലെ ചര്‍ച്ചയില്‍ ശ്രി തോമസ് ഐസകും , ശ്രി. വിഡി സതീശന്‍ എം.ല്‍.എ യും
കൌണ്ടര്‍ പോയിന്റിലെ ചര്‍ച്ചയില്‍ ശ്രി തോമസ് ഐസകും, ശ്രി. സി.പി.ജോണും, ശ്രി.ജോര്‍ജ് മേഴ്‌സ്യര്‍ എം.ല്‍.എ യും


രണ്ട് ചര്‍ച്ചകളും തുടങ്ങിയത് ഏതാണ്ട് ഒരേ സമയത്ത്. ഏഷ്യാനെറ്റ് ന്യൂസിലെ ചര്‍ച്ച 9.23 ന് അടുത്ത് അവസാനിച്ചപ്പോള്‍ ന്യൂസ് അവറിലെ ചര്‍ച്ച അവസാനിച്ചത് 9.30ന്. ഒരേ സമയത്ത് നടന്ന ഈ ചര്‍ച്ചകളില്‍ പങ്കെടുക്കാന്‍ ശ്രി തോമസ് ഐസകിന് എങ്ങനെ കഴിഞ്ഞു.???


ശരിക്കും ഏത് ചാനലാണ് ‘ലൈവ് ‘ ന്യൂസ് റിക്കോര്‍ഡ് ചെയ്‌തത് ? ആരായിരിക്കും ഉഡായിപ്പ് കാണിച്ചത് ? അതോ ടെക്‍നോളജികള്‍ പുരോഗിമിച്ചത് അറിയാത്ത എന്റെ ആണോ കുറ്റം ???


ആരെങ്കിലും ഒരു ഉത്തരം തരുമോ ???


(ടിവി സ്ക്രീനില്‍ നിന്ന് ഡിജിറ്റല്‍ ക്യാമറ ഉപയോഗിച്ച് ചിത്രങ്ങള്‍ എടുത്തതിന്റെ ഒരു പോരായ്മ ചിത്രങ്ങള്‍ക്ക് ഉണ്ട്. )

അഭയുടെ രക്തത്തിന്റെ നിലവിളി :

ബൈബിളിലെ ഉല്പത്തി പുസ്തകം 4 ആം അദ്ധ്യായത്തില്‍ ദൈവം കയീനോട് പറയുന്നു. “നീ എന്തു ചെയ്തു? നിന്റെ അനുജന്റെ രക്തത്തിന്റെ ശബ്ദ്ദം ഭൂമിയില്‍ നിന്ന് എന്നോട് നിലവിളിക്കുന്നു.” (ഉല്പത്തി 4:10). 1992 മാര്‍ച്ച് 27 വെള്ളിയാഴ്‌ച ഭൂമിയില്‍ നിന്ന് നിലവിളിക്കാന്‍ തുടങ്ങിയ മറ്റൊരു രക്തത്തിന്റെ നിലവിളി ദൈവത്തിന് കേള്‍ക്കാതിരിക്കാന്‍ ദൈവത്തിനു കഴിയുമോ? സത്യമെന്ന വെളിച്ചത്തെ അസത്യമെന്ന ഇരുട്ടുകൊണ്ട് എത്രനാള്‍ മൂടിവയ്ക്കാന്‍ സാധിക്കും. ഹാബേലിന്റെ രക്തത്തിന്റെ നിലവിളിക്ക് ഉത്തരം‌തേടി കയീനിന്റെ അടുത്ത് ദൈവം തന്നെ വന്നുവെങ്കില്‍ അഭയ എന്ന 19 വയസുകാരി സാധുകന്യാസ്ത്രിയുടെ രക്തത്തിന്റെ നിലവിളിക്ക് ഉത്തരം തേടാന്‍ നമ്മുടെ നീതിന്യായ വെവ്യസ്ഥിതിക്ക് നീണ്ട 17 വര്‍ഷങ്ങള്‍ വേണ്ടി വന്നു. ഈ കഴിഞ്ഞ കാലമത്രയും ആ പെണ്‍കുട്ടിയുടെ രക്തത്തിന്റെ നിലവിളിയെക്കാള്‍ ഉറക്കെ പലരും ആ രക്തത്തിനു വേണ്ടി നിലവിളിച്ചു എങ്കിലും അവരുടെ നിലവിളി പീലാത്തോസിന്റെ മുന്നില്‍ നീതിമാന്റെ രക്തത്തിനു പകരം ബറബാസിനു വേണ്ടി നിലവിളിച്ച യൂദന്മാരുടെ നിലവിളിയാണന്ന് ഇപ്പോള്‍ കാലം തെളിയിച്ചു കഴിഞ്ഞിരിക്കു ന്നു. “മൂടിവച്ചത് ഒന്നും വെളിച്ചത്ത് വരാതിരിക്കില്ല” എന്ന ക്രിസ്തുവചനം ഒരിക്കലും മറക്കരുത് എന്ന് ഓര്‍മ്മിപ്പിക്കലോടെ അഭയുടെ രക്തത്തിന്റെ നിലവിളിയുടെ പകപ്പിലേക്ക് ........

കോട്ടയം സെന്റ് പയസ് റ്റെന്റ്ത് കോണ്‍‌വെന്റിലെ അന്തേവാസിയും ബിസി‌എം കോളേജിലെ വിദ്യാര്‍ത്ഥിനിയുമായ സിസ്റ്റര്‍ അഭയെ കോണ്‍‌വെന്റിലെ കിണറ്റില്‍ മരിച്ച നിലയില്‍ കാണുന്നത് 1992 മാര്‍ച്ച് 27 വെള്ളിയാഴ്‌ച ആണ്. വളരെയേറെ ദുരൂഹതകള്‍ ബാക്കിയാക്കികൊണ്ട് ആണ് സിസ്റ്റര്‍ അഭയ ‘ആത്മഹത്യ’ ചെയ്തത്. കോണ്‍‌വെന്റിലെ അടുക്കളയിലെ തുറന്ന ഫ്രിഡ്‌ജും വാതിലില്‍ ഉടക്കിയ തിരുവസ്ത്രവും എല്ലാം ആത്മഹത്യ ചെയ്യാനുറച്ച ഒരാളുടെ മാനസിക വിഭ്രാന്തികള്‍ ആയി മാറി. 2009 ലെ പോലെ തന്നെ 92 ലെ പോലീസും തിരക്കഥകള്‍ തയ്യാറാക്കാ‍ന്‍ മിടുക്കരായിരുന്നു. അതുകൊണ്ടാണല്ലോ കൊല്ലപ്പെട്ട അഭയ ആത്മഹത്യചെയ്തത്. ലോക്കല്‍ പോലീസ് അന്വേഷിച്ച് എല്ലാ തെളിവുംകളും നശിപ്പിച്ച അഭയ കേസ് സിബിഐ അന്വേഷിച്ച് തുടങ്ങുമ്പോള്‍ അവരുടെ മുന്നില്‍ ഉണ്ടായിരുന്നത് ‘നശിപ്പിക്ക പെട്ട തെളിവുകള്‍’ മാത്രമായിരുന്നു. ഡമ്മി ഉപയോഗിച്ച് അഭയ ആത്മഹത്യചെയ്യുകയല്ല കൊല്ലപെടുകയാണന്ന് ഉറപ്പിച്ചതോടെ അഭയയുടെ രക്തത്തിന്റെ നിലവിളിയുടെ ശബ്ദ്ദം ജനങ്ങള്‍ ഏറ്റെടുത്തു. ആ ശബ്ദ്ദത്തിനെതിരെ സഭയ്ക്ക് ചെവികളില്‍ ഈയം ഉരുക്കി ഒഴിക്കാന്‍ കഴിഞ്ഞു എങ്കിലും ആ നിലവിളി കേള്‍ക്കാതിരിക്കാന്‍ കോടതിക്ക് കഴിഞ്ഞില്ല. പിന്നീടെല്ലാം നടന്നതും നടക്കുന്നതും ഇരുളില്‍ നിന്ന് സത്യം അനാവരണം ചെയ്യപെടുന്ന ദൈവീക ശക്തിയുടെ മാസ്‌മരികമായ പ്രഭാവം മാത്രമാണ്.

