തൊന്തരവ്

കേരള കോൺഗ്രസും മുല്ലപ്പെരിയാറും

2011-12-14T21:44:00.003+05:30

രണ്ട് മലകൾ തമ്മിൽ ചേർന്നാലും രണ്ട് മുലകൾ തമ്മിൽ ചേരില്ല. ( ഈ പഴഞ്ചൊല്ലിലും പതിരില്ല)

മുല്ലപ്പെരിയാർ പ്രശ്നം കേരളത്തിൽ (കേരളത്തിന് ദോഷകരമായി) ഇത്രയും വഷ്‌ളാക്കിയതിന്റെ ക്രെഡിറ്റ് പൂർണ്ണമായും കേരള കോൺഗ്രസ് മാണി ഗ്രൂപ്പിന് പൂർണ്ണമായും അവകാശപ്പെടാവുന്നതാണ്. രണ്ട് മന്ത്രിമാർ തന്ങൾക്ക് തോന്നുന്നതെല്ലാം വായിൽ തോന്നുന്നത് കോതയ്ക്ക് പാട്ട് എന്ന് രീതിയിൽ വിളിച്ചു പറഞ്ഞു. മുല്ലപ്പെരിയാർ പ്രശ്നം തന്ങൾക്ക് അനുകൂലമാക്കി തീർക്കാൻ വേണ്ടി വിവേകം മാറ്റി വെച്ചിട്ട് പി.ജെ. ജോസഫും കെ.എം മാണിയും പ്രസ്താവനകൾ നടത്തി.

കേരള കോൺഗ്രസ്(ജോസഫ്) കേരള കോൺഗ്രസ്(മാണി)യിൽ ലയിച്ച് പാർട്ടികൾ ഒന്നായെങ്കിലും നേതാക്കന്മാർ ഇപ്പോഴും കേരള കോൺഗ്രസ്(ജെ) കേരള കോൺഗ്രസ്(എം) കേരള കോൺഗ്രസ്(സെക്യുലർ) എന്നിന്ങനെയാണ്. തന്ങളിൽ ആരാണ് വലിയവൻ എന്ന് കാണിക്കാനുള്ള ഒരു ഈഗോ ഇപ്പോൾ കേരള കോൺഗ്രസ്(മാണി)യിൽ ഉണ്ടന്ന് തോന്നുന്നു. പിജെ ജോസഫ് ഒരു പ്രസ്താവന നടത്തിയാൽ കെഎം മാണി വക രണ്ട് പ്രസ്താവന നടത്തും (ഇവരൊരു തീരുമാനത്തിൽ എത്തട്ടേ എന്ന് കരുതിയായിരിക്കും പിസി ജോർജ് മിണ്ടാതിരുന്നത്). നാടു നീളെ പിജെ ജോസഫിന്റെ പോസ്‌റ്ററുകൾ ഇപ്പോൾ ഒട്ടിച്ചിട്ടൂണ്ട്.ഞാനാണ് പാർട്ടിയിൽ വലിയവൻ എന്നു കാണിക്കാനുള്ള ഒരു മാർഗ്ഗമായി മുല്ലപ്പെരിയാർ പ്രശ്നം മാറി. (മുല്ലപ്പെരിയാറിന്റെ പേരിൽ പോസ്റ്റർ ഒട്ടിക്കാൻ ഏതെങ്കിലും രാഷ്‌ട്രീയ നേതാവിന് യോഗ്യതയുണ്ടങ്കിൽ അത് പ്രേമചന്ദ്രന് മാത്രം ആയിരിക്കും)

കേരള കോൺഗ്രസ്(ലയനവിരുദ്ധ) ര് ആണ് മുല്ലപ്പെരിയാറിൽ ചാടി വീണ ആദ്യ കേരള കോൺഗ്രസ്. ലയന വിരുദ്ധരുടെ ഒരേ ഒരു നേതാവ് ഉപവാസം ഇരിക്കുന്നത് കണ്ടിട്ടായിരിക്കും പിജെ ജോസഫ് നേരെ ഡൽഹിക്ക് പോയി ഉപവസിച്ചത്. ആ ഉപവാസത്തിനുള്ള വണ്ടിക്കൂലി(സോറി വിമാനക്കൂലി) കാശും നമ്മുടെ ഖജനാവിൽ നിന്ന് തന്നെ ആയിരിക്കും പോയത്

കൊട്ടാരക്കരയിൽ പോലും വംശനാശം സംഭവിച്ചു കൊണ്ടിരിക്കുന്ന(സംഭവിച്ച) കേരളാ കോൺഗ്രസ് (ബി)യും മുല്ലപ്പെരിയാർ ഏറ്റുപിടിച്ചിട്ടുണ്ട്. (കേരള കോൺഗ്രസ്(ബി) എന്ന് പറഞ്ഞാൽ അതിൽ ബാലകൃഷണപിള്ള മാത്രം). പക്ഷേ മുല്ലപ്പെരിയാർ സമരം നടത്തുന്ന കേരളാ കോൺഗ്രസ് (എം)നെ എതിർത്തുകൊണ്ടുമാത്രമാണ് ബി യുടെ സമരം.(സമരം എന്ന് പറഞ്ഞാൽ പ്രസ്താവനകൾ മാത്രം). കൊല്ലം ചെങ്കോട്ട വഴി ട്രയിനന്ങാണം ഉണ്ടായിരുന്നെങ്കിൽ ട്രയിൻ തടഞ്ഞ് ബി യ്ക്ക് മുല്ലപ്പെരിയാർ സമരം നടത്താമായിരുന്നു. അതിനിപ്പോൾ വഴി ഇല്ലാത്തതുകൊണ്ട് മുല്ലപ്പെരിയാറിൽ പോയി സമരം ചെയ്യാൻ ആ സ്ഥലത്ത് നാലാൾ ഇല്ല. അവിടെ പോയി നിരാഹാരം ഇരിക്കാൻ പറ്റിയ കക്ഷികൾ ആരും ഇപ്പോൾ പാർട്ടിയിലും ഇല്ല. എന്നാ പിന്നെ പ്രസ്താവനകൾ മാത്രം എന്ന് കേരളാ കോൺഗ്രസ് (ബി) കരുതിയതിൽ തെറ്റും ഇല്ല.

പുതിയ ഡാം പുതിയ ഡാം എന്ന് നിലവിളിക്കുമ്പോൾ പുതിയ ഡാം പണിയാൻ അനുമതി കിട്ടിയാൽ അത് എന്ങനെയായിരിക്കും എന്ന് ഉടേതമ്പുരാന് മാത്രമേ പറയാൻ പറ്റൂ. കഴിഞ്ഞ ഭരണകാലത്ത് പൊതുമരാമത്ത് വകുപ്പിന്റെ ചുമതല ഉണ്ടായിരുന്ന കേരളാ കോൺഗ്രസ്(ജെ) എംസി റോഡിന്റെ വികസത്തിൽ എന്താ ചെയ്തതന്ന് ഓർക്കുന്നത് നന്നായിരിക്കും. റോഡ് വികസനം ഏറ്റെടുത്ത കമ്പ്നിയുടെ(പതിബൽ ആണന്ന് തോന്നുന്നു) ഉദ്യോഗസ്ഥന് ആത്മഹത്യ ചെയ്യേണ്ടി വന്നു. ടിയു കുരുവിള സ്ഥാനം ഒഴിഞ്ഞു എങ്കിലും പൊതുമരാമത്ത് വകുപ്പ് കേരളാ കോൺഗ്രസ്(ജെ)യുടെ കൈവശം തന്നെ ഇരുന്നു..

ഇനി പുതിയ ഡാം ആണ്.....
ജലസേചന വകുപ്പിനാണ് ഡാം പണിയാനുള്ള ചുമതല എങ്കിൽ ഇപ്പോഴുള്ള മുല്ലപ്പെരിയാർ ഡാമിനെക്കാൾ കേരളത്തിന് സുരക്ഷാഭീക്ഷണി ഉയർത്തുന്ന ഒന്നായിരിക്കും അത്..

ഒന്നും കാണാതെ മത്തായി വെള്ളത്തിൽ മുന്ങില്ലല്ലോ ... ഏത് ???

മാണി കോൺഗ്രസിന്റെ ജനസേവനത്തിന്റെ പത്തനംതിട്ട മോഡൽ

2011-12-13T06:59:00.003+05:30

മുല്ലപ്പെരിയാർ പ്രശ്നത്തിൽ പത്ത് ദിവസത്തിനുള്ളിൽ പരിഹാരം ഉണ്ടാക്കണമെന്ന് കെഎം മാണി അന്ത്യശാസനം നൽകിയന്ന് വാർത്തയിൽ കണ്ടപ്പോൾ അറിയാതെ എഴുന്നേറ്റ് നിന്ന് കൈ അടിച്ചു പോയി. (ഇതാർക്കാപ്പാ അന്ത്യശാസനം കൊടുത്തത് എന്ന് പിന്നീട് മനസിൽ ഉയർന്ന ചോദ്യത്തിന് ഉത്തരം കണ്ടത്താൻ കഴിഞ്ഞതുമില്ല.) തീരുമാനം ഉണ്ടായില്ലങ്കിൽ പ്രതിഷേധത്തിന്റെ സ്വഭാവവും രൂപവും ഒക്കെ മാറുമെന്ന് !!!! ജനന്ങളെ സേവിക്കാനുള്ള കേരള കോൺഗ്രസ്(എം)ന്റെ ഈ അത്മാർത്ഥ കണ്ടപ്പോൾ അറിയാതെ കണ്ണു നിറഞ്ഞു. ഒരു രാഷ്ട്രീയപാർട്ടിയായാൽ ഇന്ങനെ വേണം !!!

ജനന്ങളെ സേവിക്കാനുള്ള കേരള കോൺഗ്രസ്(എം)ന്റെ ഈ അത്മാർത്ഥ കണ്ട് പത്തനംതിട്ടയിലെ ചുരുളിക്കോട് നിവാസികളുടെ കണ്ണുകളും ഇപ്പോൾ നിറഞ്ഞു തുളുമ്പുകയായിരിക്കണം. ജനന്ങളെ സേവിക്കാൻ വേണ്ടി പണിത കേരള കോൺഗ്രസ് (എം) ന്റെ ജില്ലാ കമ്മിറ്റി ഓഫീസിലേക്കുള്ള വഴിയിൽ ഓഫീസ് മറച്ചു നിന്ന വെയ്റ്റിംന്ങ് ഷെഡ് കഴിഞ്ഞ ശനിയാഴ്ച അർദ്ധരാത്രിയിൽ തകർത്തതു കണ്ടാണ് ചുരുളിക്കോട്ടെ ജനന്ങളുടെ കണ്ണ് നിറഞ്ഞതന്ന് മാത്രം !!! എന്നിട്ടോ ഞന്ങൾക്കിപ്പം വെയ്റ്റിംന്ങ് ഷെഡ് വേണമെന്ന് പറഞ്ഞ് ജനന്ങൾ റോഡിൽ ഇറന്ങി സമരം ചെയ്തു. ജനന്ങളെ സേവിക്കാൻ മുട്ടി നിൽക്കുന്ന കേരള കോൺഗ്രസുകാരെ ചർച്ചയ്ക്കയി പോലീസ് വിളിച്ചു. (നോട്ട് ദിപോയിന്റേ, ചർച്ചയ്ക്കായി). ജനന്ങളുടെ വെയ്റ്റിംന്ങ് ഷെഡ് ഡിസംബർ 15 ന് ശേഷം പണിതു നൽകാമെന്ന് അവർ ഉറപ്പു നലകിയത്രെ!!! ഡിസംബർ 15 ന് മുല്ലപ്പെരിയാറിൽ പുതിയ ഡാമിന് കല്ലിട്ടതിനുശേഷമൊന്നും അല്ല വെയ്‌റ്റിംന്ങ് ഷെഡ് പണിയുന്നത്. ഡിസംബർ 15 നാണ് ആ ജില്ലാകമ്മറ്റി ഓഫീസിന്റെ ഉദ്ഘാടനം.!!! വാട്ട് ആൻ ഐഡിയ മാണി കോൺഗ്രസ് !!

ഞാനിന്നല്ലത്തെ(12-12-2011) പത്രന്ങളിൽ (പത്തനംത്തിട്ട എഡീഷൻ) മനോരമ മാത്രമേ കണ്ടുള്ളു. കേരള കോൺഗ്രസുകാർ കാത്തിരിപ്പു കേന്ദ്രം പൊളിച്ച വാർത്ത രണ്ടാം പേജിൽ ഉണ്ട്. അതും രണ്ട് ഫോട്ടൊ സഹിതം.(ആ ഫോട്ടോയും വാർത്തയുടെ തലക്കെട്ടും താഴെ :: മൊബൈലിൽ എടുത്ത്തുകൊണ്ട് കാണാൻ അല്പം ബുദ്ധിമുട്ടാ : ആ ചുവന്ന മേൽക്കൂരയുള്ളതാണ് ജില്ലാകമ്മറ്റി ആഫീസ്)

(ഈ ചുരുളിക്കൊട് എന്ന് പറയുന്ന സ്ഥലം പത്തനംതിട്ട-കോഴഞ്ചേരി റോഡിൽ പത്തന്മ്തിട്ടയിൽ നിന്ന് ഒരു രണ്ട്-മൂന്ന് കിലോ മീറ്ററിനുള്ളിൽ വരുന്ന സ്ഥലം ആണ്. ഇന്നലെ രാവിലെ ആ വഴി വരുമ്പോൾ ടാർപ്പ വലിച്ചു കെട്ടി താത്ക്കാലികമായി ഉണ്ടാക്കിയ വെയ്‌ടിംന്ങ് ഷെഡ് അവിടെ ഉണ്ട്. ജില്ലാ കമ്മറ്റി ആഫീസിലേക്കുള്ള വഴിയിൽ കല്ലും എടുത്ത് വെച്ചിട്ടുണ്ട്.)

കേരള കോൺഗ്രസ്(എം) ന്റെ ഓഫീസിലേക്കുള്ള വഴി വിപുലമാക്കാൻ വെയ്റ്റിംഗ് ഷെഡ് ഇടിച്ചു നിരത്തി എന്ന് മംഗളം ഓൺലൈനിലും , ഓഫീസിലേക്കുള്ള വഴി വിപുലമാക്കാൻ കേരളാ കോങ്ങ്രസുകാർ വെയ്റ്റ്റിംങ് ഷെഡ് പൊളിച്ചു എന്ന് ദേശാഭിമാനി ഓൺലൈനിലും വാർത്ത ഉണ്ട് (ഈ രണ്ട് ഓൺലൈൻ എഡീഷനിലും വാർത്തയുടെ തലക്കെട്ടിനു മാത്രമേ അല്പം മാറ്റം ഉള്ളൂ. വാർത്തയിലെ അക്ഷരത്തിനു പോലും മാറ്റം ഇല്ല. മംഗളത്തിനും ദേശാഭിമാനിക്കും വേണ്ടി ഒരൊറ്റ ലേഖകൻ മാത്രമേ കാണുകയുള്ളോ ആവോ)

ദേശാഭിമാനി വാർത്ത താഴെ

മുല്ലപ്പെരിയാർ അണക്കെട്ടിന്റെ പേരിൽ പത്തു ദിവസത്തെ നോട്ടീസ് പിരീഡിൽ അന്ത്യശാസനം നൽകുന്ന കെ.എം.മാണിക്ക് മുല്ലപ്പെരിയാറിൽ കേരള കോൺഗ്രസിന്റെ ജനസേവനത്തിന്റെ പത്തനംതിട്ട മാതൃക പരീക്ഷിക്കാവുന്നതാണ്. മുല്ലപ്പെരിയാർ അണക്കെട്ടിനു താഴെ കേരള കോൺഗ്രസിന്റെ ഇടുക്കി ജില്ലാ കമ്മറ്റി ഓഫീസ് പണിയുക. അണക്കെട്ട് അവിടെ നിന്നാൽ കമ്മറ്റി ആഫീസ് കാണാൻ പറ്റാത്തതുകൊണ്ട് കമ്മറ്റി ഓഫീസിന്റെ ഉദ്ഘാടനത്തിനു മുമ്പ് പത്തമ്പത് ജെസിബിയും ആൾക്കാരയും കൂട്ടി ഒരു ശനിയാഴ്ച അർദ്ധരാത്രി അണക്കെട്ട് അന്ങ് പൊളിക്കുക. അണക്കെട്ട് പൊളിച്ചതിൽ പ്രതിഷേധിച്ച് ജനന്ങൾ സമരം ചെയ്യുമ്പോൾ (സമരത്തിന്റെ രൂപവും ഭാവവും തമിഴ്‌നാട്ടുകാർ തീരുമാനിക്കും) കേന്ദ്രസർക്കാർ ചർച്ചയ്ക്ക് വിളിക്കും. ഞന്ങളെ ജില്ലാ കമ്മിറ്റി ഓഫീസിന്റെ ഉദ്ഘാടനം കഴിഞ്ഞാൽ പുതിയ ഡാം കെട്ടിത്തരാം എന്ന് പ്രസ്താവിക്കുക. അതോടെ എല്ലാം ശുഭം !!!

(ചുരുളിക്കോട്ടെ വെയ്‌റ്റിംങ് ഷെഡ് പൊളിച്ചത് മുല്ലപ്പെരിയാറിൽ പുതിയ ഡാം പണിയാനുള്ള ടെസ്റ്റ് ഡോസ് ആയിരുന്നു എന്ന് പറഞ്ഞ് പത്തനംത്തിട്ടക്കാരോട് പറഞ്ഞാൽ മതി. പാവന്ങൾ അതന്ങ് വിശ്വസിച്ചോളും)

കേരള കോൺഗ്രസിനോട് ഒരു അഭ്യർത്ഥന
കേരള കോൺഗ്രസ് (എം) ജനന്ങളെ സേവിക്കാൻ വേണ്ടിയുള്ള രാഷ്ട്രീയപാർട്ടിയാണങ്കിൽ ,ജന്ങളോട് ആത്മാർത്ഥയുണ്ടങ്കിൽ ആ വെയ്‌റ്റിംന്ങ് ഷെഡ് ജനന്ങൾക്ക് നിർമ്മിച്ച് നൽകിയിട്ടേ ജില്ലാകമ്മറ്റി ഓഫീസിന്റെ ഉദ്ഘാടനം നടത്താവൂ.

അപകടന്ങളിൽ മരിക്കുന്നവരുടെ വില നിർണ്ണയം !!

2011-12-07T07:45:00.000+05:30

2011 നവംബർ 24 വ്യാഴായ്ചത്തെ മാതൃഭൂമിയിൽ ഒരു വാർത്ത കണ്ടു. 'കെ.എസ്.ആർ.ടി.സി. എം പാനൽ ജീവനക്കാരന്റെ ജീവന് വില രണ്ടായിരം രൂപ' !!!! . അതൊരു വാർത്തയായി മാത്രം കണ്ട് ആ വാർത്ത വായിച്ചു വിട്ടു.

മൂന്നു ദിവസത്തിനു ശേഷം നവംബർ 27 ഞായറാഴ്ച മറ്റൊരു വാർത്ത വായിച്ചു. 'മന്ത്രി കെ.സി. ജോസഫിന്റെ കാറിടിച്ച് മരിച്ചവരുടെ കുടുംബന്ങൾക്ക് ധന സഹായം നൽകി'.

ഈ വാർത്ത വായിച്ചതിനു ശേഷം 24 ആം തീയതിയിലെ പത്രം വീണ്ടും ഒരിക്കലൂടെ എടുത്ത് വായിച്ചു.

എം പാനൽ ജീവനക്കാരന്റെ മരണം
നവംബർ 22 ആം തീയതി ദേശീയപാത 47 ല് ചേർത്തലയ്ക്കടുത്ത് വളവനാട്ട് ഉണ്ടായ അപകടത്തിലാണ് ബൈക്ക് യാത്രക്കാരായ മൂന്നു പേരും കെ.എസ്.ആർ.ടി.സി. എം പാനൽ കണ്ടക്ടർ ആയ പ്രസാദും മരിക്കുന്നത്. ബൈക്കിനെ ഇടിച്ച ബസ് ബ്രേക്ക് ചെയതപ്പോൾ പ്രസാദ് പിൻവശത്തെ ഡോർ തുറന്ന് റോഡിലേക്ക് തെറിച്ച് വീണ് ഉടൻ തന്നെ മരിക്കുകയായിരുന്നു.(മാതൃഭൂമി 2011 നവംബർ 23 പേജ് 10 ,കൊച്ചി എഡീഷൻ)

മന്ത്രി കെ.സി. ജോസഫിന്റെ കാറിടിച്ചുള്ള മരണം
നവംബർ 20 ഞായറാഴ്ചയാണ് റൂറൽ ഡവല്പ്മെന്റ് & രജിസ്‌ട്രേഷൻ മന്ത്രിയായ കെ.സി. ജോസഫിന്റെ കാർ ഇടിച്ച് ദേശീയ പാത 47ല് അങ്കമാലി കരിയാംപറമ്പിൽ റോഡ് മുറിച്ചു കടക്കുകയായിരുന്ന രണ്ട് പേർ മരിച്ചത്. ഒരാൾക്ക് പരിക്ക് ഏൽക്കുകയും ചെയ്തു.

മരണം ആരുടെയാണങ്കിലും എന്ങനെയാണങ്കിലും അത് വേദനാജനകവും കുടുംബത്തെ സംബന്ധിച്ച് നഷ്ടവും ആണ്. പണം നൽകി അത് നികത്താൻ പറ്റില്ലങ്കിലും കുടുംബത്തിന് അതൊരു കൈത്താന്ങാകും എന്നതിൽ സംശയം ഇല്ല.

മന്ത്രിയുടെ വാഹനം ഇടിച്ചു/അപകടത്തിൽ പെട്ടു മരിച്ചു എന്നതുകൊണ്ട് മാത്രം ഒരാൾക്ക് കൂടുതൽ ധനസഹായം നൽകുകയും മറ്റൊരാളുടെ വാഹനം ഇടിച്ചു/അപകടത്തിൽ പെട്ട് മരിച്ചു എന്നുള്ളതുകൊണ്ടും അയാൾക്ക് നാമമാത്രമായ ഒരു ധനസഹായം സർക്കാരിൽ നിന്ന് ചെയ്യുകയും ചെയ്യുന്നത് ശരിയാണോ?? നിയമത്തിന്റെ മുന്നിൽ എല്ലാവരും തുല്യരാണന്ന് പറയുമ്പോൾ അപകടത്തിൽ പെടുന്നവർക്കെല്ലാം മന്ത്രിയുടെ വാഹനം ഇടിച്ച് മരിച്ചവർക്ക് ലഭിച്ച ധനസഹായത്തിന് അർഹതയില്ലേ?? മന്ത്രി സ്വന്തം കൈയ്യിൽ നിന്നാണ് ആ പണം നൽകിയതെങ്കിൽ ഈ ചോദ്യത്തിന് പ്രശക്തി ഇല്ലന്ന് അറിയാം....

മന്ത്രിയുടെ ഔദ്യോഗിക വാഹനം ഇടിച്ച് മരിച്ചവരുടെ കുടുംബത്തിന് നൽകുന്ന ധന സഹായം പോലെ സർക്കാരിന്റെ വാഹന്ങൾ ഇടിച്ച് മരിക്കുന്നവരുടെ കുടുംബത്തിനും നൽകുമോ???

സ്വന്തം ഔദ്യോഗിക വാഹനം ഇടിച്ച് മരിച്ചവരുടെ ബന്ധുക്കൾക്ക് സർക്കാർ ഫണ്ടിൽ നിന്നുള്ള പണം എടുത്ത് നൽകുകയും അത് പത്രത്തിൽ നൽകി നാലാളെ അറിയിക്കുകയും ചെയ്യുന്നതോടൊപ്പം മറ്റുള്ള അപകടന്ങളിൽ പെടൂന്നവർക്കും അത്തരം ധനസഹായം ചെയ്യുന്നതിന് സർക്കാരിൽ നിർബന്ധംചെലുത്താൻ മന്ത്രിക്ക് കഴിയണം.

ആധാറിലെ വിവരം പങ്കുവയ്ക്കൽ സമ്മതം !!!??

2011-12-05T22:33:00.003+05:30

കേന്ദ്ര സർക്കാരിന്റെ (?) 12 അക്ക യുഐഡി(ആധാർ)യെക്കുറിച്ചുള്ള ഒരു പ്രധാന ആരോപണം ആധാർ വഴി സ്വീകരിക്കൂന്ന വ്യക്തി വിവരന്ങൾ മൂന്നാമതൊരാൾക്ക് കൈമാറപ്പെടാൻ സാധ്യതയുണ്ട് എന്നുള്ളതാണ്. ഇത് വ്യക്തി സ്വാതന്ത്ര്യത്തെ ഹനിക്കൂന്നതാണ് എന്നാണ് ആധാറിനെതിരെയുള്ള ഒരു ആരോപണം.

ആധാർ കാർഡ് എടുക്കുന്ന വ്യക്തിയുടെ വിവരന്ങൾ മറ്റൊരാൾക്ക് കൈമാറപ്പെടുമോ???? ഈ ചോദ്യത്തിന് പ്രശ്ക്തിയുണ്ട്?? ആധാർ കാർഡിനുള്ള അപേക്ഷ സ്വീകരിച്ച് കഴിഞ്ഞ് ലഭിക്കൂന്ന 'സ്ഥലവാസിക്കുള്ള പകർപ്പ്' ഈ ആശങ്ക ശക്തമാക്കുന്നുണ്ട്.

എനിക്ക് ലഭിച്ച പകർപ്പ് താഴെ കൊടുക്കുന്നു.

ഇതിൽ
ബാങ്ക് അക്കൗണ്ട് തുറക്കൽ സമ്മതം, വിവരം പങ്കുവയ്ക്കൽ സമ്മതം : യെസ് എന്ന് കാണുന്നു. ഞാൻ എനിക്ക് ലഭിച്ച അപേക്ഷയിൽ ഇന്ങനെയുള്ള ഒരു കാര്യവും പൂരിപ്പിച്ച് നൽകാൻ ഇല്ലായിരുന്നു.നിന്ങളുടെ ബാങ്ക് അക്കൗണ്ട് ആധാറുമായി ബന്ധിപ്പിക്കണോ എന്നുള്ള ചോദ്യത്തിന് ഞാൻ നോ എന്നായിരുന്നു എഴുതിയിരുന്നതും. ലഭിച്ച സ്ലിപ്പിൽ ബാങ്ക് അക്കൗണ്ട് തുറക്കൽ സമ്മതം, വിവരം പങ്കുവയ്ക്കൽ സമ്മതം : യെസ് എന്നാണ് എഴുതിയിരുക്കുന്നത്. എന്റെ വിവരന്ങൾ പങ്കുവെയ്ക്കാൻ ഞാൻ സമ്മതം നൽകി കഴിഞ്ഞിരിക്കൂന്നു ഇതെന്ങനെ ശരിയാവും????

ഞാൻ ഈ അപേക്ഷ സ്വീകരിക്കാൻ വന്നിരിക്കൂന്ന/മേൽനോട്ടം വഹിക്കുന്ന അക്ഷയ നടത്തിപ്പുകാരിയോട് ഈ കാര്യന്ങൾ ചോദിച്ചു. ഞാൻ അപേക്ഷയിൽ നൽകാത്ത രണ്ട് കാര്യന്ങൾ എനിക്ക് സമ്മതമാണ് എന്നുള്ള പേരിൽ എനിക്ക് ലഭിച്ചിരിക്കുന്നു. അവർക്ക് ഇതിനെക്കൂറിച്ച് അറിയില്ലന്നും ഫോട്ടൊ എടുക്കാൻ ഇരിക്കൂന്ന ആളോട് ചോദിക്കാനും പറഞ്ഞു. ഞാൻ ഫോട്ടൊ എടൂക്കാൻ ഇരിക്കുന്നവരിൽ ഒരാളോട് കാര്യം ചോദിച്ചു. ഞാൻ സമ്മതം നൽകാത്ത കാര്യന്ങൾ എനിക്ക് സമ്മതം ആണന്നുള്ള പേരിൽ എനിക്ക് എന്തിന് തന്നു??? അയാളുടെ മറുപിടി വിചിത്രമായിരുന്നു. ഇത് നോ എന്നാക്കി മാറ്റാൻ പറ്റില്ലത്രെ. ഇതുകൊണ്ട് യാതൊരു കുഴപ്പവും ഇല്ലന്നും അയാളുടെ വിശദീകരണം. അയാൾ നൽകിയ വിശദീകരണം ഏകദേശം താഴെപറയുന്ന രീതിയിൽ ആയിരുന്നു.

1. ബാങ്ക് അക്കൗണ്ട് തുറക്കൽ സമ്മതം
ഇനി മുതൽ സർക്കാരിന്റെ സബസിഡികൾ ബാങ്കുവഴിയാണത്രെ ലഭിക്കുന്നത്. അതിനു വേണ്ടി സർക്കാർ ബാങ്ക് അക്കൗണ്ട് തുടന്ങും. അതിനുവേണ്ടിയാണത്രെ ഈ സമ്മതം.

സബസിഡികൾ ബാങ്ക് വഴി വിതരണം ചെയ്യാൻ കഴിയുമോ?? സബ്സിഡികൾ പണമായി നൽകിയാൽ അതൊരിക്കലും ഉദ്ദേശിക്കൂന്ന പ്രയോജനം ലഭിക്കില്ലന്ന് ഉറപ്പാണ്.ഉദാഹരണത്തിന് സർക്കാർ സബ്സിഡിയോടെയാണ് റേഷൻ വിതരണം. വിതരണം ചെയ്യുന്ന സാധനത്തിനുള്ള സബസിഡി ഉപഭോക്താവിന്റെ അക്കൗണ്ട് വഴി നൽകിയാൽ അയാൾ ആ സാധനം വാന്ങാനായി ആ പണം ഉപയോഗിക്കുമോ?? ഏതായാലും സർക്കാർ ഇന്ങനെ സബ്സിഡി ബാങ്കുകൾ വഴി വിതരണം ചെയ്യില്ല. ഇന്ങനെ ഒരു സമ്മതം ഉണ്ടന്ന് കരുതി സർക്കാരിന് ഉപഭോക്താവിന്റെ പേരിൽ ബാങ്ക് അക്കൗണ്ട് തുടന്ങാൻ പറ്റുമോ???

2. വിവരം പങ്കുവയ്ക്കൽ സമ്മതം : യെസ്
ഇതിനെക്കൂറിച്ച് അയാൾക്കും വലിയ പിടി ഇല്ല. ഇതിന്റെ യേസ് മാറ്റാൻ പറ്റില്ല എന്നാണ് അയാൾ പറയുന്നത്. അയാൾ പറയുന്നത് ശരിയാണന്ങ്കിൽ നമ്മളിൽ നിന്ന് ശേഖരിച്ച വിവരന്ങളും ആധാർ കാർഡിൽ നിന്ന് ലഭിക്കൂന്ന വിവരന്ങളും, ഈ വിവരന്ങൾ സൂക്ഷിക്കുന്ന ആൾക്ക് (ഇത് സൂക്ഷിക്കുന്നത് സർക്കാർ അണന്ന് പറയുന്നു.) മറ്റൊരാൾക്ക് പങ്ക് വെയ്ക്കാം. അതിനുള്ള സമ്മതം നമ്മൾ നൽകി കഴിഞ്ഞു.(എനിക്ക് മനസിലായത് ഇന്ങനെയാണ്). നമ്മൾ സമ്മതം നൽകി കഴിഞ്ഞതുകൊണ്ട് മറ്റൊരാൾക്ക്/മൂന്നാമതൊരാൾക്ക് ഈ വിവരന്ങൾ വിവരന്ങൾ സൂക്ഷിക്കുന്ന ആൾക്ക് നൽകുകയും ചെയ്യാം. ഇന്ങനെ വിവരന്ങൾ നൽകിയാൽ അത് വ്യക്തികളുടെ വ്യക്തി സ്വാതന്ത്ര്യത്തിന്മേലുള്ള കടന്നുകയറ്റം ആയിരിക്കൂം.

നമ്മൾ നൽകുന്ന വിവരന്ങൾ / സർക്കാരിന് ആധാറിൽ നിന്ന് ലഭിക്കൂന്ന വിവരന്ങൾ സുരക്ഷിതം ആയിരിക്കുമോ??

ആധാര്‍ എന്തിന് ? ആര്‍ക്കു വേണ്ടി ???

2011-12-04T13:30:00.003+05:30

12 അക്കമുള്ള യുനീക്ക് ഐഡന്റിറ്റി കൊണ്ട് ഓരോ ഭാരതീയനേയുംചാപ്പകുത്തി കഴിയുന്നതോടെ ഭാരതത്തിലെ പ്രശ്നങ്ങള്‍ അവസാനിക്കുമോ?

ആധാര്‍ എന്തിനു വേണ്ടിയാണന്ന് ചോദിക്കുമ്പോള്‍ പലരും പല ഉത്തരമാണ് നല്‍കുന്നത്. ഇനി മുതല്‍ തിരിച്ചറിയല്‍ കാര്‍ഡിനു പകരം ഉപയോഗിക്കാനുള്ളതാണന്ന് പറഞ്ഞാണ് നാട്ടിലുള്ളവര്‍ എല്ലാം ഇന്നലേയും ഇന്നുമായി ആധാര്‍ കാര്‍ഡ് എടുക്കാനായി പോയത്/പോകുന്നത്.

മൂവായിരം കോടി രൂപയ്ക്ക് തുടങ്ങിയ ആധാര്‍ പദ്ധതി തീരുമ്പോള്‍ എത്ര കോടി രൂപയായിരിക്കും? ഏതെങ്കിലും തിരിച്ചറിയല്‍ രേഖയുമായി ചെന്ന് ആധാര്‍ ഫോം പൂരിപ്പിച്ച് നല്‍കിയാല്‍ ചെല്ലുന്നവന് ആധാര്‍ കാര്‍ഡ് കിട്ടും. തിരിച്ചറിയല്‍ കാര്‍ഡ് ഇല്ലാത്തവന് ജനപ്രതിനിധി(യു‌ഐഡി നമ്പരുള്ള പ്രതിനിധി) പരിചയപ്പെടുത്തല്‍ ഉണ്ടങ്കില്‍ ആധാര്‍ കിട്ടൂം.

ഞാന്‍ ഇതുവരെ മനസിലാക്കിയിരുന്നത് ആധാര്‍ കാര്‍ഡ് ഒരു നിര്‍ബന്ധം അല്ല എന്നായിരുന്നു. അതുകൊണ്ട് ആ കാര്‍ഡ് എടുക്കണാമെന്ന് താലപര്യവും ഇല്ലായിരുന്നു. പക്ഷേ ... വീട്ടില്‍ ചെന്നപ്പോള്‍ ആധാര്‍ കാര്‍ഡ് എടുക്കേണ്ട ആവശ്യകതയെക്കുറിച്ച് അമ്മ ഒരു ക്ലാസ് എടുത്തു. അമ്മയ്ക്ക് പലവഴിക്ക് കിട്ടുന്ന കാര്യങ്ങളാണ്. ഇനി മുതല്‍ ആധാര്‍ കാര്‍ഡ് ആണത്രെ എല്ലാത്തിനും വേണ്ടത്. ജനങ്ങള്‍ക്കിടയില്‍ ആധാര്‍ കാര്‍ഡ് എടുക്കേണ്ടതിനെക്കുറിച്ച് ആരക്കയോ പഠിപ്പിച്ചിട്ടൂണ്ട്. ഒരാളില്‍ നിന്ന് കൈമാറി വരുമ്പോള്‍ കൂടുതല്‍ ഉപയോഗങ്ങള്‍ ആധാര്‍ കാര്‍ഡിന് കിട്ടുകയും ചെയ്യും. ഇനി ഗവണമെന്റിന്റെ എന്ത് പദ്ധതിക്കാണങ്കിലും ഈ ആധാര്‍ കാര്‍ഡാണത്രെ ഉപയോഗിക്കുന്നത്. ഈ ഒരൊറ്റ കാര്യത്തില്‍ മാത്രം ജനങ്ങള്‍ ആധാര്‍ എടുക്കാന്‍ ക്യു നില്‍ക്കും. ആധാര്‍ ആവിശ്യമില്ലന്നങ്ങാണം പറഞ്ഞാല്‍ നാട്ടാര്‍ നമ്മളെ തല്ലും. “അമ്മേ ഈ അധാര്‍ നിര്‍ബന്ധമില്ല” എന്ന് അമ്മയോട് പറഞ്ഞപ്പോള്‍ അമ്മയുടെ മറുപിടി “നിരബന്ധമില്ലാഞ്ഞിട്ടാണോ ഇ കണ്ട ആളുകള്‍ എല്ലാം ആധാര്‍ കാര്‍ഡ് എടുക്കാന്‍ പോകുന്നത്? “

ആധാർ പദ്ധതി അടിച്ചേൽപ്പിക്കില്ലെന്നും ആളിന്റെ അനുമതിയില്ലാതെ കേരളത്തിൽ ആധാറിനാവശ്യമായ വിവരശേഖരണം സംസ്ഥാന സർക്കാർ നടത്തില്ലെന്നും ഈ പദ്ധതി എന്താണെന്നും ഇതിന്റെ ഗുണദോഷവശങ്ങൾ എന്തെല്ലാമാണെന്നും പൊതുജനങ്ങളെ അറിയിക്കുന്നതിനാവശ്യമായ നടപടികൾ സംസ്ഥാന സർക്കാർ കൈക്കൊളളുമെന്നും കേരളത്തിലെ ആധാര്‍ പദ്ധതി ഉദഘാടനം ചെയ്തുകൊണ്ട് മുഖ്യമന്ത്രി വി എസ് അച്യുതാനന്ദന്‍ പറഞ്ഞായിരുന്നു. ഇതിനു വേണ്ടി എന്തെങ്കിലും ആ സര്‍ക്കാരോ പിന്നാലെ വന്ന ഉമ്മന്‍ ചാണ്ടി സര്‍ക്കാരോ ആധാറിന്റെ ഗുണദോഷവശങ്ങൾ എന്തെല്ലാമാണെന്ന് ജനങ്ങളെ അറിയിച്ചിട്ടില്ല. പക്ഷേ ആധാര്‍ കാര്‍ഡിനു വേണ്ടിയുള്ള ഫോമ്മില്‍ ‘ബി’ സെക്ഷനില്‍ ‘കേരള സര്‍ക്കാരിനായി ശേഖരിക്കുന്ന വിവരങ്ങള്‍’ എന്ന പേരില്‍ കുറേ കാര്യങ്ങള്‍ ചോദിക്കുന്നുണ്ട്. (ചിത്രം ശ്രദ്ധിക്കുക)...

ആധാര്‍ പദ്ധതിയുടെ സൈറ്റിലുള്ള അപേക്ഷ ഫോമില്‍ഈ ഭാഗം ഇല്ല

ആധാര്‍ പദ്ധതിക്ക് എതിരേ കേന്ദ്ര ആഭന്തര മന്ത്രി ചിദംബരം തന്നെ ഇപ്പോള്‍ രംഗത്ത് എത്തിയിരിക്കുന്നു. ഒരു സുരക്ഷാ മാനദണ്ഡവും പാലിച്ചല്ല ആധാര്‍ വിതരണം എന്നാണ് അദ്ദേഹം പറയുന്നത്. പ്ലാനിങ്ങ കമ്മീഷന്‍ ഉപാധ്യക്ഷന് ചിദംബരം ഈ കാര്യങ്ങളെക്കുറിച്ച് കത്ത് എഴുതുകയും ചെയ്തു( പ്ലാനിങ്ങ് കമ്മീഷന്‍ ആണ് ഈ പദ്ധതി മുന്നോട്ടു കൊണ്ടു പോകുന്നത്)

കൂടുതല്‍ വിവരങ്ങള്‍ക്ക് താഴെയുള് ലിങ്കുകള്‍ പ്രയോജനപ്പെടുത്താം

ആധാര്‍ പദ്ധതിയുടെ വെബ് സൈറ്റ് ::
വിക്കി പീഡിയ- ആധാര്‍ ::
ആധാര്‍ പദ്ധതി ഉപേക്ഷിക്കണം : വി‌എസ്

ആധാര്‍ പദ്ധതി ഭരണഘടനാ വിരുദ്ധമെന്ന് നിയമവിദഗ്ധര്‍. ::

ആധാര്‍ പദ്ധതി സ്വകാര്യതയിലേക്കുള്ള കടന്നുകയറ്റം: ഡോ. ഉഷാ രാമനാഥന്‍ ::

"ആധാര്‍" വിവരശേഖരണം സുരക്ഷാപ്രശ്‌നമെന്ന്‌ ചിദംബരം ::

ആധാര്‍ കാര്‍ഡിന്റെ/ അപേക്ഷ സ്വീകരിക്കലിന്റെ ഏറ്റവും വലിയ സുരക്ഷാ പ്രശ്നം ഈ ലിങ്കില്‍ നിന്ന് മനസിലാക്കാന്‍ പറ്റും..
ജനസംഖ്യയേക്കാള്‍ രജിസ്ട്രേഷന്‍ ; "ആധാര്‍" വഴിയാധാരമായേക്കും ::

ഇനി മുതല്‍ ആധാര്‍ നമ്പര്‍ സര്‍ക്കാര്‍ കാര്യങ്ങള്‍ക്കായി ഉപയോഗിക്കാം എന്ന് പറയുമ്പോള്‍ അതിലൊരു കുഴപ്പം ഉണ്ട്. നിയമവിധേയമല്ലാത്ത ആധാര്‍ എങ്ങനെയാണ് സര്‍ക്കാര്‍ കാര്യങ്ങള്‍ക്കായി ഉപയോഗിക്കാന്‍ പറ്റുന്നത്???

പരുമലപള്ളി ബ്ലോഗുകാരന്റെ #@@%!$ പോസ്റ്റുകൾ

2011-11-17T07:20:00.002+05:30

ഇന്നലെ ചില ബ്ലോഗ് പോസ്റ്റുകൾ നോക്കി നടക്കുമ്പോഴാണ് പരുമലപള്ളി.ബ്ലോഗ്സ്പോട്ട്. കോം എന്ന ബ്ലോഗ് കണ്ടത്.

ബ്ലോഗിലെ ഒന്നു രണ്ട് പോസ്റ്റുകൾ വായിച്ചു കഴിഞ്ഞപ്പോഴേ ആ ബ്ലോഗ് ആര്, എന്തിനുവേണ്ടി ഉണ്ടാക്കിയിരിക്കൂന്നതെന്ന് മനസിലായി. ബ്ലോഗ് വായിച്ചുതുടന്ങിയപ്പോഴേ ആ ബ്ലോഗിന്റെ ഉദ്ദേശം മനസിലായി. ഓർത്തഡോക്സ് വിഭാഗത്തിലെ ബിഷപ്പുമാരെ കളിയാക്കാനും മറ്റുമാണ് ആ ബ്ലോഗിലെ ഒട്ടുമിക്ക പോസ്റ്റുകളും പോസ്റ്റ് ചെയ്തിരിക്കൂന്നത്. പത്ത് പതിനഞ്ച് ബ്ലോഗ് പോസ്റ്റുകൾ വായിച്ച് വായന നിർത്തി.

സ്വന്തം ആശയന്ങൾ മറ്റുള്ളവരിൽ എത്തിക്കാനും ആശയപരമായി മറ്റുള്ളവരുടെ ആശയന്ങളെ എതിർക്കാനും ബ്ലോഗ് ഉപയോഗിക്കൂന്നതിൽ തെറ്റില്ല. പക്ഷേ ഒരു സമുദായ വിഭാഗത്തെ താഴ്ത്തിക്കാണിക്കാനും അവർക്കെതിരെ അസഭ്യഭാഷ ഉപയോഗിക്കാനും വേണ്ടിമാത്രം ഒരു ബ്ലോഗ് നിലനിർത്തിപ്പോരുക എന്ന് പറയുന്നത് ബ്ലോഗ് എന്ന മാധ്യമത്തോട് തന്നെ ചെയ്യുന്ന അനീതിയാണ്. ആ ബ്ലോഗിലെ ആശയത്തയോ പരാമർശിക്കുന്ന കേസുകളെയോ സഭാതർക്കത്തയോ സഭാകേസിനയോ ഞാൻ അനുകൂലിക്കുകയോ പ്രതികൂലിക്കുകയോ ചെയ്യുന്നില്ല. പക്ഷേ ബോധപൂർവ്വം ചെയ്യുന്ന അപകീർത്തികരവും ദോഷകരവുമായ ചില പോസ്റ്റുകളെ ചൂണ്ടികാണിക്കുകയേ ചെയ്യുന്നുള്ളൂ.(ഞാനീ ബ്ലോഗിലെ ഇരുപതോളം പോസ്റ്റുകള് മാത്രമേ നോക്കിയിട്ടുള്ളൂ)

ഒന്ന്

നവംബർ 9 ആം തീയതിയിലെ ഒരു ബ്ലോഗ് പോസ്റ്റിന്റെ തലക്കെട്ട് ഇന്ങനെയാണ്. 'ഓർത്തഡോക്സുകാർ അച്ചന്മാരുടെ കൈ മുത്താൻ ചെല്ലുന്ന സഹോദരന്ങൾ സൂക്ഷിക്കുക'. ഈ തലക്കെട്ടിനു താഴെ ഒരു ഫോട്ടോയും ഫോട്ടോയെക്കുറിച്ചുള്ള സൂചകവും ഉണ്ട്. ' മൊബൈൽ ഒളിക്യാമറയിൽ പതിഞ്ഞ ഫോട്ടോകൾ എന്നതിൽ ഉണ്ട്.(ചിത്രത്തെക്കുറിച്ച് പരുമലപള്ളി ബ്ലോഗുകാരൻ പറയുന്ന അറിവേ എനിക്കുള്ളൂ) മൊബൈൽ ജ്വരം ബാധിച്ച ഒരു തലമുറയുടെ പ്രതിനിധിയായി ഒളിഞ്ഞുനോട്ടം എന്ന മാനസിക രോഗം ബാധിച്ച ഒരുത്തനാണ് 'പരുമലപള്ളി' ബ്ലോഗ് കൊണ്ടൂ നടക്കുന്നത് എന്നാണ് എനിക്കിതിൽ നിന്ന് മനസിലായത്. ചെണ്ടകൊട്ടൂന്നതും പാട്ടുപാടുന്നതും ഡാൻസ് ചെയ്യുന്നതും ഒളിക്യാമറയിൽ പകർത്താൻ തക്കവണ്ണം ഉള്ള എന്തെങ്കിലും ആണോ?? രഹസ്യമായി ചെണ്ടകൊട്ടി തകർത്താടി എന്നൊക്കെ പറയുന്നതിനു മുമ്പ് തലച്ചോർ ഒന്ന് ഉപയോഗിക്കണം. ചെണ്ടകൊട്ടിയാൽ ശബദ്ദം വെളിയിൽ വരും. ശബ്ദ്ദം വെളിയിൽ വന്നാൽ രഹസ്യ്മായിട്ട് എന്തെങ്കിലും ചെയ്യാൻ പറ്റുമോ???

അന്യന്റെ കിടപ്പറയിലും സ്ത്രികളുടെ കുളിപുരകളിലും ഒളിക്യാമറ വെച്ച് പലതും പകർത്തി, അന്യന്റെ സ്വകാര്യതയിലേക്ക് കടന്നു കയറി അത് നാലാളെ കാട്ടി സ്വയംവലിയവനായി രസിക്കുന്നവരിൽ പെട്ട ഒരാൾ ആയിരിക്കണം 'പരുമലപള്ളി' ബ്ലോഗിൽ കോപ്പി പേസ്റ്റ് ചെയ്യുന്നത്..ഒളിക്യാമറയൊക്കെവെച്ച് ഇന്ങനെയുള്ള കാര്യന്ങൾ ചെയ്യുന്നത് ശുദ്ധ ചെറ്റത്തരവും തെണ്ടിത്തരവും അല്ലേ??? ചെണ്ട കൊട്ടുകയും പാട്ടുപാടുകയും ഡാൻസ് ചെയ്യുകയും ചെയ്തതുകൊണ്ട് 'ഓർത്തഡോക്സുകാർ അച്ചന്മാരുടെ കൈ മുത്താൻ ചെല്ലുന്ന സഹോദരന്ങൾ സൂക്ഷിക്കുക' എന്ന് പറയുന്ന 'പരുമലപള്ളി' ബ്ലോഗുകാരൻ 2011 ഒക്‌ടോബർ 11 ലെ ഈ മാതൃഭൂമി വാർത്ത വായിച്ചിട്ട് എന്തായിരിക്കൂം പറയുന്നത്???

രണ്ട്

2011 നവംബർ 11 ലെ അട്ടിൽ തോലണിഞ്ഞ ചെന്നായ് എന്ന തലക്കെട്ടിൽ പോസ്റ്റ് ചെയ്തിരിക്കൂന്ന ബ്ലോഗ് പോസ്റ്റാണ് താഴെ കൊടുത്തിരിക്കൂന്നത്. പരസ്പര ബഹുമാനത്തിന്റെ അതിർ വരമ്പുകൾ ലംഘിച്ചുകൊണ്ടുള്ള ഒരു പോസ്റ്റാണ് ഇത്. 'ഈ ഫോട്ടോയിൽ കാണൂന്ന കിളവൻ' എന്ന് ഒരു ബിഷപ്പിനെ വിളിക്കുമ്പോൾ തന്ങളുടെ സഭയിലെ ബിഷപ്പിന് 'ഫോട്ടോയിൽ കാണൂന്ന കിളവനെ'ക്കാൾ പ്രായം ഇല്ലേ എന്ന് 'പരുമലപള്ളി' ബ്ലോഗ്കാരൻ സ്വയം ചിന്തിക്കണമായിരുന്നു. നമ്മുടെ നീതിന്യായ വ്യവസ്ഥിതി അനുസരിച്ച് കുറ്റം ചെയ്യാൻ പ്രേരിപ്പിക്കുക എന്നുള്ളത് കുറ്റം കൃത്യം ചെയ്യുക എന്നതുപോലെ തന്നെയുള്ള ഗുരുതരമായ കുറ്റം അല്ലേ?? .'ഇവനേയും കൂട്ടരേയും കണ്ണിൽ കണ്ടാൽ കല്ലെടുത്ത് എറിയൂ ചെറുപ്പക്കാരേ' എന്ന് പറഞ്ഞ് ആക്രമണത്തിന് ആഹ്വാനം ചെയ്തുകൊണ്ടാണ് ഈ ബ്ലോഗ് പോസ്റ്റ് അവസാനിപ്പിക്കുന്നത്. ഒരു ക്രൈസ്തവ ആരാധനാലയത്തിന്റെ പേരിൽ, പരിശൂദ്ധ പിതാവേ ഞന്ങൾക്ക് വേണ്ടി അപേക്ഷിക്കണേ എന്ന് ബ്ലോഗ് തലക്കെട്ടിൽ എഴുതിവെച്ചിട്ടുള്ള ഒരു ബ്ലോഗിലാണ് ഇന്ങനെയുള്ള ആക്രമണത്തിന് ആഹ്വാനം ചെയ്തിരിക്കൂന്നത്!!!! പരിശൂദ്ധ പിതാവേ അന്ങയുടെ ആരാധനാലയത്തിന്റെ പേരിൽ പോക്രിത്തരം എഴുതികൂട്ടുന്നവനും വേണ്ടി അപേക്ഷിക്കണേ എന്ന് മാത്രമേ നമുക്കും പ്രാർത്ഥിക്കാൻ പറ്റൂ

മൂന്ന്

'പരുമലപള്ളി' ബ്ലോഗ്കാരന്റെ സങ്കുചിതമനസ്ഥിതിയുടേയും സ്ത്രിവിരുദ്ധതയുടെയും ഉദാഹരണമാണ് 'ശോഭനയെ കണ്ടപ്പോൾ മനസിൽ ലഡു പൊട്ടി' എന്നബ്ലോഗ് പോസ്റ്റ്. സ്ത്രിയെ കാണുമ്പോൾ അവളെ വെറും ഒരു ഉപഭോഗവസ്തുവായി കരുതുന്നവരുടെ കൂട്ടക്കാരുടെ നേതൃത്വം വഹിക്കുന്ന ആളായിരിക്കണം 'പരുമലപള്ളി' ബ്ലോഗുകാരൻ . അതോ സ്ത്രി ഒരിക്കലും നാലാളുടെ മുന്നിൽ നിൽക്കരുത്, അവൾ എപ്പോഴും വീട്ടിൽ തന്നെ കഴിയേണ്ടവളാണ് എന്നൊക്കെയായിരിക്കും ഇപ്പോഴും 'പരുമലപള്ളി' ബ്ലോഗുകാരന്റെ വിശ്വാസം. അയാളുടെ വിശ്വാസം അയാളെ രക്ഷിക്കട്ടെ !!!

നാല്

വ്യക്തി അധിക്ഷേപത്തിനപ്പുറം ഈ ബ്ലോഗ് പോസ്റ്റുകൊണ്ട് 'പരുമലപള്ളി' ബ്ലോഗുകാരൻ എന്തെങ്കിലും അർത്ഥമാക്കുന്നുണ്ടന്ന് തോന്നുന്നില്ല.

'പരുമലപള്ളി' ബ്ലോഗുകാരന്റെ നിലപാടുകൾ തന്നെയായിരിക്കൂം ആ സമുദായവിഭാഗത്തിൽ ഉള്ളവർക്ക് എന്ന് എനിക്ക് അഭിപ്രായം ഇല്ല. മറ്റേതെങ്കിലും ഒരു ബ്ലോഗ് ഡൊമൈനിൽ ആയിരുന്നു ഇയാൾ ഇത്തരം പോസ്റ്റുകൾ ഇട്ടിരുന്നത് എങ്കിൽ ഈ പോസ്റ്റുകളെക്കുറിച്ച് എന്തെങ്കിലും അഭിപ്രായം ഞാൻ പറയുകയില്ലായിരുന്നു. പക്ഷേ ലക്ഷക്കണക്കിന് ആളുകൾ ആരാധനയ്ക്കായി എത്തുന്ന പരുമലപള്ളിയുടെ പേരിലുള്ള ഒരു ബ്ലോഗ് ഡൊമൈനിൽ ഇത്തരം പോസ്റ്റുകൾ കാണുമ്പോൾ പ്രതികരിക്കേണ്ടത് ഒരു ബ്ലോഗർ എന്നനിലയിലും പരുമലപള്ളിയിൽ പോകുന്ന ഒരു വിശ്വാസിഎന്ന് നിലയിലും എന്റെ ചുമതലയാണന്ന് ഞാൻ കരുതുന്നു.

പരുമലപള്ളിയുടെ പേരിലുള്ള ബ്ലോഗ് ഡൊമൈനിൽ ഇത്തരം പോസ്റ്റുകൾ കണ്ടതുകൊണ്ട് മാത്രമാണ് ഇന്ങനെ ഒരു പ്രതികരണം. ആശയ സംവാദത്തിനുള്ള വേദികളായിരിക്കണം ബ്ലോഗ് പോലുള്ള പൊതുഇടന്ങൾ. ബ്ലോഗ് പോലുള്ള പബ്ലിക് സ്പേസിലെ ചുമ്മാതുള്ള വിമർശനം ഒരു പരിധിക്കപ്പുറത്തേക്ക് പോയിക്കഴിഞ്ഞാൽ ആ വിമർശനത്തിന്റെ തലം മറ്റൊന്നാകും. സൈബർ ക്രൈമിന്റെ അർത്ഥവ്യാപ്തി 'പരുമലപള്ളി' ബ്ലോഗുകാരന് അറിയാഞ്ഞിട്ടാണോ അതോ എനിക്കൊരു നിയമവും ബാധകമല്ല എന്നൊരു ചിന്തയാണോ എന്നറിയില്ല. സ്വന്തം ചിന്തകൾക്കും അഭിപ്രായന്ങൾക്കും ആശയന്ങൾക്കും അപ്പുറം വ്യക്തി/സമുദായ/മത അധിക്ഷേപന്ങൾ ഒഴിവാക്കേണ്ടതാണ്.കുറഞ്ഞ പക്ഷം ഒരു ആരാധനാലയത്തിന്റെ പേരിലുള്ള ബ്ലോഗിൽ നിന്നെങ്കിലും ഇത്തരം അധിക്ഷേപന്ങൾ ഒഴിവാക്കണം.

മനോരമയ്ക്കിത് ബഹിഷ്ക്കരണകാലം

2011-11-06T22:12:00.001+05:30

ആരുവന്നാലും കോഴിക്ക് കിടക്കപ്പൊറുതി ഇല്ലന്ന് പറഞ്ഞതുപോലെയായി മനോരമയുടേ കാര്യം. പലയിടത്തും ബഹിഷ്ക്കരണത്തോട് ബഹിഷ്ക്കരണം. പാണ്ടൻ നായുടെ ശൗര്യം പണ്ടേപോലെ ഫലിക്കുന്നില്ല എന്ന പഴഞ്ചൊല്ല് മനോരമയെക്കുറിച്ചാണന്ന് ആരെങ്കിലും പറഞ്ഞാൽ അത് തെറ്റാണന്ന് പറയാൻ പറ്റില്ല.കാര്യന്ങളുടെ ഏകദേശ പോക്ക് ആ വഴിക്കാണിപ്പോൾ. ഒരു വശത്തൂന്ന് ഏജന്റുമാർ പത്രം ബഹിഷ്ക്കരിക്കുമ്പോൾ മറുവശത്തൂന്ന് മതവിഭാഗം പത്രം ബഹിഷ്ക്കരിക്കുന്നു. അതും ഓർത്തഡോക്സുകാർ !!! ഓർത്തഡോക്സ് സഭയുടെ പത്രമാണ് മനോരമ എന്നൊക്കെയായിരുന്നു ഒരു ധാരണ. പക്ഷേ ആ ധാരണയും ഇപ്പോൾ പോയിക്കിട്ടി.

തന്ങൾക്ക് ഇഷ്ടമല്ലാത്ത വാർത്തകൾ നൽകുന്ന മാധ്യമന്ങളെ പലരും ബഹിഷ്ക്കരിച്ചിട്ടൂണ്ട്.ടിവി ചാനലുകൾ റിമോട്ട്ഞെക്കി മാറ്റാവുന്ന സമയത്ത് ഏഷ്യാനെറ്റിനെ ഒരു ക്രിസ്ത്യൻ സഭ കുറച്ച് മണിക്കൂർ സമയത്തേക്ക് ബഹിഷ്ക്കരിച്ചിട്ടുണ്ട്. സിനിമാലയിൽ അഭയക്കേസിനെ അടിസ്ഥാനമാക്കിയുള്ള കോമഡി വന്നതിന്റെ ആഫറ്റർ ഇഫക്റ്റായിരുന്നു ആ ബഹിഷ്ക്കരണം. ആ ബഹിഷ്ക്കരണം വിജയിച്ചോ ഇല്ലയോ എന്ന് പറയാൻ പറ്റില്ലങ്കിലും ചില സംഘടനകൾ എടുത്തിട്ടുള്ള പത്രന്ങൾക്കെതിരെയുള്ള ബഹിഷ്ക്കരണം വിജയം തന്നെ ആയിരുന്നു.

തന്ങൾക്ക് ഇഷ്ടമല്ലാത്ത / ഹിതകരമല്ലാത്ത വാർത്തകൾ പ്രസിദ്ധീകരിക്കുന്ന അച്ചടിമാധ്യമന്ങളെ വായനക്കാർ ബഹിഷ്ക്കരിക്കുന്നത് പുതിയ കാര്യമൊന്നും അല്ല. അതുകൊണ്ട് വായനക്കാരുടെ പ്രാദേശിക ഭൂരിപക്ഷം നോക്കി മതം,രാഷ്‌ട്രീയം ഒക്കെ നോക്കിയാണ് പത്രന്ങൾ വാർത്ത നൽകുന്നതും. എല്ലാവായനക്കാരനേയും തൃപതിപ്പെടൂത്തി വാർത്ത പ്രസിദ്ധീകരിക്കാൻ ഒരു മാധ്യമത്തിനും കഴിയുകയും ഇല്ല. ചില കാര്യന്ങളിൽ നിഷ്‌പക്ഷത്തിന് പകരം പക്ഷം പിടിച്ചുള്ള വാർത്തകൾ ഉണ്ടങ്കിൽ മാത്രമേ മുന്നോട്ടുപോകാൻ സാധിക്കുകയുള്ളൂ എന്ന് തോന്നുന്നു. ചരിത്രത്തെപ്പോലും തന്ങൾക്ക് ഇഷ്ടമുള്ള രീതിയിൽ എഴുതാൻ ശ്രമിക്കുകയും അത് മറ്റുള്ളവരെ പഠിപ്പിക്കാൻ ശ്രമിക്കുന്നവരും, തന്ങൾക്ക് ഹിതകരമല്ലാത്ത പാഠഭാഗന്ങൾ ഉള്ള പുസ്തകം/പാഠഭാഗം സ്കൂളുകളിൽ ബഹിഷ്ക്കരിക്കുകയും ചെയ്യുകയും ചെയ്യുന്നവർ ഉള്ളപ്പോൾ വാർത്തകളിലെ ഇഷ്ടമില്ലായമ പത്രന്ങളെ ബഹിഷ്ക്കരിക്കാൻ ചിലരെ പ്രേരിപ്പിക്കാം.

വടക്കൻ കേരളത്തിൽ നടക്കൂന്ന പത്ര ഏജന്റുമാരുടേ മനോരമ മാതൃഭൂമി ബഹിഷ്ക്കരണം ഈ പത്രന്ങളിൽ പ്രസിദ്ധീകരിച്ച ഹിതകരമല്ലാത്ത വാർത്തകളുടെ പേരിലല്ലന്ന് ഏജന്റുമാർ പറയുന്നു. പക്ഷേ പത്രന്ങൾ പറയുന്നത് തിരിച്ചാണ്.പത്ര ഏജന്റുമാർ തന്ങൾക്ക് ലഭിക്കുന്ന കമ്മീഷൻ കുറവായതുകൊണ്ട് അത് കൂട്ടികിട്ടാൻ വേണ്ടിയുള്ള സമരത്തിനു തുടക്കം കുറിച്ചുകൊണ്ട് സെപറ്റംബർ മൂന്നിന് സംസ്ഥാനം ഒട്ടാകെ പത്രം വിതരണം ചെയ്യാതെ സമരം ചെയ്തു. അതിനെതുടർന്ന് ഉണ്ടായ ഏജന്റ്-പത്രസ്ഥാപന പ്രശനന്ങളാണ് മനോരമ,മാതൃഭൂമി പത്രന്ങളുടെ ബഹിഷ്ക്കരണത്തിന് തന്ങളെ നിർബന്ധിതരാക്കിയതന്ന് ഏജന്റുമാർ പറയുന്നു . സിപിമ്മിലെ പ്രശ്നന്ങൾ മനോരമ ഫീച്ചറാക്കിയതുകൊണ്ട് ആ വാർത്ത ജനന്ങളിൽ എത്താതിരിക്കാൻ യൂണിയൻ ഇടപെട്ടാണ് ഏജന്റുമാരെകൊണ്ട് പത്രം വിതരണം ചെയ്യിക്കാത്തതെന്ന് പത്രന്ങളും ആരോപിക്കുന്നു.
ഓർത്തഡോക്സ്-പാത്രിയർക്കീസ് സഭാക്കേസിനെ തുടർന്നുള്ള വാർത്തകളെതുടർന്നായിരിക്കണം ഓർത്തഡോക്സ് സഭയിലെ കോലഞ്ചേരി,കടമറ്റം,കണ്ടനാട് ഇടവകയിലെ ജനന്ങൾ മനോരമയും മംഗളവും ബഹിഷ്ക്കരിക്കൂന്നത്. ഇതിൽ മനോരമ ഓർത്തഡോക്സ് പക്ഷത്തോട് അനുകൂലവും മംഗളം പാത്രിയർക്കീസ് പക്ഷത്തോട് അനുകൂലവും ആയ പത്രം ആണ്. (നമ്മൾ ഒരു പാർട്ടിപത്രം എന്നൊക്കെ പറയുന്നതുപോലെ മംഗളത്തെ പാത്രിയർക്കീസ് പത്രം എന്ന് വിളിക്കാം എന്നാണ് ഒരു വായനക്കാരൻ എന്ന നിലയിൽ എനിക്ക് തോന്നുന്നത്). സഭാക്കെസിലെ വാർത്തകൾ പ്രസിദ്ധീകരിക്കുകവഴി മനോരമയ്ക്ക് പണ്ടും ബഹിഷ്ക്കരണം ഉണ്ടായിട്ടൂണ്ട്.

'ലവ് ജിഹാദ്' വാർത്തകൾ പ്രസിദ്ധീകരിച്ചതിനെ തുടർന്ന് എറണാകുളം എടവനക്കാട്ട് മനോരമ,മാതൃഭൂമി പത്രന്ങൾ 2010 ഫെബ്രുവരിയിൽ ബഹിഷ്ക്കരണം നടന്നിരുന്നു. ദേ, ഇപ്പോൾ ഓർത്തഡോക്സുകാരുടെ വകയായിട്ടുള്ള പത്രബഹിഷ്ക്കരണവും. വിദേശവസ്ത്രന്ങൾ ബഹിഷ്ക്കരിച്ച് സ്വാതന്ത്ര്യത്തിന് വേണ്ടി പോരാടിയവരുടെ ജീവിത കഥവായിച്ചതിന്റെ ഫലമായി മനോരമയും മംഗളവും ബഹിഷ്ക്കരിച്ചാൽ സഭാക്കേസിൽ തന്ങൾക്കും വിജയിക്കാൻ പറ്റും എന്ന് കരുതി പത്രന്ങളെ ബഹിഷ്ക്കരിച്ചതാണോ എന്ന് അറിയാൻ ഒരു മാർഗ്ഗവും ഇല്ല. എന്തായാലും ഓർത്തഡോക്സ് സഭയിലെ മൂന്ന് ഇടവകകൾ മനോരമയും മംഗളവും ബഹിഷ്ക്കരിച്ച സ്ഥിതിക്ക് സഭയിലെ മറ്റ് ഇടവകയിലേക്കു ബഹിഷ്ക്കരണം ഉണ്ടാവുമോ? എല്ലാ ഇടവകയിലും അന്ങ് മനോരമ ബഹിഷ്ക്കരിച്ചാൽ പള്ളിപ്പെരുന്നാളിന് കൊടി ഉയർത്തുന്നതും കുരിശും മൂടിന്റെ കൂദാശയുടേയും പള്ളിപെരുന്നാളിന്റേയും ഒക്കെ പടം ഏത് പത്രത്തിൽ ഇടും???നുണപ്രചരണന്ങൾ നടത്തുന്ന മനോരമയും മംഗളവും ബഹിഷ്ക്കരിക്കുന്നു എന്നാണ് പോസ്‌റ്റർ. പക്ഷേ എന്തെല്ലാം നുണകൾ ആണ് ആ പത്രന്ങൾ പ്രചരിപ്പിക്കൂന്നതന്ന് അറിയാൻ നമുക്ക് മാർഗ്ഗമൊന്നും ഇല്ല. തന്ങൾ പത്രം ബഹിഷ്ക്കരിക്കൂന്നതുകൊണ്ട് ഈ പത്രന്ങൾ നുണപ്രചരണം അവസാനിപ്പിക്കും എന്ന് ഈ മൂന്ന് ഇടവകക്കാരും കരുതുന്നുണ്ടാവുമോ? എല്ലങ്കിൽ തന്നെ നമ്മുടെ മലയാളത്തിലെ ഏത് പത്രമാ നിഷ്‌പക്ഷമായി വാർത്തകൾ നൽകുന്നത്. എല്ലാ പത്രന്ങൾക്കും തന്ങളുടേതായ രാഷ്ട്രീയ മത ചായ്‌വ് ഉണ്ട് എന്നതിൽ ആർക്കും സംശയം ഉണ്ടാവാൻ വഴിയില്ല.

(മുകളിലെ ലിസ്റ്റ് എന്റെ അഭിപ്രായം മാത്രം)

ഓരോരുത്തർക്കും പ്രാർത്ഥിക്കാൻ ഓരോരോ കാരണന്ങൾ ഉണ്ടന്ന് പറഞ്ഞതുപോലെ ഓരോരുത്തർക്കും പത്രം വായിക്കാനും ചില കാരണന്ങൾ ഉണ്ടാവും. മനോരമയിൽ വാർത്തയെക്കാൾ കൂടുതൽ പരസ്യമാണന്ന് പറഞ്ഞ് മനോരമ നിർത്തി മംഗളം വരുത്തിയ ആൾ വീണ്ടൂം മനോരമയിലേക്ക് തന്നെ മാറി. വീണ്ടൂം മനോരമ വരുത്താനുള്ള കാരണം പറഞ്ഞത് നാട്ടിൽ ആരൊക്കെ മരിച്ചന്ന് അറിയാൻ മനോരമ തന്നെ വേണം.