സത്യത്തെ ഇല്ലാതാക്കാന്‍ രക്തത്തിന്റെ നിലവിളി ഇല്ലാതാക്കാന്‍ പലരും ശ്രമിച്ചു എങ്കിലും പതിനാറുവര്‍ഷങ്ങള്‍ക്ക് ശേഷം 2008 നവംബര്‍ 19 ന് ആ നിലവിളിയുടെ ശബ്ദ്ദത്തിന് ഉത്തരം ലഭിച്ചു. കോട്ടയം ക്നാനായ കത്തോലിക്കാ രൂപതയിലെ രണ്ട് പുരോഹിതന്മാരായ ജോസ് പുതൃക്കയിലും, ഫാ.തോമസ് കോട്ടൂരാനും, സിസ്റ്റര്‍ സെഫിയും അറസ്റ്റ് ചെയ്യപെട്ടു. അഭയയുടെ രക്തത്തിന്റെ നിലവിളിയെക്കാ‍ള്‍ ഉച്ചത്തില്‍ പരീശസാദൂക്യ വൃന്ദങ്ങള്‍ ബറബാസുമാര്‍ക്കുവേണ്ടി നിലവിളിക്കാന്‍ തുടങ്ങി. പീലാത്തോസിനെപ്പോലെ നീതിമാന്റെ രക്തം സ്വന്തം ആത്മാവിനോട് ചേര്‍ക്കാന്‍ നമ്മുടെ ന്യായാധിപര്‍ തയ്യാറായില്ല. ബറബാസിനുവേണ്ടി നിലവിളിക്കുന്നവരെ ഭയന്ന് ന്യായാധിപര്‍ ബറബാസുമാരെ വിട്ടുകൊടുക്കുമൊന്ന് പരീശസാദൂക്യ വൃന്ദങ്ങള്‍ പ്രതീക്ഷിച്ചു. പക്ഷേ കര്‍ത്താവിന്റെ മണവാട്ടിയായ ഒരു പെണ്‍കുട്ടിയുടെ നിലവിളിക്കുന്ന രക്തത്തിന് വിലയിടാന്‍ നമ്മുടെ ന്യായാധിപന്മാര്‍ ശ്രമിച്ചില്ല. ആ നിലവിളിയുടെ ശബദ്ദം കേള്‍ക്കാതിരിക്കാന്‍ നമ്മുടെ ദൃശ്യമാധ്യമങ്ങള്‍ക്കും കഴിഞ്ഞില്ല. കച്ചവടകണ്ണോടെയാണങ്കിലും മനുഷ്യമനസാക്ഷിയെ ഉണര്‍ത്താന്‍ വാര്‍ത്തകള്‍ ജനങ്ങളില്‍ എത്തിക്കാന്‍ നമ്മുടെ ദൃശ്യമാധ്യമങ്ങള്‍ക്കും കഴിഞ്ഞു. മലയാളത്തിലെ ആദ്യപത്രമെന്ന് ഇപ്പോഴും മേനിനടിക്കുന്ന പത്രമൊഴികെ ആരും ബറബാസുകള്‍ക്കുവേണ്ടി ശബദ്ദം ഉയര്‍ത്തിയില്ല.

പതിനാറുവര്‍ഷക്കാലം സത്യത്തെ മൂടിവയ്ക്കാന്‍ ആരക്കയോ ശ്രമിച്ചു. വര്‍ഗീസ് പി. തോമസ് എന്ന സി.ബി.ഐ ഉദ്യോഗസ്ഥന്റെ കൈകളില്‍ നിന്ന് ‘അവരെ’ രക്ഷപെടുത്താന്‍ ആസൂത്രിതമായ നീക്കങ്ങളാണ് നടന്നത്. അതിനു സി.ബി.ഐ.ലെ ഉദ്യോഗസ്ഥരെപോലും ഇരുട്ടിന്റെ അധിപതികള്‍ ഉപയോഗിച്ചു. കേന്ദ്ര സര്‍ക്കാരിന്റെ ഭരണനിയന്ത്രകരില്‍ നിന്നുപോലും വര്‍ഗീസ് പി. തോമസിന്റെ അന്വേഷ്ണത്തെ അട്ടിമറിക്കാന്‍ ശ്രമങ്ങള്‍ നടന്നു. വര്‍ഗീസ് പി. തോമസ് സി.ബി.ഐ.ല്‍ നിന്ന് രാജിവച്ചുപോയതോടെ ‘പ്രതികള്‍’ ശക്തരാണന്ന് തന്നെ ഉറപ്പായി. വീണ്ടും അന്വേഷ്‌ണങ്ങള്‍ ... 1999 ജൂലായ് 9 ന് സിബിഐ തങ്ങളുടെ അന്തിമ റിപ്പോര്‍ട്ട് കോടതിയില്‍ സമര്‍പ്പിച്ചു. അഭയ കൊല്ലപെട്ടതുതന്നെയാണാന്നും പ്രതികളെ കണ്ടെത്തൂന്നതിനുള്ള തെളിവുകള്‍ നഷ്ടമായി എന്നുമുള്ള ആ റിപ്പോര്‍ട്ട് കോടതി മടക്കി. വീണ്ടും ഭൂമിയില്‍ നിന്ന് അഭയയുടെ രക്തത്തിന്റെ നിലവിളി ..............

2007 നവംബറില്‍ ജോസ് പുതൃക്കയിലിനേയും, ഫാ.തോമസ് കോട്ടൂരാനേയും, സിസ്റ്റര്‍ സെഫിയേയും സന്‍‌ജു പി. മാത്യു എന്നിവരെ നാര്‍ക്കോ അനാലിസിസിന് വിധേയമാക്കിയതോടെ വീണ്ടും അന്വേഷ്‌ണത്തിന്റെ ദിനങ്ങള്‍. അഭയ കൊല്ലപെടുന്ന ദിവസം വെളുപ്പിനെ മഠത്തിനു സമീപം ഒരു സ്കൂട്ടര്‍ കണ്ടു എന്ന സാക്ഷിയുടെ വെളുപ്പെടുത്തല്‍ . അടയ്ക്കാരാജുവിന്റെ വെളിപ്പെടുത്തല്‍ ... ഇരുളില്‍ നിന്നുള്ള ചെറിയ മിന്നാമിനുങ്ങുവെട്ടങ്ങള്‍ ചേര്‍ന്ന് പ്രകാശവലയം ഉണ്ടാകുന്നതുപോലെ ചെറിയ ചെറിയ വെളിപ്പെടുത്തലുകളും സാക്ഷിമൊഴികളും കൊണ്ട് അന്ന് സംഭവിച്ചതിനെക്കുറിച്ചുള്ള ഏകദേശ ചിത്രം അന്വേഷ്‌ണ ഉദ്യോഗസ്ഥര്‍ക്ക് ലഭിച്ചു. 2008 നവംബര്‍ 19 ലെ അറസ്റ്റോടെ എല്ലാം അവസാനിക്കേണ്ടതാണ്. പക്ഷേ ബറബാസുകളെ സംരക്ഷിക്കാന്‍ വീണ്ടും ശ്രമം ആ‍രംഭിച്ചു.