ഓഫ് :
നുണപ്രചരണം നടത്തുന്നതുകൊണ്ട് ദേശാഭിമാനി ബഹിഷ്ക്കരിക്കൂന്നു എന്ന് പറഞ്ഞ് യൂത്ത് കോൺഗ്രസ് പോസ്റ്റർ അടിച്ചാൽ എന്ങനെയിരിക്കൂം. അതുപോലെയുള്ളൂ നുണപ്രചരണം നടത്തുന്ന മംഗളം ബഹിഷ്ക്കരിക്കുന്നു എന്നുള്ള ഓർത്തഡോക്സ് യുവജനപ്രസ്ഥാനത്തിന്റെ പോസ്റ്റർ.

അരിയില്ലങ്കില്‍ എന്താ,വയറു നിറയ്ക്കാന്‍ നമുക്ക് ആവശ്യത്തിന് വിവാദങ്ങള്‍ ഉണ്ടല്ലോ

2011-10-30T06:54:00.000+05:30

ഇന്നത്തെ(30-10-11) മാതൃഭൂമിയിലെ വാര്‍ത്തയാണ് ഇതെഴുതാനുള്ള കാരണം.വാര്‍ത്ത താഴെ

എവിടെ നോക്കിയാലും വിവാദമാണ്. രാവിലെ ഒന്ന് ഉച്ചയ്ക്കൊന്ന് വൈകിട്ട് ഒന്ന്. ഓരോരോ ചാനലിന്റേയും വക ഓരോരോ വിവാദം. ഇന്ന് രാവിലെ വെക്കുന്ന ചോറ് പിറ്റേന്ന് രാവിലെ എടുത്ത് കളയുന്നതുപോലെയുള്ളൂ ചില വിവാദങ്ങള്‍. ഫ്രിഡ്ജില്‍ എടുത്ത് വെയ്ക്കൂന്ന ചോറ് ഇടയ്ക്കിടയ്ക്ക് എടൂത്ത് ചൂടാക്കൂന്നതുപോലെ ചില വിവാദങ്ങള്‍ ഇടയ്ക്കിടയ്ക്ക് എടുത്ത് ചൂടാക്കി നിലനിര്‍ത്തും. അവസാനം ആ വിവാദവും എടുത്ത് വെളിയില്‍ കളയും.

ഇനി ഒരു മൂന്നുമാസം കഴിയുമ്പോള്‍ അരിവില കിലോയ്ക്ക് മുപ്പത്തഞ്ച്-നാല്പതു രൂപ ആകുമ്പോള്‍ നമ്മുടെ എല്ലാ ടീംസുംകൂടെ ഇറങ്ങും. വിലക്കയറ്റത്തിനു പിന്നില്‍ ഭരണപക്ഷമെന്ന് പ്രതിപക്ഷം ആരോപിക്കും.ഭരണപക്ഷത്തിന്റെ സാമ്പത്തിക നയങ്ങളാണ് അരിക്ക് വില കൂടാന്‍ എന്ന് പ്രതിപക്ഷ സാമ്പത്തിക വിദഗദ്ധര്‍ ആരോപിക്കും .ഞങ്ങളെ പ്രതിപക്ഷം ഭരിക്കാന്‍ സമ്മതിക്കാത്തതുകൊണ്ടാണ് വില കൂടിയതെന്ന് ഭരണപക്ഷം പറയും. ആരാണ് വിലക്കയറ്റത്തിനു പിന്നില്‍ എന്നുള്ള ആരോപണപ്രത്യാരോപണത്തിനു പിന്നിലെ വിവാദങ്ങള്‍ ചാനലുകള്‍ നമുക്ക് വിളമ്പിത്തരം. ആ വിവാദങ്ങള്‍ കഴിച്ച് വയറു നിറയാത്തവര്‍ക്ക് വേണമെങ്കില്‍ മുപ്പത്തഞ്ചോ നാല്പതോ രൂപയക്ക് അരി വാങ്ങി കഞ്ഞി വെച്ച് കുടിക്കാം.

അരിയുടെ വിലക്കയറ്റത്തില്‍ പ്രതിഷേധിച്ച് ഉപവാസവും ധര്‍ണ്ണയും ഉപരോധവും വഴിതടയലും ഹര്‍ത്താലും സമരവും അവസാനം ഒരു പോലീസ് വെടിവയ്പും ഉണ്ടായേക്കും. അപ്പോഴും ആരാണ് വെടി വെച്ചത് ആരുടെ തോക്കിലെ ഉണ്ടയാണ് വെളിയിലേക്ക് തെറിച്ചത് എന്നൊക്കെയുള്ള പുതിയ വിവാദങ്ങള്‍ ഉണ്ടാകും. ആ വിവാദങ്ങള്‍ ലൈവ് ചര്‍ച്ചകളായും വിവിധ ടോക്ക് ഷോ(ക്ക്)കളായും ചാനലുകള്‍ നമുക്ക് വിളമ്പിത്തരം.ആ വിവാദങ്ങള്‍ കഴിച്ച് വയറു നിറയാത്തവര്‍ക്ക് വേണമെങ്കില്‍ മുപ്പത്തഞ്ചോ നാല്പതോ രൂപയക്ക് അരി വാങ്ങി കഞ്ഞി വെച്ച് കുടിക്കാം.

മൂന്ന് മാസം കഴിഞ്ഞ് നടത്താന്‍ വെച്ചിരിക്കുന്ന സമരത്തിന്റെ ഊര്‍ജ്ജം ഇന്നേ തരിശായി കിടക്കുന്ന നെല്‍പ്പാടങ്ങളില്‍ നിക്ഷേപിക്കരുതോ???

കൃഷി ഇല്ലാതെ ഒഴിഞ്ഞു കിടക്കൂന്ന നെല്‍പ്പാടങ്ങളില്‍ കൃഷി ഇറക്കാന്‍ പോകുന്നവരും ഒരു നിമിഷം ചിന്തിക്കും. നമ്മളെന്തിനാ ഇങ്ങനെ കിടന്ന് കഷ്ടപ്പെടുന്നത്!!! ഒരു രൂപയും രണ്ടു രൂപയും കൊടുത്താല്‍ ഒരു കിലോ അരി കിട്ടുമെങ്കില്‍ പിന്നെന്തിനാ നഷ്ടങ്ങളുടെ കണക്കുകള്‍ മാത്രം പലപ്പോഴും പറയുന്ന നെല്‍കൃഷി ചെയ്യുന്നത്. ഒന്നും ചെയ്യാതെ കൈയ്യടി മാത്രം വാങ്ങാന്‍ ആഗ്രഹിക്കുന്ന ഭരണപക്ഷം-പ്രതിപക്ഷം ഉള്ള ഒരു രാജ്യത്ത് ഇതിനപ്പുറത്തേക്ക് യാതൊന്നും പ്രതീക്ഷിക്കേണ്ട കാര്യവും ഇല്ല. കേരളം ഒരു പൂര്‍ണ്ണ ഉപഭോക്‍ത്ര സംസ്ഥാനം ആണന്ന് പറയുമ്പോള്‍ തന്നെ നിലവിലുള്ള സാഹചര്യങ്ങള്‍ പൂര്‍ണ്ണമായി ഉപയോഗിച്ചു കൊണ്ട് നമ്മുടെ സംസ്ഥാനത്തിന് എന്തുകൊണ്ട് ഭക്ഷ്യ ഉല്പാദനം വര്‍ദ്ധിപ്പിക്കാന്‍ കഴിയുന്നില്ല??? അതിന് കാരണം തേടി എവിടേയും അലയേണ്ട കാര്യമില്ല. ഒരു വശത്ത് നെല്‍‌കൃഷി വര്‍ദ്ധിപ്പിക്കാന്‍ നടപിടി എടുക്കൂമ്പോള്‍ മറുവശത്ത് ഒരു രൂപയ്ക്കും രണ്ടു രൂപയ്ക്കും അരി വിതരണം ചെയ്യുന്നു. ഒരു രൂപയ്ക്കും രണ്ടു രൂപയ്ക്കും അരി ലഭിക്കുമ്പോള്‍ എപ്പോള്‍ വേണമെങ്കിലും നഷ്ടങ്ങള്‍ സംഭവിക്കാവുന്ന നെല്‍കൃഷിയിലേക്ക് ആളുകള്‍ എത്തുമെന്ന് കരുതാന്‍ ആവുമോ??? ഇങ്ങനെയുള്ള തെറ്റായ ‘കൈയ്യടി വാ‍ങ്ങല്‍’ പദ്ധതികള്‍ കൊണ്ട് ഇല്ലാതാകുന്നത് നമ്മുടെ സംസ്ഥാനത്തിന്റെ അടിക്കല്ല് തന്നെയാണ്.

ഉത്പാദനചിലവിന് ആനുപാതികമായ ഒരു വിലയെങ്കിലും നെല്ലിന് കര്‍ഷകര്‍ക്ക് ലഭിക്കണം. ഒരു കിലോ നെല്ലിന് കര്‍ഷകന് എട്ടു രൂപ ലഭിക്കുമ്പോള്‍ അതില്‍ നിന്ന് ഉത്പാദിപ്പിക്കൂന്ന അരി ഉപഭോക്താവിന് കിലോയ്ക്ക് രണ്ട് രൂപായ്ക്ക് കിട്ടുമ്പോള്‍ കര്‍ഷകന്‍ ആരായി? കര്‍ഷകന് കിട്ടാനുള്ളത് കിട്ടിയിട്ടുണ്ട് എന്ന് പറയാമെങ്കിലും ഉത്പാദനചിലവിന്റേയും വില്പന വിലയുടേയും അന്തരം കര്‍ഷകനെ സംബന്ധിച്ചിടത്തോളം അവനെ നെല്‍ കൃഷിയില്‍ നിന്ന് പിന്‍‌വലിയാന്‍ നിര്‍ബന്ധിതനാക്കൂന്ന പ്രധാനഘടകമാണ്.

ഭക്ഷ്യസാധനങ്ങള്‍ക്ക് വിലകൂടാനുള്ള കാരണം ഭക്ഷ്യസാധനങ്ങളുടെ ഉല്പാദനകുറവു തന്നെയാണ്. ഉല്പാദനം കുറയുമ്പോള്‍ വില കൂടും. സാധങ്ങള്‍ക്ക് വില കൂടൂന്നതിന് കാരണം ആളുകള്‍ കൂടുതല്‍ സാധനങ്ങള്‍ വാ‍ങ്ങികഴിക്കുന്നതുകൊണ്ടാണന്ന് ഭക്ഷ്യമന്ത്രി തന്നെ പറയുമ്പോള്‍ ആ മനുഷ്യന്റെ വിവരക്കേട് എന്തുമാത്രമാണന്ന് ജനങ്ങള്‍ക്ക് മനസിലാക്കാന്‍ സാധിക്കും. അരിക്ക് വില കൂടുമ്പോള്‍ അരിആഹാരങ്ങള്‍ക്ക് പകരം കോഴിയും പാലും ആഹാരത്തില്‍ ഉള്‍പ്പെടുത്താല്‍ ഉപദേശിക്കുന്നവരും നമ്മുടെ നാട്ടില്‍ ഉണ്ട്. വിലക്കയറ്റം ഉണ്ടാകുമ്പോള്‍ ആരോപണപ്രത്യാരോപണങ്ങള്‍ക്ക് ഒരു കുറവും ഇല്ലാത്ത നാടാണ് നമ്മുടേത്.

നമ്മുടെ തൊഴില്‍‌ഉറപ്പ് പദ്ധതികളില്‍ ഉള്‍പ്പെടൂത്തി നമ്മുടെ സര്‍ക്കാരിന് തന്നെ ഭക്ഷ്യ ഉത്പാദനം വര്‍ദ്ധിപ്പിക്കാന്‍ സാധിക്കും.ഇപ്പോള്‍ നമ്മുടെ ഒട്ടുമിക്ക പഞ്ചായത്തുകളിലും തൊഴില്‍ ഉറപ്പ് പദ്ധതി എന്ന് പറയുന്നത് വര്‍ഷം തോറും നടത്തുന്ന റോഡിന്റെ വശങ്ങളിലെ പുല്ല് ചെത്തിക്കളയുകയും കാനകോരുകയും ചെയ്യുന്നതാണ്. ഒരു മഴ കഴിയുമ്പോള്‍ കാന നികരും. എന്തുകൊണ്ട് തൊഴില്‍‌ഉറപ്പ് പദ്ധതിയില്‍ കൂടി ഉറപ്പാക്കൂന്ന തൊഴില്‍ ദിനങ്ങള്‍ തരിശായി കിടക്കുന്ന നെല്‍പ്പാടങ്ങളില്‍ കൃഷി ഇറക്കാന്‍ വേണ്ടി ഉപയോഗിച്ചു കൂടാ? ചില അയല്‍‌ക്കൂട്ടങ്ങള്‍ പാട്ടത്തിനെടൂത്ത് നെല്‍കൃഷി നടത്തുന്നുണ്ട്.(കൃഷി വന്‍ നഷ്ടമായി കൃഷി നിര്‍ത്തിയവരും ഉണ്ട്) ആ മാതൃക പഞ്ചായത്തുകള്‍ ഏറ്റെടുക്കണം. കൃഷി വകുപ്പ് എന്നൊരു വകുപ്പും അതില്‍ ജോലിക്കാരും നമ്മുടെ നാട്ടില്‍ ഉണ്ട്. അവര്‍ ആവശ്യമായ നിര്‍ദ്ദേശങ്ങള്‍ പഞ്ചായത്തുകള്‍ക്ക് നല്‍കട്ടെ. തരിശ് കിടക്കൂന്ന നെല്‍പ്പാടങ്ങള്‍ ഏറ്റെടുത്തോ പാട്ടത്തിനെടൂത്തോ അയല്‍ക്കൂട്ടങ്ങളെ(കുടുംബശ്രി) ഏല്‍പ്പിച്ച് തൊഴില്‍‌ഉറപ്പ് പദ്ധതി പ്രകാരം തൊഴില്‍ ദിനങ്ങള്‍ സൃഷ്ടീച്ച് കൃഷിപ്പണികള്‍ ചെയ്യാന്‍ സാധിക്കണം(ഒട്ടുമിക്കയിടത്തും അയല്‍ക്കൂട്ടങ്ങളില്‍ ഉള്ളവര്‍ തന്നെയാണ് തൊഴില്‍ ഉറപ്പ് പദ്ധതിയിലും ഉള്ളത്).

സംഘടനകള്‍ക്ക് യാതൊരു കുറവും ഇല്ലാത്ത നാടാണ് നമ്മുടേത്. രണ്ട് പേര്‍മാത്രം തൊഴിലെടുക്കുന്ന ഒരു തൊഴില്‍‌മേഖലയില്‍ മാത്രം അവരെ ‘സംരക്ഷിക്കാന്‍‘ നാലു സംഘടനകളും എട്ടു നേതാക്കളും കാണും. ഈ സംഘടനകള്‍ക്ക് രാഷ്ട്രീയ പിന്തുണയും ഉണ്ടാവും. അയല്‍ക്കൂട്ടം-കുടുംബശ്രിയ്ക്ക് പകരം ജനശ്രി ഉയര്‍ത്തിക്കൊണ്ടുവരാന്‍ കോണ്‍ഗ്രസ് ശ്രമിക്കുന്നത് (ശ്രമിച്ചത്) നമ്മള്‍ കാണുന്നുണ്ട്.(കുടുംബശ്രിയ്ക്ക് എതിരല്ല ജനശ്രി എന്ന് കോണ്‍ഗ്രസ് പറയുന്നുണ്ടങ്കിലും). സംഘടനകള്‍ക്ക് ഒരു ക്ഷാമവും ഇല്ല. അവകാശങ്ങള്‍ നേടിയെടുക്കാനും പ്രതിഷേധ സമരങ്ങള്‍ നടത്താനും മാത്രമാകരുത് സംഘടനകള്‍. രാജ്യത്തിന്റെ പുരോഗതിക്ക് വേണ്ടി എന്തെങ്കിലും ചെയ്യാന്‍ സംഘടനകള്‍ക്ക് സാധിക്കണം. വിലക്കയറ്റത്തിനെതിരെ പോരാട്ടം നടത്തുന്ന സംഘടനകള്‍ക്ക് ഭക്ഷ്യ ഉല്‍പാദനം വര്‍ദ്ധിപ്പിക്കാനുള്ള ചുമതല കൂടി ഉണ്ട്. (പെട്രോള്‍ വില വര്‍ദ്ധനയ്ക്കെതിരേ പോരാടൂന്ന സംഘടനകള്‍ക്ക് പെട്രോള്‍ ഉല്പാദനം വര്‍ദ്ധിപ്പിക്കാന്‍ കഴിയുമോ എന്നുള്ള ചോദ്യം പ്രതീക്ഷിക്കുന്നു.). തങ്ങളുടെ മുന്നിലെ നെല്‍പ്പാടങ്ങള്‍ തരിശായി കിടക്കുമ്പോള്‍ അരിവില വര്‍ദ്ധനവിന് എതിരെ സമരം നടത്തുന്ന ആളുകള്‍ക്ക് ആ ഊര്‍ജ്ജം എന്തുകൊണ്ട് ആ തരിശ് നെല്‍പ്പാടങ്ങളില്‍ കൃഷി ചെയ്യാന്‍ ഉപയോഗിക്കാന്‍ പറ്റുന്നില്ല???

ഉപഭോക്‍തൃ സംസ്ഥാനമായ കേരളത്തിന് ഭക്ഷ്യവിലക്കയറ്റത്തിന് എതിരായ സമരങ്ങള്‍ അല്ല ആവശ്യം. വിലക്കയറ്റം ഇല്ലാതാക്കാനുള്ള ഭക്ഷ്യ ഉത്പാദന വര്‍ദ്ധനവാണ് ആവശ്യം. അതിന് നമ്മുടെ സര്‍ക്കാരാണ് നടപടികള്‍ എടുക്കേണ്ടത്. അത്തരം നടപടികള്‍ എടുക്കുമ്പോള്‍ പ്രതിപക്ഷവും അതില്‍ ഭാഗമാവണം. ഭരണ-പ്രതിപക്ഷ യുവജനസംഘടനകള്‍ക്ക് ഭക്ഷ്യസുരക്ഷയില്‍ ഒരു വലിയ മാറ്റം വരുത്താന്‍ കഴിയും. അതിനവര്‍ നിരത്തിലെ പ്രതിഷേധസമരങ്ങളില്‍ നിന്ന് പാടങ്ങളിലേക്ക് ഇറങ്ങണം എന്നുമാത്രം. ചെയ്യാന്‍ കഴിയുന്നത് ചെയ്യാന്‍ സാധിക്കുന്നില്ലങ്കില്‍ പതിവുപോലെ നമുക്ക് വിവാദങ്ങള്‍ തിളയ്ക്കുന്നതും കാത്ത് കഞ്ഞിക്കലത്തിനു മുന്നില്‍ നില്‍ക്കാം.

ഇതിൽ ഏതാണ് ലൈവ് ??

2011-10-24T21:51:00.000+05:30

ഇന്നത്തെ(ഒക്‌ടോബർ 24 തിങ്കൾ) ഏഷ്യാനെറ്റ് , ഇന്ത്യാവിഷൻ ചാനലുകളിലെ ഒൻപതുമണീ വാർത്തയിൽ നിന്ന്...

ഒരേ സമയം തോമസ് ഐസക്കിനും ടി.എൻ പ്രതാപനും രാമചന്ദ്രൻ മാസ്റ്റർക്കും രണ്ട് ചാനൽ ചർച്ചകളിൽ എന്ങനെ പങ്കെടുക്കാൻ കഴിയുന്നു???

ഭൂമിയിലെ മാലാഖമാര്‍ ആത്മഹത്യചെയ്യുമ്പോള്‍ !!!

2011-10-22T22:20:00.000+05:30

ഒരിക്കലെങ്കിലും ജീവിതത്തില്‍ ആശുപത്രിയില്‍ പോകാത്തവരുണ്ടോ? കാണീല്ല. അവിടെ നിങ്ങളുടെ വേദനയിലും തളര്‍ച്ചയിലും തകര്‍ച്ചയിലും കൈപിടിച്ചു കൊണ്ട് ,നിങ്ങളെ ആശ്വസിപ്പിച്ചുകൊണ്ട് അവര്‍ ഉണ്ടാവും. ഭൂമിയിലെ മാലാഖമാര്‍. വെളുത്ത വസ്ത്രത്തിനുള്ളില്‍ നിറഞ്ഞ ചിരിയുമായി നമ്മുടെ വേദനകള്‍ ഒപ്പിയെടുക്കാനായി ഈശ്വരന്‍ അയച്ച മാലാഖമാര്‍. അവര്‍ നമ്മള്‍ അറിയാതെ നമ്മുടെ വേദനകള്‍ ഒപ്പിയെടുക്കുന്നു. അവര്‍ നമ്മുടേ വേദനകള്‍ ഒപ്പിയെടുക്കുമ്പോള്‍ അവരുടെ ഉള്ളിലെ വേദനകള്‍ എന്തായിരിക്കൂം എന്ന് നമ്മള്‍ ചിന്തിക്കാറില്ല. പക്ഷേ ആ മാലാഖമാരുടെ നിറഞ്ഞ ചിരികള്‍ക്കു പിന്നില്‍ മറഞ്ഞിരിക്കുന്നത് കണ്ണീരിന്റെ നനവാണ്. ഉള്ളിലെ ദുഃഖങ്ങളുടെ താഴ്വാരത്തിലെ കൊടുംങ്കാറ്റിനെ ആണ് അവര്‍ തങ്ങളുടെ പുഞ്ചിരിയില്‍ ഒളിപ്പിക്കൂന്നത്. സ്വാന്തനത്തിന്റെ കുളിര്‍കാറ്റായി അവര്‍ വരുന്നത് ആ കൊടുങ്കാറ്റിനെ തളര്‍ത്തികൊണ്ടാണ്. സ്വന്തം വേദനകളെ കണ്ണീരിനും ശമിപ്പിക്കാന്‍ കഴിയാതെ വരുമ്പോള്‍ അവളുടെ ചുണ്ടിലെ പുഞ്ചിരിമായുന്നു. രക്ഷപെടാനാവാത്ത കുരുക്കില്‍ പെട്ട് ഉഴറുമ്പോഴും അവളുടെ ചുണ്ടിലെ പുഞ്ചിരി മായാതിരിക്കാന്‍ അവള്‍ ശ്രമിക്കും. പക്ഷേ ഭൂമിയിലെ മാലാഖമാരും മനുഷ്യരാണല്ലോ? കുരുക്കുകള്‍ മുറുകുമ്പോള്‍ ആ മാലാഖയും സ്വന്തം ജീവിതം ഒരു കുരുക്കിലേക്ക് ഒതുക്കുന്നു. ആരും കാണാതെ ഒളിപ്പിച്ച ദുഃഖത്തിന്റെ അവസാനം!!!!!

ആശുപത്രിയില്‍ നിന്നുള്ള ബുദ്ധിമുട്ടുകളും ചില രോഗികളില്‍ നിന്നും അവരുടേ കൂടേ നില്‍ക്കുന്നവരില്‍ നിന്നുമുള്ള ബുദ്ധിമുട്ടുകള്‍ ഒരു വശത്ത് ,വീട്ടിലെ കഷ്ടതകളും ലോണ്‍ എടുത്ത് പഠിച്ചവരാണങ്കില്‍ അതിന്റെ ബുദ്ധിമുട്ടുകള്‍ മറുവശത്ത് നിന്നുമുള്ള പോരാട്ടമാണ് ആ മാലാഖമാരുടെ ജീവിതം. ഇന്‍‌ഞ്ചഷന്‍ കൊടുക്കുമ്പോള്‍ അലപം വേദന തോന്നിയാലും ചിലര്‍ അവരെ തെറിവിളിക്കും. ആ തെറിവിളി കേള്‍ക്കുമ്പോഴും അവര്‍ പുഞ്ചിരിക്കൂം. ചിലര്‍ക്ക് അവളുടെ കൈകളില്‍ തൊടണം,ചിലര്‍ക്ക് അവളുടെ നിതംബങ്ങളില്‍ തട്ടണം,ചിലര്‍ക്ക് അവളുടെ സ്തനങ്ങളുടെ ഭംഗി ആസ്വദിക്കണം. ആ മാലാഖമാര്‍ ചിലര്‍ക്കെങ്കിലും അടിമകളും പാവകളും ആണ്.

മരണത്തില്‍ നിന്ന് ജീവിതത്തിലേക്കൂള്ള നൂല്‍പ്പാലത്തിലൂടെ നമ്മളെ കൂട്ടിക്കോണ്ടൂവരാന്‍ ഉറക്കം പോലും ഇല്ലാതെ കണ്ണ് ചിമ്മാതെ നമ്മുടെ ഓരോ ശ്വാസത്തിനും കാതോര്‍ക്കുന്ന ഒരു മാലാഖ ജീവിതത്തില്‍ നിന്ന് മരണത്തിലേക്ക് കയറിപ്പോകണമെങ്കില്‍ അവള്‍ എന്ത് മാത്രം വേദന സഹിച്ചിരിക്കണം. നമ്മുടെ വേദനകള്‍ ഒപ്പാന്‍ ഉറക്കളച്ചിരുന്ന ആ മാലാഖമാരുടെ വേദനകള്‍ നമുക്ക് കാണാന്‍ കഴിയുന്നില്ലല്ലോ?

അഞ്ച് വര്‍ഷം : പത്ത് ബ്ലോഗ് , അഞ്ഞൂറ് പോസ്റ്റുകള്‍

2011-10-08T06:03:00.002+05:30

ബ്ലോഗ് ബ്ലോഗ് എന്ന് കേള്‍ക്കുമ്പോള്‍ അതെന്താണന്ന് ചിന്തിച്ചിരുന്ന ഒരു കാലമുണ്ടായിരുന്നു. ആ കാലം പിന്നിട്ട് ഇപ്പോള്‍ പത്ത് ബ്ലോഗുകളുടെ മുതലാളിയായി (മറ്റ് രണ്ട് ബ്ലോഗുകളില്‍ പാര്‍ട്‌ണര്‍ഷിപ്പും ഉണ്ട്) ഞാനിവിടെ എത്തിയിട്ട് നാലു വര്‍ഷം പൂര്‍ത്തിയായി അഞ്ചാം വര്‍ഷത്തിലേക്ക് പോസ്റ്റൂന്നി. ഒന്നാമത്തെ ബ്ലോഗ് തുടങ്ങുമ്പോള്‍ ഉണ്ടായിരുന്ന ഇന്റര്‍നെറ്റ് കണക്ഷന്‍ ഡയല്‍ അപ് മോഡം ആയിരുന്ന സ്ഥാനത്ത് ഇപ്പോള്‍ ബ്രോഡ്‌ബാന്‍ഡായി. ആദ്യമൊക്കെ പോസ്റ്റ് ഇടുമ്പോള്‍ അതൊന്നു സേവായി പോസ്റ്റായി ബ്രൌസറില്‍ ഒന്ന് തെളിയാന്‍ പത്തുമിനിട്ടെങ്കിലും എടുത്തിരുന്നു.(പത്തു മിനിട്ടിനകത്ത് ഇടയ്ക്കിടയ്ക്കിടയ്ക്ക് കട്ടായിപോകുന്ന കണക്ഷനും നാലഞ്ച് പ്രാവിശ്യം പോസ്റ്റില്‍ ക്ലിക്ക് ചെയ്യാനുള്ള സമയവും പോസ്റ്റ് ലോഡായി വരാനുള്ള സമയവും ഒക്കേ ഉള്‍പ്പെടും). ദേ ഇപ്പോഴാണങ്കില്‍ അങോട്ട് പബ്ലിഷ് പോസ്റ്റിലോട്ട് ഞെക്കേണ്ട താമസം പോസ്റ്റ് (ഞെക്കേണ്ട താമസം എന്ന് ഒരാവേശത്തിന് പറഞ്ഞതാ.. പത്ത് മുപ്പത് സെക്കന്‍ഡ് എടുക്കും) അങ്ങ് തെളിയും.

ഓര്‍ക്കൂട്ടില്‍ വരുന്ന മലയാളം സ്ക്രാപ്പുകള്‍ കണ്ടാണ് മലയാളം ടൈപ്പ് ചെയ്യാന്‍ നോക്കുന്നത്. എങ്ങനെ മലയാളം ടൈപ്പ് ചെയ്യാന്‍ പറ്റുമെന്ന് മലയാളത്തില്‍ സ്ക്രാപ്പ് ഇടുന്നവരോട് ചോദിച്ചു. അവരെല്ലാം പലയിടത്തും നിന്ന് കൊണ്ടുവന്ന് പേസ്റ്റ് ചെയ്യുകയാണന്ന് പറഞ്ഞു. അവസാനം ചോദിച്ച് ചോദിച്ച് പോയപ്പോള്‍ ജയന്‍ തോമസ് എന്നൊരു ചേട്ടന്‍ (ഈ ചേട്ടായിക്ക് ബ്ലോഗൊന്നും ഇല്ല) മലയാളം എഴുതുന്നത് എങ്ങനെയാണന്ന് ഇവിടെയുണ്ട് എന്ന് പറഞ്ഞ് ഒരു ലിങ്ക് തന്നു. ആ ലിങ്കില്‍ നോക്കി കീമാനെ ഇന്‍സ്റ്റാള്‍ ചെയ്ത് അതിലെ അക്ഷരങ്ങളുടെ കീ കോമ്പിനേഷന്‍ പടം നോക്കി മലയാളം ടൈപ്പു ചെയ്യാന്‍ പഠിച്ചു.

ആ സമയത്ത് മനോരമയിലെ ഒരു സപ്ലിമെന്റില്‍ മലയാളം ബ്ലോഗിനെകുരിച്ച് ഒരു ഫീച്ചര്‍ വന്നായിരുന്നു. അതൊക്കെ വായിച്ച് ഗൂഗിള്‍ അക്കൌണ്ടില്‍ കയറി അവിടേയും ഇവിടേയും ഒക്കെ ഞെക്കി ഓരോ പേരുകള്‍ കൊടുത്തപ്പോള്‍ ഓരോ ബ്ലോഗായി. ഇങ്ങനെ ഒന്നും മനസിലാകാതെ പേരുകള്‍ കൊടുത്തതുകൊണ്ടാണ് ആദ്യം ഉണ്ടായ മൂന്ന് ബ്ലോഗുകള്‍ക്ക് shibu1 , smeaso , shibupta46 എന്നൊക്കെ പേര് വന്നത്.
ചുമ്മാ കണ്ട ബട്ടണുകളില്‍ ഒക്കി ഞെക്കിയായിരുന്നു ആദ്യം പോസ്റ്റുകള്‍ ഇട്ടത്. ഓരോ കഥകള്‍ എങ്ങനെ ഓരോ പോസ്റ്റാക്കി ഇടുമെന്ന് അറിയാന്‍ പാടില്ലാത്തതുകൊണ്ട് പന്ത്രണ്ട് കഥകള്‍ ഒരുമിച്ചാക്കിയാണ് കുഞ്ഞിക്കഥകള്‍ എന്ന ബ്ലോഗില്‍ ആദ്യ പോസ്റ്റ് ഇട്ടത്. 2007 ഒക്‍ടോബര്‍ 4 ന് ആയിരുന്നു ആദ്യ പോസ്റ്റ് ആക്രമണം.(അന്ന് പാരഗ്രാഫായി പോലും അത് എഴുതാന്‍ അറിയില്ലായിരുന്നു). ഒരു ദിവസം എടുത്ത് പലയിടത്തും പോയി നോക്കി ഡാഷ് ബോര്‍ഡ് എന്നൊരു സംഗതി ഉണ്ടന്നും അവിടെ New Post, Edit Post എന്നൊക്കെ ബട്ടണുകള്‍ ഉണ്ടന്നും മനസിലാക്കി പന്ത്രണ്ട് കഥകളെ(കുഞ്ഞി) ഒറ്റ പോസ്റ്റില്‍ നിന്ന് മുറിച്ച് പന്ത്രണ്ട് പോസ്റ്റാക്കി. പിന്നെ പിന്നെ അവിടെ നിന്ന് പതുക്കെ പതുക്കെ ബ്ലോഗിന്റെ പോളി ടെക്നിക്കുകള്‍ ഒക്കെ പഠിച്ച് പോസ്റ്റിടാന്‍ തുടങ്ങി. വലിയ കഥയ്ക്കും ,ചെറിയ കഥയക്കും, കവിതക്കും(ഇതെന്താ സംഗതിയെന്ന് ഇപ്പോഴും മനസിലായിട്ടില്ല) ഒക്കെ ഓരോരോ ബ്ലോഗ് തുടങ്ങിയാലേ ഒരിത് വരൂ എന്ന് തോന്നിയതുകൊണ്ട് ഓരോന്നിനും ഓരോ ബ്ലോഗ് തുടങ്ങാമെന്ന് കരുതി. (അന്ന് ലേബല്‍ എന്ന സംഗതിയെക്കുറിച്ച് ഒരറിവും ഇല്ലായിരുന്നു).

ഇങ്ങനെ ഓരോന്നിനും ഓരോ ബ്ലോഗ് തുടങ്ങി വന്നപ്പോള്‍ ബ്ലോഗിന്റെ എണ്ണം പത്തായി.

പോസ്റ്റ് കണക്കെടുപ്പ്

പറയാന്‍ മറന്നു, വല്ലപ്പോഴും സംഭാവന നല്‍കുന്ന ഒരു ബ്ലോഗു കൂടി ഉണ്ട്

കർത്താവിന്റെ പേരില്‍ തെരുവില്‍ ചെയ്യുന്നത് .....

2011-09-17T15:11:00.000+05:30

ഉപവാസം - ഹര്‍ത്താല്‍ - ഉപരോധം - വഴിതടയല്‍ ഇതൊരു രാഷ്ട്രിയ പാര്‍ട്ടിയുടെ ഇന്നത്തെ കാര്യപരിപാടിയുടെ വിവരണം അല്ല. "നിന്റെ ഒരു ചെകിട്ടത്ത് അടിക്കുന്നവന് മറുചെകിടും കാണിചു കൊടുക്കുക","ഞാൻ നിങ്ങൾക്ക് ചെയ്തു തരണമെന്ന് നിങ്ങൾ ആഗ്രഹിക്കുന്നതെല്ലാം അവർക്കും ചെയ്തുകൊടുപ്പിൻ" "ഏഴല്ല ഏഴ് എഴുപത് വട്ടം ക്ഷമിക്കുവിൻ" എന്നൊക്കെ പറഞ്ഞ യേശുക്രിസ്തുവിന്റെ അനുയായികൾ എന്ന് സ്വയം പറഞ്ഞ് ക്രിസ്ത്രീയ സ്നേഹത്തിന്റെ അപ്പോസ്തോലന്മാരായി അവരോധിച്ച് ക്രിസ്തീയജീവിതത്തിന്റെ മാതൃക ലോകത്തി കാണിച്ചുകൊടുക്കുന്ന രണ്ട് ക്രിസ്തീയ സഭകളുടെ കാര്യപരിപാടികൾ ആണ് ഉപവാസം - ഹര്‍ത്താല്‍ - ഉപരോധം - വഴിതടയല്‍ !!!

ഒരേ വിശ്വാസവും ആചാരരീതികളും പിന്തുടരുന്ന രണ്ട് സഭകള്‍ ഇന്ന് തെരുവില്‍ കുടിപ്പകയുള്ള ശത്രുക്കളേപ്പോലെ മാധ്യമങ്ങളില്‍ക്കൂടിയും അല്ലാതയും ആരോപണ-പ്രത്യാരോപണങ്ങളില്‍ മുഴുകി ക്രിസ്തുവിന്റെ പേരില്‍ പോര്‍വിളി നടത്തി ക്രിസ്തീയ സ്നേഹത്തിന്റേയും ക്രൈസത്വ സാക്ഷ്യത്തിന്റേയും മാതൃക ലോകത്തിനു കാണിച്ചു കൊടുക്കുകയാണ്. ഒരു പക്ഷം കോടതിവിധിയുടെ സ്ഥാപനത്തിനും മറ്റൊരു പക്ഷം ആരാധന സ്വാതന്ത്ര്യം എന്നപേരിലും തെരുവില്‍ ഏറ്റുമുട്ടുമ്പോള്‍ ലോകത്ത് അവതാരമെടുത്തതിന് കര്‍ത്താവ് പശ്ചാത്തപിക്കുന്നുണ്ടാവും. എന്തിന്റെ പേരിലുള്ളതാണങ്കിലും തെരുവിലെ പടയൊരുക്കം ഒഴിവാക്കേണ്ടതായിരുന്നു. പക്ഷേ തങ്ങളുടെ ശക്തികാണിക്കാന്‍ ഇരുപക്ഷവും തയ്യാറായപ്പോള്‍ ഇല്ലാതായത് ക്രിസ്തുവിന്റെ അനുയായികള്‍ എന്നുള്ള പേരാണ്. രണ്ടു സഹോദരസഭകള്‍ പരസ്പരം ഏറ്റുമുട്ടുമ്പോള്‍ മറ്റു ക്രൈസ്തവ സഭകല്‍ മൌനം പാലിക്കുന്നത് അത് അവരുടെമാത്രം ആഭ്യന്തരപ്രശ്നം ആയതുകൊണ്ടാണ്. പൊതുജനങ്ങള്‍ക്ക് ഈ പോരാട്ടത്തില്‍ യാതൊരു താല്‌പര്യവും ഇല്ല എന്നുള്ളതുകൊണ്ട് മറ്റുള്ളവര്‍ക്ക് ഈ പോരാട്ടം കാണുമ്പോള്‍ ചുണ്ടില്‍ വിരിയുന്നത് പരിഹാസം ആണ്.

പള്ളിപിടിച്ചടക്കലും ശവം തടഞ്ഞു വയ്ക്കലും പള്ളിയിലുള്ള അടിയും മൃതശ്രീരം ഉപേക്ഷിക്കലും ഒക്കെ ഇന്നോ ഇന്നലയോ തുടങ്ങിയതല്ല. വര്‍ഷങ്ങളായി കുടിപ്പക കൊണ്ടുനടക്കുന്നവരെപ്പോലെ ഇടയ്ക്കിടയ്ക്ക് ഇങ്ങനെയുള്ള വാര്‍ത്തകള്‍ പലപ്പോഴും ഉണ്ടാകുന്നുണ്ട്. ഇതാണൊ ക്രിസ്തീയ സാക്ഷ്യം എന്ന് മൂന്നാമതൊരാള്‍ ചോദിച്ചാല്‍ ഞങ്ങളിങ്ങനെയൊക്കെയാണ് നിന്നോടാരുപറഞ്ഞു ഞങ്ങളേ നോക്കാന്‍ എന്ന് തിരിച്ചു ചോദിക്കേണ്ടതായി വരുന്ന ഗതികേടില്‍ എത്തിയിരിക്കുകയാണ് ഈ സഭകളില്‍ വിശ്വസിക്കുന്നവര്‍. പതിറ്റാണ്ടുകളായി തുടരുന്ന സഭാക്കേസിന്റെ ബാക്കിപത്രമാണ് ഇപ്പോള്‍ കാണുന്ന പ്രാര്‍ത്ഥനയും ഉപവാസവും വിശ്വാസ റാലിയും ഹര്‍ത്താലും മാര്‍ച്ചും ഒക്കെ. രണ്ടുപക്ഷവും തെരുവില്‍ പ്രാര്‍ത്ഥനായജ്ജം നടത്തുകയാണ്. രണ്ടു കൂട്ടരും തങ്ങളുടെ പക്ഷത്തിന്റെ വിജയത്തിനു വേണ്ടിയാണ് പ്രാര്‍ത്ഥിക്കുന്നത്. ഒരു കൂട്ടര്‍ പള്ളിയില്‍ കയറാനും മറുകൂട്ടര്‍ പള്‍ലി തങ്ങള്‍ക്ക് മാത്രം കയറാനും പ്രാര്‍ത്ഥിക്കുന്നു. ആരു വിജയിച്ചാലും തോല്‍ക്കുന്നത് ക്രിസ്തുതന്നെ ആയിരിക്കും. ഇവരുടെ രണ്ടുപേരുടേയും പ്രാര്‍ത്ഥന ദൈവത്തിനു കേള്‍ക്കാന്‍ പറ്റുമോ??? ഭൂമിയില്‍‌വച്ച് നിങ്ങളില്‍ രണ്ടുപേര്‍ യാചിക്കുന്ന ഏതു കാര്യത്തിലും ഐക്യമത്യപ്പെട്ടാല്‍, അത് സ്വര്‍ഗ്ഗസ്ഥനായ എന്റെ പിതാവങ്കല്‍ നിന്ന് അവര്‍ക്ക് ലഭിക്കും (വി.മത്തായി 18:19) എന്നാണ് യേശു ക്രിസ്തു പറയുന്നത്. ഏതായാലും ഈ രണ്ടു സമുദായവും പ്രാര്‍ത്ഥിക്കുന്നത് മറ്റവന്‍ തോല്ക്കണം ഞാന്‍ ജയിക്കണം എന്നായിരിക്കുമല്ലോ? ഈ പ്രാര്‍ത്ഥന ദൈവത്തിനു എങ്ങനെ കേള്‍ക്കാന്‍ കഴിയും?????

കോലഞ്ചേരിപള്ളിയുടെ പേരില്‍ ഇപ്പോള്‍ ഏറ്റുമുട്ടൂന്നവര്‍ 2010 അവസാനത്തില്‍ പരുമലപള്ളിയുടെ പേരിലാണ് തെരുവില്‍ ഏറ്റുമുട്ടിയത്. രണ്ടു കൂട്ടരും പ്രശ്നം തെരുവുകളീലേക്ക് അധികം വലിച്ചിഴയ്ക്കാതെ പ്രശ്നങ്ങള്‍ അവസാനിപ്പിച്ചിരുന്നു. എന്നാല്‍ കോലഞ്ചേരി തര്‍ക്കം ഇന്ന് കേരളത്തിലെ ക്രമസമാധനപ്രശ്നമായി മാറിയിരിക്കുന്നു. “സമാധാനമുണ്ടാക്കുന്നവര്‍ ഭാഗ്യവാന്മാര്‍,അവര്‍ ദൈവത്തിന്റെ പുത്രന്മാരെന്ന് വിളിക്കപ്പെടും”(വി.മത്തായി 5:9) എന്ന് യേശു ക്രിസ്തു ഗിരിപ്രഭാഷ്ണത്തില്‍ പറയുന്നുണ്ട്. സമാധാനം ഉണ്ടാക്കാന്‍ ആഹ്വാനം ചെയ്യുന്ന യേശുക്രിസ്തുവൈന്റെ അനുയായികള്‍ തന്നെ യാണ് ദൈവത്തിന്റെ ആലയത്തില്‍ ആരുകയറണം ആരു കയറേണ്ടാ എന്നും ദൈവത്തിനുള്ള ബലി ആര്‍ അര്‍പ്പിക്കണം ആര് അര്‍പ്പിക്കേണ്ടാ എന്നും പറഞ്ഞ് സമാ‍ധാനം ഇല്ലാതാക്കുന്നത് !!!! പരസ്പരം വിദ്വേഷം ഉണ്ടാക്കുന്ന സമാധാനം ആയിരുന്നോ ദൈവം നല്‍കിയത്? സമാധാനം ഞാന്‍ നിങ്ങള്‍ക്ക് തന്നേച്ചു പോകുന്നു. എന്റെ സമാധാനം ഞാന്‍ നിങ്ങള്‍ക്ക് തരുന്നു. ലോകം തരുന്നതുപോലെയക്ക ഞാന്‍ നിങ്ങള്‍ക്ക് തരുന്നത് (വി.യോഹന്നാന്‍ 14:27) എന്നാണ് യേശുക്രിസ്തുപറഞ്ഞത്. യേശുക്രിസ്തുവിന്റെ ജനനസമയത്ത് ദൈവ ദൂതന്മാര്‍ ഇപ്രകാരം പറഞ്ഞു “അത്യുന്നതങ്ങളില്‍ ദൈവത്തിനു സ്തുതി.ഭൂമിയില്‍ മനുഷ്യര്‍ക്കു സമാധാനം”(ലൂക്കോസ് 2:14). യേശുക്രിസ്തുവിന്റെ ജനനത്തിലൂടെ ഭൂമിയിലെ മനുഷ്യര്‍ക്ക് കിട്ടി എന്ന് വിശ്വസിക്കുന്ന സമാധാനം ക്രിസ്തുവിന്റെ അനുയായികള്‍ തന്നെ ഭൂമിയിലെ മനുഷ്യരുടെ സമാധാനം ഇല്ലാതാക്കൂന്ന വിരോധാഭാസമല്ലേ ഇന്ന് കാണാന്‍ കഴിയുന്നത്???

നീതിയുടേയും ദൈവ ആരാധനയുടേയും പേരില്‍ തെരുവില്‍ പ്രാര്‍ത്ഥനയും ഉപവാസവും നടത്തുന്നവര്‍ ഈ വേദഭാഗം വായിച്ചിരുന്നിരിക്കണം. എനിക്ക് ഇഷ്ടമുള്ള നോമ്പും മനുഷ്യന്‍ ആത്മതപനം ചെയ്യുന്ന ദിവസവും ഇങ്ങനെയുള്ളതോ? തലയെ വേഴത്തെപ്പോലെ കുനിക്കുക, രറ്റ്ടും വെണ്ണീറും വിരിച്ച് കിടക്കുക, ഇതാകുന്നുവോ ഉപവസം? ഇതിനോ നീ നോമ്പെന്നും യഹോവയ്ക്ക് പ്രസാദമുള്ള ദിവസമെന്നും പറയുന്നത്? അന്യായ ബന്ധനങ്ങളേ അഴിക്കുക, നുകത്തിന്റെ അമിക്കയറുകളെ അഴിക്കുക, പീഡിതരെ സ്വതന്ത്രരായി വിട്ടയ്ക്കുക, എല്ലാനുകത്തേയും തകര്‍ക്കുക ഇതല്ലയോ എനിക്ക് ഇഷ്ടമുള്ള ഉപവാസം? വിശപ്പുള്ളവന് നിന്റെ അപ്പം നുറുക്കികൊടുക്കുന്നതും , അലഞ്ഞു നടക്കുന്ന സാധുക്കളെ നിന്റെ വീട്ടില്‍ ചേര്‍ത്തു കൊള്ളുന്നതും , നഗ്നനെ കണ്ടാല്‍ ഉടുപ്പിക്കുന്നതും , നിന്റെ മാംസരക്തങ്ങളായിരിക്കൂന്നവര്‍ക്ക് നിന്നെത്തന്നെ മറെയ്ക്കാതിരിക്കൂന്നതുമല്ലയോ (യെശയ്യാവ് 58 :5-7) .

ആരാധനാലയത്തിന്റെ പേരില്‍ ഇവിടെ പരസ്പരം പോരിടുന്നവര്‍ കേരളത്തിനു പുറത്ത് പലയിടങ്ങളിലും ഒരേ സ്ഥലത്ത് തങ്ങളുടെ ആരാധന നടത്തുന്നുണ്ട്. കേരളത്തിനു പുറത്ത് പരസ്പരം സ്നേഹിക്കുകയും കരുതുകയും ബഹുമാനിക്കുകയും ചെയ്യെന്നവര്‍ ഇവിടെ പിന്നെ എന്തിനാണ് പരസ്‌പരം ശണ്‌ഠകൂടുന്നത് ??? വിട്ടുവീഴ്ചയ്ക്ക് ആരും തയ്യാറാകാത്തത് എന്തുകൊണ്ടാണ്??? പരസ്പരം സ്നേഹിക്കാനും വിട്ടുവീഴചകള്‍ക്കും തയ്യാറാകാതെ നില്‍ക്കുന്നത് ദൈവീക സ്നേഹത്തിന്റെ പ്രതിഫലനം കൊണ്ടാണോ???

ഇങ്ങനെ സമരത്തിലൂടയും എതിര്‍പ്പുകളിലൂടയും ഭീക്ഷണികളിലൂടയും നേടിയെടുക്കുന്ന ആരാധനകൊണ്ട് ദൈവത്തെ സ്നേഹിക്കാന്‍ കഴിയുമോ??? ഇങ്ങനെ അര്‍പ്പിക്കുന്ന ബലി ദൈവത്തിന് സ്വീകാര്യം ആയിരിക്കുമോ??? ഗിരിപ്രഭാഷ്ണത്തില്‍ യേശുക്രിസ്തുപറയുന്നുണ്ട് , ആകയാല്‍ നിന്റെ വഴിപാടു യാഗപീഠത്തിങ്കല്‍ കൊണ്ടുവരുമ്പോള്‍ സഹോദരന്നു നിന്റെ നേരെ വല്ലതും ഉണ്ടെന്നു അവിടെവെച്ചു ഓര്‍മ്മവന്നാല്‍ നിന്റെ വഴിപാടു അവിടെ യാഗപീഠത്തിന്റെ മുമ്പില്‍ വെച്ചേച്ചു, ഒന്നാമതു ചെന്നു സഹോദരനോടു നിരന്നുകൊള്‍ക; പിന്നെ വന്നു നിന്റെ വഴിപാടു കഴിക്ക. (വി.മത്തായി 5:23,24).

തന്റെ പേരില്‍ ചേരിതിരിഞ്ഞ് തെരുവില്‍ മത്സരിക്കുന്നത് കാണുമ്പോള്‍ കര്‍ത്താവ് തന്നെ പരിതപിക്കുന്നുണ്ടാവും. “പിതാവേ , ഇവര്‍ ചെയ്യുന്നത് ഇന്നതു എന്നു അറിയായ്കകൊണ്ടു ഇവരോട് ക്ഷമിക്കേണമേ (വി.ലൂക്കോസ് 23:34)

വിശുദ്ധ വേദപുസ്ത്കത്തില്‍ യേശുക്രിസ്തു കരഞ്ഞതായി രണ്ട് സന്ദര്‍ഭങ്ങളില്‍ പറയുന്നുണ്ട്. അതിലൊന്ന് യെരുശലേമിനെ നോക്കിയാണ്. സമാധാനത്തിന്റെ വഴി എന്താണന്ന് അറിയാത്ത യരുശലേം‌മിനെ നോക്കി യേശുക്രിസ്തുകരയുന്നു. “അവന്‍ നഗരത്തിനു സമീപിച്ചപ്പോള്‍ അതിനെ കണ്ടു അതീനെക്കുറിച്ചു കരഞ്ഞു: ഈ നാളില്‍ നിന്റെ സമാധാനത്തിനുള്ളതു നീയും അറിഞ്ഞു എങ്കില്‍ കൊള്ളായിരുന്നു”(ലൂക്കോസ് 19:41,42). മനുഷ്യന്റെ സഹകരണത്തിലൂടയും വിട്ടുവീഴ്ചകളിലൂടയും മാത്രമേ സമാധാനം ഉണ്ടാവുകയുള്ളൂ. തന്റെ ജനനത്തിലൂടെ മനുഷ്യന് സമാധാനം നല്‍കിയ ക്രിസ്തു ഇപ്പോള്‍ തന്റെ അനുയായികളെ ഓര്‍ത്തു കരയുന്നുണ്ടാവും. ഭൂമിയില്‍ തന്റെ പേരില്‍ ചെയ്യുന്ന വേലകള്‍ കാണാനാവാതെ ദൈവം സ്വര്‍ഗ്ഗത്തിന്റെ കിളിവാതില്‍ അടച്ചിട്ടൂണ്ടാവും....

ചിത്രം :: http://scoopindia.com/list_cartoons.php

:: ഈ പോസ്റ്റില്‍ കോടതി വിധികളെക്കുറിച്ചോ സഭാചരിത്രത്തയോ സഭാകേസുകളെക്കുറിച്ചോ പരാമര്‍ശിച്ചിട്ടില്ല. സഭാപ്രശ്നം തെരുവില്‍ എത്തിക്കാതെ പരിഹരിക്കണം എന്ന് ആഗ്രഹിക്കുന്ന ഒരാളുടെ ചിന്തകള്‍ മാത്രമാണിത്.

കൂടംകുളത്ത് ഉപവാസസമരം നടക്കുന്നുണ്ടോ?

2011-09-17T08:42:00.003+05:30

കൂടംകുളത്ത് ഉപവാസസമരം നടക്കുന്നുണ്ടോ? എന്നൊരു ചോദ്യം ചോദിച്ചാല്‍ ഏത് കൂടംകുളം, എന്ത് ഉപവാസം, എന്തിനാ ഉപവാസം എന്നുതുടങ്ങി കുറേ ചോദ്യങ്ങള്‍ തിരിച്ച് കേള്‍ക്കേണ്ടി വരും. തങ്ങളുടെ അതിജീവനത്തിനുവേണ്ടി ഒരുപറ്റം ആള്‍ക്കാര്‍ നടത്തുന്ന ഉപവാസസമരം കൂടംകുളം എന്ന സ്ഥലത്ത് നടക്കുന്നുണ്ട്. പക്ഷേ നമ്മളേ ബാധിക്കുന്ന ഒരു കാര്യമല്ലാത്തതുകൊണ്ട് നമുക്കത് അറിയേണ്ട കാര്യമില്ലന്ന് വേണമെങ്കില്‍ പറയാം. അണ്ണാഹസാര നടത്തുന്ന സമരങ്ങള്‍ മാത്രമേ നമുക്ക് വേണ്ടിയുള്ളതായിട്ടൂള്ളൂ എന്ന് നമുക്ക് തോന്നുന്നുണ്ടാവാം. ലോകപാല്‍ ബില്‍ എന്നൊരു സംഗതിക്കുവേണ്ടി അണ്ണാഹസാര നടത്തിയ ഉപവാസ സമരത്തിന് തൊപ്പി വെച്ചും ടിഷര്‍ട്ട് ഇട്ടും മെഴുകുതിരി കത്തിച്ചും പ്രകടനം നടത്തിയും സോഷ്യല്‍ നെറ്റ്‌വര്‍ക്കിംങ്ങ് സൈറ്റുകളില്‍ ചര്‍ച്ച നടത്തിയും അഴിമതിവിരുദ്ധ കുരിശുയുദ്ധം പ്രഖ്യാപിച്ച ഒരാളെങ്കിലും കൂടംകുളത്തെ സമരക്കാര്‍ക്ക് വേണ്ടി ഒരു മെഴുകുതിരി എങ്കിലും കത്തിച്ചുവോ??? പോട്ടെ കൂടംകുളത്തെ ഉപവാസ സമരം എന്തിനാണന്ന് എങ്കിലും അന്വേഷിച്ചോ??? അണ്ണാഹസാരെ ഉപവസിക്കാന്‍ വരുന്നു.ഇപ്പ്ം വരം, ദോ വണ്ടിയേന്ന് ഇറങ്ങി, വണ്ടിയേലോട്ട് ഓടീക്കയറി, സമരപ്പന്തലില്‍ കയറി, അണ്ണായുടെ ഭാരം ഒരു കിലോ കുറഞ്ഞു എന്നിങ്ങനെ മിനിട്ടിന് മിനിട്ടിന് ലൈവ് വാര്‍ത്തകളായി ജനങ്ങള്‍ക്ക് മുന്നില്‍ അവതരിപ്പിച്ച മാധ്യമങ്ങളില്‍ നൂറ്റിഇരുപതോളം ആളുകള്‍(കൃത്യമായി പറഞ്ഞാല്‍ 127 ആളുകള്‍) ഉപവാസം കിടക്കുന്നത് ഒരു ചെറിയ വാര്‍ത്ത മാത്രമാണ്. കാരണം കൂടംകുളത്ത് ഉപവാസം കിടക്കുന്നവര്‍ക്ക് മീഡിയാകണ്‍‌സല്‍ട്ടുമാരും, സമരം സ്പോണ്‍സര്‍ചെയ്യാന്‍ മാധ്യമങ്ങളും, മാധ്യമങ്ങള്‍ക്ക് എല്ലാ സൌകര്യവും ഒരുക്കികൊടുക്കാന്‍ മീഡിയാമാനേജര്‍മാരും ഇല്ല. അന്നന്നത്തെ അന്നം തേടി കടലില്‍ പോയി അന്നം തേടുന്ന മത്സ്യത്തൊഴിലാളിചത്താലെന്ത് കിടന്നാലെന്ത്???

കൂടംകുളം.
തമിഴ്‌നാട്ടിലെ തിരു‌നെല്‍‌വേലി ജില്ലയിലെ ഒരു ഗ്രാമം ആണ് കൂടംകുളം. കന്യാകുമാരിയില്‍ നിന്ന് 25 കിലോമീറ്ററും നാഗര്‍കോവിലില്‍ നിന്ന് 35 കിലോമീറ്ററും ദൂരത്തുള്ള തീരദേശ പ്രദേശമാണ് റഷ്യന്‍(സോവിയറ്റ് യൂണിയന്‍) സഹായത്തോടെ കൂടംകുളത്ത് ആണവ വൈദ്യുതിനിലയം സ്ഥാപിക്കാന്‍ 1988 നവംബര്‍ 20 ന് രാജീവ്‌ഗാന്ധിയും ഗോര്‍ബച്ചേവും ഉടമ്പടിയില്‍ ഒപ്പിടന്നതോടുകൂടിയാണ് കൂടംകുളം എന്ന ഗ്രാമം ലോകശ്രദ്ധയില്‍ പെടുന്നത്. 1000 മെഗാവാട്ട് വൈദ്യുതി ഉല്പാദിപ്പിക്കാന്‍ തക്കവണ്ണമുള്ള രണ്ട് യൂണിറ്റുകള്‍(ആണവറിയാകറ്ററുകള്‍) ആണ് ഇവിടെ സ്ഥാപിക്കുന്നത്. അതിലെ ആദ്യയൂണിറ്റിന്റെ പ്രവര്‍ത്തനം ആണ് ഒക്‍ടോബറില്‍ തുടങ്ങുന്നത്. രണ്ടാമത്തെ യൂണിറ്റ് 2012 ജൂണിലും പ്രവര്‍ത്തനം തുടങ്ങും. Nuclear Power Corporation of India Limited (NPCIL) ന്റെ മേല്‍‌നോട്ടത്തിലാണ് Kudankulam Nuclear Power Project (KKNPP) ന്റെ പ്രവര്‍ത്തനം

കൂടംകുളം ഉപവാസസമരം
ജപ്പാനിലെ ഫുകുഷിമ ആണവദുരന്തം ഒരു പേടി‌സ്വപ്നമായി മാറുന്നത് ജപ്പാന്‍ ജനതയ്ക്ക് മാത്രമല്ല ഇങ്ങ് ഭാരതത്തിന്റെ തെക്കുള്ള കൂടംകുളം നിവാസികള്‍ക്ക് കൂടിയാണ്. എല്ലാ സുരക്ഷയും ഉണ്ട് എന്ന് കരുതിയിരുന്ന ഫുകിഷിമ റിയാകടറിന് സുനാമിയില്‍ സംഭവിച്ച ദുരന്തം ലോകത്തെ മുഴുവന്‍ ആണവറിയാകടറുകളെകുറിച്ചുള്ള ഒരു വീണ്ടുവിചാരത്തിന് പ്രേരിപ്പിച്ചു. പല രാജ്യങ്ങളും തങ്ങളുടെ ആണവപദ്ധതികള്‍ തത്ക്കാലത്തേക്കെങ്ങിലും നിര്‍ത്തിവയക്കുകയും പുതിയവയക്കുള്ള തീരുമാനം ഉപേക്ഷിക്കുകയും ചെയ്തു. ഫുകുഷിമ ആണവദുരന്തത്തിന്റെ ഓര്‍മ്മപ്പെടുത്തലുകള്‍ മുമ്പില്‍ ഉള്ളതുകൊണ്ടായിരിക്കണം കൂടം‌കുളത്തെ ജനങ്ങള്‍ സമരമാര്‍ഗ്ഗം തീരുമാനിച്ചത്. എല്ലാ സുരക്ഷയും ഒരുക്കിയിട്ടുണ്ടന്ന് അധികാരികള്‍ അവകാശപ്പെടുന്നുണ്ടങ്കിലും അത് ജനങ്ങളുടെ ഭയം ദൂരികരിക്കാന്‍ പര്യാപ്‌തമാകുന്നില്ല. ലക്ഷക്കണക്കിന് ആളുകളേയാണ് ഫുകുഷിമ ആണവദുരന്തത്തിന് ശേഷം മാറ്റിപ്പാര്‍പ്പിക്കേണ്ടി വന്നത്. ആയിരക്കണക്കിന് കിലോമീറ്റര്‍ ദൂരംവരെ ഫുകുഷിമയില്‍ നിന്നുള്ള ആണവ വിവകരണങ്ങള്‍ എത്തിച്ചേരുകയും ചെയ്തു. ഈ ദുരന്തത്തിനു ശേഷം പ്രവര്‍ത്തനം തുടങ്ങുന്ന ആദ്യ ആണവപ്ലാന്റാണ് കൂടംകുളം. ഈ ആണവനിലയം ഭൂകമ്പബാധിതപ്രദേശത്ത് അല്ലന്നും സുനാമിയും മറ്റ് പ്രകൃതിദുരന്തങ്ങളും അതിജീവിക്കാനുള്ള സുരക്ഷ റിയാക്‍ടറിന് ഒരുക്കിയിട്ടുണ്ട് എന്ന് ജയലളിതയും ഉദ്യോഗസ്ഥരും ശാസ്ത്രജ്ഞരും പറയുന്നുണ്ടങ്കിലും ജനങ്ങള്‍ അത് വിശ്വസിക്കുന്നില്ല. ഭൂകമ്പത്തെ അതിജീവിക്കാന്‍ പറ്റിയ കെട്ടിടങ്ങള്‍ ഉണ്ടാക്കി പരിചയമുള്ള ജപ്പാനില്‍ ഫുകുഷിമ ആണവനിലയത്തെ സുനാമി തകര്‍ത്ത വര്‍ത്തമാനസംഭവം കണ്‍‌മുന്നില്‍ ഉള്ളപ്പോള്‍ ജനങ്ങള്‍ ഭയപ്പെടും.

ഓഗസ്റ്റ് പതിനഞ്ചിനു ചെറിയ രീതിയില്‍ തുടങ്ങിയ പ്രതിഷേധ സമരം ഇപ്പോള്‍ ഒരു ഗ്രാമം മുഴുവന്‍ ഏറ്റെടുത്തുകഴിഞ്ഞു. ആരുടേയും നിര്‍ബന്ധം ഇല്ലാതെ തൊഴില്‍ ഉപേക്ഷിച്ചും പഠനം മുടക്കിയും ജനങ്ങള്‍ പ്രതിഷേധ സമരത്തില്‍ പങ്കെടുക്കുന്നു.കൂടംകുളത്ത് നിന്ന് അഞ്ച് കിലോമീറ്റര്‍ അകലെയുള്ള ഇനിന്തക്കരയില്‍ ആണ് ഉപവാസമരം. ഇരുപന്തഞ്ച് സ്ത്രികള്‍ ഉള്‍പ്പെടെ 127 ആളുകള്‍ നടത്തുന്ന ഉപവാസസമരത്തിന് എന്തുകൊണ്ട് നമ്മുടെ മാധ്യമങ്ങള്‍ ആവശ്യമായ പരിഗണന നല്‍കുന്നില്ല?

കൂടംകുളവും കേരളത്തിലെ സമരവും
കൂടംകുളത്ത് ഉല്പാദിപ്പിക്കുന്ന 2000 മെഗാവാട്ട് വൈദ്യുതിയില്‍ 266 മെഗാവാട്ട് വൈദ്യുതി കേരളത്തിന് ലഭിക്കും.കൂടംകുളം എന്ന പേര് ഉളപ്പെട്ട സമരം നമ്മുടെ കേരളത്തിലും നടന്നിരുന്നു. പക്ഷേ കൂടംകുളം ആണവവൈദ്യുതി നിലയിത്തിനെതിരെ ആയിരുന്നില്ല സമരം .കൂടംകുളം-മാടക്കത്തറ (തൃശൂരിലെ 400 കെവി സബ്‌സ്റ്റേഷന്‍) 400 കെവി വൈദ്യുതി ലൈനിന് (210 കിലോമീറ്റര്‍) എതിരെ ആയിരുന്നു കേരളത്തിലും സമരം എന്നുമാത്രം !!! ലൈന്‍ വലിക്കുന്നത് ജനവാസ കേന്ദ്രങ്ങളെ ഒഴിവാക്കിയും അര്‍ഹമായ നഷ്ടപരിഹാരം നല്‍കണമെന്നും ആവിശ്യപ്പെട്ടായിരുന്നു കേരളത്തിലെ കൂടംകുളം സമരം. കൊല്ലം,പത്തനംതിട്ട , കോട്ടയം , എറണാകുളം ജില്ലകളിലായിരുന്നു ഈ സമരം. (ഈ സമരം ഇപ്പോള്‍ ഒരു തീര്‍പ്പായികഴിഞ്ഞന്ന് തോന്നുന്നു)

ചില ഉപവാസങ്ങള്‍മാത്രം നമുക്ക് മതി
മണിപ്പൂരിലെ പട്ടാളനിയമത്തിനെതിരെ സമരം ചെയ്യുന്ന ഇറോം ഷര്‍മ്മിളയും കൂടംകുളം ആണവപദ്ധതിക്കെതിരെ സമരം ചെയ്യുന്ന ജനങ്ങളും നമുക്ക് വെറും സമരക്കാര്‍ മാത്രമാണ്. മണിപ്പൂരിലെ പട്ടാളഭരണ ഭീകരക്കെതിരെ ഉപവാസം കിടക്കുന്ന ഇറോം ഷര്‍മ്മിളയുടെ ചിത്രവും, ‘Indian army, come and Rape us‘ എന്ന് നിലവിളിച്ചുകൊണ്ട് വിവസ്ത്രരായി സമരം ചെയ്ത സ്ത്രികളുടെ ചിത്രവും; ആണവനിലയത്തിനെന്തിരെ ഉപവാസം അനുഷ്ഠിക്കുന്ന ജനങ്ങളുടെ ചിത്രവും നമുക്ക് വെറും ചിത്രങ്ങളാണ്. എന്നാലോ അണ്ണാഹസാരയുടെ ഉപവാസ ചിത്രം നമ്മുടെ സിരകളിലെ ചോരത്തിളപ്പിക്കും. കാരണം നമുക്ക് ആഘോഷിക്കാന്‍ അഴിമതി വിരുദ്ധസമരങ്ങളും ജനലോക്‍പാല്‍ബില്‍ ഉപവാസങ്ങളും മാത്രം മതിയല്ലോ??

കൂടംകുളം അറ്റോമിക് പവര്‍ പ്രൊജക്റ്റ് വിവരം അറിയാന്‍ ക്ലിക്കുക

സമരത്തിന്റെ വീഡിയോ

കൈയ്യടിമാത്രം ആഗ്രഹിക്കുന്ന സംസ്‌കാരശൂന്യ മാധ്യമപ്രവര്‍ത്തനം

2011-09-14T20:34:00.000+05:30

മിനിഞ്ഞാന്ന് രാവിലെ ചാനൽ മാറ്റി നോക്കുമ്പോൾ ഒരു ചാനലില്‍ ഒരു രംഗം. ഡോക്ടർമാരുടെ അനാസ്ഥകാരണം ഓറീസ സ്വദേശി മരിച്ചു. ദൃശ്യങ്ങൾ തങ്ങള്‍ക്ക് ലഭിച്ചു എന്നു പറഞ്ഞാണ് അധികം വ്യക്തമല്ലാത്ത ചിത്രങ്ങൾ കാണിച്ചു കൊണ്ടിരുന്നത്. രണ്ടു മണിക്കൂറിനു ശേഷവും ഈ ദൃശ്യങ്ങൾ തന്നെ കാണിച്ചുകൊണ്ട് രണ്ടുമണിക്കൂറിനു മുമ്പ് പറഞ്ഞ അതേ വാക്യങ്ങൾ തന്നെ ആവർത്തിച്ചു കൊണ്ടിരിക്കുകയായിരുന്നു. അടുത്ത ഒരു വാർത്ത വരുന്നതുവരെ അല്ലങ്കിൽ അന്ന് വൈകുന്നേരം വരേയും ഈ വാർത്തയും ദൃശ്യങ്ങളും ആയിരിക്കണം ചാനലുകാർ കാണിച്ചിരുന്നത്. രോഗിക്ക് കൂട്ടിരുന്ന സഹായി ഉറങ്ങിപ്പോയതുകൊണ്ട് കൃത്രിമ ശ്വാസോച്ഛാസം നൽകുന്നതിനുള്ള ഉപകരണം പ്രവർത്തിപ്പിക്കാതിരുന്നതുകൊണ്ട് രോഗിക്ക് ശ്വാസം കിട്ടാതെ വരികയായിരുന്നു എന്നാണ് ആശുപത്രി അധികൃതർ പറയുന്നത്.