സി.ബി.ഐ. വര്‍ഗീയം കളിക്കുന്നു എന്ന് ആരോപണം. ക്രിസ്‌ത്യന്‍ പുരോഹിതരെ മോശമായി ചിത്രീകരിക്കുന്നു എന്ന് സി.ബി.ഐ.യ്ക്ക് എതിരെ ചിലര്‍ വാളെടുത്തു. സത്യം കണ്ടെത്തൂന്നവരെ ക്രൂശിക്കാന്‍ പുരോഹിതവൃന്ദം എന്നും മുന്നിലായിരുന്നല്ലോ? ‘വെള്ളതേച്ച ശവക്കല്ലറകള്‍’ സത്യം കണ്ടെത്തിയവനെ കല്ലെറിഞ്ഞു. “നിങ്ങളില്‍ കുറ്റം ചെയ്യാത്തവര്‍ ആദ്യം കല്ലെറിയട്ടെ” എന്ന് ഇവര്‍ കേട്ടിട്ടുണ്ടാവില്ല. താന്‍ ദൈവത്തിന്റെ മാത്രം മണവാട്ടിയാണന്ന് മാലോകരെ അറിയിക്കാന്‍ ലോകത്തെ ആദ്യമായി ഒരു കന്യാസ്ത്രി ശസ്‌ത്രക്രിയയിലൂടെ കന്യാചര്‍മ്മം സൃഷ്ടിച്ചെടുത്തു. ഇത് കണ്ടെത്തിയന്ന് പറഞ്ഞ് വീണ്ടും സി.ബി.ഐയ്ക്ക് എതിരെ വീണ്ടും വിമര്‍ശന ശരങ്ങള്‍. സ്ത്രീത്വത്തെ സി.ബി.ഐ അപമാനിക്കുന്നതില്‍ പലരും രോഷം
കൊണ്ടു. സഭ അപ്പോഴും പ്രതികളുടെ പിന്നില്‍ പാറപോലെ ഉറച്ചു നിന്നു. “അഭയ കൊല്ലപെട്ടതാണങ്കില്‍ പ്രതികളെ അറസ്റ്റ് ചെയ്യണം .. പക്ഷേ ഇവര്‍ പ്രതികളല്ല” എന്ന് അവര്‍ വിളിച്ചു പറഞ്ഞു. “അവനെ കൊന്നുകളയുക.. കൊന്നുകളയുക ... ബറബാസിനെ വിട്ടുതരിക..” എന്ന് പീലത്തോസിന്റെ മുന്നില്‍ വിളിച്ചു പറഞ്ഞതുപോലെ ഇവടേയും ആവര്‍ത്തിക്കപെട്ടു. സിബിഐയ്ക്ക് എതിരേ പ്രതിഷേധറാലികള്‍ , സമ്മേളനങ്ങള്‍ , ഇടയലേഖനങ്ങള്‍, ന്യായാധിപന്മാരുടെ പ്രതിഷേധ ലേഖനങ്ങള്‍ ... എല്ലാം അവര്‍ക്കുവേണ്ടി; കര്‍ത്താവിന്റെ മണവാട്ടിയായ ഒരു പെണ്‍കുട്ടിയുടെ രക്തം പുരണ്ട ചുവന്ന കൈകളുടെ ഉടമകള്‍ക്കുവേണ്ടി .

പത്രക്കാര്‍ അവരുടെ ജോലിമാത്രം ചെയ്താല്‍ മതി പോലീസ് അന്വേഷ്ണത്തില്‍ ഇടപെടേണ്ട എന്ന ‘തിയറി‘ അനുവര്‍ത്തിച്ചു വന്നിരുന്നെങ്കില്‍ അഭയയുടെ രക്തം ഇപ്പോഴും നിലവിളിച്ചു കൊണ്ടിരുന്നേനെ. കാരണം 2007 ഏപ്രില്‍ 12 ലെ ന്യു ഇന്ത്യന്‍ എക്സ്പ്രസ് ആണ് നിര്‍ജീവമായ അഭയകേസ് ജനങ്ങളുടെ മുന്നില്‍ എത്തിച്ചത്. കെമിക്കല്‍ എക്സാമിനേഷന്‍ റിപ്പോര്‍ട്ടിലെ വെട്ടിത്തിരുത്തലുകളെക്കുറിച്ച് ന്യു ഇന്ത്യന്‍ എക്സ്പ്രസ് നല്‍കിയ വാര്‍ത്തയുടെ തുടര്‍ച്ചയാണ് പിന്നീട് ഉണ്ടായ അന്വേഷ്ണങ്ങള്‍. (പത്രങ്ങള്‍ പത്രങ്ങളുടെ മാത്രം പണിചെയ്തിരുന്നെങ്കില്‍ ഇപ്പോഴും സന്തോഷ് മാധവന്‍ സ്വാമിയായി നടന്നേനെ. ‘കേരള ശബ്ദ്ദം‘ ആണ് സന്തോഷ് മാധവന്‍ ഇന്റ്ര്പോളിന്റെ ലുക്കൌണ്ട് ഉള്ള ആളാണന്ന് പുറത്തുകൊണ്ടുവന്നത്.). കേരള ഹൈക്കോടതിയുടെ നിര്‍ദ്ദേശത്തെ തുടര്‍ന്ന് സിബി‌ഐ കേരള ഘടകം അഭയകേസ് അന്വേഷ്ണം പുനരാരംഭിക്കുന്നു. നശിപ്പിക്കപെട്ട തെളിവുകള്‍ മനസിലാക്കി ആ തെളിവുകള്‍ നശിപ്പിക്കാന്‍ കൂട്ടുനിന്നവരെ സിബിഐ ട്രാപ്പ് ചെയ്ത് വലകള്‍ മുറുക്കിതുടങ്ങുമ്പോള്‍ അഭയയുടെ രക്തത്തിന്റെ നിലവിളിയില്‍ നിന്ന് രക്ഷപെടാന്‍ പ്രതികള്‍ക്ക് കൂട്ടുനിന്നവര്‍ ജീവിതത്തില്‍ നിന്നു ഓടിയൊളിക്കാന്‍ ശ്രമിക്കുന്നു. വിടാതെ പിന്തുടരുന്ന അഭയുടെ രക്തത്തിന്റെ നിലവിളിയില്‍ നിന്ന് രക്ഷപെടാന്‍ ആത്മഹത്യ മാത്രം മാര്‍ഗ്ഗമായി കണ്ട ആ മനുഷ്യാ നിനക്കു കഷ്ടം.!!‘നീ ജനിക്കാതിരുന്നെങ്കില്‍ കൊള്ളാമായിരുന്നു.’ തന്റെ ഗുരുവിനെ 30 വെള്ളിക്കാശിന് ഒറ്റിക്കൊടുത്തിട്ട് അവന്റെ രക്തം ഭൂമിയില്‍ പതിച്ചപ്പോള്‍ ആ വെള്ളിക്കാശിന്റെ താപം ശരീരത്തിനേയും മനസിനേയും ഉരുക്കിയപ്പോള്‍ തനിക്ക് പണം തന്ന പുരോഹിതന്മാരുടെ മുന്നില്‍ വലിച്ചെറിഞ്ഞിട്ട് കെട്ടിതൂങ്ങിച്ചാവാന്‍ ശ്രമിച്ചു എങ്കിലും കയര്‍ പൊട്ടി നിലത്തേക്ക് വീണ് വയര്‍ മരക്കുറ്റിയില്‍ തറച്ച് കുടല്‍മാലകള്‍ പുറത്തേക്ക് തെറിച്ച് അതിദാരുണമായ അന്ത്യം അനുഭവിക്കേണ്ടിവന്ന യൂദാസിനെപോലെ ആത്മഹത്യ ചെയ്യാന്‍ നിനക്കുമിടയായല്ലോ???

നാര്‍ക്കോ സിഡിയിലെ ഉള്ളടക്കം നേരത്തെ തന്നെ പുറത്തുവന്നിരുന്നുവെങ്കിലും സെപ്‌റ്റംബര്‍ 14 ന് ആണ് നാര്‍ക്കോ അനാലിസിസില്‍ അവര്‍ പറഞ്ഞത് ദൃശ്യമാധ്യമങ്ങളിലൂടെ ജനങ്ങള്‍ കാണുന്നത്. ഇത്രയും നാള്‍ സഭയും കുഞ്ഞാടുകളും ആര്‍ക്കുവേണ്ടി നിലകൊണ്ടുവോ അവരുടെ വായില്‍ നിന്നു തന്നെ സത്യം എന്താണന്ന് ജനങ്ങള്‍ അറിഞ്ഞു കഴിഞ്ഞു. ഇനി എന്ന്തിനാണ് ആ ‘പ്രതികള്‍ക്കു’ വേണ്ടി വാദിക്കുന്നത്? സിസ്റ്റ്‌ര്‍ സെഫി നടത്തിയ വെളിപ്പെടുത്തല്‍ കേട്ടിട്ടും അവര്‍ ഉള്‍പ്പെട്ട സഭ എന്തുകൊണ്ട് മിണ്ടാതിരിക്കുന്നു.??

ക്രിസ്തീയ സഭകള്‍ക്ക് തന്നെ കളങ്കം ചാര്‍ത്തുന്ന ഇത്തരക്കാരെ സംരക്ഷിക്കാന്‍ ഒരു ക്രൈസ്തവ സഭയും മുന്നോട്ട് വരരുത്. ഇത്രയും കാലം സിസ്റ്റര്‍ അഭയയുടെ രക്തത്തിന്റെ നിലവിളിക്ക് നേരെ ചെവി കൊട്ടിയടച്ചവര്‍ ഇനിയെങ്കിലും കാതുതുറന്ന് ആ നിലവിളി കേള്‍ക്കണം.ഇനി ആ നിലവിളി കേള്‍ക്കേണ്ടത് നിങ്ങളാണ്. ആ നിലവിളിക്ക് ഉത്തരം നല്‍കേണ്ടത് രക്തത്തിന്റെ നിലവിളിക്ക് കാരണക്കാരായവരെ കണ്ണിന്റെ കൃഷ്ണമണിപോലെ കാത്തുകൊണ്ടവരാണ് .....

‘ദിവ്യഗര്‍ഭത്തിന് ഉടമയായ‘ പെണ്‍കുട്ടിയുടെ രക്തം കൊണ്ട് അരമന വെഞ്ചിരിപ്പ് നടത്തിയ തട്ടുങ്കല്‍ ബിഷപ്പിനെ ബിഷപ്പ് സ്ഥാനത്ത് നിന്ന് മാറ്റാന്‍ ആ സഭയ്ക്ക് കഴിഞ്ഞു എങ്കില്‍ ദൈവത്തീന്റെ മണവാട്ടിയായ ഒരു പെണ്‍കുട്ടിയുടെ രക്തം ചീന്തിയവരുടെ കുപ്പായം ഊരിവാങ്ങാന്‍ കഴിയില്ലേ? മഠത്തിന്റെ മതില്‍ ചാടിക്കടന്ന് ‘കുര്‍ബാന’ ചൊല്ലാന്‍ സെഫിയുടെ അടുത്തു ചെല്ലുന്ന കോട്ടൂരച്ചനും പൂതൃകയിലച്ചനും ദൈവത്തിന്റെ ബലിപീഠത്തില്‍ കുര്‍ബാന അര്‍പ്പിക്കാന്‍ യോഗ്യരാണോ???

ക്രിസ്തുപറയുന്നത് കേള്‍ക്കുക::
"എന്നാല്‍ ദാനിയേല്‍ പ്രവാചകന്‍ മുഖാന്തരം അരുളിചെയ്തതുപോലെ ശൂന്യമാകുന്ന മ്ലേച്ഛത വിശുദ്ധസ്ഥലത്ത് നിലക്കുന്നതു നിങ്ങള്‍ കാണുമ്പോള്‍ - വായിക്കുന്നവന്‍ ചിന്തിച്ചു കൊള്ളട്ടെ ..... (മത്തായി 24 :15) .

സഭയുടെ കാവലാളുകളേ... ദൈവത്തിന്റെ മണവാട്ടിയായ ഒരു പാവം പിടിച്ച പെണ്‍കുട്ടിയുടെ രക്തത്തിന്റെ നിലവിളി നിങ്ങള്‍ക്കിനിയും കേള്‍ക്കാന്‍ കഴിയുന്നില്ലേ? നിങ്ങളെക്കുറിച്ചാണോ യേശുതമ്പുരാന്‍ ഇങ്ങനെ പറയുന്നത് ... “ നീതിമാനായ ഹാബേലിന്റെ രക്തം മുതല്‍ നിങ്ങള്‍ മന്ദിരത്തിനും യാഗപീഠത്തിനും നടുവില്‍‌വെച്ചു കൊന്നവനായി ബെരെഖ്യാവിന്റെ മകനായ സെഖര്‍‌യ്യാവിന്റെ രക്തം വരെ ഭൂമിയില്‍ ചൊരിഞ്ഞ നീതിയുള്ള രക്തം എല്ലാം നിങ്ങളുടെ‌മേല്‍ വരേണ്ടതാകുന്നു. ഇതൊക്കയും ഈ തലമുറമേല്‍ വരും എന്നു ഞാന്‍ സത്യമായിട്ടു നിങ്ങളോട് പറയുന്നു. ( മത്തായി 23 :35,36)

ഇനി എന്നാണ് ഭൂമിയില്‍ നിന്നുള്ള അഭയയുടെ രക്തത്തിന്റെ നിലവിളി പൂര്‍ണ്ണമായി അവസാനിക്കുന്നത് ?????

എന്നാലും എന്റെ കേരളീയം ഓണ്‍ലൈനേ......

2009 ലെ ലോക്‍സഭാതിരഞ്ഞെടുപ്പ് കഴിഞ്ഞ് കോണ്‍ഗ്രസിന്റെ നേതൃത്വത്തില്‍ മന്ത്രിസഭ അധികാരത്തില്‍ വരികയും ചെയ്യുന്നു. 2009 ലെ ലോക്‍സഭാതിരഞ്ഞെടുപ്പ് ടെക്‍നോളജിയുടെ ആയിരുന്നുവെന്ന് പറഞ്ഞാല്‍ അതില്‍ അതിശയപ്പെടാനില്ല. വോട്ടെണ്ണല്‍ തുടങ്ങി മണിക്കൂറുകള്‍ക്കകംതിരഞ്ഞെടുപ്പു ഫലം പുറത്തുവരികയും ചെയ്തു. നമ്മുടെ ഓണ്‍ലൈന്‍ മാദ്ധ്യമങ്ങള്‍ തിരഞ്ഞെടുപ്പ് ഫലം നല്‍കുന്നതില്‍ പരസ്പരം മത്സരിക്കുകയായിരുന്നു. നമ്മുടെ കേരളത്തിലും ഓണ്‍ലൈന്‍ മാദ്ധ്യമ മത്സരം ഉണ്ടായിരുന്നു. മനോരമ ഓണ്‍‌ലൈന്‍ തങ്ങളുടെ ഏറ്റവും മികച്ച പ്രകടനമായിരുന്നു തിരഞ്ഞെടുപ്പ് ഫലം നല്‍കുന്നതില്‍ കാണിച്ചത്.

കേരളത്തില്‍ UDF 16 സീറ്റുകളുമായി മുന്നിലെത്തുകയും ചെയ്തു. മൂന്നുവര്‍ഷത്തിനുമുമ്പ് നൂറോളം സീറ്റുകള്‍ നല്‍കി ജനങ്ങള്‍ അധികാരത്തില്‍ഏറ്റിയ LDF ന് തങ്ങളുടെ മുപ്പതോളം മണ്ഡലങ്ങളില്‍ മാത്രമാണ് മുന്നേറാന്‍ കഴിഞ്ഞത് . ഇതായിരുന്നു തിരഞ്ഞെടുപ്പിനുശേഷം പുറത്തിറങ്ങിയഎല്ലാ പത്രങ്ങളുടേയും വിശകലനം. അതായത് നൂറിലധികം നിയമസഭാമണ്ഡലങ്ങളിലേയും ജനങ്ങള്‍ UDF ന് അനുകൂലമായി വോട്ട്ചെയ്തു. UDF അധികാരത്തില്‍ വരണമെന്ന് ഈ മണ്ഡലങ്ങളില്‍ ഉള്ളവര്‍ ആഗ്രഹിക്കുന്നു എന്ന് അര്‍ത്ഥം. കമ്യൂണിസ്റ്റ് മുഖപത്രങ്ങള്‍ ഒഴിച്ചുള്ളഎല്ലാ പത്രങ്ങളുടേയും വിശകലനം ഇങ്ങനെതന്നെ ആയിരുന്നു.