ഈ വാർത്ത തുടർച്ചയായി പ്രക്ഷേപണം ചെയ്യുന്നതിന്റേയും ആ ദൃശ്യങ്ങൾ ശേഖരിക്കുകയും ചെയ്യുന്നതിന്റെ നാലിനൊന്ന് അധ്വാനം ഉണ്ടായിരുന്നങ്കിൽ ആ രോഗിയെ രക്ഷിക്കാൻ സാധിക്കുമായിരുന്നു. ആ രോഗിക്ക് കൂടെ ഇരുന്ന ആൾ കൃത്രിമ ശ്വാസോച്ഛാസം നൽകുന്നതും ആ സഹായി ഉറക്കം തുങ്ങുന്നതും ഒക്കെ ആ ക്ലിപ്പിൽ ഉണ്ടായിരുന്നു. ആ വീഡിയോ എടൂത്തവന് ഉറക്കം തൂങ്ങിയ സഹായിയെ ഒന്നു തട്ടിവിളിക്കുകയോ അവനെ ഒന്ന് സഹായിക്കൂകയോ ചെയ്തിരുന്നാൽ ആ രോഗിയുടെ ജീവൻ നിലനിർത്താൻ സാധിക്കുകയില്ലായിരുന്നോ? വാഹന അപകടങ്ങളും മറ്റ് അപകടങ്ങളൂം നടക്കുന്ന സ്ഥലങ്ങളിൽ മൊബൈലുമായി നിന്ന് ചിത്രങ്ങൾ പകർത്തുന്ന ഒരു മാനസികരോഗാവസ്ഥയിൽ ഉള്ളഒരുവനായിരിക്കണം മേൽപ്പറഞ്ഞതിലുള്ള ചിത്രങ്ങളും പകര്‍ത്തിയത്.

തങ്ങള്‍ക്ക് മാത്രം ലഭിച്ച ആ ദൃശ്യങ്ങൾ കൊണ്ട് ചാനല്‍ രാവിലെ തന്നെ ഒരു ദിവസത്തെ വാർത്താഘോഷത്തിന് തുടക്കമിട്ടു. ചാനലുകാരന്റെ കൈയ്യിൽ ഉള്ള തങ്ങളുടെ പ്രതികരണ പ്രതിനിധികളൂടെ പ്രതികരണം അവർ ലൈവായി കാണിച്ചു തൃപ്തിയടയുമ്പോൾ രാവിലെ പത്രം വായിച്ച് 'ഇന്നത്തെ വാർത്തയിൽ ഒരു രസവും' ഇല്ല എന്ന് കരുതിയ മലയാളി റിമോട്ടിൽ വിരൽ അമര്ത്തിയത്.കാര്യം എന്താണന്നോ സംഭവിച്ചത് എന്താണന്നോ അറിയാതെ വിളിവന്നപ്പോൾ തന്നെ 'പ്രതികരണ പ്രതിനിധികൾ' പ്രതികരിച്ചു.അല്ലങ്കിൽ തന്നെ ആ പ്രതികരണ പ്രതിനിധികൾ പറയുന്നതാണല്ലോ കേരള മനസാസാക്ഷിയുടെ പ്രതികരണം !!! 'രസിപ്പിക്കുന്ന വാർത്ത' കിട്ടിയ സന്തോഷത്തിൽ ഞാനുൾപ്പെട്ട മലയാളി ചാനൽ മാറ്റാതെ അടുത്ത 'പ്രതികരണ പ്രതിനിധി'യുടെ പ്രതികരണത്തിനായി കാത്തിരുന്നപ്പോഴായിരിക്കണം അപ്പുറത്തെ ചാനലിൽ കൈയ്യടി നേടുന്ന വാർത്ത പോകുന്നത് മറ്റുള്ളവർ അറിഞ്ഞത്. അവരും വാർത്ത എയറിലേക്ക് തള്ളിവിട്ടു. അന്ങനെ ഒരു ദിവസം രാവിലെ തന്നെ ഉജ്വലമാക്കി ആഘോഷമായി തുടന്ങി.

ചിക്തിസാ പിഴവുമൂലം രോഗി മരിച്ചു എന്നറിഞ്ഞ ഉടനെ ഒരു സംഘടന ആരോഗ്യമന്ത്രിയുടെ വീട്ടിലേക്ക് മാർച്ച് നടത്തി തങ്ങളുടെ ധാർമ്മിക രോഷം പ്രകടിപ്പിച്ചു. പൊട്ടിവീണ ഇലക്‌ട്രിക് ലൈനിൽ നിന്ന് ഷോക്കേറ്റ് വീഴുമ്പോൾ ലൈൻ ഓഫ് ചെയ്യാതെ വൈദ്യുതിമന്ത്രിയുടെ വീട്ടിലേക്ക് മാർച്ച് നടത്താന്‍ പ്രേരിപ്പിക്കുന്ന വിധം നമ്മടെമേൽ ചാനലുകാർ മാനസികാധിപത്യം സ്ഥാപിക്കുന്ന ഒരു സമയം വിധൂരമല്ല. മണിക്കൂറിന്റെ ആയുസ് മാത്രമേ ഇത്തരം വാർത്തകൾക്ക് ആയുസ് ഉണ്ടാവാറുള്ളൂ. പൊങ്ങൻ തേങ്ങ പോലെയാണ് ഇത്തരം വാർത്തകൾ. അകത്ത് ഒന്നും ഉണ്ടാവാറില്ല. കുറേ സമയം ജനങ്ങളെ തങ്ങളുടെ ചാനലിന് മുന്നിൽ പിടിച്ചിരുത്തി ചാനലിന്റെ റെറ്റിംങ്ങ് കൂട്ടാന്‍ ഇത്തരം വാർത്തകൾക്ക് കഴിയും എന്ന് മലയാളിയുടെ മനസ് അറിയാവുന്ന ചാനലുകാരന് അറിയാം.

കുറേ ദിവസമായി കാണുന്ന മറ്റൊരു വാർത്തയാണ് 'വിജിലൻസ് ജഡ്ജിക്കെതിരെ പി.സി.ജോർജ്' പരാതി നൽകിയത്. ഈ വാർത്തയാണ് കഴിഞ്ഞ നാലഞ്ച് ദിവ്സമായി ചാനലുകളിലും പത്രന്ങളിലും. ഈ വാർത്തയ്ക്ക് മലയാളി സമൂഹത്തിനുമുന്നിൽ എന്ത് വാർത്താപ്രാധാന്യമാണ് ഉള്ളത്?? ഇത് ഏതെങ്കിലും മലയാളിയെ ബാധിക്കുന്ന വിഷയമാണോ? ഇത് ഏതെങ്കിലും വികസന പ്രവർത്തനത്തിനെ ബാധിക്കൂന്ന ഒന്നാണോ? ഈ കത്ത് കേരളത്തെ ഏതെങ്കിലും രീതിയിൽ ബാധിക്കുമോ? ഏതെങ്കിലും രാഷ്‌ടീയക്കാരനെ ബാധിക്കുമോ?ഏതെങ്കിലും നീതിന്യായ വ്യവസ്ഥയെ ബാധിക്കുമോ? ഇല്ല എന്നാണ് ഉത്തരമെങ്കിലും ഇതൊരു വൻ വാർത്തയായി ഇപ്പോഴും മാധ്യമന്ങളിൽ നിൽക്കൂന്നു. ഇതിനെ സംബന്ധിച്ച് ചിലരുടെ പ്രതികരണം കാണുമ്പോൾ മെയ്‌വഴക്കത്തോടെ ഇന്ങ്നെ മാറാൻ അഭിപ്രായം മാറ്റിപ്പറയാൻ കഴിയുന്ന രാഷ്‌ട്രീയക്കാർക്ക് എന്തുകൊണ്ട് ജിമ്നാസ്റ്റിക്കിലും ഒരു കൈ നോക്കാൻ പറ്റുന്നില്ല എന്ന് ചിന്തിച്ചു പോകും.

പി.സി.ജോർജ് നൽകിയപരാതിയും -പാമോയിലിൻ കേസും- അച്യുതാനന്ദനും ഒക്കെ സമാസമം ചേർത്ത് വാർത്ത അവതാരകനും/അവതാരകയും റിപ്പോർട്ടറും ഒക്കെ ചേർന്ന് കേരളത്തിന് നൽകിയ 'ന്യൂസ് വാല്യു' വാർത്ത സൂപർ ഹിറ്റായി. ഒരു വാർത്ത എന്ങനെ മാർക്കറ്റ് ചെയ്യണമെന്ന് ചാനലുകാർക്ക് അറിയാം. ഭരണപക്ഷത്തുനിന്നുള്ള ആരെങ്കിലും ഉൾപ്പെട്ട/അവരെ ബാധിക്കുന്ന ഏതെങ്കിലും പ്രശന്മാണ് ഉള്ളതെങ്കിലും ആദ്യ പ്രതികരണം തേടൂന്നത് പ്രതിപക്ഷ നേതാവായ വിഎസിനോടായിരിക്കും. കിട്ടിയ മൈക്ക് പാഴാക്കാതെ വിഎസ് 'ശക്തമായി പ്രതികരിക്കും'. കിട്ടിയ വെടുമരുന്നിൽ പലയിടത്തും കൊണ്ടുപോയി തീകൊടുക്കേണ്ടകാര്യമേയുള്ളൂ പിന്നീട് ചാനൽ റിപ്പോർട്ടർക്ക്.

ചാനല്‍ വാര്‍ത്താവിതരണത്തിന്റെ അങ്ങേയറ്റത്തെ നാണംകെട്ട തറപ്പരിപാടിയായിപ്പോയി ‘എം.ബി.രാജേഷിന്റെ വി>എസിന്റെ നേരെയുള്ള ഒളിയമ്പ്’. തന്റെ തലയില്‍ വിവരക്കേടിന്റെ വാക്കുകളേ വരികയുള്ളൂ എന്ന് കാണിക്കുന്ന വാര്‍ത്തയായിരുന്നു ആ പ്രസംഗത്തിന് അത്തരം ഒരു വ്യാഖ്യാനം നല്‍കിയ റിപ്പോര്‍ട്ടര്‍ നല്‍കിയത്. താന്‍ നല്‍കുന്നതാണ് വാര്‍ത്ത, താന്‍ പറയുന്നതാണ് സത്യം എന്ന് മൈക്കിനു മുന്നില്‍ വാര്‍ത്താവതാരകനെ നോക്കി അധരവ്യായാമം ചെയ്യുന്ന ഒരു ചാനല്‍ റിപ്പോര്‍ട്ടര്‍ക്ക് ഇത്തരം വളച്ചൊടിക്കലും വ്യാഖ്യാനങ്ങളും ആണ് നല്‍കാനുള്ളത് എങ്കില്‍ അവന്‍ ആ പണി നിര്‍ത്തി വീട്ടില്‍ പോയിരിക്കുന്നതാണ് നല്ലത്. ഒരു റിപ്പോര്‍ട്ടര്‍ വാര്‍ത്ത ജനങ്ങളേ അറിയിക്കുകയാണ് ചെയ്യേണ്ടത്. അല്ലാതെ വാര്‍ത്തകള്‍ സ്വയം സൃഷ്ടിച്ച് അതിന് വ്യാഖാനങ്ങള്‍ ചമച്ച് സ്വന്തം രഷ്ട്രീയവും ചാനല്‍ രാഷ്ട്രീയവും കൂടി കൂട്ടിക്കുഴച്ച് ജനങ്ങളുടെ മുന്നിലേക്ക് എത്തിക്കുകയല്ല വേണ്ടത്. എം.ബി രാജേഷിന്റെ പ്രസംഗം കേട്ട് ആര്‍ക്കേങ്കിലും എത് വി‌എസിന് എതിരെയുള്ള ഒളിയമ്പായി തോന്നിക്കാണില്ല. സ്വന്തം അഭിപ്രായം പറയുന്നത് ഒളിയമ്പാണങ്കില്‍ ഈ നാട്ടില്‍ എവിടെയാണ് അഭിപ്രായ സ്വാതന്ത്ര്യം???? എതോ തങ്ങള്‍ക്ക് മാത്രമേ അഭിപ്രായ സ്വാതന്ത്ര്യം പാടുള്ളൂ എന്ന് ചാനല്‍ റിപ്പോര്‍ട്ടര്‍മാര്‍ക്ക് തോന്നുന്നുണ്ടോ??? ചാനല്‍ റേറ്റിംങ്ങില്‍ നിലനില്‍ക്കാനാണങ്കില്‍ ചാനലുകാര്‍ക്ക് വേറെ എന്തെങ്കിലും വഴിനോക്കിക്കൂടേ????

താനുള്‍പ്പെടെയുള്ള യുവാക്കളെ തന്റെ പ്രസംഗത്തിലൂടെ വിമര്‍ശിച്ച രാജേഷ് പറഞ്ഞത് എങ്ങനെയാണ് വി‌എസിന് എതിരെ ഒളിയമ്പ് അയച്ചത്??
ഉദാരീകരണം വഴിയുണ്ടായ പ്രശ്‌നങ്ങളും അരാഷ്ട്രീയ പ്രവണതകളും ചര്‍ച്ച ചെയ്യുന്നതിനു പകരം ബാലകൃഷ്ണ പിള്ളയെയും കുഞ്ഞാലിക്കുട്ടിയേയും കുറിച്ചുള്ള കഥകള്‍ പൊടിപ്പും തൊങ്ങലുംവെച്ച് പറയുന്നത് കൂടുതല്‍ കൈയടി കിട്ടാനാണെന്ന രാജേഷിന്റെ പ്രസംഗഭാഗമാണ് വിവാദമായത്. പ്രസംഗം ഇങ്ങനെ തുടരുന്നു; 'ബാലകൃഷ്ണ പിള്ളയും കുഞ്ഞാലിക്കുട്ടിയും ഉള്ളിടത്തോളം കാലം എത്ര മണിക്കൂര്‍ പ്രസംഗിക്കാനുമുള്ള വക കിട്ടും. ഇതൊരു അരാഷ്ട്രീയ സമീപനമാണ്. പകരം പ്രശ്‌നങ്ങളുടെ അടിസ്ഥാനത്തില്‍ ജനങ്ങളെ സംഘടിപ്പിക്കാന്‍ ഡി.വൈ.എഫ്.ഐക്ക് കഴിയണം.'
ഇത്തരം വിഷയങ്ങള്‍ എരിവും പുളിയും ചേര്‍ത്തു ചര്‍ച്ചചെയ്യാനാണു യുവജനങ്ങള്‍ക്കുപോലും താല്‍പര്യം. എത്ര മണിക്കൂറുകള്‍ വേണമെങ്കിലും ഇക്കാര്യങ്ങള്‍ പ്രസംഗിച്ചു നടക്കും. വലിയ അധ്വാനമില്ല എന്നതാണു കാര്യം. തൊഴിലില്ലായ്‌മയും മുതലാളിത്തവുമാണു രാജ്യത്തിന്റെ ഭീഷണി. ഇത്തരം കാര്യങ്ങളില്‍ ഡി.വൈ.എഫ്‌.ഐയെപ്പോലുള്ള സംഘടനകള്‍ ഇടപെട്ടില്ലെങ്കില്‍ അണ്ണാ ഹസാരേയും നവനിര്‍മാണ്‍ സേനയുമൊക്കെ കാര്യങ്ങള്‍ വഷളാക്കും. ഐസ്‌ക്രീം കേസിലും പാമോയില്‍ കേസിലും മാത്രമൊതുങ്ങുന്നതായിരിക്കരുതു നമ്മുടെ ചര്‍ച്ചകള്‍. ഗൗരവമേറിയ വിഷയങ്ങളും ഡി.വൈ.എഫ്‌.ഐ. ചര്‍ച്ചയാക്കണം-

ഇത് ചാനലുകാരന്‍ വി‌എസിന് എതിരെയുള്ള ഒളിയമ്പാക്കിമാറ്റി. തങ്ങള്‍ പറയുന്നത് ജനങ്ങളേല്ലാം വിശ്വസിക്കും എന്ന് കരുതുന്ന ഒരു കൂട്ടം ദൃശ്യമാധ്യമപ്രവര്‍ത്തകര്‍ ഇപ്പോഴും ടെലിവിഷന്‍ ചാനലുകളില്‍ ജോലിചെയ്യുന്നുണ്ട് എന്നതില്‍ സംശയം ഇല്ല. തങ്ങള്‍ വിമര്‍ശനത്തിന് അധീനരാണന്നും അവര്‍ കരുതുന്നുണ്ട് എന്ന് തോന്നുന്നു. ഇങ്ങനെ തോന്നാന്‍ കാരണം ഉണ്ട്. തന്നെ വിമര്‍ശിക്കുന്നവര്‍ ‘സോഷ്യല്‍ നെറ്റ് വര്‍ക്കിലെ ക്വട്ടേഷന്‍ സംഘ‘ത്തില്‍ പെട്ടവനാണന്ന് പത്രപ്രവര്‍ത്തകന് തോന്നിയെങ്കില്‍ കണ്ണാടി ‘തങ്ങള്‍ക്ക്‘ നേരെയും ഒന്ന് തിരിഞ്ഞു പിടിച്ചാല്‍ നന്നായിരിക്കും. ചാനലില്‍ മൈക്കിനുമുന്നില്‍ നടത്തുന്ന പ്രസംഗത്തിന് ഒരു പ്രേക്ഷകന് സമയവും സന്ദര്‍ഭവും കിട്ടാറില്ലല്ലോ? അതിന് അവസരം കിട്ടുന്ന സോഷ്യല്‍ നെറ്റ് വര്‍ക്കിലെ സ്പേസില്‍ പ്രേക്ഷകന് ശക്തമായി പ്രതികരിച്ചെന്നിരിക്കും. ആ പ്രതികരണത്തെ അസഹിഷ്ണതയോടെ നേരിട്ട് എന്നെ അവന്‍ ഞോണ്ടി എന്ന് വിലപിക്കുന്ന ആള്‍ താനെങ്ങനെയാണ് വാര്‍ത്തകള്‍ അവതരിപ്പിക്കുന്നത് എന്നു കൂടി ശ്രദ്ധിക്കണം. (ഇത് പറയാന്‍ കാരണം ‘സോഷ്യല്‍ നെറ്റ് വര്‍ക്കിലെ ക്വട്ടേഷന്‍ സംഘങ്ങള്‍‘ എന്ന തലക്കെട്ടില്‍ ഷാജഹാന്‍ കാളീയത്ത് എന്ന ദൃശ്യ മാധ്യമ പ്രവര്‍ത്തകന്‍ നാലാമിടം എന്ന സൈറ്റില്‍ എഴുതിയ ലേഖനം കണ്ടിട്ടാണ്).

ഇന്ന് ടെലിവിഷന്‍ ഉള്‍പ്പെടെയുള്ള മാധ്യമങ്ങള്‍ ഭയപ്പെടുന്നത് ‘സോഷ്യല്‍ നെറ്റ് വര്‍ക്ക് സ്പേസുകളേ’ ആയിരക്കണം. അവര്‍ ഒളിഞ്ഞും തെളിഞ്ഞും പറയാറുണ്ട്. തങ്ങളുടെ കണ്ടത്തലുകള്‍ ‘സോഷ്യല്‍ നെറ്റ് വര്‍ക്ക് സ്പേസുകളില്‍’ ക്വട്ടേഷന്‍ സംഘത്തില്‍ പെട്ട ഒരുത്തന്‍ കീബോര്‍ഡിനു മുന്നില്‍ ഇരുന്ന് പൊളിച്ചടുക്കുമ്പോഴും വിമര്‍ശിക്കുമ്പോഴും കണ്ടത്തലുകള്‍ നടത്തിയ പത്രപ്രവര്‍ത്തകന് നഷ്ടപ്പെടൂന്നത് താന്‍ ഇതുവരെ ഉണ്ടാക്കിയെടുത്ത ഇമേജും ആരും ചോദ്യംചെയ്യാനില്ല എന്ന ധാരണയും ആയിരിക്കും. എപ്പോഴും തങ്ങളുടെ വാര്‍ത്തകള്‍ കേട്ട് വിമര്‍ശിക്കാതെ അതിന് കൈയ്യടിക്കണം എന്ന് ഏതെങ്കിലും മാധ്യമം കരുതുന്നുണ്ടങ്കില്‍ ‘സോഷ്യല്‍ നെറ്റ് വര്‍ക്ക് സ്പേസുകള്‍’ സജീവമായ ഇക്കാലത്ത് അതൊരു മലര്‍പ്പൊടിക്കാരന്റെ സ്വപനമായി മാത്രം അവശേഷിക്കും. വാര്‍ത്തകളെ കീറിമുറിച്ച് സ്വയം വിശകലം ചെയ്യുന്ന മാധ്യമപ്രവര്‍ത്തകരുടെ വാര്‍ത്തകളിലെ നെല്ലും പതിരും തിരിച്ചറിയാനും അത് മറ്റുള്ളവരെ അറിയിക്കാനും ‘സോഷ്യല്‍ നെറ്റ് വര്‍ക്ക് സ്പേസുകളിലെ ‍’ ക്വട്ടേഷന്‍ സംഘത്തില്‍ പെട്ട ഒരുത്തനെങ്കിലും കീബോര്‍ഡിനു മുന്നില്‍ എപ്പോഴും ഉണ്ടാവും. ഇന്നത്തെ മാധ്യമപ്രവര്‍ത്തനത്തിന് എപ്പോഴും കൈയ്യടിക്കാന്‍ ആളുണ്ടാവില്ലന്ന് ചുരുക്കം.

ഒരു വാര്‍ഷികപ്പതിപ്പ് കാഴ്ച :: മനോരമയുടെ വാര്‍ഷികപ്പതിപ്പില്‍ കാവ്യസദസ്സ് എന്ന തലക്കെട്ടില്‍ എന്‍.ജയചന്ദ്രന്‍ എഴുതിയതില്‍ ഒരു വാചകം (പേജ് 68) . അന്യന്റെ സ്വകാര്യതയിലേക്ക് ഒളിഞ്ഞു നോക്കുന്ന മലയാളിയുടെ യു ട്യൂബ് ജീവിതം , ആദ്യ പോസ്‌റ്ററിന്റെ ആഹ്ലാദം തുടങ്ങി ഉത്തരം തൊടാത്ത ഒരു ചോദ്യവും അവര്‍ക്കിടയില്‍ ഇല്ലായിരുന്നു.

വിക്രം,ബാലചന്ദ്രമേനോന്‍, പ്രിയങ്കഗാന്ധി ,സില്‍ക്ക് സ്മിത, കാവ്യ തുടങ്ങിയവരുടെ സ്വകാര്യത അച്ചടിച്ച വാര്‍ഷിക പതിപ്പിലെ ഒരു പേജിലാണ് എന്‍.ജയചന്ദ്രന്റെ ‘അന്യന്റെ സ്വകാര്യതയിലേക്ക് ഒളിഞ്ഞു നോക്കുന്ന മലയാളിയുടെ യു ട്യൂബ് ജീവിതം‘ എന്ന പ്രയോഗം. അന്യന്റെ സ്വകാര്യത ഒളിഞ്ഞുനോക്കാതെ പേജ് മറിച്ചു നോക്കാനാണല്ലോ വായനക്കാരന്‍ കാശ് കൊടുത്ത് വാര്‍ഷികപ്പതിപ്പ് വാങ്ങിയത് !!!!!!

മാവേലിയുടെ കിരീടം അഥവാ തൊപ്പി ചിന്തകള്‍

2011-09-07T07:53:00.001+05:30

പാതാളത്തില്‍ ആകെ ബഹളം ആണ്. രണ്ടു ദിവസം കഴിഞ്ഞിട്ട് മാവേലിക്ക് കേരളത്തില്‍ പ്രജകളെ കാണാന്‍ പോകാനുള്ളതാ. ഇതുവരെ അതിനൊരു പ്രോഗ്രാം തയ്യാറാക്കാന്‍ മാവേലിക്ക് പറ്റിയിട്ടില്ല. മാവേലിയെ മാത്രം കുറ്റം പറഞ്ഞിട്ട് കാര്യമില്ല. ഈ വര്‍ഷം കേരളത്തില്‍ ഓണപരിപാടികളെക്കാള്‍ കൂടുതല്‍ കോണ്‍ഗ്രസ് സര്‍ക്കാരിന്റെ ന്‍ഊറാം ദിവസപരിപാടികള്‍ ആണത്രെ!!! സര്‍ക്കാര്‍ കെട്ടിടത്തിന്റെ മതിലിന് വെള്ള അടിക്കുന്നതുവരെ നൂറാം ദിവസ പരിപാടിയാണാന്ന് പറഞ്ഞ് കണ്ട പത്രങ്ങളിലെല്ലാം ഫുള്‍‌പേജ് പരസ്യങ്ങളാ. ഈ ഓണക്കാലത്ത് ഇത്തരം പരിപാടികള്‍ ജനങ്ങളേ ഇതു ഒരുമാതിരി ഊ..ഊ.. ഊ.. ഊഞ്ഞാലാട്ടിക്കുന്ന പരിപാടിയായിപ്പോയി എന്ന് പാതാളവാസികള്‍ക്ക് അഭിപ്രായം ഉണ്ടങ്കിലും ഇപ്പോള്‍ രാജഭരണം അല്ലാത്തതുകൊണ്ടും രാജാവെന്നോ രാജാ‍ാശ്രിതനന്നോ പറഞ്ഞാല്‍ തെറിവിളി പാഴ്‌സലായി മൈക്ക് വഴി ചാനല്‍ കൈവശം കൊടുത്തുവിടും എന്നുള്ളതുകൊണ്ട് മിണ്ടാതിരിക്കുന്നതാ നല്ലത്. അല്ല ജനങ്ങള്‍ക്ക് ആവിശ്യമുള്ളത് ചെയ്ത് കൊടുക്കാനല്ലേ ജനങ്ങള്‍ അഞ്ചുവര്‍ഷം അഞ്ചുവര്‍‌ഷം കൂടുമ്പോള്‍ കുറേപ്പേരെ തിരഞ്ഞേടുക്കുന്നത്? .സര്‍ക്കാരിനെ എന്തിന് കുറ്റം പറയണം. ടൂറിസം വകുപ്പ് എന്നൊരു വകുപ്പ് ആ മലയാള കേരളത്തില്‍ പണ്ട് ഉണ്ടായിരുന്നു. (ഇപ്പോള്‍ ഉണ്ടങ്കിലും അത് പണ്ടത്തേതിണ്ടേയും അത്രയും വരില്ലല്ലോ?). ആ വകുപ്പ് കുറേക്കാലം മുമ്പ് വരേയും ഒരാഴ്ച ഓണംവാരാഘോഷം-ടൂറിസം വാരാഘോഷം എന്നൊക്കെ പറഞ്ഞ് കേരളത്തിന്റേ തെക്ക് തൊട്ട് വടക്കു വരെ ഭയങ്കര പരിപാടികള്‍ ആയിരുന്നു. കൊല്ലംകാരന്‍ പ്രസിഡണ്ടിനെ കൊണ്ടുവരുന്നതുപോലെ ആ വകുപ്പ് ആയിരുന്നു കേരളത്തിലേക്ക് മാവേലിയെ കൊണ്ടു പോകുന്നതും കൊണ്ടുവരുന്നതും ചെയ്തിരുന്നത്. പ്രസിഡണ്ടിനെ വള്ളംകളി കാണിക്കുന്നതുപോലെ ടൂറിസം വകുപ്പ് മാവേലിയെ കൊണ്ട് നടന്ന് പുലികളിയും തുമ്പിതുള്ളലും ഒക്കേ കാണിപ്പിച്ച് ഗസ്റ്റ്‌ഹൌസില്‍ താമസിപ്പിച്ച് , അടുത്ത വര്‍ഷവും വരണേ എന്ന് പറഞ്ഞ് തിരിച്ചയിക്കുമായിരുന്നു. ഇപ്പോള്‍ ടൂറിസം വകുപ്പിന് ഗ്രാന്റ്‌ഷോപ്പിംങ്ങ് ഫെസ്റ്റിവെല്ലിനോടാണത്രെ താ‌ത്പര്യം. അല്ലങ്കില്‍ തന്നെ രണ്ട് തുട്ട് അധികത്തില്‍ കിലുങ്ങുന്ന പരിപാടിക്കല്ലാതെ ആരെങ്കിലും ഇക്കാലത്ത് ഇറങ്ങിത്തിരിക്കുമോ? അല്ല ഇതൊക്കെ ആരോട് പറയാന്‍ !!!!!

കേരളം കേരളത്തിന്റെ ദേശീയ ഉത്സവം ആണന്നായിരുന്നു പണ്ട് പിള്ളാരെല്ലാം രചന എഴുതി പഠിച്ചിരുന്നത്. സോഷ്യല്‍ നെറ്റ്‌വര്‍ക്കിംങ്ങ് സൈറ്റുകള്‍ വന്നതോടുകൂടി കേരളത്തിന് എന്ത് ദേശീയ ഉത്സവം , എന്ത് രാജ്യഭരണം!!! മഹാബലിയെ ചവിട്ടിതാഴ്ത്തിയത് വാമനന്‍ ആയതുകൊണ്ട് അതു ഹിന്ദുക്കള്‍ മാത്രം ആഘോഷിച്ചാ മതിയന്ന് ചില സോഷ്യല്‍‌നെറ്റ്വര്‍ക്കിംങ്ങ് ബുദ്ധിജീവികള്‍ പറയുന്നത്. ഹോ!ലവന്മാരെ സമ്മതിക്കണം. പരശുരാമന്‍ മഴു എറിഞ്ഞ് കേരളത്തെ ഉയര്‍ത്തിയന്ന് പറഞ്ഞ് ആ ബുദ്ധിജീവി ടീമുകളേല്ലാം കൂടി തമിഴ്നാട്ടിലെങ്ങാണം കുടിയേറിയെങ്കില്‍ തമിഴ്‌നാട്ടുകാരുടെ പൊങ്കലിന് ഒരു തീരുമാനം ആയേനെ. ഈ മഹാബലിയെ ഏതെങ്കിലും തോമായോ, സൈനുദ്ദീനോ ചവിട്ടിതാഴ്ത്തിയായിരുന്നെങ്കില്‍ ഇത്രയ്ക്ക് പുകിലെന്തെങ്കിലും ഉണ്ടാവുമായിരുന്നോ? അല്ലങ്കില്‍ തന്നെ ഇപ്പോള്‍ ഭൂലോകത്തിന്റെ സ്പന്ദനം സോഷ്യല്‍ നെറ്റ്‌വര്‍ക്കിംങ്ങ് സൈറ്റുകളില്‍ ആണല്ലോ!!! അല്ല ഇതൊക്കെ ആരോട് പറയാന്‍ !!!!!

മഹാബലിക്കാണങ്കില്‍ ഇപ്പോള്‍ ഒന്നിനും ഒരു പഴയ പ്രസരിപ്പ് ഇല്ല. ആര്‍ക്കോ വേണ്ടി കേരളത്തില്‍ പോകുന്നതുപോലെയാണ് കുറേ വര്‍ഷങ്ങളായി പോക്ക്. വാമനന്‍ ചവിട്ടി താഴ്‌ത്തിയപ്പോള്‍ ഞാന്‍ എല്ലാവര്‍ഷവും വന്ന് എന്റെ പ്രജകളെ കണ്ടോട്ടേ എന്ന് അനുവാദം ചോദിച്ച പുള്ളിക്കാരനാ. എന്നിട്ടിപ്പോ പോകണോ വേണ്ടായോ എന്നുള്ള ചിന്തിയില്‍ പാതാള കൊട്ടാരത്തിലെ കൊരണ്ടിയില്‍ കുത്തിയിരുന്ന് ചിന്തിക്കുകയാണ്. സ്വര്‍ണ്ണസിംഹാസത്തില്‍ ഇരുന്ന് വിശാലമായി ചിന്തിച്ചിരുന്ന മഹാബലി ഇപ്പോള്‍ ചിന്തിക്കാന്‍ ഇരിക്കുന്നത് തടി കൊരണ്ടിയില്‍. സാമ്പത്തിക പ്രതിസന്ധിവന്നാല്‍ ഒബാമവരെ തറയില്‍ പാ വിരിച്ച് കിടക്കുന്ന കാലത്ത് മഹാബലി കൊരണ്ടിയില്‍ ഇരുന്നാല്‍ അത് വാര്‍ത്ത് ആവത്തില്ലല്ലോ? അല്ലങ്കില്‍ തന്നെ പത്രക്കാര്‍ക്കും ചാനലുകാര്‍ക്കും പെണ്ണുപിടിയും പെണ്വാണിഭവും അതിരുമാന്തലും ആണല്ലോ വാര്‍ത്താപ്രാധാന്യമുള്ള വിഷയങ്ങള്‍. ചുമ്മാ ഇരുന്ന് തളേന്ന് കുടിഞ്ഞ കഞ്ഞി അയവിറക്കി വെറുതെ ഓരോന്നോരോന്ന് ചിന്തിച്ചു കൊണ്ടിരിക്കുമ്പോഴാണ് പാതാളത്തിന്റെ പി‌ആര്‍‌ഒ കം അഡ്‌മിനിസ്‌ട്രേഷന്‍ കം നാവിഗേറ്റര്‍ ആയ മാവേലിയുടെ ബോഡിഗാര്‍ഡ് മാവേലിയുടെ മുന്നില്‍ എത്തിയത്.

“മഹാബലി തിരുമനസ്സേ, ഇങ്ങനെ വെറുതെ ഇരുന്ന് ചിന്തിച്ച് ചിന്തിച്ച് സമയം കളയാതെ എഴുന്നേറ്റ് ഒരുങ്ങി കേരളത്തില്‍ പോകാന്‍ നോക്ക്. നാളെ കഴിഞ്ഞ് തിരു‌വോണമാ.. അല്ല അങ്ങെന്താണ് ഇങ്ങനെ ചിന്തിക്കുന്നത്?” ബോഡി ഗാര്‍ഡ് ചോദിച്ചു.

“എടേ, ഞാനിനി കേരളത്തില്‍ ചെന്നാല്‍ എന്നെ നാട്ടുകാര്‍ കണ്ടാല്‍ തിരിച്ചറിയുമോ എന്ന് സംശയമാ എനിക്ക്?” മാവേലി പറഞ്ഞു.

“ഇപ്പോള്‍ ഇങ്ങനെ ഒരു സംശയം തോന്നാന്‍ കാരണം എന്താ തിരുമേനി?”

മാവേലി കുറേ പത്രങ്ങള്‍ എടുത്ത് ബോഡിഗാര്‍ഡിന്റെ മുന്നിലേക്കിട്ടു.

“നീ ഈ പത്രങ്ങളൊക്കെ ഒന്നു നോക്കിക്കേ, എല്ലാ പരസ്യത്തിലും മാവേലിയുണ്ട്. സ്വര്‍ണ്ണപരസ്യത്തിലേയും ടിവി പരസ്യത്തിലേയും ഫ്രിഡ്ജപരസ്യത്തിളേയും മൊബൈല്‍ ഫോണ്‍ പരസ്യത്തിലും എന്തിന് ഉപ്പുതൊട്ട് കര്‍പ്പൂരം വരെയുള്ള എല്ലാ പരസ്യത്തിലും മാവേലിയുണ്ട്. എല്ലാ മാവേലിയും ഒന്നിനൊന്ന് വെത്യാസം. എല്ലാ മാവേലിയും തമ്മില്‍ കുടവയറിലും മീശയിലും മാത്രമുണ്ട് സാമ്യം.ഇതൊക്കെ കാണുമ്പോള്‍ എനിക്ക് തന്നെ സംശയമാ. ആരാ ശരിക്കും ഉള്ള മാവേലിയെന്ന്” മാവേലി പറഞ്ഞു.