എന്നാല്‍ വിചിത്രമായ കണ്ടുപിടിത്തമാണ് കേരളീയം ഓണ്‍ലൈന്‍ എന്ന പോര്‍ട്ടല്‍ നടത്തിയിരിക്കുന്നത്. ഓണ്‍ലൈന്‍ മാദ്ധ്യമ രംഗത്ത്‌ കേരളത്തിലെ സമ്പൂര്‍ണ്ണ തിരഞ്ഞെടുപ്പു ഫലം ആദ്യം പ്രസിദ്ധീകരിക്കുന്നത്‌ തങ്ങള്‍ ആണന്നാണ് കേരളീയം ഓണ്‍ലൈന്‍പറയുന്നത്. പക്ഷേ കേരളീയം ഓണ്‍ലൈനിലെ തിരഞ്ഞെടുപ്പ് ഫലം വായിച്ചുകഴിഞ്ഞാല്‍ കേരളത്തിലെ മുക്കാല്‍ പങ്ക് സീറ്റുകള്‍ നേടിയിട്ടുംയുഡിഎഫ്‌ അധികാരത്തില്‍ വരണ്ട എന്നാണ് ജനങ്ങള്‍ തീരുമാനിച്ചിരിക്കുന്നത് എന്ന് തോന്നും. വായനക്കാരന്റെ വെറും തോന്നലുകള്‍ അല്ല;കേരളീയം ഓണ്‍ലൈന്‍ അങ്ങനെതന്നെയാണ് എഴുതി വച്ചിരിക്കുന്നതും.

ഉദാഹരണമായി എറണാകുളം മണ്ഡലം എടുക്കുക. കെ.വി.തോമസ്‌ 11790 വോട്ടുകളുടെ ഭൂരിപക്ഷത്തോടെ വിജയിച്ചു . എന്ന് പറയുന്നുണ്ട്. അതോടൊപ്പം പറയുന്നത് ശ്രദ്ധിക്കുക. യുഡിഎഫ്‌ അധികാരത്തില്‍ വരണം എന്നു തീരുമാനിച്ചത്‌ 342845 പേര്‍ യുഡിഎഫ്‌ അധികാരത്തില്‍ വരണ്ട എന്നു തീരുമാനിച്ചത്‌ 402024 പേര്‍ . എന്തെങ്കിലും മനസിലായോ?? ഇനിയും ഈ ചിത്രങ്ങള്‍ നോക്കുക. (ചിത്രം1, ചിത്രം2).

ചിത്രം1
ചിത്രം2

കെ.വി.തോമസിന് (ഇന്ത്യന്‍ നാഷണല്‍ കോണ്‍ഗ്രസ്‌) ലഭിച്ച വോട്ടുകളുടെ എണ്ണമാണ് 342845. ഈ വോട്ടുകളുടെ എണ്ണമാണ് യുഡിഎഫ്‌ അധികാരത്തില്‍ വരണം എന്നു തീരുമാനിച്ചത്‌ 342845 പേര്‍ എന്ന് പറയാണ്‍ കേരളീയം ഓണ്‍ലൈന് പ്രേരകം. അപ്പോള്‍ യുഡിഎഫ്‌ അധികാരത്തില്‍ വരണ്ട എന്നു തീരുമാനിച്ചത്‌ 402024 പേര്‍ എന്ന് പറയുന്നതെങ്ങനെയെന്ന് അല്ലേ ? ചിത്രം 3 നോക്കിയാല്‍ 402024 ന്റെകണക്ക് മനസിലാകും.

ചിത്രം 3

കെ.വി.തോമസിന് ഒഴികെ മറ്റ് എല്ലാ സ്ഥാനാര്‍ത്ഥികള്‍ക്കും കൂടി കിട്ടിയ വോട്ടാണ്. 402024 !!!

ഇനി പത്തനംതിട്ട മണ്ഡലത്തിന്റെ കണക്ക് നോക്കാം. ആന്റോ ആന്റണി 111206 വോട്ടുകളുടെ ഭൂരിപക്ഷത്തോടെ വിജയിച്ചു എന്ന് പറയുന്നതിനു താഴെയായി ഇങ്ങനെ പറയുന്നു.യുഡിഎഫ്‌ അധികാരത്തില്‍ വരണം എന്നു തീരുമാനിച്ചത്‌ 408232 പേര്‍യുഡിഎഫ്‌ അധികാരത്തില്‍ വരണ്ട എന്നു തീരുമാനിച്ചത്‌ 388922 പേര്‍ . കണക്കിന്റെ കളി ഇങ്ങനെ. (ചിത്രം 4, ചിത്രം 5).

ചിത്രം 4

ചിത്രം 5

ആന്റോ ആന്റണി (ഇന്ത്യന്‍ നാഷണല്‍ കോണ്‍ഗ്രസ്‌) ക്ക് കിട്ടിയ വോട്ട് 408232 . അതുകൊണ്ട് 408232 പേര്‍ യുഡിഎഫ്‌ അധികാരത്തില്‍ വരണം എന്നു തീരുമാനിച്ചു. യുഡിഎഫ്‌ അധികാരത്തില്‍ വരണ്ട എന്നു തീരുമാനിച്ചത്‌ 388922 പേരുടെ കണക്കിങ്ങനെ. (ചിത്രം 6).

ചിത്രം 6

ആന്റോ ആന്റണി ഒഴികെയുള്ള മറ്റ് എല്ലാസ്ഥാനര്‍ത്ഥികളുടേയും വോട്ടുകള്‍ കൂട്ടുമ്പോള്‍ 388922 കിട്ടുന്നു. (അതായത് മറ്റ് എല്ലാ സ്ഥാനാര്‍ത്ഥികളുടേയും വോട്ടുകള്‍ തമ്മില്‍ കൂട്ടുമ്പോള്‍ആന്റോ ആന്റണിക്ക് കിട്ടിയ വോട്ടിനെക്കാള്‍ കുറവാണ് എന്ന്.).....

എം.ഐ.ഷാനവാസ്‌ 153439 വോട്ടുകളുടെ റിക്കോര്‍ഡ് ഭൂരിപക്ഷത്തോടെ വിജയിച്ച വയനാട് മണ്ഡലത്തിലും കൂടുതല്‍ ജനങ്ങള്‍ യുഡിഎഫ്‌ അധികാരത്തില്‍ വരണ്ട എന്നാണ് പറയുന്നത്. 412991 പേര്‍ !!! ഇടതുപക്ഷത്തിനുവേണ്ടി 64427 വോട്ടുകളുടെ ഭൂരിപക്ഷത്തോടെ പി.കരുണാകരന്‍ നിലനിര്‍ത്തിയ കാസര്‍ഗോഡ്‌ മണ്ഡലത്തില്‍ ഇടതുപക്ഷം വിജയിക്കണമെന്ന്‌ തീരുമാനിച്ചത്‌ 385522 പേരുംഇടതുപക്ഷം ഭരിക്കേണ്ടതില്ല എന്നു തീരുമാനിച്ചത്‌ 461574 പേരും ആണ് !!!!. ഇങ്ങനെയാണ് നമ്മുടെ കേരളീയം ഓണ്‍ലൈനിന്റെ വോട്ട് വിശകലനം.

എങ്ങനെയുണ്ട് ഈ വിശകലം ???????????????????

ഇവിടെ നോക്കിയാല്‍ കേരളീയം ഓണ്‍ലൈനിന്റെ തിരഞ്ഞെടുപ്പ് ഫലങ്ങള്‍ കാണാം...

(സ്ക്രീന്‍ ഷോട്ടുകള്‍ : കേരളീയം ഓണ്‍ലൈനില്‍ നിന്നും , മാതൃഭൂമി.കോം മില്‍ നിന്നും)

വേണുവിനേയും മനോരമ പൊക്കി: venu in manorama vision

ഏഷ്യാനെറ്റ് ന്യൂസില്‍ നിന്ന് ന്യൂസ് അവര്‍ അവതാരകന്‍ വേണു മനോരമ വിഷനില്‍ എത്തി. ന്യൂസ് അവതാരകില്‍ രണ്ടാം സ്ഥാനം അവകാശപ്പെടാവുന്ന അവതാരകന്‍ ആണ് വേണു. (ഒന്നാം സ്ഥാനത്തിന് ഇന്ത്യാവിഷനിലെ നികേഷനു തന്നെ.).രണ്ടാം സ്ഥാനത്തിന് രണ്ട് അവകാശികള്‍ ആയിരുന്നു ഉള്ളത് (ഏഷ്യാനെറ്റ് ന്യൂസിലെതന്നെ വിനു വേണുവിനോടൊത്ത് രണ്ടാം സ്ഥാനം പങ്കിടുന്നു.). ഒരുമണിക്കൂര്‍ അതിഥികളോട് പടവെട്ടി ചാനലിന്റെ ‘നിഷ്‌പക്ഷത’യ്ക്ക് അനുസരിച്ച് ചോദ്യശരങ്ങളില്‍അതിഥികളെ മുറുക്കി വാര്‍ത്ത പത്തുമണിവരെ എത്തിക്കുക എന്നതാണല്ലോ ഒരു ‘ഒന്‍‌പതുമണി’ വായനക്കാരന്റെ (വായനക്കാരിയുടെ) പ്രധാന ജോലി.

മനോരമയ്ക്ക് കേരളം മുഴുവന്‍ വാര്‍ത്താകവറേജ് ഉണ്ടങ്കിലും ഒന്‍പതുമണിവായന ഇത്രയും നാളും ഒരു ബാലികേറാമലതന്നെആയിരുന്നു. മനോരമ വിഷന്‍ ഇന്ത്യാവിഷനില്‍ നിന്ന് കുലയോടെ പൊക്കിക്കൊണ്ടുവന്ന പ്രഭാകരനും ഷാനിക്കും സംഘത്തിനുംരാത്രിയിലെ ‘ഒരു മണിക്കൂര്‍‘ വാര്‍ത്തയില്‍ ശോഭിക്കാനും കഴിഞ്ഞില്ല. അതുകൊണ്ട് ‘ഒന്‍‌പതുമണി’ വാര്‍ത്തയെ ‘പ്രൈം ടൈം’ മും,കൌണ്ടര്‍ പോയിന്റുമാക്കി മുറിച്ചിട്ടും ക്ലച്ച് പിടിച്ചില്ലന്ന് സ്വയം ഒരു തോന്നല്‍ ഉണ്ടായിക്കാണും. ഉത്തരം മുട്ടിക്കാതെ ഉത്തരംതേടാന്‍ ഷാനിക്ക് കഴിഞ്ഞിട്ടുണ്ടോ എന്ന് സംശയമാണ്. ചുരുക്കിപ്പറഞ്ഞാല്‍ ‘ഒരാളിന്റെ‘ കുറവ് മനോരമ വിഷനില്‍ ഉണ്ടായിരുന്നു. അത് ഏതായാലും വേണുവിന്റെ വരവോടെ ആ കുറവ് മനോരമ വിഷനില്‍ നികത്തപ്പെടും എന്ന് കരുതാം.

ഏഷ്യാനെറ്റ് ന്യൂസ് വിനുവിനെക്കൊണ്ട് മാത്രം ന്യൂസ് അവര്‍ എത്രനാള്‍ കൊണ്ടുപോകും. നമുക്ക് ഏത് ചാനലിലാണങ്കിലും വാര്‍ത്താവതാരകര്‍ക്ക് കുറവില്ല. പക്ഷേ ഈ ഇലക്ഷന്‍ സമയത്ത് വേണുവിനെപ്പോലെ ഉള്ള ഒരാളുടെ കുറവ് ഏഷ്യാനെറ്റില്‍ശരിക്കും നിഴലിക്കും. ഏഷ്യാനെറ്റിന്റെ നഷ്ടം മനോരമയുടെ നേട്ടമാകുമെന്ന് ചുരുക്കും. ( തലയെടുപ്പുള്ളവര്‍ ഒരുമിച്ച് നഷ്ടപ്പെട്ടിട്ടുംഇന്ത്യാവിഷന് ഒന്നും സംഭവിച്ചില്ല എന്നുള്ളത് മറക്കുന്നില്ല.).

ഏഷ്യാനെറ്റ് ന്യൂസിലെ ഒരു വാര്‍ത്താവതാരികയെ കഴിഞ്ഞ ആഴ്ച സൂര്യയില്‍ വാര്‍ത്ത വായിക്കുന്നത് കണ്ടായിരുന്നു. ഇന്ന് വേണുമനോരമവിഷനില്‍ വാര്‍ത്ത വായിക്കുന്നതും കണ്ടു. (ഏഷ്യാനെറ്റ് ന്യൂസില്‍ നിന്ന് ചിലരെ കൊണ്ടുപോയാണ് ജയ് ഹിന്ദ് വാര്‍ത്തതുടങ്ങിയത്. എന്റെ പൊന്നോ ആ വാര്‍ത്ത ചിലപ്പോള്‍ കണ്ടാല്‍ .... )...

ഇടവേള :

എനിക്കൊരു സംശയം സാമ്പത്തിക പ്രതിസന്ധിയെ തുടര്‍ന്ന് ചാനലില്‍ നിന്ന് ആളുകളെ പറഞ്ഞ് വിട്ടതാണോ?

വാര്‍ത്ത തുടരുന്നു:

വാര്‍ത്താവതാരകര്‍ക്ക് ഞാനായിട്ട് ഒരു റാങ്കൊക്കെ കൊടുത്തതാണേ... എന്റെ മാത്രം റാങ്കിങ്ങ് !!!!

ആവിശ്യമുണ്ട് : നോ ഐഡിയ വാര്‍ സിങ്ങര്‍ 2009 ലേക്ക്

നോ ഐഡിയ വാര്‍ സിങ്ങര്‍ 2009 ലേക്ക് താഴെപ്പറയുന്നവരെ ആവിശ്യമുണ്ട്.

1.അവതാരക - 1

2.ജഡ്‌ജസ് - 5

3. സെല്‍ബ്രിറ്റി ഗസ്റ്റ് ജഡ്‌ജ് - ഒഴിവുകള്‍ തിട്ടപ്പെടുത്തിയിട്ടില്ല.

4. കണ്‍‌ടെസ്റ്റന്റ്- ഒഴിവുകള്‍ തിട്ടപ്പെടുത്തിയിട്ടില്ല.

5. പക്കമേളക്കാര്‍ - 15

6. കാണികള്‍ - ഒഴിവുകള്‍ തിട്ടപ്പെടുത്തിയിട്ടില്ല.



യോഗ്യതയും പരിചയവും :



1. അവതാരക : ഒഴിവ് ഒന്ന്

ഈ ഒഴിവിലേക്ക് അപേക്ഷിക്കുന്ന ആള്‍ ശരിക്കും ഒരു അവതാരം തന്നെ ആയിരിക്കണം. നാണവും മാനവും ഏഴയലോക്കത്തുകൂടി പോയ ആള്‍ ആയിരിക്കരുത്. ആക്കിയുള്ള ചിരി, വെറുതെയുള്ള പൊട്ടച്ചിരി , ഇളിക്കല്‍ , പൊട്ടിച്ചിരി, വളിച്ച തമാശപറഞ്ഞ് ചമ്മലില്ലാതെ സ്വയം ചിരിക്കാനുള്ള കഴിവൊക്കെ ഉണ്ടായിരിക്കണം. ( ഈ കഴിവ് സ്ക്രീന്‍ ടെസ്റ്റിങ്ങില്‍ പരിശോധിക്കുന്നതായിരിക്കും.). എങ്ങനേയും വസ്ത്രം ധരിക്കാനുള്ളകഴിവ് ഉണ്ടായിരിക്കണം. അംഗലാവണ്യം കാണിച്ച് ജനങ്ങളെ ബോറടിപ്പിച്ച് കത്തിവച്ച് പ്രോഗ്രാം വലിച്ചു നീട്ടി ഒരു മണിക്കൂര്‍ എത്തിക്കാനുള്ളകഴിവും ഉണ്ടായിരിക്കണം. മലയാളം കൊലയാളമാക്കി മലയാളികളെ കൊല്ലാക്കൊലചെയ്യാനുള്ള കഴിവ് അധിക യോഗ്യതയായിരിക്കും.