“അതു തിരുമേനി, ഏതോ പടം വരപ്പുകാരന്‍ ഏതോ പോലീസുകാരനെ അങ്ങയുടെ മേക്കപ്പിടീച്ചിട്ട് നോക്കി വരച്ചതുകൊണ്ടായിരിക്കും ഈ കുടവയറും കപ്പടാ മീശയും” ബോഡിഗാര്‍ഡ് പറഞ്ഞു.

“ആറുമലയാളിക്ക് നൂറു മലയാളം എന്ന് പറഞ്ഞതുപോലെയായി മാവേലിയുടെ കാര്യത്തിലും” മഹാബലി തന്റെ നിരാശ മറച്ചു വെച്ചില്ല.

“അങ്ങ് മലയാളത്തെക്കുറിച്ച് ഓര്‍ത്ത് വിഷമിക്കേണ്ട സീസണ്‍ പതിനഞ്ച് ആകുമ്പോഴേക്കും ആ ഭൂമി മലയാളത്തില്‍ രജ്ജ്നിമലയാളം എന്ന ഒരൊറ്റ മലയാളം മാത്രമേ കാണത്തൊള്ളൂ...” ബോഡിഗാര്‍ഡ് തന്റെ അഭിപ്രായം അങ്ങ് പറഞ്ഞു.

ചിന്തകള്‍ എല്ലാം തത്‌ക്കാലത്തേക്ക് മാറ്റിവെച്ച് മഹാബലി എഴുന്നേറ്റു. ഏതായാലും വാമനോട് ചോദിച്ചു വാങ്ങിയ വരം ആണല്ലോ ആണ്ടില്‍ ഒരു ദിവസം പ്രജകളേ കാണാനുള്ള അനുവാദം. അത് ഏതായാലും വേണ്ടാന്ന് വയ്ക്കേണ്ട. വാതിലിലേക്ക് തിരിഞ്ഞു നടന്ന ബോഡിഗാര്‍ഡിനെ മാവേലി തിരിച്ചു വിളിച്ചു.

“ഏടേ, നമ്മുടെ നിലവറകളുടെ പൂട്ടു തുറന്ന് നമ്മുടെ ആഭരണങ്ങളും കിരീടവും ഇങ്ങ് എടുക്കൂ...”

“പൊന്നു തിരുമേനി ഏത് നിലവറകളെ കുറിച്ചാണ് പറയുന്നത്. നമ്മുടെ ഏത് നിലവറയാ പൂട്ടിയിട്ടിരിക്കുന്നത്?”

“ങ്ങേ!!! നമ്മുടെ നിലവറകളൊന്നും പൂട്ടിയിടാറില്ലന്നോ? നമ്മുടെ വിലപ്പെട്ട കിരീടങ്ങളും ആഭരണങ്ങളും...”

“പൂട്ടി ഇടാന്‍ നിലവറകള്‍ക്കകത്ത് എന്തിരിക്കുന്നു. നിലവറകള്‍ തുറന്നിട്ടിരിക്കുന്നതുകൊണ്ട് അതിന്റെകത്ത് കയറി മാളം ഉണ്ടാക്കിയിരിക്കുന്ന കുഴിമുയലുകളെ കെണിവെച്ച് പിടിച്ചിട്ടാണ് വല്ലപ്പോഴും നോണ്‍‌വെജ് കഴിക്കുന്നത്?”

“നമ്മുടെ കിരീടം എവിടെ?” മാവേലിയുടെ ശബ്ദ്ദം ഉയര്‍ന്നു.

“അത് ഞാന്‍ പണയം വെച്ചു” ബോഡിഗാര്‍ഡ് സ മട്ടില്‍ പറഞ്ഞു.

“എന്ത് നമ്മുടെ സ്വര്‍ണ്ണകിരീടം പണയം വെച്ചന്നോ..?”

“പണയം വെയ്ക്കാതെ ഒരു നിവൃത്തിയും ഇല്ലായിരുന്നു പ്രഭോ? പട്ടിണികിടക്കാതെ നമ്മുള്‍ കഞ്ഞി കുടിക്കുന്നത് ആ കിരീടം പണയം വെച്ചതുകൊണ്ടാണ്..”

“കണക്കുകള്‍ കൊണ്ടുപോലും നാലണ എടുക്കാന്‍ കഴിയാത്ത നമ്മുടെ ഖജനാവില്‍ നിന്ന് പണം മുടക്കി നമ്മള്‍ എങ്ങനെ ആ കിരീടം തിരിച്ചെടുക്കും. കിരീടം പണയം വെച്ച് കിട്ടിയ പണം തീരുമ്പോള്‍ നമ്മള്‍ എന്ത് ചെയ്യും ?”

“അങ്ങ് വിഷമിക്കരുത്. ഞാന്‍ കിരീടം പണയം വെച്ച് സ്വര്‍ണ്ണ ലോണാണ് എടുത്തത്. വേറൊരു ബാങ്കില്‍ നിന്ന് നമ്മുടെ പേരില്‍ കേരളത്തില്‍ കിടക്കുന്ന തരിശ് നിലം കാ‍ണിച്ച് കാര്‍ഷിക വായ്പയും എടൂത്തു. എന്നിട്ട് ഈ പണം എടുത്ത് വേറൊരു ബാങ്കില്‍ സീനിയര്‍ സിറ്റിസണ്‍ അക്കൌണ്ടില്‍ ഡിപ്പോസിറ്റ് ഇട്ടു. മാസം മാസം ഇതില്‍ നിന്ന് കിട്ടൂന്ന പലിശയില്‍ നിന്ന് സ്വര്‍ണ്ണ പണയത്തിന്റേയും കാര്‍ഷിക വായ്‌പയുടേയും പലിശ അടച്ചുകഴഞ്ഞിട്ട് മാസം പത്താറായിരം രൂപ നമുക്ക് ലാഭം കിട്ടും. നമുക്ക് ഭാഗ്യമുണ്ടങ്കില്‍ എന്നെങ്കിലും ആ കാര്‍ഷിക വായ്‌പ കേരളാ സര്‍ക്കാരങ്ങ് എഴുതി തള്ളുകയും ചെയ്യും..” ബോഡിഗാര്‍ഡ് പറഞ്ഞു.

“എടോ ധര്‍മ്മിഷ്‌ഠനും നീതിമാനും ആയ ഞാന്‍ ഇങ്ങനെയോക്കെ ചെയ്‌തന്ന് മലയാളികള്‍ അറിഞ്ഞാല്‍ ഞാന്‍ പിന്നെ ജീവിച്ചിരുന്നിട്ട് കാര്യമുണ്ടോ?” മാവേലി ചോദിച്ചു.

“അടപ്പത്ത് കഞ്ഞിക്കുള്ള വെള്ളം തിളയ്ക്കുമ്പോള്‍ ധര്‍മ്മവും നീതിയും ഇട്ടാല്‍ കഞ്ഞി ആവത്തില്ല. അതിന് അരി തന്നെ ഇടണം. അരി വാങ്ങണമെങ്കില്‍ കാശ് കൊടുക്കണം. ഇതല്ലാതെ വേറെ ഒരു വഴിയും ഇല്ലായിരുന്നു കാശ് ഉണ്ടാക്കാന്‍”

“പട്ടിണി കിടന്നാലും കുഴപ്പമില്ലായിരുന്നു.. ഇതിപ്പോള്‍..”

“എന്നാ മാവേലി ഒരു കാര്യം ചെയ്യ്. ഈ പ്രാവിശ്യം നാട്ടില്‍ പോകുമ്പോള്‍ ഒരു ബി‌പി‌എല്‍ റേഷന്‍ കാര്‍ഡ് വാങ്ങ്. അതാകുമ്പോള്‍ ഒരു രൂപയക്ക് അരി കിട്ടും”

“ഒരു രാജാവായ എനിക്ക് ബി‌പി‌എല്‍ റേഷന്‍ കാര്‍ഡ് കിട്ടുമോ?”

“ദിവസം ഇരുപത്തഞ്ച് റബര്‍ ഷീറ്റ് കിട്ടൂന്നവനുവരെ ബി‌പി‌എല്‍ റേഷന്‍ കാര്‍ഡ് ഉള്ള സ്ഥലമാ അത്. പിന്നാണോ അങ്ങേയ്ക്ക് കിട്ടാന്‍ പാട്” ബോഡി ഗാര്‍ഡ് പറഞ്ഞു.

“എടോ ഗാര്‍ഡേ, അതൊക്കെ നമുക്ക് രണ്ടു ദിവസം കഴിഞ്ഞിട്ട് ആലോചിക്കാം. എനിക്കിപ്പോള്‍ കേരളത്തില്‍ പോകണമെങ്കില്‍ കിരീടം വേണം. അതില്ലാതെ അങ്ങോട്റ്റ് ചെന്നാല്‍ എന്തെല്ലാം പുകിലാ ഉണ്ടാകുന്നതെന്ന് അറിയാമോ? കിരീടം കണ്ടില്ലങ്കില്‍ ഞാനത് എടുത്ത് ഒരുക്കി പുട്ടടിച്ചന്ന് ഓരോരുത്തന്മാര്‍ പറയും. ഒരു ഗ്രാം തങ്കത്തിന്റെ മാലയും വളയും ഒക്കെ ഇടാമെന്ന് വെച്ചാലും ഒരുഗ്രാം തങ്കത്തില്‍ പൊതിഞ്ഞ കിരീടം എവിടെയെങ്കിലും വാങ്ങാന്‍ കിട്ടുമോ. ഇനി കിരീടം ഇല്ലാതെ കേരളത്തില്‍ ചെന്നാല്‍? അവിടെ ഒരാള്‍ക്കാണങ്കില്‍ രാജാവിന്റെ പേരില്‍ കുറ്റം നടപ്പില്‍ കുറ്റം, എടുപ്പില്‍ കുറ്റം എന്നൊക്കെ പറഞ്ഞ് ഇരിക്കുകയും കൂടി ആണ്”

“മഹാബലി രാജാവേ ഈ പ്രാവിശ്യം അങ്ങ് കിരീടം ഇല്ലാതെ പോവുകയേ വഴിയുള്ളൂ. കിരീടം എടുക്കാന്‍ വ്ഴിയൊന്നും ഇല്ല. ഇന്ന് കാശുണ്ടാക്കി നാളെ ബാങ്കീന്ന് കിരീടം എടുക്കാമെന്ന് വെച്ചാല്‍ നാളെ ബാങ്ക് അവധിയാ”

“പിന്നെ എന്താണ് ഒരു വഴി?”

“ഞാന്‍ നോക്കിയിട്ട് ഒരൊറ്റ വഴിയേ ഉള്ളൂ.”

“എന്താണാവഴി.. അല്ലങ്കില്‍ തന്നെ നീ ഒക്കെ പറഞ്ഞ വഴികളില്‍ കൂടി നടന്ന് പെരുവഴിയില്‍ എത്തിയിട്ടെ ഉള്ളൂ. പെരുവഴിയിലേക്കൂള്ള വഴിയാണങ്കില്‍ നീ പറയണം എന്നില്ല” മാവേലി പറഞ്ഞു. പാതാളത്തിന്റെ പി‌ആര്‍‌ഒ കം അഡ്‌മിനിസ്‌ട്രേഷന്‍ കം നാവിഗേറ്റര്‍ ആയ മാവേലിയുടെ ബോഡിഗാര്‍ഡ് പെട്ടന്ന് മുറിയില്‍ നിന്ന് പുറത്തേക്ക് പോയിട്ട് തിരിച്ചു വന്നു. അയാള്‍ ഒരു വെള്ളതൊപ്പി മാവേലിക്കു നേരെ നീട്ടി. മാവേലി അത് വാങ്ങി.

“എന്താണിത്..” മാവേലി ചോദിച്ചു.

“പ്രഭോ, ഈ തൊപ്പി വെച്ചുകൊണ്ട് ചെന്നാല്‍ അങ്ങയുടെ കിരീടത്തെക്കുറിച്ച് ആരും ചോദിക്കത്തില്ല. ദേശീയ ചാനലുകള്‍ വരെ അങ്ങയുടെ കേരള യാത്ര ലൈവായി കാണിക്കും. ഇപ്പോള്‍ ഈ തൊപ്പിയാണ് ട്രെ‌ന്‍ഡ്...”

മാവേലി തൊപ്പി വെച്ചിട്ട് കണ്ണാടിയില്‍ നോക്കി.
“കൊള്ളാം. ഈ തൊപ്പി വെച്ചാല്‍ ആരും കിരീടം എവിടെയെന്ന് ചോദിക്കത്തില്ല.”

അങ്ങനെ ആ തൊപ്പി വെച്ചുകൊണ്ട് ഓണത്തിന് കേരളത്തില്‍ പോകാന്‍ മഹാബലി തീരുമാനിച്ചു. തിരുവോണത്തില്‍ മാവേലി കിരീടത്തിന് പകരം ആ തൊപ്പി വെച്ചുകൊണ്ട് ആയിരിക്കും മലയാളികളെ കാണാന്‍ എത്തുന്നത്.

ദേ ഇതാണ് തൊപ്പി വെച്ച മാവേലി

ചിത്രങ്ങള്‍ : മാവേലി,മഹാബലി, maveli, mahabali എന്നിങ്ങനെ സേര്‍ച്ച് ചെയത്പ്പോള്‍ കിട്ടിയത്. അവസാന പടത്തിന്റെ തലയില്‍ ഒരു തൊപ്പി ഒട്ടിച്ച് വയ്ക്കൂക എന്നുള്ളതേ ഞാന്‍ ചെയ്തിട്ടൂള്ളൂ

ലവണ തൈലത്തിലെ മാവേലി

2011-09-04T21:36:00.000+05:30

ഓണം ബംബര്‍ ലോട്ടറിക്കും ഫ്രി

2011-09-03T22:26:00.000+05:30

2011 ഓണം ബംബര്‍ ലോട്ടറിക്ക് വില 200 രൂപ.

ബംബര്‍ ‌ടിക്കറ്റ് വില്പന കുറഞ്ഞപ്പോള്‍ കച്ചവടക്കാര്‍ കണ്ട് പിടിച്ച വഴിയാണ് ഒരു ബംബര്‍ ടിക്കറ്റ് വാങ്ങുന്നവന് രണ്ട് വിന്‍ വിന്‍ ടിക്കറ്റ് ഫ്രി ആയി കൊടുക്കുക എന്നുള്ളത്. എന്നിട്ടും വില്പന പോരാ എന്നാണ് കച്ചവടക്കാര്‍ പറയുന്നത്. (എല്ലാ ബംബര്‍ ലോട്ടറിക്കും ഇതുവരെ ടിക്കറ്റ് വില 100 ആയിരുന്നു. ഓണത്തിന്റെ ബമ്പറിന്‍ വില 200. അതിനനുസരിച്ച് സമ്മാന ഘടനയിലും മാറ്റമുണ്ട്)

കടമ്മനിട്ടയുടെ ‘പിഴച്ചപെണ്ണിലൂടെ’ സമൂഹത്തെ നോക്കുമ്പോള്‍

2011-08-27T22:39:00.003+05:30

തിരക്കേറിയ ജീവിതത്തില്‍ നമ്മള്‍ മറ്റൊരാളെ ശ്രദ്ധിക്കുന്നത് എപ്പോഴാണ്? അസാധാരണമായത് എന്തെങ്കിലും സംഭവിക്കുമ്പോള്‍ മാത്രമേ നമ്മള്‍ ഇപ്പോള്‍ മറ്റൊരാളെ ശ്രദ്ധിക്കാറുള്ളൂ. ശ്രദ്ധ അവിടെ നില്‍ക്കട്ടെ. നമ്മളില്‍ പലരും ഇപ്പോള്‍ പത്രം കിട്ടിയാല്‍ ആദ്യം തിരയുന്നത് പെണ്‍‌വാണിഭകഥകളുടെ തുടര്‍ച്ച ആയിരിക്കും. ഇന്ന് പത്രങ്ങളില്‍ ക്രൈം‌ എന്ന തലക്കെട്ടില്‍ ഇത്തരം വാര്‍ത്തകള്‍ക്കായി പ്രത്യേകം പേജ് തന്നെ നീക്കി വെച്ചിട്ടൂണ്ട്. അപ്പന്‍ മകളെ പീഡിപ്പിക്കുന്നതും, അപ്പന്റെ പീഡനത്തെ തുടര്‍ന്ന് ഗര്‍ഭിണിയായ പെണ്‍കുട്ടികളെ കുറിച്ചും ഒക്കെ നമ്മള്‍ പത്രത്തില്‍ വായിക്കുന്നു. ഇത്തരം വാര്‍ത്തകള്‍ വായിച്ചതിനു ശേഷം ശ്ശോ! എന്ന് വെച്ചതിനു ശേഷം നമ്മള്‍ അടുത്ത വാര്‍ത്തകളിലേക്ക് പേജ് മറിക്കും. ഇത്തരം വാര്‍ത്തകള്‍ വായിച്ചിട്ട് നമ്മള്‍ നമ്മുടെമാത്രമായിട്ടുള്ള നിലപാടുകളും വിശകലനവുമായി മറ്റൊരാള്‍ക്ക് വാര്‍ത്ത കൈമാറും. അങ്ങനെ ആ വാര്‍ത്തകള്‍ പലരുടേയും വിശകലനത്തിലൂടെ കടന്ന് പോകുമ്പോള്‍ ചിലപ്പോള്‍ സാക്ഷി ഒന്നാം പ്രതിയും ആകും.

കടമ്മനിട്ട രാമകൃഷ്ണന്‍ എഴുതിയ പിഴച്ച പെണ്ണ് എന്ന കവിത ഇന്ന് വീണ്ടും വായിക്കാന്‍ ഇടയായപ്പോള്‍ തോന്നിയ ചില കാര്യങ്ങള്‍ ഇവിടെ കുറിക്കുന്നു.

വിശപ്പ് ചിലപ്പോള്‍ ചിലര്‍ക്കു സുഖമുള്ള ഒരനുഭവമാണ്.
അതിനുവേണ്ടി നിരാഹാരസത്യാഗ്രഹം നടത്തുന്നു
പ്രദോഷവ്രതം നോക്കുന്നു
പിണങ്ങി കിടക്കുന്നു

മുകളിലെ വരികള്‍ വായിക്കുമ്പോള്‍ നിങ്ങള്‍ എന്താണ് തോന്നുന്നത് ? നിങ്ങളുടെ ഉള്ളില്‍ ഒരു പരിഹാസച്ചിരി വിരിയുന്നത് എനിക്ക് കാണാന്‍ പറ്റും. നിരാഹാരസത്യാഗ്രഹവും ഉപവാസവും നമ്മുടെ ഇടയില്‍ ഇന്ന് ഫാഷനും ട്രന്‍ഡ് സെകറ്ററുമായി മാറുമ്പോള്‍ ആരാണങ്കിലും ഒന്നു ചിരിക്കും.പക്ഷേ ഈ വരികള്‍ ആ കവിതയുടെ ഭാഗമായി വായിക്കുമ്പോള്‍ നിങ്ങളുടെ ഉള്ളില്‍ ഉണ്ടാകുന്നത് ഒരു നീറ്റല്‍ ആയിരിക്കും. ഉള്ള് പൊള്ളിക്കുന്ന ചില സത്യങ്ങള്‍ കവി കവിതയിലൂടെ അനാവരണം ചെയ്യുകയാണ്. കടമ്മനിട്ട ‘പിഴച്ചപെണ്ണ്’ എഴുതുന്നത് 1980 ല്‍ ആണന്നുകൂടി ഓര്‍ക്കണം. ഇന്നത്തെ സമൂഹവും അന്നത്തെ സമൂഹവും തമ്മില്‍ സ്വഭാവത്തില്‍ ഒരു വെത്യാസവും ഉള്ളവര്‍ ആയിരുന്നില്ലന്ന് നമുക്ക് ഈ കവിത വായിച്ചു കഴിയുമ്പോള്‍ മനസിലാവും. അതിനു കാരണമായി പറയാന്‍ പറ്റുന്നത് ആ കവിതയിലെ തന്നെ അവസാനവരിയാണ്. മനുഷ്യന്‍ ഒരു സാമൂഹ്യജീവിയാണല്ലോ?

ഇരുണ്ട ഇടവപ്പാതിനാളുകളില്‍
കലങ്ങിമറിയുന്ന വെള്ളപ്പാച്ചിലില്‍
പഞ്ഞക്കര്‍ക്കിടകത്തിന്റെ കോടത്തണുപ്പില്‍
ആ ഓലച്ചെറ്റ വിറച്ചു.
കരിക്കലങ്ങള്‍ കമിഴ്‌ന്നുകിടന്നു
മണ്ണെണ്ണവിളക്കിന്റെ നാവിറങ്ങിപ്പോയി
തന്തയുടെ തലകറങ്ങി
മകളുടെ ഒട്ടിയവയറും ഉയര്‍ന്ന മാറും ഉലയൂതി
ഒന്നും സംഭവിച്ചില്ല-അവര്‍ക്കു വിശന്നുപോലുമില്ല.
വിശപ്പ് ചിലപ്പോള്‍ ചിലര്‍ക്കു സുഖമുള്ള ഒരനുഭവമാണ്.
അതിനുവേണ്ടി നിരാഹാരസത്യാഗ്രഹം നടത്തുന്നു
പ്രദോഷവ്രതം നോക്കുന്നു
പിണങ്ങി കിടക്കുന്നു.
തുള്ളിമുറിയുമ്പോള്‍ തന്ത ഇറങ്ങിപ്പോകും
മകള്‍ ഉറങ്ങിപ്പോകും
പെരുമ്പാമ്പ് ഇഴയുന്നുണ്ടായിരുന്നു
അവള്‍ ഗര്‍ഭിണിയായി
നാട്ടുകാരതറിഞ്ഞു.

കര്‍ക്കിടകത്തിന്റെ രൌദ്രതയില്‍ ആ ചെറ്റക്കുടിലിനും അതിലെ രണ്ട് മനുഷ്യ ജീവികള്‍ക്കും സംഭവിച്ചമാറ്റം കവി പറയുന്നു. പഞ്ഞക്കര്‍ക്കിടകം ആ ചെറ്റക്കുടിലിനേയും കോടത്തണുപ്പില്‍ പൊതിഞ്ഞു. ഭക്ഷ്യവസ്തുക്കള്‍ പാചകം ചെയ്യാനൊന്നും ഇല്ലാത്തതുകൊണ്ട് കലം കമഴ്ന്ന് തന്നെ ഇരുന്നു. വിളിക്കില്‍ മണ്ണണ്ണ ഇല്ലാത്തതുകൊണ്ട് ആ വെട്ടവും ഇല്ലാതെയായി. മുഷിഞ്ഞു കത്തുന്ന മണ്ണണ്ണ വിളക്കായിരുന്നു ആ കൂരയില്‍ വെളിച്ചം കൊടുത്തിരുന്നത്. വിശന്നിട്ടും കാര്യമില്ലാത്തതുകൊണ്ടായിരിക്കണം അവര്‍ക്ക് വിശക്കാതിരുന്നത്. മഴ കുറയുമ്പോള്‍ തന്ത കൂരയില്‍ നിന്ന് ഇറങ്ങിപ്പോകും. മകള്‍ ഉറങ്ങി പോവുകയും ചെയ്യും. തന്ത കൂരയില്‍ നിന്ന് പുറത്തേക്ക് പോകുമ്പോഴായിരിക്കണം മനുഷ്യപെരുമ്പാമ്പുകള്‍ ഇരയെ വിഴുങ്ങാനായി ആ കൂരയില്‍ എത്തിയിരുന്നത്.

വിവാഹം കഴിക്കാതെ ഒരു പെണ്ണ് ഗര്‍‌ഭിണിയാണന്ന് അറിഞ്ഞാല്‍ അവര്‍ വെറുതെ ഇരിക്കുമോ? അവര്‍ ആരും പറയാതെ തന്നെ ഗര്‍ഭത്തിന്റെ ഉത്തരവാദികളെ തേടി ഇറങ്ങും. ആ പെണ്ണിനോട് സംസാരിച്ചിട്ടുളവരോ ആ പെണ്ണിനെ കണ്ടിട്ടുള്ളവരൊക്കയോ ആ ഗര്‍ഭത്തിന്റെ അവകാശികളായി നാട്ടുകാരുടെ നാവുകളില്‍ നിന്ന് നാവുകളിലേക്ക് സഞ്ചരിക്കും.

കൊച്ചിനേംകൊണ്ടങ്ങേലിങ്ങേല്‍ കേറിനടക്കൂന്ന
ആ പിഴച്ചപെണ്ണിനും ഒരു കഥയുണ്ട്

എന്ന് പറഞ്ഞാണ് കവി കവിത ആരംഭിക്കുന്നത് തന്നെ. ആ പെണ്ണിന്റെ കഥ ആ ഗ്രാമത്തില്‍

ഹരം പിടിപ്പിക്കുന്ന ഒരു തെറിപ്പാട്ടുപോലെ
ആ കഥ ഇന്നും ഒഴുകി നടക്കുന്നു.

ഇങ്ങനെ കഥ ഒഴുകി നടക്കാനുള്ള കാരണവും കവി തന്നെ പറയുന്നുണ്ട്. ഏതൊരു നിസാര സംഭവത്തിനും പൊടിപ്പും തൊങ്ങലും വെച്ച് അതില്‍ സ്വന്തമായി വിശകലനവും ഭാവനയും കൂടി ചേര്‍ത്ത് കേള്‍ക്കുന്ന ആള്‍ക്കാരില്‍ ഒരു ജിജ്ഞാസ വളര്‍ത്തി കാര്യങ്ങള്‍ ഊതിപ്പെരുപ്പിച്ച് പറയാന്‍ ആള്‍ക്കാര്‍ ഇഷ്ടപ്പെടുന്നുണ്ട്. എന്ത് ചെറിയ സംഭവം ആണങ്കിലും വലിയ സംഭവം ആണങ്കിലും ഇത്തരം കാര്യങ്ങള്‍ ആള്‍ക്കാരെ ഉത്സാഹഭരിതരാക്കുന്നതിന്റെ കാരണം മാത്രം കവിക്കറിയാന്‍ പാടില്ല. നമ്മള്‍ അറിഞ്ഞ ഇത്തരം സംഭവങ്ങള്‍(മരണം,കല്യാണം,വീട് വയ്ക്കല്‍,വിദേശത്തേക്കുള്ള പോക്ക്, പ്രസവം, അടിപിടി,കൊലപാതകം) മറ്റൊരാളോട് പറയുമ്പോള്‍ നമ്മള്‍ അറിയാതെ തന്നെ നമ്മള്‍ പറയുമ്പോള്‍ നമ്മുടെ ഭാവനയും കൂടി ആ വിവരണത്തിലേക്ക് കടന്നു വരും. ആരാന്റെ അമ്മയ്ക്ക് ഭ്രാന്ത് വന്നാല്‍ കാണാന്‍ നല്ല ചേല് എന്ന് പറയുമ്പോലെ സംഭവം നമ്മളെക്കൊണ്ട് ആവും വണ്ണം ഒന്നു കൊഴുപ്പിച്ചിട്ടേ വാര്‍ത്ത മറ്റൊരാളിലേക്ക് നമ്മള്‍ കൈമാറൂ.

കവിതയിലെ നായികയായ പെണ്‍‌കുട്ടിയുടെ അമ്മ അവളുടെ ചെറുപ്പത്തിലേ മരിച്ചതാണ്. പിന്നീട് ആ പെണ്‍ കുട്ടിയെ വളര്‍ത്തിയത് അവളുടെ അപ്പനാണ്. വിറകുവെട്ടിയും ചുമടെടുത്തും അയാള്‍ മകളെ സംരക്ഷിച്ചു. വഴിക്കും വയലിനും ഇടയിലുള്ള പുറമ്പോക്കില്‍ ഉണ്ടാക്കിയ കൂരയിലായിരുന്നു അവരുടെ താമസം. ആ കൂര കണ്ടാല്‍ കയ്യാലപൊത്തിലെ കിളിക്കൂടാണന്നേ പറയൂ. വഴിയില്‍ക്കൂടി പോകുന്ന വാഹങ്ങളുടെ ശബ്ദ്ദം അവരുടെ വീടിനുള്ളിലേക്ക് കടക്കും. വഴിയിലെ പൊടിയും മണ്ണും ഒക്കെ ആ വീടിനകത്തേക്ക് കയറി.വെള്ളപ്പൊക്കം വരുമ്പോള്‍ വയലില്‍ നിന്നുള്ള വെള്ളം ആ കൂരയ്ക്കുള്ളിലേക്ക് കയറും. ഇഴജന്തുക്കളും ആ കൂറയ്ക്കുള്ളിലേക്ക് കയറും. അവര്‍ ആ ഗ്രാമത്തില്‍ താമസിച്ചിരുന്നു എങ്കിലും ഗ്രാമത്തിലെ ഒരു വിശേഷത്തിനും അവരെ മറ്റുള്ളവര്‍ ക്ഷണിച്ചിരുന്നില്ല.

ഓണവും വിഷുവും കല്യാണവും പുറന്നാളും
മരണവുമെല്ലാമവര്‍ക്കപ്പുറത്തായിരുന്നു.
ആകാശത്തിലെ പറവകളോ
മാളത്തിലെ പാമ്പുകളോ ആയിരുന്നില്ലവര്‍,
വെളിമ്പറമ്പില്‍ കുരുത്ത തകരകളുമായിരുന്നില്ല്,
അലങ്കാരങ്ങളോ വിശേഷ്ണങ്ങളോ
ആവശ്യമില്ലാത്ത വെറും മനുഷ്യര്‍,
എങ്കിലും ആരും അവരെ അന്വേഷിച്ചില്ല.

കിട്ടുന്നതുകൊണ്ട്, ഉള്ളതുകൊണ്ട് അരി വാങ്ങി ചുള്ളിക്കമ്പും കരിയിലയും ഒക്കെ വെച്ച് അടുപ്പ് എരിച്ച് അവര്‍ ഭക്ഷ്ണം ഒക്കെ ഉണ്ടാക്കി അങ്ങ് ജീവിച്ചു. ഒരു പെണ്‍‌കൊച്ച് വളരുന്നത് കണ്ണടച്ച് തുറയ്ക്കുന്ന സമയം കൊണ്ടാണന്ന് പലരും പറയാറുണ്ട്. പെണ്‍കുട്ടിയില്‍ കാലം വരുത്തുന്ന വളരെ സങ്കീര്‍ണ്ണമായ മാറ്റം പെട്ടന്നായിരിക്കും. ഒരു പെണ്‍കുട്ടി പെണ്ണായി കഴിഞ്ഞാല്‍ മുലയും തലയും മൂടും വളര്‍ന്നു കഴിഞ്ഞാല്‍ അവളില്‍ വീഴുന്ന നോട്ടങ്ങളില്‍ പലതും നെറികെട്ടതായിരിക്കും. കവിതയിലെ പെണ്‍കുട്ടിയും വളര്‍ന്നു.

വേഗത്തിലല്ലെങ്കിലും ആ പെണ്ണും പരുവത്തിലെത്തി
മുലയും തലയും മൂടും അവളേയും പെണ്ണാക്കി.

മുലയും തലയും മൂടും വളര്‍ന്ന ഒരു പെണ്ണ് കല്യാണം കഴിക്കാതെ ഗര്‍ഭിണി ആയന്ന് അറിഞ്ഞാല്‍ നാട്ടുകാര്‍ക്ക് അടങ്ങിയിരിക്കാന്‍ പറ്റുമോ? അവര്‍ കാര്യങ്ങള്‍ അന്വേഷിക്കാനായി ഇറങ്ങി. ഇത്രയും കാലം അവരെക്കുറിച്ച് അന്വേഷിക്കാത്തവര്‍ അന്വേഷ്ണം തുടങ്ങി.

നമ്മുടെ സമൂഹത്തിനു നേരെ കവി ചൂണ്ടുപലകയാകുന്നത് ശ്രദ്ധിക്കുക . കവിതയുടെ ആദ്യഭാഗത്ത് കവി ആ അച്ഛന്റേയും മകളുടെയും ജീവിതത്തെക്കുറിച്ച് പറയുന്നുണ്ട്.

എങ്കിലും ആരും അവരെ അന്വേഷിച്ചില്ല.
സ്നേഹിച്ചില്ല,വെറുത്തില്ല
ആര്‍ക്കും ഒന്നിനും സമയമില്ലായിരുന്നു.
അവര്‍ പുറമ്പോക്കില്‍ തന്നെ ആയിരുന്നു.

പെണ്ണ് ഗര്‍ഭിണിയായന്ന് അറിഞ്ഞ ഉടനെ നാട്ടുകാര്‍ അവരെ ശ്രദ്ധിക്കാന്‍ തുടങ്ങി.കവി ആ ശ്രദ്ധയെക്കുറിച്ച് ഇങ്ങനെ പറയുന്നു

നാട്ടുകാരുടെ ശ്രദ്ധ പെട്ടന്ന് അവരുടെമേല്‍ പതിഞ്ഞു.
തന്തയാണ് പെണ്ണിനെ പിഴപ്പിച്ചതെന്ന്
അവര്‍ തറപ്പിച്ചു പറഞ്ഞു.
പെണ്ണിനെ വെച്ചു പൊറുപ്പിക്കാ‍നാണ്
എങ്ങും വിടാതിരുന്നതെന്നവര്‍ പറഞ്ഞു.
കലം തേച്ചും മുറ്റമടിച്ചും അതിന്റെ
വയറ്റിപ്പിഴപ്പിനുള്ള വഴി തേടാമായിരുന്നു.

പെണ്‍കുട്ടിയെ എങ്ങും ജോലിക്ക് വിടാതിരുന്നത് അവളെ വെച്ചു പൊറിപ്പിക്കാനായിരുന്നു എന്നാണ് നാട്ടുകാര്‍ തന്തയെക്കുറിച്ച് പറഞ്ഞത്. ഏതെങ്കിലും വീട്ടിലെ പുറം പണികള്‍ ചെയ്താല്‍ അവള്‍ക്ക് ജീവിക്കാന്‍ പറ്റുമായിരുന്നു എന്ന് നാട്ടുകാര്‍ പറഞ്ഞു. ഇങ്ങനെ നാട്ടുകാര്‍ പറയാന്‍ കാരണം ഉണ്ട്. മുലയും തലയും മൂടും അവളേയും പെണ്ണാക്കി കഴിഞ്ഞപ്പോള്‍ അപലരും അവളെ പുറം പണിക്ക് വിളിച്ചു. പക്ഷേ ആ തന്ത അവളെ പുറം പണിക്ക് പോകാന്‍ വിട്ടില്ല.

ഓലച്ചെറ്റയുടെ കണ്ണികളില്‍
പല നോട്ടങ്ങളും ഉടക്കി‌ക്കിടന്നു
കലം തേക്കാനും മുറ്റമടിക്കാനും
വല്യവീട്ടുകാര്‍ അവളെ വിളിച്ചു.
‘ഞാനുള്ളപ്പോള്‍ നീയെങ്ങും പോകേണ്ട’
തന്ത പറയുമായിരുന്നു.

തങ്ങളുടെ വീടുകളില്‍ പെണ്ണിനെ പണിക്ക് വിടാത്തതിനുള്ള ഇഷ്ടക്കേട് നാട്ടുകാരില്‍ പലരും തീര്‍ത്തത് ആ മകളെ പിഴപ്പിച്ചത് തന്തയാണന്ന് തന്നെ പറഞ്ഞാണ്. നാട്ടുകാരുടെ പറച്ചിലില്‍ ആദ്യം അയാള്‍ ഒന്നും പറഞ്ഞില്ലങ്കില്‍ അയാള്‍ക്ക് എപ്പോഴും മൌനമായി നില്‍ക്കാന്‍ കഴിയില്ലല്ലോ.

നാട്ടുകാരുടെ താത്‌പര്യം കൂടിക്കൂടി വന്നപ്പോള്‍
അയാള്‍ ആണയിട്ടു പറഞ്ഞു:
‘ഞാനല്ല,ഞാനല്ല’
അയാളുടെ കണ്ണുകളില്‍ കിളര്‍ന്ന് അഗ്നി
കുമിറ്റി പെയ്യുന്ന മഴയില്‍ കെട്ടുപോയി.
ആയിരം കുടങ്ങളുടെ വായ് മൂടിക്കെട്ടാമെങ്കിലും ഒരു മനുഷ്യന്റെ വായ് അടയ്ക്കാന്‍ പ്രയാസമാണല്ലോ?കുറ്റം വിധിക്കാന്‍ നില്‍ക്കുന്ന ആയിരങ്ങളുടെ ആക്രോശത്തില്‍ അയാളുടെ ശബ്ദ്ദം ആരു കേള്‍ക്കാന്‍. അവര്‍ക്ക് ആ പെണ്ണിന്റെ ഗര്‍ഭത്തിന് ചൂണ്ടിക്കാണിക്കാന്‍ ഒരാളെ മതിയായിരുന്നു. .അയാളാണ് മകളെ പിഴപ്പിച്ചതെന്ന് നാട്ടുകാര്‍ വീണ്ടും വീണ്ടും തന്തയ്ക്ക് നേരെ ആക്ഷേപം ഉന്നയിച്ചു കൊണ്ടേ ഇരുന്നു. കലക്കവെള്ളത്തില്‍ മീന്‍ പിടിക്കാന്‍ തക്കം പാര്‍ത്തിരിക്കുന്നവരെപോലെ ചിലര്‍ ഈ ഗ്രാമത്തിലും ഉണ്ടായിരുന്നു.

‘ഇക്കാലത്ത് മാലാഖമാരൊന്നും
മനുഷ്യസ്ത്രികളെ പ്രാപിക്കാറില്ല’
യുക്തിവാദം തലയുയര്‍ത്തി
നാട്ടുകാരുടെ യുക്തിവാദം സഹിക്കാനാവാതെ അയാള്‍ സ്ഥലം വിട്ടു.
അവള്‍ ആരോടും ഒന്നും പറഞ്ഞില്ല.

ഏതായാലും പെണ്ണ് ഗര്‍ഭിണി ആയത് മനുഷ്യനില്‍ നിന്നുതന്നെയാണ്. നാട്ടുകാരുടെ മുന്നില്‍ ഇപ്പോള്‍ ആ പെണ്ണിന്റെ ഉദരത്തില്‍ വളരുന്ന കൊച്ചിന്റെ തന്ത അവളുടെ തന്ത തന്നെയാണ്. അവള്‍ക്കിന്നുവരേയും, അവള്‍ ഗര്‍ഭിണിയാണന്ന് അറിഞ്ഞപ്പോഴും അവള്‍ക്ക് താങ്ങായി നിന്ന അവളുടെ തന്തയ്ക്ക് നാട്ടുകാരുടെ യുക്തിവാദം സഹിക്കാനാവാതെ നാടുവിടേണ്ടി വന്നു. അവളാണങ്കില്‍ ആരോടും വാ തുറന്ന് ഒന്നും പറഞ്ഞില്ല. വേട്ടയാടപ്പെട്ട ഇരയ്ക്ക് പലപ്പോഴും ശബ്‌ദ്ദവും നഷ്ടപ്പെടുമല്ലോ? അല്ലങ്കില്‍ ഭീക്ഷണിയിലൂടയോ മറ്റോ വേട്ടക്കാര്‍ ഇരയുടെ ശബ്‌ദ്ദത്തെ ഇല്ലാതാക്കിയിരിക്കും .ആ പെണ്ണിന് താങ്ങായ അവളുടെ തന്ത നാട്ടില്‍ നിന്ന് പോയതോടെ നാട്ടുകാര്‍ക്ക് സമാധാനമായിക്കാണും. കാരണം ജയിച്ചത് തങ്ങളാണ്. തോറ്റത് പരിഹാസ ശര്‍ങ്ങള്‍ കൊണ്ട് പുളഞ്ഞ അവളുടെ തന്തയും അവളും ആണല്ലോ?.മാസം തികഞ്ഞപ്പോള്‍ പെണ്ണ് പെറ്റു.

ഇപ്പോള്‍ അവള്‍ ആ കൊച്ചിനേം കൊണ്ട്
അങ്ങേലിങ്ങേല്‍ കേറി നടക്കുന്നു.
അവളുടെ നിര്‍‌ദയമായ നോട്ടത്തില്‍ നിന്നും
പലരും ഒഴിഞ്ഞുമാറുന്നു.
ഇന്നും കൊച്ചിന്റെ തന്തയെച്ചൊല്ലി
ഞങ്ങളുടെ ഗ്രാമത്തില്‍ തര്‍ക്കങ്ങള്‍ നടക്കുന്നു.
മനുഷ്യന്‍ ഒരു സാമൂഹ്യജീവിയാണല്ലോ??

അവളെ പിഴച്ചവള്‍ എന്ന് മുദ്രകുത്തി അവളുടെ ഉദരത്തില്‍ വളര്‍ന്ന കുഞ്ഞിന്റെ അപ്പനായി അവളുടെ തന്തയെ ചിത്രീകരിച്ച നാട്ടുകാരില്‍ പലരും അവളെ കാണുമ്പോള്‍ ഇപ്പോള്‍ വഴിമാറിപ്പോകും. അവളുടെ നിര്‍ദയമായ നോട്ടത്തിന്റെ ശക്തിയില്‍ അവര്‍ക്ക് ഒഴിഞ്ഞുമാറാതിരിക്കാന്‍ പറ്റില്ലല്ലോ??? അവള്‍ ഒരിക്കല്‍ മൌനം പാലിച്ചതുകൊണ്ടാണ് തങ്ങള്‍ക്ക് ഇപ്പോള്‍ അവളുടെ മുന്നിലല്ലാതെ മറ്റുള്ളവരുടെ മുന്നില്‍ തല ഉയര്‍ത്തി നടക്കാന്‍ പറ്റുന്നതെന്ന് അവര്‍ക്കറിയാം.

പെണ്‍‌വാണിഭസംഘങ്ങള്‍ക്ക് പെണ്‍കുട്ടിയെ പിതാവോ മാതാവോ ചേച്ചിയോ ഒക്കെ കൈമാറിയതായി നമ്മള്‍ പത്രങ്ങളില്‍ വായിക്കുന്നത് ഒരു നിര്‍വികാരിതയോടെ ആയിരിക്കും. ഇന്ന് ഇത്തരം വാര്‍ത്തകള്‍ അപൂര്‍വ്വങ്ങളും അല്ല. ഇത്തരം വാര്‍ത്തകള്‍ നമ്മളില്‍ ഇപ്പോള്‍ ഞെട്ടല്‍ ഉണ്ടാക്കാറും ഇല്ല. ഒരോ പെണ്‍‌ദുരന്തം ഉണ്ടാകുമ്പോഴും ഒരു സമൂഹം എന്ന നിലയില്‍ നമുക്കും അതില്‍ പങ്കുണ്ടാവും.

കവിതയുടെ ഒരു ഭാഗത്ത് കവി തന്നെ പറയുന്നുണ്ട്

ഈ പെണ്ണിന്റെ കഥയിലാര്‍ക്കാണ് താത്‌പര്യം?
അറയാനും പറയാനും ഞാനെന്തിനു ബദ്ധപ്പെടണം?
ഞാന്‍ പുറമ്പോക്കിലല്ലല്ലോ!
അവളുടെ കഥയില്‍ എനിക്കും പങ്കുണ്ടോ??
ഈ ചോദ്യത്തിന് ഉത്തരം കണ്ടത്തേണ്ടത് നമ്മള്‍ തന്നെയാണ്.

*****************

ചിത്രങ്ങള്‍ : ഗൂഗിളില്‍ നിന്ന് എടുത്തത്.

ഈ പഴഞ്ചൊല്ലുകളും നിരോധിക്കണം

2011-08-21T17:35:00.000+05:30

ഒരു ഭാഷയുടെ സൌന്ദര്യവും വാ‌മൊഴിയായി ആ ഭാഷയ്ക്ക് പകര്‍ന്ന് കിട്ടിയ ശൈലികളും/പ്രയോഗങ്ങളും പഴഞ്ചൊല്ലുകളും ആയിരിക്കും. ഒരു പക്ഷേ വരമൊഴിയില്‍ കൂടി ഭാഷയ്ക്ക് കിട്ടിയ സംഭാവനകളേക്കാള്‍ ഭാഷയുള്ളടത്തോളം നിലനില്‍ക്കുന്നതും വാമൊഴിയായി കൈമാറി കൈമാറി കിട്ടുന്നവ ആ‍യിരിക്കും. നമുക്ക് വാമൊഴിയായി പകര്‍ന്ന് കിട്ടിയ ഒരു ശൈലി ആയിരുന്നു ‘കണ്ട അണ്ടനും അടകോടനും’ , ചെമ്മാനും ചെരുപ്പുകുത്തിയും. ഈ ശൈലി/ഭാഷാ പ്രയോഗം ഇനി മുതല്‍ ഉപയോഗിക്കരുതെന്നാണ് /ഒഴിവാക്കണം എന്ന് സര്‍ക്കാര്‍ പത്രങ്ങള്‍ക്കും ചാനലുകള്‍ക്കും കത്തു നല്‍കി. (ശെമ്മാന്‍ സമാജത്തിന്റെ അഭ്യര്‍ത്ഥനയെതുടര്‍ന്നാണ് ഇങ്ങനെ ഒരു നിര്‍ദ്ദേശം നല്‍കിയത് എന്നാണ് വായിച്ചത്)

ഇനി നമ്മുടെ ഇടയില്‍ നിന്ന് ഉപയോഗിക്കാന്‍ പാടില്ലാത്ത ചില പഴഞ്ചൊല്ലുകളും/ശൈലികളും നോക്കാം.

1. കൊല്ലം കണ്ടവന് ഇല്ലം വേണ്ട. കൊച്ചി കണ്ടവന് അച്ചി വേണ്ട
ഇത് അച്ചിമാരെ കളിയാക്കാനായി ആരോ കരുതിക്കൂടി ഉണ്ടാക്കിയ ഒരു പഴഞ്ചൊല്ലാണ്. അച്ചിമാരുടെ(ഭാര്യമാരുടെ) അപേക്ഷ പ്രകാരം ഈ പഴഞ്ചൊല്ല് ഇനി ഉപയോഗിക്കരുത്.

2. പൊട്ടനെ ചെട്ടി ചതിച്ചാല്‍ ചെട്ടിയെ ദൈവം ചതിക്കും.
ഇത് പോട്ടന്മാരേയും ചെട്ടിമാരേയും കളിയാക്കാനായി ആരോ ഉപയോഗിച്ചതാണ്. ചെട്ടികളെ മോശമായി ചിത്രീകരിക്കുന്ന ഈ പഴഞ്ചൊല്ലം പിന്‍‌വലിക്കണം.

3. പട്ടരില്‍ പൊട്ടരില്ല. പക്ഷേ പൊട്ടരില്‍ പട്ടരുണ്ട്.
പട്ടന്മാരെ കളിയാക്കാന്‍ വേണ്ടിയുള്ള പഴഞ്ചൊല്ലാണ് ഇതും. അതുകൊണ്ട് ഈ പഴഞ്ചൊല്ലം ഉപയോഗിക്കരുത്.

4. പട്ടി ചന്തയ്ക്ക് പോയതുപോലെ.
പത്തും ഇരുപതിനായിരവും ഒക്കെ വിലയുള്ള പട്ടിയെ വാങ്ങി വളര്‍ത്തുന്നവരുടെ അന്തസ് ഇല്ലാതാക്കാന്‍ വേണ്ടിയുള്‍ല കുത്സിതശ്രമങ്ങളുടെ ഫലമാണ് ഈ പഴഞ്ചൊല്ല്. അതുകൊണ്ട് ഈ പഴഞ്ചൊല്ലും ഇനി ഉപയോഗിക്കരുത്. (പട്ടികള്‍ക്ക് വേണ്ടി മാത്രമായിട്ട് മസാജ് പാര്‍ലറുകള്‍ വരെ ഉണ്ടന്ന് പോലും!!!)

5. ചുണ്ട്യ്ക്ക് കൊടുത്തിട്ട് വഴുതനങ്ങ വാങ്ങുക.
വഴുതന കൃഷി ചെയ്യുന്നവരെ താഴ്ത്തികെട്ടുന്ന ഈ ശൈലിയും പിന്‍‌വലിക്കണം.

6. കിഴങ്ങന്‍
കിഴങ്ങ് (ഉരളകിഴങ്ങും, സാദാ കിഴങ്ങും) കൃഷിക്കാരെ കളിയാക്കാന്‍ വേണ്ടിയല്ലേ ഈ വിളി എന്ന് സംശയിക്കേണ്ടിയിരിക്കുന്നു.

7. ആനമുട്ട
ഇല്ലാത്തമുട്ടയുടെ പേരില്‍ മുട്ടയെ വിശേഷിപ്പിക്കുന്നത് കാട,കോഴി,താറാവ്,പാത്ത... തുടങ്ങിയവ വളര്‍ത്തുന്നവരോടുള്ള അനാദരവ് ആണ് കാണിക്കുന്നത്. അതുകൊണ്ട് ആനമുട്ട എന്ന പദവും നിരോധിക്കണം.

8. കാര്‍ണവര്‍ക്ക് അടുപ്പിലും തൂറാം.
ഇത് കാര്‍ണവന്മാരെ കളിയാക്കുന്നതോടൊപ്പം മലയാളികള്‍ക്ക് വൃത്തിയെക്കുറിച്ച് മോശമായ കാഴ്ചപ്പാടും നല്‍കുന്നത് കൊണ്ട് ഈ ശൈലിയും നിരോധിക്കണം.

9. ആരാന്റെഅമ്മയ്ക്ക് ഭ്രാന്ത് വന്നാല്‍ കാണാന്‍ നല്ല ചേല്.
അമ്മയെ/സ്ത്രിയെ കളിയാക്കൂന്ന പൂര്‍ണ്ണമായും സ്ത്രിവിരുദ്ധത നിറഞ്ഞ് നില്‍ക്കുന്ന ഈ പഴഞ്ചൊല്ലും നിരോധിക്കണം.

10. ഒന്നുകില്‍ ആശാന്റെ നെഞ്ചത്ത് അല്ലങ്കില്‍ കളരിക്ക് പുറത്ത്.
കളരിക്ക് പുറത്താകാതിരിക്കാന്‍ ആശാന്റെ നെഞ്ചത്ത് കയറണം എന്ന് പറയാതെ പറയുന്ന ഈ പഴഞ്ചൊല്ലും നിരോധിക്കണം. പ്രത്യേകിച്ച് ആശാട്ടിമാരുടെ നെഞ്ചത്തോട്ട് നോക്കുന്ന ഒരു തലമുറ വളര്‍ന്നു വരുന്നു എന്നെങ്കിലും പേടിച്ച് ഈ പഴഞ്ചൊല്ലും നിരോധിക്കണം.

11. അമ്മ വേലി ചാടിയാല്‍ മോള്‍ മതില്‍ ചാടും.
മറ്റൊരു സ്ത്രി വിരുദ്ധ പഴഞ്ചൊല്ല്. ഈ പഴഞ്ചൊല്ലും നിരോധിക്കണം

12. പട്ടിക്ക് രോമം വളര്‍ന്നാല്‍ അമ്പട്ടനെന്ത് കാര്യം.
ബാര്‍ബര്‍‌മാരെ കളിയാക്കുന്ന ഈ പഴഞ്ചൊല്ലും നിരോധിക്കണം

13. പെണ്‍‌ബുദ്ധി പിന്‍‌ബുദ്ധി.
പെണ്ണുങ്ങള്‍ഊടെ ബുദ്ധിയെ തൊട്ട് കളിക്കുന്ന ഈ പ്ഴഞ്ചൊല്ലും നിരോധിക്കണം.

14. ചക്കിക്കൊത്ത ചങ്കരന്‍.
ചക്കിയേയും ചങ്കരനേയും പേരെടുത്ത് കളീയാക്കുന്ന ഈ പഴഞ്ചൊല്ലും നിരോധിക്കണം

15. മണ്ണും ചാരി നിന്നവന്‍ പെണ്ണിനേയും കൊണ്ട് പോയി.
കാമുകന്റെ കൂട്ടുകാരനെ കളീയാക്കുന്ന ഈ പ്ഴഞ്ചൊല്ല് നിരോധിക്കണമെന്ന് കാമുകന്‍‌മാര്‍ക്ക് സെക്യൂരിറ്റിപോകുന്നവരുടെ സംഘടന ആവിശ്യപ്പെട്ടു

ലേബല്‍ :: വൈകുന്നേര കിറുക്കുകള്‍

വിവാദങ്ങള്‍ സൃഷ്ടിക്കുന്ന മാധ്യമ രീതി

2011-08-15T07:38:00.001+05:30

വിവാദങ്ങള്‍.. വിവാദങ്ങള്‍.. വിവാദങ്ങള്‍..
എവിടെ തിരിഞ്ഞാലും വിവാദങ്ങള്‍....
വിവാദങ്ങള്‍ ഇല്ലാത്ത ഒരു ദിവസം എന്ന് പറയുന്നത് മലയാളിക്ക് ചിന്തിക്കാന്‍ പോലും പറ്റാത്തതാണ്.
വെറുതെ വിവാദങ്ങള്‍ ഉണ്ടാക്കുക.. അതിനെക്കുറിച്ച് ഉള്ളി പൊളിക്കും പോലെ കുറേ ദിവസം ചര്‍ച്ചകള്‍ നടത്തുക..
അവസാനം എന്ത് വിവാദം.. ഇതാണോ വിവാദം എന്ന് പറഞ്ഞ പൊടിയും തട്ടി പോവുക..

പല തട്ടിപ്പുകാരും ശുന്യതയില്‍ നിന്ന് ഭസ്മം എടുക്കുന്നതുപോലെ പല വിവാദങ്ങളും സൃഷ്ടിക്കുന്നതും സംഹരിക്കുന്നതും മാധ്യമങ്ങള്‍ ആണ്. ഒരു സംഭവത്തിലെ വാര്‍ത്തകളെക്കാളും അതിലെ വസ്തുതകളെക്കാളും മലയാളിക്ക് ഇഷ്ടം ആ സംഭവത്തെ പറ്റി ഉണ്ടാകാന്‍ ഇടയുള്ള വിവാദങ്ങള്‍ ആണ്. വിവാദങ്ങളേ ചിലവാകൂ എന്നറിയാവുന്ന മാധ്യമങ്ങളും ആ വഴിക്കേ ചിന്തിക്കൂ.

(വിവാദം എന്ന വാക്കിന് തര്‍ക്കം;വാദപ്രതിവാദം,വ്യവഹാരം,നിലവിളി,വഴക്ക്, വാത് എന്നൊക്കെയാണ് ശബ്ദതാരാവലിയിലെ അര്‍ത്ഥം)

ചാനലുകള്‍ കൂടിയതോടെ സ്വാഭാവികമായി മത്സരങ്ങളും കൂടി. ആളെക്കാരെ കൂടുതല്‍ തങ്ങളിലേക്ക് ആകര്‍ഷിക്കാന്‍ മനപൂര്‍വ്വമായോ അല്ലാതയോ കൂടുതല്‍ വിവദങ്ങള്‍ സൃഷ്ടിക്കാനും അവര്‍ തുടങ്ങി. ചാനല്‍ ചര്‍ച്ചകളില്‍ ഒരാള്‍ നടത്തുന്ന പരാമര്‍ശനത്തിന് എതിരേ മറ്റൊരാളോട് അഭിപ്രായം ചോദിക്കുകയും അയാള്‍ ആദ്യം പറഞ്ഞ ആളിന്റെ അഭിപ്രായത്തെ എതിര്‍ക്കുകയും ചെയ്താലുടനെ ചാനലുകളില്‍ ഫ്ലാഷ് ന്യൂസ് തെളിയും ‘ഒന്നാമത്തെ ആളിന്റെ പ്രസ്താവന വിവാദമാകുന്നു.‘ അങ്ങനെ പുതിയ ഒരു വിവാദം ഉണ്ടാകുന്നു. ആ വിവാദങ്ങളില്‍ പിടിച്ച് രണ്ടു ദിവസം വാര്‍ത്താ ചാനല്‍ ഓടിക്കാ. ഭാഗ്യമുണ്ടങ്കില്‍ ആ വിവാദം വലിയ ഒരു സംഭവമാക്കാം. ആരും തിരിഞ്ഞ് നോക്കുന്നില്ലന്ന് തോന്നിയാല്‍ എന്ത് വിവാദം ഏത് വിവാദം എന്നുള്ള രീതിയില്‍ അടുത്ത വിവാദം സൃഷ്ടിക്കാന്‍ ശ്രമിക്കാം.

ഇപ്പോള്‍ ഈ കാര്യങ്ങള്‍ പറയാന്‍ ഉണ്ടായ കാരണം എന്താണന്ന് വെച്ചാല്‍ മംഗളം വാരികയില്‍ മുന്‍‌ ആരോഗ്യ മന്ത്രിയായ ശ്രീമതി ടീച്ചറുമായി നടന്ന ഒരു അഭിമുഖത്തിലെ ഒരു വാചകം വിവാദമായി എന്ന് ആ മാധ്യമം തന്നെ പറയുന്നു. ( മംഗളം വാരികയിലെ അഭിമുഖം വിവാദമാകുന്നു :മഹിളാ കോണ്‍ഗ്രസ്‌ ശ്രീമതിയുടെ കോലം കത്തിച്ചു ) ഈ വാര്‍ത്ത വായിച്ചപ്പോഴാണ് ഇങ്ങനെ ഒരു വിവാദം ഉണ്ടായോ എന്ന് ചിന്തിക്കുന്നത്. മംഗളത്തിന് സ്വന്തമായി ചാനല്‍ ഇല്ലാത്തത് കഷ്ടമായി.!! ഒരാഴ്ച ഓടിക്കാവുന്ന ഒരു വിവാദമാണ് മിസായത്.. (ഏഷ്യാനെറ്റ് മംഗളം വാങ്ങാനോ മറ്റോ പോവുകയാണന്ന് കുറേക്കാലം മുമ്പ് കേട്ടായിരുന്നു. ചാനലിന് സ്വന്ത്മായി പത്രവും പത്രത്തിന് സ്വന്ത്മായി ഒരു ചാനലും ഉണ്ടങ്കിലേ വിവാദങ്ങളെ നില നിര്‍ത്താന്‍ പറ്റൂ.)

മംഗളം തന്നെ വിവാദമായി എന്ന് പറയുന്ന അഭിമുഖം ഇവിടെയുണ്ട്.

വിവാദമായ(?) അഭിപ്രായം പറഞ്ഞിരിക്കുന്ന ഭാഗം ഇതാണ്.
? പക്ഷേ പി. ശശിയെപ്പോലെയുള്ള നേതാക്കള്‍ക്കെതിരേ സ്വഭാവദൂഷ്യത്തിനു നടപടിയുണ്ടാകുന്നു. മറ്റു ചിലര്‍ക്കെതിരേ ആരോപണമുയരുന്നു...

ഒരുപാട്‌ ആളുകളുള്ള ബഹുജന പാര്‍ട്ടിയാണു സി.പി.എം. സദാചാരത്തിന്റെ കാര്യത്തില്‍ വിട്ടുവീഴ്‌ചയില്ലാത്ത നിലപാടാണു പാര്‍ട്ടിക്കുള്ളതെങ്കിലും അതില്‍ പ്രവര്‍ത്തിക്കുന്നതു ചോരയും നീരുമുള്ള മനുഷ്യരായതുകൊണ്ടു ചിലര്‍ക്കൊക്കെ തെറ്റുപറ്റാം. തെറ്റുചെയ്‌തവര്‍ക്കെതിരേ മുഖംനോക്കാതെ നടപടിയെടുക്കുമെന്നതിനു തെളിവാണു നിങ്ങള്‍ സൂചിപ്പിച്ച സംഭവം. പക്ഷേ കാളപെറ്റു എന്നു കേട്ടാലുടന്‍ കയറെടുക്കുന്നതല്ല പാര്‍ട്ടി രീതി. അന്വേഷണം നടത്തി തെറ്റു ബോധ്യപ്പെടുമ്പോഴാണു ശിക്ഷാനടപടിയുണ്ടാവുക.

ചോരയും നീരുമുള്ള മനുഷ്യരായതുകൊണ്ടു ചിലര്‍ക്കൊക്കെ തെറ്റുപറ്റാം എന്ന് അഭിമുഖത്തില്‍ ശ്രീമതി ടീച്ചര്‍ പറഞ്ഞതാണ് വിവാദം. ഈ അഭിപ്രായത്തില്‍ ഞാന്‍ നോക്കിയിട്ട് എന്തെങ്കിലും പ്രശ്നമുള്ളതായി തോന്നിയില്ല. ഒറ്റവായനയിലോ ചിന്തയിലോ ഈ വാചകത്തിന് എന്തെങ്കിലും തെറ്റുള്ളതായി കണ്ടെത്താനും പറ്റില്ല. ഒരു ചോദ്യത്തിന് ഒരുത്തരം നല്‍കുന്നു. ആ ഉത്തരത്തിലെ മൊത്തം വാചകങ്ങളും വായിക്കാതെ ഒരു വാചകത്തിലെ ചില വാക്കുകള്‍ മാത്രം ഹൈലൈറ്റ് ആക്കിയതാണ് പ്രശ്നമെന്ന് മലയാളം മനസിലാക്കാന്‍ പറ്റുന്ന ഏതൊരാള്‍ക്കും മനസിലാകും. തെറ്റുചെയ്‌തവര്‍ക്കെതിരേ മുഖംനോക്കാതെ നടപടിയെടുക്കുമെന്നതിനു തെളിവാണു നിങ്ങള്‍ സൂചിപ്പിച്ച സംഭവം എന്ന് ശ്രീമതി ടീച്ചര്‍ പറഞ്ഞത് വിവാദം ഉണ്ടാക്കിയവന്മാരോ കോലം കത്തിച്ച ചേച്ചിമാരോ വായിച്ചോ എന്നറിയാന്‍ പാടില്ല. വിവാദം എന്ന് കേട്ട ഉടനെ കോലം കത്തിക്കാന്‍ ഇറങ്ങി പുറപ്പെട്ടി ചേച്ചിമാര്‍ അടുത്ത വാചകം വായിക്കുന്നത് നന്നായിരിക്കും. കാളപെറ്റു എന്നു കേട്ടാലുടന്‍ കയറെടുക്കരുത് !!!!!

ശെടാ, ഈ വാചകം എങ്ങനാ വിവാദം ആകുന്നത്.. കോലം കത്തിക്കാന്‍ തക്കവണ്ണം ഈ വാചകത്തിലോ അഭിമുഖത്തിലോ എന്തോ ഇരിക്കുന്നു എന്ന് ആലോചിച്ച് ഇരിക്കുമ്പോഴാണ് സ്കൂപ്പ് ഐ യിലെ ഈ വാര്‍ത്ത ‘ശ്രീമതി തിരുത്തില്ല, വാരിക തെളിവു നല്‍കേണ്ടിവരും ‘ എന്ന വാര്‍ത്ത വായിക്കുന്നത്. അത് വായിച്ച് കഴിഞ്ഞപ്പോള്‍ വിവാദത്തിന്റെ നാള്‍‌വഴി മനസിലായി. ആ വാര്‍ത്തയില്‍ നിന്ന്

പ്രമുഖ മലയാള പത്രത്തിന്റെ വാരികയ്‌ക്ക്‌ നല്‍കിയ അഭിമുഖത്തിലാണ്‌ ജനാധിപത്യ മഹിളാ അസോസിയേഷന്‍ നേതാവു കൂടിയായ ശ്രീമതിയുടെ വാക്കുകള്‍ പിഴച്ചത്‌. ഇത്‌ ആരും കാര്യമായി ശ്രദ്ധിച്ചിരുന്നില്ല. എന്നാല്‍ വാരിക തന്നെ അവരുടെ പത്രത്തിലെ ലേഖകര്‍ മുഖേന പ്രശ്‌നം യുഡിഎഫ്‌ നേതാക്കളുടെ ശ്രദ്‌ധയില്‍പെടുത്തി. മഹിളാ കോണ്‍ഗ്രസ്‌ ഇത്‌ പെട്ടെന്നുതന്നെ ഏറ്റെടുത്ത്‌ രംഗത്തിറങ്ങുകയും ചെയ്‌തു.

ഇപ്പോള്‍ മനസിലായല്ലോ ഒരു വിവാദം എങ്ങനെ ഉണ്ടാക്കാം എന്ന്. എന്നാലും ഇങ്ങനെ ഒരു വിവാദം സ്വന്തമായി സൃഷ്ടിച്ച് അതിനെ വാര്‍ത്തയാക്കിയത് ശുദ്ധ ചെറ്റത്തരം ആയന്നേ വിവാദങ്ങള്‍ വായിച്ച് രസിക്കുകയും വിവാദങ്ങളെ കുറിച്ചുള്ള ചര്‍ച്ചകള്‍ കണ്ട് രസിക്കുകയും ചെയ്യുന്ന ഒരു മലയാളി എന്ന നിലയില്‍ എന്റെ അഭിപ്രായം. (ഈ അഭിപ്രായത്തെ ഇനി വിവാദമാക്കരുത് )

നമ്മള്‍ മലയാളിക്ക് വിവാദങ്ങള്‍ ഇല്ലാത്ത ഒരു ദിവസം പോലും ഇല്ല... സാധാരണയായ ചില വിവാദങ്ങള്‍
അവാര്‍ഡ് വിവാദം
നിയമന വിവാദം
സ്ഥാലമാറ്റ വിവാദം
കത്തയക്കല്‍ വിവാദം
അഭിപ്രായ വിവാദം
പ്രസ്താവന വിവാദം ....

ഇങ്ങനെ വിവാദങ്ങളുടെ ഒരു നീണ്ട നിര തന്നെയുണ്ട്...

എല്ലാ വിവാദങ്ങളും കണ്ട് കേട്ട് വായിച്ച് രസിക്കാന്‍ നമ്മളെ പോലുള്ളവര്‍ ഈ ഭൂമി മലയാളത്തില്‍ ഉള്ളപ്പോള്‍ വിവാദങ്ങള്‍ തുടരും...

ദമ്പതി രേഖകള്‍‍ അഥവാ ദമ്പതികള്‍ ഒരുമിച്ച് പോകുമ്പോള്‍ കൊണ്ടു പോകേണ്ട രേഖകള്‍‍

2011-08-07T19:01:00.000+05:30

കേരളത്തിലെ ഇപ്പോഴത്തെ സാഹചര്യത്തില്‍ ദമ്പതികള്‍ ഒരുമിച്ച് പോകുമ്പോള്‍ കൊണ്ടു പോകേണ്ട രേഖകള്‍‍ എന്തെല്ലാം ആണന്ന് പലര്‍ക്കും സംശയം ഉണ്ടായേക്കാം. ചില പ്രധാന രേഖകള്‍ / സര്‍ട്ടി ഫിക്കറ്റുകള്‍ ഇവയാണ്.

ദമ്പതികള്‍ ഒരുമിച്ച് പോകുമ്പോള്‍ കൊണ്ടു പോകേണ്ട രേഖകള്‍‍

1. രണ്ടു പേരുടേയും ബര്‍ത്ത് സര്‍ട്ടിഫിക്കറ്റ് കോപ്പി
2. വിവാഹത്തിന്റെ ഫോട്ടൊകള്‍ അടങ്ങിയ ആല്‍ബം
3. വിവാഹ സര്‍ട്ടിഫിക്കറ്റ്

4. മാതാപിതാക്കളുടെ സമ്മതപത്രം.

1. രണ്ടു പേരുടേയും ബര്‍ത്ത് സര്‍ട്ടിഫിക്കറ്റ് കോപ്പി

ബര്‍ത്ത് സര്‍ട്ടിഫിക്കറ്റ് തദ്ദേശസ്വയംഭരണ സ്ഥാപനങ്ങളുടേത് ആയിരിക്കണം. പള്ളിയിലെ സര്‍ട്ടിഫിക്കറ്റിനൊന്നും കാണാന്‍ ഒരു രസം ഇല്ല. സര്‍ക്കാരില്‍ നിന്ന് കിട്ടുന്ന സര്‍ട്ടിഫിക്കറ്റിന് ഒരു ഗുമ്മൊക്കെയുണ്ട്. ഭാര്യയുടെയും ഭര്‍ത്താവിന്റേയും ജനന സര്‍ട്ടിഫിക്കറ്റ് സൂക്ഷിച്ചിരിക്കണം.