അപേക്ഷക സംസാരിക്കുമ്പോള്‍ ബാസ് കൂട്ടി സംസാരിക്കാന്‍ ശ്രമിക്കണം. ചുണ്ടുകള്‍ക്കിടയിലൂടെ പുറപ്പെടുവിക്കേണ്ട അക്ഷരങ്ങള്‍നാക്കില്‍ക്കൂടി പുറപ്പെടുവിക്കാന്‍ അറിഞ്ഞിരിക്കണം. (ഉദാഹരണമായി യുണ്ണിയെറ്റാറ്റാ , കണ്ട^സ്റ്റ്ന്റ് തുടങ്ങിയ വാക്കുകള്‍) . പുട്ടിന് പീര വയ്ക്കുന്നതുപോലെ ഇടയ്ക്കിടയ്ക്കേ മലയാളം പറയാവൂ. രണ്ട് വാക്ക് മലയാളം പറഞ്ഞാല്‍ നാലുവാക്ക് ഇംഗ്ലീഷില്‍ പറഞ്ഞിരിക്കണം.(അതാര്‍ക്കെങ്കിലും മനസിലാകണമെന്ന് നിര്‍ബന്ധമില്ല.). മത്സരവേദിയില്‍ ‘S’ പോലെ നില്‍ക്കാന്‍ കഴിയണം. മൈക്കിലൂടെ എന്തും പറയാം. സാരിയാണ് വേഷമെങ്കില്‍ ബ്ലൌസ് ഇടാന്‍ മറന്നാലും സാരി താഴ്ത്തിയുടുക്കാന്‍ മറക്കരുത്.



ജഡ്‌ജസ് മത്സരിക്കാന്‍ വരുന്നവരെ ‘വധിക്കുമ്പോള്‍’ ജഡ്‌ജസിനെ പ്രോത്സാഹിപ്പിച്ചു കൊണ്ടിരിക്കണം. ഹനുമാന്‍ ഗദ കൊണ്ടുനടക്കുന്നതുപോലെ കൈയ്യിലെപ്പോഴും മൈക്ക് കൊണ്ടു നടക്കണം.‘കണ്‍‌ടെസ്റ്റന്റ് ‘ പുറത്താകുമ്പോള്‍ ഗ്ലിസറിനില്ലാതെ കരഞ്ഞ് കാണിക്കണം.(അവതാര കയായി തിരഞ്ഞെടുക്കപ്പെടുന്നയാള്‍ വെള്ളമടിച്ച് കൂതറത്തരങ്ങള്‍ കാണിക്കുകയില്ലന്നും അഥവാ വെള്ളമടിച്ചാല്‍ സെറ്റില്‍ വന്ന് വാളുവയ്ക്കുകയില്ലന്നും ആയിരം രൂപാപത്രത്തില്‍ എഴുതി ഒപ്പിട്ടു തരണം)



2. ജഡ്‌ജസ് : ഒഴിവ് അഞ്ച്

ആകെ അഞ്ച് ഒഴിവുകളില്‍ മൂന്നെണ്ണം സ്ഥിരം ഒഴിവും രണ്ടെണ്ണം ഇടക്കാല ഒഴിവുകളും ആണ് . സ്ഥിരം ഒഴിവുകളില്‍ ഒന്ന് സ്ത്രികള്‍ക്കായിസംവരണം ചെയ്തിരിക്കുന്നതാണ്. സ്ഥിരം ജഡ്‌ജിമാര്‍ പനി, തലവേദന, ഉളുക്ക്, ചതവ് തുടങ്ങിയവകൊണ്ട് സെറ്റുകളില്‍ വരാത്തസമയങ്ങളില്‍ മാത്രം ഇടക്കാല ജഡ്‌ജസുകള്‍ എത്തിയാല്‍ മതിയാകും.(മുന്‍ കൂട്ടി അറിയിക്കുന്നതാണ്).



സംഗീതത്തെക്കുറിച്ച് എന്തെങ്കിലും ഒക്കെ നിര്‍ത്താതെ പറയാനും അല്പം പാടാനും കഴിയണം എന്നതാണ് ജഡ്‌ജിമാരുടെ അടിസ്ഥാനയോഗ്യത. (ഇറച്ചിവെട്ടുകാര്‍ക്കും ഈ ഒഴിവില്‍ അപേക്ഷിക്കാ വുന്നതാണ് . മത്സരിക്കുന്നവനെ ശരിക്കങ്ങോട്ടങ്ങ് പെരുമാറാം!!!). പാട്ടുകാരന്‍, സംഗീതസംവിധാ യകന്‍ എന്നിവര്‍ക്ക് രണ്ട് ഒഴിവുകളില്‍ മുന്‍‌ഗണനയുണ്ടായിരിക്കും. പാട്ടുകാരന്‍ എന്ന നിലയില്‍ പാനലില്‍ എത്തുന്ന ആള്‍ ഒരു ട്രാക്കെങ്ങിലും പാടിയ ആളായിരിക്കണം. സംഗീത സംവിധായകന്‍ എന്ന നിലയില്‍ പാനലില്‍ എത്തുന്ന ആള്‍ ഒരു പാട്ടെങ്കിലും ചിട്ടപ്പെടുത്തിയിരിക്കണം.



മത്സരിക്കുന്നവന്‍ പാടുന്ന പാട്ടിനേയും അവന്റെ ശാരീരിക ചലനങ്ങളേയും കീറിമുറിച്ച് അവനെ കടിച്ചു കീറുക എന്നതാണ് ജഡ്‌ജിമാരുടെഅടിസ്ഥാന തൊഴില്‍. ‘കടിച്ചുകീറല്‍’ നടത്തിയതിനുശേഷം അവന് അഞ്ചോ പത്തോ മാര്‍ക്ക് കൊടുക്കുക എന്നതും ജോലിയുടെ ഭാഗമാണ്. ജഡ്‌ജിമാര്‍ക്ക് വേണമെങ്കില്‍ ‘പഞ്ചിംഗ് ‘ ഡയലോഗുകള്‍ ഉപയോഗിക്കാവുന്നതാണ്. (ഈ ‘പഞ്ചിംഗ് ‘ ഡയലോഗുകള്‍ക്ക് അശ്ലീലച്ചുവയുണ്ടങ്കില്‍നന്നായിരിക്കും). ജഡ്‌ജിമാര്‍ക്ക് ഇരുന്നുറങ്ങാനുള്ള സൈകര്യം ഏര്‍പ്പെടുത്തികൊടുക്കുന്നതാണ്. ജഡ്‌ജസിന് വേണമെങ്കില്‍ ചവച്ചുകൊണ്ടിരിക്കാം. (ചവയ്ക്കാന്‍ കപ്പലണ്ടി,നിലക്കടല, ബബിള്‍ക്കം തുടങ്ങിയവ അവരവര്‍ തന്നെ കൊണ്ടുവരണം). സ്വന്ത സംസാരത്തിന് അക്ഷരസ്‌ഫുടത ഇല്ലങ്കിലുംമത്സരിക്കുന്നവരുടെ ‘അച്ചരപുടത’ കണ്ടെത്തി അവരെ കൊല്ലാക്കൊല ചെയ്യാന്‍ തയ്യാറാവുന്നതോടൊപ്പം അറിയാവുന്ന ശബ്ദ്ദത്തില്‍ നാലുകീച്ചുകീച്ചി മത്സരിക്കുന്നവരെ പാടിച്ച്പാടിച്ച് കൊല്ലണം.



ജഡ്‌ജസുമാരും കഴിവതും മലയാളും ഉപയോഗിക്കാന്‍ പാടില്ല. ഇംഗ്ലീഷുമാത്രമായിട്ടും ഉപയോഗിക്കരുത്. കഴിയുമെങ്കില്‍ ലോകത്തിലുള്ള എല്ല ഭാഷകളും ഉപയോഗിച്ച് സങ്കരഭാഷയില്‍ സംസാരിക്കണം. ജഡ്‌ജിമാര്‍ക്ക് പുല്ലാങ്കുഴല്‍ ,വീണ, ഗഞ്ചിറ തുടങ്ങിയ സംഗീത ഉപകരണങ്ങള്‍കൈയ്യില്‍ വയ്ക്കാവുന്നതാണ്.



3. സെല്‍ബ്രിറ്റി ഗസ്റ്റ് ജഡ്‌ജ് - ഒഴിവുകള്‍ തിട്ടപ്പെടുത്തിയിട്ടില്ല.

ഏതെങ്കിലും സിനിമയിലോ സീരിയലിലോ തലകാണിച്ചുള്ള പരിചയം മാത്രം ഉണ്ടായിരിക്കണം എന്നുള്ള ഒരു യോഗ്യത മാത്രമേ ഈ വിഭാഗത്തിലേക്ക് ആവിശ്യമുള്ളു. പാട്ടിനെക്കുറിച്ച് ഒരു ചുക്കും അറിയില്ല എന്നുള്ളത് അധിക യോഗ്യത ആയിരിക്കും.തങ്ങളെക്കഴിഞ്ഞേ പാട്ടില്‍ആരും ഉള്ളു എന്നുള്ള മനോഭാവം മുഖത്ത് നിന്ന് മറ്റുള്ളവര്‍ക്ക് വായിച്ചെടുക്കാന്‍ പറ്റണം. വായില്‍ തോന്നുന്നതെന്തും പറയാനുള്ള ലൈസന്‍സ് ഈ വിഭാഗത്തിലുള്ളവര്‍ക്ക് ഉണ്ടായിരിക്കും. എലി നിറപത്തായത്തില്‍ പാഞ്ഞു നടക്കുന്നതുപോലെ ഇവര്‍ക്ക് നടക്കാവുന്നതാണ്. പാട്ട്, ഡാന്‍സ്, വസ്ത്രം തുടങ്ങിയവയെ ക്കുറിച്ച് അഭിപ്രായം പറയാവുന്നതാണ്. ഈ വിഭാഗത്തില്‍ തിരഞ്ഞെടുക്കപ്പെടുന്നവര്‍ക്ക് ഒരാഴ്ച് മാത്രമേ പണിയുണ്ടാവുകയുള്ളു. ആഴ്ചാവസാനം വേദിയിലെത്തി ഒരു പാട്ടും പാടണം.ആരുടെ പാട്ട് കേട്ട് കൂടുതല്‍ ജനങ്ങള്‍ ടിവി തല്ലിപ്പൊട്ടിക്കൂന്നവോ അവരുടെ പണി കാലാവധി നീട്ടിക്കൊടുക്കുന്നതാണ്



4. കണ്‍‌ടെസ്റ്റന്റ് - ഒഴിവുകള്‍ തിട്ടപ്പെടുത്തിയിട്ടില്ല

പാട്ട് പാടാന്‍ കഴിവുണ്ട് എന്നത് ഈ വിഭാഗത്തിലേക്ക് തിരഞ്ഞെടുക്കപ്പെടുവാനുള്ള യോഗ്യതയില്‍ ഒന്നു മാത്രമാണ്. ഡാന്‍സ്, മിമിക്രി,പ്രശ്ചന്നവേഷം തുടങ്ങിയവയൊക്കെ അറിഞ്ഞിരിക്കണം. നിങ്ങളുടെ പാട്ടിനെക്കാള്‍ ‘പെര്‍‌ഫോമന്‍‌സി’നാണ് മുന്‍‌ഗണന നല്‍കുന്നത്. പാട്ട് പാടിഏറ്റവും കൂടുതല്‍ എസ്.എം.എസുകള്‍ വാങ്ങുന്നവര്‍ക്ക് അടുത്ത റൌണ്ടിലേക്ക് കടക്കാവുന്നതാണ്. (പാട്ടുപാടി തെണ്ടുന്നവര്‍ക്കും അപേക്ഷിക്കാവുന്നതാണ്.). ജഡ്‌ജസ് എന്ത് പറഞ്ഞാലും അത് കേട്ട് “ഊം...”, “ശരി സര്‍..”, “ശരി മാഡം”, “താങ്കസ് ...” തുടങ്ങിയ വാക്കുകള്‍ മാത്രം ഉപയോഗിച്ച്മറുപിടി നല്‍കണം. ജ‌ഡ്‌ജസുമാരുടെ തല്ലുകൊള്ളിത്തരങ്ങള്‍കൊണ്ട് മൈക്ക് എടുത്തെറിഞ്ഞ് ഇറങ്ങിപ്പോവുകയില്ലന്ന് മത്സരാപേക്ഷകര്‍ എഴുതിത്തരണം.

5. പക്കമേളക്കാര്‍ - ഒഴിവുകള്‍ പതിഞ്ച്

ദുഃഖ സംഗീതത്തില്‍ സെപ്‌ഷ്യലൈസേഷന്‍ ചെയ്‌തിട്ടുള്ളവര്‍ക്ക് മുന്‍‌ഗണന നല്‍ക്കുന്നതാണ്. ശവമടക്കുകള്‍ക്ക് ബാന്റ്‌മേളം വായിക്കുന്നവര്‍ മാത്രം എലുമിനേഷന്‍ റൌണ്ടിലെ പക്കമേളത്തിന് അപേക്ഷിച്ചാല്‍ മതി.

6. കാണികള്‍ - ഒഴിവുകള്‍ തിട്ടപ്പെടുത്തിയിട്ടില്ല.

ഈ ഒഴിവിലേക്ക് തിരഞ്ഞെടുക്കപ്പെടുന്നവര്‍ക്ക് ദിവസക്കൂലിയായിരിക്കും. ഷൂട്ടിങ്ങുള്ള ദിവസം ഭക്ഷണം നല്‍കുന്നതാണ്. പാട്ടുകേട്ടതിനു ശേഷം ‘ടെക്നിക്കല്‍ ഹെഡ്’ പറയുമ്പോള്‍ കൈയ്യടിക്കുക എന്നതാണ് ജോലി. എലുമിനേഷന്‍ റൌണ്ടിലെ കാണികള്‍ കരഞ്ഞും കാണിക്കണം. അതിനാ വിശ്യമായ ഗ്ലിസറിന്‍ കമ്പിനി തന്നെ നല്‍കുന്നതാണ്. മത്സരിക്കുന്നവര്‍ പാട്ടുപാടുമ്പോള്‍ ക്യാമറ കാണിക്കുന്ന കാണികള്‍ തലയാട്ടുക,കൈകളില്‍ താളം പിടിക്കുക എന്നിവ ചെയ്തിരിക്കണം. ജഡ്‌ജിമാരുടേയും അവതാരകയുടേയും കമന്റുകളില്‍ പ്രതിഷേധിച്ച് സെറ്റ് തല്ലിത്തകര്‍ക്കാനും ജഡ്‌ജിമാരെ കൈയ്യേറ്റം ചെയ്യാനും അവതാരകയെ ഓടിക്കാനും ശ്രമിക്കാത്തവരെമാത്രമേ ഈ ഒഴിവിലേക്ക് പരിഗണിക്കയുള്ളു. ഷൂട്ടിംങ്ങ് കഴിയുമ്പോള്‍ തന്നെ അന്നത്തെ കൂലി തരുന്നതാണ്.

കാണികളെ മൊത്തമായും ചില്ലറയായും സപ്ലൈ ചെയ്യാന്‍ കഴിയുന്ന ബ്രോക്കര്‍മാര്‍ക്കും ഈ വിഭാഗത്തിലേക്ക് അപേക്ഷിക്കാവുന്നതാണ്.

നോ ഐഡിയ വാര്‍ സിങ്ങര്‍ 20009

“ ഞങ്ങള്‍ക്ക് എസ്.എം.എസ് ... നിങ്ങള്‍ക്ക് കണ്ണീര്‍ “