2. വിവാഹത്തിന്റെ ഫോട്ടൊകള്‍ അടങ്ങിയ ആല്‍ബം

ഇത് കൊണ്ടു നടന്നില്ലങ്കില്‍ ജീവിതം കട്ടപ്പുകയാകാനാ സാധ്യത. നിങ്ങള്‍ (ദമ്പതികള്‍) പാര്‍ക്കിലോ ബീച്ചിലോ കൊച്ചു വര്‍ത്തമാനം പറഞ്ഞിരിക്കുമ്പോള്‍ ആയിരിക്കും സദാചാരപോലീസുകാരന്‍ വിത്ത് ഉച്ചപ്പത്രക്കാരന്‍ വിത്ത് ക്യാമറ ചാടി വീഴുന്നത്. നിങ്ങള്‍ സദാചാരനെ മാത്രമേ കാണുന്നുള്ളൂ എങ്കിലും നിങ്ങളെ ഉച്ചപത്രക്കാരന്‍ ക്യാമറയില്‍ കൂടി നിങ്ങളേയും സദാചാരനേയും ഫോക്കസ് ചെയ്യുന്നുണ്ടാവും. സദാചാരനെ ഉടന്‍ തന്നെ നിങ്ങളുടെ കൈവശമുള്ള ഫോട്ടോ കാണാക്കാവുന്നതാണ്. ലവന് ഇതൊക്കെ കണ്ടാല്‍ തിരിച്ചറിയാനുള്ള കാഴ്ച കണ്ണിനു ഉണ്ടോ ഇല്ലിയോ എന്നതിന് അനുഅസരിച്ച് ഇരിക്കും നിങ്ങളുടെ ജാതകം. കൈവശമുള്ള വിവാഹ ഫോട്ടോ ആല്‍ബത്തില്‍ നിങ്ങള്‍ താലി കെട്ടുന്നതും മാതാപിതാക്കളുടെ കൂടെ നില്‍ക്കുന്നതും (മാതാപിതാക്കളോടൊത്ത് യാത്ര ചെയ്യുമ്പോള്‍ ഇത് ഉപകരിക്കും) ഒക്കെയുള്ള ഫോട്ടൊ ഉണ്ടായിരിക്കണം.

3. വിവാഹ സര്‍ട്ടിഫിക്കറ്റ്

ഇത് ഏതായാലും കൈയ്യില്‍ ഉണ്ടായിരിക്കണം.ചില പഞ്ചായത്തില്‍ നിന്ന് കിട്ടുന്ന ഈ സര്‍ട്ടിഫിക്കറ്റില്‍ ഭര്‍ത്താവിന്റേയും ഭാര്യയുടെയും ഫോട്ടൊകള്‍ ഇല്ല എന്നുള്ളത് വലിയ ഒരു ന്യൂനതയാണ്. സര്‍ക്കാര്‍ ഈ സര്‍ട്ടിഫിക്കറ്റില്‍ ഫോട്ടോയും കൂടി ഒട്ടിക്കാനുള്ള സ്ഥലം എത്രയും പെട്ടന്ന് കണ്ടത്തണം. ഇനി സര്‍ട്ടിഫിക്കറ്റില്‍ ഫോട്ടോ ഒട്ടിച്ച് കിട്ടിയവരാണങ്കില്‍ നിങ്ങളുടെ ഭാഗ്യം എന്ന് കരുതിയാല്‍ മതി. മാര്യേജ് സര്‍ട്ടിഫിക്കറ്റ് ഇംഗ്ലീഷിലാണ് എന്നുള്ളത് ചില സദാചാര പോലീസുകാര്‍ക്ക് ബുദ്ധിമുട്ട് ഉണ്ടാക്കാന്‍ സാധ്യത ഉണ്ട്. അതുകൊണ്ട് ആ സര്‍ട്ടിഫിക്കറ്റിന്റെ ഒരു കോപ്പി മലയാളത്തില്‍ ആക്കി സൂക്ഷിക്കണം.( മാര്യേജ് സര്‍ട്ടിഫിക്കറ്റിന് അപേക്ഷ കൊടുക്കുമ്പോള്‍ ഒരെണ്ണം ഇംഗ്ലീഷിലും ഒരെണ്ണം മലയാളത്തിലും എഴുതി വാങ്ങിക്കുന്നുണ്ടങ്കിലും സര്‍ട്ടിഫിക്കറ്റ് ഇംഗ്ലിഷില്‍ മാത്രമേ തരുന്നുള്ളൂ... ഇനി സര്‍ട്ടിഫിക്കറ്റ് മലയാളാത്തില്‍ക്കൂടി ആക്കി തരാന്‍ സര്‍ക്കാര്‍ കനിയണം)

4. മാതാപിതാക്കളുടെ സമ്മതപത്രം.

ദമ്പതികള്‍ ഒരുമിച്ച് ട്രയിനിലോ ബസിലോ യാത്രചെയ്യുമ്പോള്‍ നിങ്ങള്‍ ഒളിച്ചോടി പോകുവാണ് എന്നുള്ള സംശയത്തില്‍ ആരെങ്കിലും പോലീസില്‍ അറിയിച്ച് നിങ്ങള്‍ക്ക് പോലീസ് സ്റ്റേഷനില്‍ ചെല്ലേണ്ടി വരുമ്പോള്‍ കാണിക്കാനാണ് ഈ സമ്മതപത്രം. ഈ സമ്മതപത്രത്തിന്റെ ഒരു മാതൃക താഴെ കൊടുക്കുന്നു.

ഇനി നിങ്ങളുടെ കൂടെ മാതാപിതാക്കള്‍ ഉണ്ടങ്കില്‍ അവരോടൊത്തുള്ള ഫോട്ടോകളും കരുതണം. ഇതൊക്കെ കാണിച്ചിട്ടും സദാചാരപോലീസുകാരുടെ കൈയ്യില്‍ നിന്ന് രക്ഷപെടാന്‍ സാധിച്ചില്ലങ്കില്‍ എല്ലാം വിധിയന്ന് കരുതി സമാധാനിക്കണം.

മുത്തച്ഛനേയും മുത്തശ്ശിയേയും ഇങ്ങനെ സ്നേഹിക്കരുത്

2011-07-31T07:17:00.002+05:30

ജൂലൈ 29 വെള്ളിയാഴ്ച മലയാളമനോരമയില്‍ കണ്ട ഒരു പരസ്യമാണ് ഇതെഴുതാന്‍ കാരണം....

തലമുറകളുടെ കണ്ണികള്‍ ഇണക്കിച്ചേര്‍ക്കുവാന്‍ , മഹത്തായ പാരമ്പര്യങ്ങള്‍ കൈമാറിവരുവാന്‍ നിങ്ങളുടെ സ്നേഹവും കരുതലും പ്രകടിപ്പിക്കുവാന്‍ ഇതാ ഒരു അവസരം അവര്‍ക്കായുള്ള നിങ്ങളുടെ സ്നേഹ സ്ന്ദേശങ്ങള്‍ പ്രസിദ്ധീകരിച്ചു കൊണ്ട്....... ഇങ്ങനെ ഒരു വാചകം ആ പരസ്യത്തില്‍ പറയുന്നുണ്ട്. കൊച്ചുമക്കള്‍ തങ്ങളുടെ മുത്തച്ഛനേയും മുത്തശ്ശിയേയും പത്രത്തില്‍ സ്നേഹ സന്ദേശങ്ങള്‍ നല്‍കിയാണോ അവരോടുള്ള സ്നേഹവും കരുതലും പ്രകടിപ്പിക്കേണ്ടത്.??? ഓള്‍ഡേജ്ജ് ഹോമുകളിലെ ചുവരുകള്‍ക്കുള്ളില്‍ ഗതകാല സ്മരണകള്‍ അയവിറക്കി ജീവിക്കുന്ന ഒരു കൂട്ടം മുത്തശ്ശ-മുത്തശ്ശിമാര്‍ നമ്മുടെ സമൂഹത്തിലുണ്ട്. മാസാദ്യം വരുന്ന പണത്തിന്റെ തിളക്കത്തിനപ്പുറം അവരുടെ കണ്ണുകള്‍ തിളങ്ങുന്നത് കുഞ്ഞുമക്കളുടെ ഒരു സ്പര്‍ശ്നം ഏല്‍ക്കുമ്പോഴായാരിക്കും എന്നതില്‍ സംശയം ഇല്ല. തങ്ങള്‍ വളര്‍ത്തിയ കൊച്ചുമക്കളുടെ സ്പര്‍ശനവും ശബദ്ദവും അവര്‍ പ്രതീക്ഷിക്കുന്നു.......

ചിലരുടെ മരണശേഷം മക്കള്‍ നടത്തുന്ന മരണാനന്തര കര്‍മ്മങ്ങളില്‍ പങ്കെടുത്തതിനു ശേഷം ചിലര്‍ പറയുന്നത് കേട്ടീട്ടുണ്ട്, “ അവന്മാരീ കാശ് തന്ത/തള്ള മരിക്കുന്നതിനു മുമ്പ് അവര്‍ക്കായി ചില വഴിച്ചിരുന്നെങ്കില്‍ അവര്‍ കുറേക്കാലം കൂടി ജീവിച്ചിരുന്നേനെ” എന്ന്. മരണശേഷം മരണ/ മരണാനന്തര വേളകളില്‍ പത്രത്താളുകളില്‍ നല്‍കുന്ന കാല്‍/പകുതി/മുഴുവന്‍ പേജുകളിലെ ഫോട്ടോകള്‍ മരിച്ചവരും തങ്ങളുമായിട്ടുള്ള ബന്ധം നാലാള്‍ അറിയും അവര്‍ തങ്ങളെഓര്‍ത്ത് അഭിമാനിക്കും എന്നൊക്കേ കരുതുന്ന ഒരു ന്യൂനപക്ഷം നമ്മുടെ ഇടയില്‍ ഉണ്ട്. എന്തും ഏതും പ്രകടമായ ഒരു പരസ്യം പ്രകടനം മാത്രമായി കരുതുന്ന ഈ ലോകത്ത് ‘എല്ലാം ഒരു ദിനമായി മാറുന്നു’.

ബൈബിളില്‍ സഭാപ്രസംഗി മൂന്നാം അദ്ധ്യായത്തില്‍ ചില കാലങ്ങളേക്കുറിച്ച് പറയുന്നുണ്ട്. ജനിപ്പാന്‍ ഒരു കാലം,മരിപ്പാന്‍ ഒരു കാലം എന്നു തുടങ്ങുന്ന ഒരു ഭാഗം. നമുക്ക് ഇപ്പോള്‍ ഈ കാലങ്ങള്‍ ദിനങ്ങളായി മാറിയിരിക്കുന്നു.
അപ്പനെ ഓര്‍ക്കാന്‍ ഒരു ദിവസം...
അമ്മയെ ഓര്‍ക്കാന്‍ ഒരു ദിവസം...
സുഹൃത്തുക്കളെ ഓര്‍ക്കാന്‍ ഒരു ദിവസം...
പ്രണയനികളെ ഓര്‍ക്കാന്‍ ഒരു ദിവസം......
മുത്തച്ഛനേയും മുത്തശ്ശിയേയും ഓര്‍ക്കാന്‍ ഒരു ദിവസം....
എല്ലാം സ്‌പെഷ്യലൈസേഷന്‍ ആയ ഈ കാലത്ത് വരും വര്‍ഷങ്ങളില്‍ മുത്തച്ഛനേയും മുത്തശ്ശിയേയും വേര്‍‌പെടുത്തി മുത്തച്ഛനെ ഓര്‍ക്കാന്‍ സെപ്‌റ്റംബറിലെ രണ്ടാം ഞായറും (ഗ്രാന്‍ഡ് ഫാദര്‍ ഡേ) മുത്തശ്ശിയെ ഓര്‍ക്കാന്‍ ഒക്‍ടോബറിലെ രണ്ടാം ഞായറും (ഗ്രാന്‍ഡ് മദര്‍ ഡേ) ആഘോഷിക്കാവുന്നതാണ്. ഇപ്പോള്‍ ഇതും രണ്ടും കൂടി ഒരുമിച്ച് (ഗ്രാന്‍ഡ് പേരന്റ്സ് ഡേ - സെപ്‌റ്റംബര്‍ രണ്ടാം ഞായര്‍) ആഘോഷിക്കുമ്പോള്‍ പരസ്യ സമ്മാന വിപണിയില്‍ ഉണ്ടാകുന്ന സാമ്പത്തിക നഷ്ടങ്ങള്‍ നമ്മള്‍ കാണാതിരുന്നു കൂടാ.!!!!!

നമുക്ക് നമ്മുടെ അപ്പനേയും അമ്മയേയും അപ്പൂപ്പനേയും അമ്മൂമ്മയേയും ഒക്കെ ഓര്‍ക്കാന്‍ ഒരു പ്രത്യേക ദിനങ്ങളൊക്കെ വേണമെന്ന് വരുന്നത് വളരെ കഷ്ടമാണ്. (താന്‍ പിന്നെന്താ അദ്ധ്യാപക ദിനത്തെക്കുറിച്ച് ഇങ്ങനെ പറയാത്തത് എന്ന് ചോദിക്കരുത്. അദ്ധ്യാപക ദിനവും ശിശുദിനവുമൊക്കെ ഫാദേഴ്സ് ഡെ / മദേഴ്സ ഡേ / ഗ്രാന്റ് ‌പേരന്റ് ഡേയുമായി ഒക്കെ താരതമ്യപ്പെടുത്തരുത്.). ജന്മം നല്‍കിയവരേയും നമ്മളെ വളര്‍ത്തി വലുതാക്കിയവരേയും ഒക്കെ ഓര്‍ക്കാനും അവര്‍ക്ക് സമ്മാനങ്ങള്‍ നല്‍കാനും സന്ദേശങ്ങള്‍ നല്‍കാനും ഒക്കേ നമുക്ക് പ്രത്യേക ദിനങ്ങള്‍ വേണോ? ദിവസവും അവരോട് സംസാരിക്കാന്‍, അവര്‍ക്കായി 24 മണിക്കൂറിലെ ഒരു മിനിറ്റെങ്കിലും മാറ്റിവെയ്ക്കാന്‍ നമുക്ക് കഴുയുന്നില്ലങ്കില്‍ പിന്നെന്താണ് നമുക്ക് കഴിയുന്നത് ???? ഭയങ്കര തിരക്കായിരുന്നു സംസാരിക്കാന്‍ സമയം കിട്ടിയില്ല എന്ന് അപ്പനോടും അമ്മയോടും പറയുമ്പോള്‍ അവരുടെ അവസ്ഥയിലേക്ക് നമ്മളേ കാലം കൊണ്ട് ചെന്നെത്തിക്കും എന്നൊരു ഓര്‍മ്മ മനസിന്റെ കോണില്‍ എവിടെയെങ്കിലും നമുക്കുണ്ടാവണം.

മാതാപിതാക്കളോടുള്ള നമ്മുടെ സ്നേഹം നമ്മള്‍ കാണിക്കേണ്ടത് നാലാളേ അറിയിക്കാന്‍ വേണ്ടിയാകരുത്. നമ്മളും അവരും തമ്മിലുള്ള സ്നേഹം നാലാളെ അറിയിക്കണമെന്ന് നിര്‍ബന്ധം ഉണ്ടങ്കില്‍ പത്രങ്ങളില്‍ പരസ്യം കൊടുക്കാം. വേണമെങ്കില്‍ പത്തോ ആയിരമോ മുടക്കി നാല് ഫ്ലക്സ് അടിച്ച് കവലകളില്‍ വലിച്ചു കെട്ടിക്കാം. അപ്പൂപ്പന്റേയും അമ്മൂമ്മയുടേയും മങ്ങിയ കണ്ണുകളില്‍ തിളക്കം ഉണ്ടാവുന്നത് നിങ്ങളുടെ സ്നേഹ സന്ദേശങ്ങള്‍ കാണുമ്പോഴോ മൂന്നാമതൊരാള്‍ അയച്ചു കൊടുക്കുന്ന സമ്മാന പൊതികള്‍ കാണുമ്പോഴോ അല്ല. അതവരുടെ കണ്ണുകളിലെ കാഴ്ചകള്‍ക്ക് കൂടുതല്‍ മങ്ങല്‍ ഉണ്ടാക്കുകയേ ഉള്ളൂ. നാലാളേ അറിയിച്ച് 100 രൂപയ്ക്ക് നല്‍കുന്ന പത്തുവാക്കുകള്‍ ഉള്ള സന്ദേശങ്ങള്‍ക്ക് പകരം ആ പണത്തിനു അവരുമായി അഞ്ചു മിനിട്ട് സംസാരിച്ചു കൂടേ.. (ലോകത്തിന്റെ എവിടെ നിന്നാണങ്കിലും മിനിട്ടിന് ഇരുപതുരൂപയില്‍ കൂടുതല്‍ ഇന്ത്യയിലേക്ക് സംസാരിക്കാന്‍ ചിലവാകുമോ?). അതായിരിക്കും അവര്‍ നിങ്ങളില്‍ നിന്ന് പ്രതീക്ഷിക്കുന്നതും.

ഇത്തരം പരസ്യ സന്ദേശങ്ങളില്‍ നിന്ന് വഴിമാറി നില്‍ക്കാന്‍ നമ്മള്‍ ഓരോരുത്തരം ശ്രമിക്കണം.
കാലം ആരേയും കാത്തു നില്‍ക്കാതെ കടന്നു പോകുമ്പോള്‍
നമ്മളുടെ തലയിലെ മുടയിഴകളില്‍ കാലത്തിന്റെ നിറങ്ങള്‍ പകര്‍ന്നാടും....
തൊലികളില്‍ ചുളുവുകള്‍ വീഴും ...
കണ്ണുകളില്‍ ഭൂതകാലത്തിന്റെ ഓര്‍മ്മകളില്‍ തെളിഞ്ഞു നില്‍ക്കും....
കാതുകള്‍ അകന്നുപോയ ശബ്‌ദ്ദങ്ങള്‍ക്കായി കാതോര്‍ക്കും...
ശരീരം ഒരു സ്പര്‍ശനത്തിനായി കൊതിക്കും....
അന്ന് നമ്മുടെ മക്കളും കൊച്ചു‌മക്കളും നമ്മളോട് എങ്ങനെ ആയിരിക്കണമെന്ന് നമ്മള്‍ ആഗ്രഹിക്കുന്നുവോ അതേ പോലെതന്നെ നമ്മുടെ മാതാപിതാക്കളോടും മുത്തശ്ശനോടും മുത്തശ്ശിയോടും നമുക്ക് പെരുമാറാം.....

ചില ജീവിതങ്ങള്‍ ഇങ്ങനേയും

2011-07-24T07:54:00.001+05:30

ചിലരുടെ ജീവിതം ചില കെട്ടുകഥകളേക്കാള്‍ അവിശ്വസിനീയമായിരിക്കും. ചിലരെ തുടര്‍ച്ചയായി ദുരന്തങ്ങള്‍ വേട്ടയാടുമ്പോള്‍ , അവര്‍ ചിലപ്പോള്‍ ആ സമൂഹത്തില്‍ നിന്ന് അപ്രത്യക്ഷമാകും. ചിലര്‍ ഈ ലോകത്തില്‍ നിന്നു തന്നെ അപ്രത്യക്ഷരാകും. ആരോരും അവരെ അറിയാത്ത നാട്ടില്‍ പുതിയ പേരിലും ഭാവത്തിലും അവര്‍ ചിലപ്പോള്‍ ജീസിച്ചെന്നിരിക്കും. അല്ലങ്കില്‍ തങ്ങളുടെ ജീവിതത്തിനു സ്വയം വിരാമം ഇട്ട് അവര്‍ എന്നന്നേക്കുമായി ലോകത്തില്‍ നിന്ന് പറന്നകലും.

ജീവിതം 1 : പോരാട്ടത്തില്‍ തളര്‍ന്ന അമ്മ

ഒരമ്മ. ഈ അമ്മയ്ക്ക് മൂന്നു മക്കളാണുള്ളത്. രണ്ട് ആണ്മക്കളും ഒരു പെണ്‍‌കുട്ടിയും. ഇളയകുട്ടിയുടെ ചെറിയ പ്രായത്തില്‍ തന്നെ അവരുടെ ഭര്‍ത്താവ് മരിച്ചു പോയി. തന്നെ ഏല്‍‌പ്പിച്ച മക്കളെ ആ അമ്മ വളര്‍ത്തി വലുതാക്കി. പെണ്‍‌മക്കളുള്ള ഏതൊരു മാതാപിതാക്കളുടേയും സ്വപനമാണല്ലോ തങ്ങളുടെ പെണ്‍‌കുഞ്ഞുങ്ങളുടെ വിവാഹം. ഈ അമ്മയും സ്വ‌പ്നങ്ങള്‍ കണ്ടു. അപ്പന്‍ ഇല്ലാത്ത കുറവ് മക്കള്‍ക്ക് ഒരിക്കലും തോന്നരുത് എന്നുള്ള ചിന്തയില്‍ ആ അമ്മ മക്കളെ വളര്‍ത്തി. പെണ്‍‌കുട്ടിക്ക് വിവാഹ പ്രായം എത്തിയപ്പോള്‍ ആ അമ്മയും സ്വപ്‌നങ്ങള്‍ കാണാന്‍ തുടങ്ങി. തന്റെ മകളെ അനുയോജ്യനായ ഒരുത്തനെ ഏല്‍പ്പിക്കുന്നതും അവര്‍ സ്ന്തോഷത്തോടെ ജീവിക്കുന്നതും ഒക്കെ ആ അമ്മ സ്വപ്നം കണ്ടിരിക്കണം.പല ആലോചനകള്‍ക്ക് ശേഷം ആ അമ്മയുടെ മകളുടെ വിവാഹം കഴിഞ്ഞു.

ആ മകള്‍ക്ക് രണ്ടു കുട്ടികളായി. മകള്‍ ഭര്‍ത്താവിനോടൊപ്പം മംഗലാപുരത്ത് ആയിരുന്നു. ഒരു ദിവസം ആ അമ്മ കേള്‍ക്കുന്നത് തന്റെ മകള്‍ രണ്ടു കുഞ്ഞുങ്ങളോടൊപ്പം കിണറ്റില്‍ ചാടി ആത്മഹത്യ ചെയ്തു എന്നുള്ള വാര്‍ത്ത ആയിരുന്നു. ആ അമ്മയ്ക്ക് അത് വിശ്വസനീയമായി തോന്നിയില്ല. തന്റെ മകള്‍ ഒരിക്കലും ആത്മഹത്യചെയ്യില്ലന്ന് ആ അമ്മയ്ക്ക് ഉറപ്പായിരുന്നു. വീടും മക്കളുമായി മാത്രം കഴിഞ്ഞിരുന്ന ആ അമ്മയുടെ നിയമ പോരാട്ടം ഇവിടെ ആരംഭിക്കുകായായിരുന്നു. സാഹചര്യത്തെളിവുകള്‍ കൊലപാതകത്തിലേക്ക് വിരല്‍ ചൂണ്ടിയിരുന്നു. കോടതി വിധികള്‍ അമ്മയ്ക്ക് അനുകൂലമായിരുന്നു. മകളുടെയും മക്കള്‍ഊടേയും മരണം ആത്മഹത്യ അല്ല കൊലപാതകം ആണന്ന് മാത്രം ആ അമ്മയ്ക്ക് ലോകത്തോട് വിളിച്ചു പറഞ്ഞാല്‍ മതിയായിരുന്നു.

ആ അമ്മയെ വേട്ടയാടുന്ന ദുരന്തങ്ങള്‍ അവിടേയും അവസാനിച്ചില്ല. ഇതിനിടയില്‍ മൂത്തമകന്റെ വിവാഹം കഴിഞ്ഞിരുന്നു. ആ മൂത്തമകന്‍ അമ്മയെ തള്ളിപ്പറഞ്ഞ് ഭാര്യയുടോപ്പം ആ വീട്ടില്‍ നിന്നിറങ്ങി. തന്റെ ചിറകുകള്‍ ഓരോന്നായി അരിഞ്ഞു വീഴുന്നത് ആ അമ്മ അറിഞ്ഞു. തന്റെ ചിറകില്‍ കീഴില്‍ ഒളിപ്പിച്ച് തന്റെ ചൂടേറ്റ് വളര്‍ന്ന മക്കളില്‍ ഒരാളും അവളുടെ മക്കളും ഈ ലോകത്തില്‍ നിന്നുതന്നെ പറന്നു പോയി. ആരോ അവരുടെ ജീവിതം ഒരു കിണറ്റിനുള്ളില്‍ അവസാനിപ്പിച്ചു. തനിക്ക് താങ്ങായി തന്റെ പോരാട്ടങ്ങളില്‍, തന്റെ മകളുടെ ആത്മാവിന്റെ നിലവിളിയുടെ ഉത്തരം തേടിയുള്ള യാത്രയില്‍ തനിക്ക് താങ്ങായി നില്‍ക്കുമെന്ന് കരുതിയ മൂത്തമകനും ഇപ്പോള്‍ വീടിന്റെ പടി ഇറങ്ങിയിരിക്കുന്നു... ആ അമ്മയുടെ മുഖത്ത് നിന്ന് അവശേഷിച്ചിരുന്ന പുഞ്ചിരിയും മാഞ്ഞു..
*************************************************
കഴിഞ്ഞ ആഴ്ച ഞങ്ങള്‍ ഈ വീടിന്റെ മുന്നിലൂടെ പോയപ്പോള്‍ ഗെയ്റ്റ് താഴിട്ട് പൂട്ടിയിട്ടിരിക്കുന്നത് കണ്ടു. അപ്പോഴാണ് അമ്മ പറഞ്ഞത്, അവര്‍ ആ വീടും വസ്തുവും വിറ്റിട്ട് പോയന്ന്. അവരെങ്ങോട്ടാണ് പോയതെന്ന് ആ നാട്ടിലുള്ള ആര്‍ക്കും അറിയില്ല. ആ നാട്ടിലെ ആരോടും അവര്‍ യാത്ര പറഞ്ഞില്ല. ആ അമ്മയ്ക്ക് ഒരു പക്ഷേ ആരോടും യാത്ര പറയാന്‍ കഴിയില്ലായിരിക്കും. അമ്മക്കിളികൂട്ടില്‍ നിന്ന് പറന്നുപോയ ആണ്‍‌കിളിയുടേയും കൊല്ലപ്പെട്ട പെണ്‍കിളിയുടേയും പക്ഷി കുഞ്ഞുങ്ങളുടെയും ഓര്‍മ്മകള്‍ ആ അമ്മയെ യാത്രപറച്ചില്‍ നിന്ന് തടഞ്ഞതായിരിക്കാം. ഇളയമകനൊടൊപ്പം എവിടെയെങ്കിലും ആ അമ്മ കഴിയുന്നുണ്ടാവും. വേട്ടയാടിയ ദുരന്തങ്ങളില്‍ നിന്ന് ആ അമ്മയ്ക്ക് പുതിയ ഇടം ആശ്വാസം നല്‍കുന്നുണ്ടാവും. കാലം മായ്ക്കാത്ത ഓര്‍‌മ്മകള്‍ ഉണ്ടോ എന്ന് ചോദിക്കാമെങ്കിലും ചിലരില്‍ ആ ഓര്‍മ്മകള്‍ നശിക്കണമെങ്കില്‍ അവരുടെ ജീവിതം മണ്ണോട് മണ്ണായിത്തീരണം....

എങ്കിലും ആ അമ്മയെപ്പോലെ ഒരവസ്ഥ ഒരമ്മയ്ക്കും വരാതിരിക്കട്ടെ......
ഉള്ളിലെ സങ്കട കടല്‍ ചുണ്ടിലെ ചിരിയില്‍ ഒളിപ്പിച്ച ഒരായിരം ആളുകള്‍ നമ്മുടെ ഇടയില്‍ ഉണ്ടാവാം .....

ജീവിതം 2 : അമ്മയും വേശ്യയും ഒരാളാകുമ്പോള്‍

കോട്ടയത്ത് കറങ്ങിനടക്കുന്ന സമയം.
പകല്‍ സമയത്ത് സ്വന്തം ശരീരത്തിന് വിലപേശി കസ്റ്റമറോട് കച്ചവടം ഉറപ്പിക്കുന്നത് ജീവിതത്തില്‍ ആദ്യമായി ഞാന്‍ കാണുന്നത് കോട്ടയത്ത് വെച്ചാണ്. നിശാസുരഭികള്‍ എന്നൊക്കെ വായിച്ചിട്ടൂണ്ടന്നല്ലാതെ ഇവരെ അടുത്ത് കാണുന്നത് ആ കാലത്താണ്. നിശാസുരഭികള്‍ എന്നൊക്കെ പണ്ട് എപ്പോഴോ ആരക്കയോ ഇവര്‍ക്ക് ചാര്‍ത്തി നല്‍കിയ പേരായിരിക്കണം. സൂര്യന്‍ തിളച്ചു മറിയുന്ന നട്ടുച്ചയ്ക്കും ഇവര്‍ വഴി അരികില്‍ തങ്ങളെ തേടി വരുന്നവര്‍ക്കായി കാത്തു നില്‍ക്കുന്നു. ചന്തയില്‍ നിന്ന് ട്രാന്‍സ്‌പോര്‍ട്ട് ബസ് സ്റ്റാന്‍ഡിലേക്ക് വരുന്ന വഴിയിലും ട്രാന്‍സ്‌പോര്‍ട്ട് ബസ് സ്റ്റാന്‍ഡിനു മുമ്പായി പ്രൈവറ്റ് ബസ് നിര്‍ത്തുന്നിടത്തും ആയിരിക്കും ഇവര്‍ നില്‍ക്കുന്നത്. (ഇവിടങ്ങളിലാണ് ഞാന്‍ ഇവരെ കണ്ടിട്ടുള്ളത്).

ഒരു ദിവസം വൈകിട്ട് ജോലി കഴിഞ്ഞ് (അഞ്ചേമുക്കാലായിട്ടുണ്ടാവും) നടക്കാനായി ഇറങ്ങിയത് ട്രാന്‍സ്‌പോര്‍ട്ട് ബസ് സ്റ്റാന്‍ഡിലേക്കാണ്. അനുപമ തിയേറ്ററിന്റെ ബസ് സ്റ്റോപ്പില്‍ നില്‍ക്കുന്ന ഒരു സ്‌ത്രിയുടെ അടുത്തേക്ക് നിലത്തുറയ്ക്കാത്ത കാലോടെ ഒരുത്തന്‍ ചെല്ലുന്നത് കണ്ടൂ. അവരെന്തക്കയോ പറഞ്ഞതിനു ശേഷം അടൂത്തുകൊണ്ടുവന്ന് നിര്‍ത്തിയ ഓട്ടോയില്‍ കയറി പോയി. ആ സ്ത്രിക്ക് ഏറിയാല്‍ ഒരു ഇരുപന്തഞ്ച് വയസിനപ്പുറത്തേക്ക് കാണാന്‍ വഴിയില്ല. ഒരു കൈയ്യില്‍ മൊബൈലും മറുകൈയ്യില്‍ ചുരുട്ടിപ്പിടിച്ച പേഴ്സുമായി ഞാന്‍ പലപ്പോഴും ആ സ്ത്രിയേ ആ വഴിവക്കുകളില്‍ കണ്ടിട്ടൂണ്ട്.

പത്തുപതിനഞ്ച് മിനിട്ടത്തെ നടത്തം മതിയാക്കി പുളിമൂട് ജംഗ്‌ക്ഷനിലൂടെ തിരുനക്കര മൈതാനത്ത് കുറച്ച് സമയം ഇരുന്നതിനു ശേഷം ബസ് കയറാനായി പഴയ ബസ് സ്റ്റാന്‍ഡിലേക്ക് നടന്നു. പോസ്റ്റോഫീസ് റോഡിലൂടെ ബസ്‌സ്റ്റാന്‍ഡിലേക്ക് കയറുമ്പോള്‍ ജ്യൂസ്കടയുടെ വശത്തുകൂടിയുള്ള ഹോട്ടലിലേക്കുള്ള ഗോവേണിപ്പടിയുടെ താഴെ നിന്ന് ഒരു കുഞ്ഞ് കരയുന്നു. രണ്ട് രണ്ടരവയസ് പ്രായമുള്ള കുഞ്ഞ്. അതിന്റെ കൈയ്യില്‍ എന്തോ ഒരു കളിപ്പാട്ടം. ഗോവേണിപ്പടിയുടെ താഴെ നിന്ന് ഒരു വൃദ്ധ ആ കുഞ്ഞിന്റെ കരച്ചില്‍ മാറ്റാന്‍ ശ്രമിക്കുന്നുണ്ട്. കുഞ്ഞ് കരച്ചില്‍ നിര്‍ത്തുന്ന ലക്ഷണം ഇല്ല. ഞാനല്പം മാറി ആ വൃദ്ധയും കുഞ്ഞിനേയും നോക്കി നിന്നു.

ഞാനങ്ങനെ അവരെ നോക്കി നില്‍ക്കുമ്പോള്‍ എന്നെ കടന്ന് പോയ ഒരു സ്ത്രിയെ ഞാന്‍ ശ്രദ്ധിച്ചു. അനുപമ തീയേറ്ററിന്റെ മുന്നില്‍ നിന്ന് ഒരുത്തന്റെ കൂടെ ഓട്ടോയില്‍ കയറി പോയ ആ സ്ത്രി. അവള്‍ ആ ഗോവേണിപ്പടിയുടെ അടുത്തു ചെന്ന് കരയുന്ന കുഞ്ഞിനെ വാരിയെടുത്തു. ആ ഗോവേണിപ്പടിയിലേക്ക് കുഞ്ഞിനേയും മടിയില്‍ വെച്ച് ഇരുന്നിട്ട് മാറിനു കുറകേ കിടന്ന സാരി മാറ്റി ബ്ലൌസിന്റെ ഹുക്കുകള്‍ വിടുവിച്ച് മുല ഞെട്ട് ആ കുഞ്ഞിന്റെ വായിലേക്ക് വെച്ചു. ആ അമ്മയുടെ മാറിന്റെ ചൂടില്‍ ആ കുഞ്ഞ് മുലപ്പാല്‍ വലിച്ചു കുടിച്ചു.

ജീവിതം 3 : വായിച്ചെടുക്കാന്‍ പറ്റാത്ത മനസ്

ഒരു മനുഷ്യന്റെ മനസ് ഒരിക്കലും മറ്റൊരാള്‍ക്കും വായിച്ചെടുക്കാന്‍ പറ്റില്ലന്ന് തോന്നുന്നു. മനസിലുള്ളിലെ വികാരങ്ങളെയും അവസ്ഥയേയും പലരും ഒരു മൂടുപടം കൊണ്ട് മൂടിയാണ് ജീവിക്കുന്നത്. ഉള്ളിലെ സങ്കടകടലിലെ കോളിളക്കം മറ്റാരും അറിയാതിരിക്കാന്‍ ചിലര്‍ ചുണ്ടില്‍ പുഞ്ചിരി എപ്പോഴും നിലനിര്‍ത്തുന്നു. ചിലര്‍ക്ക് ഉള്ളിലെ സ്നേഹം പ്രകടിപ്പിക്കാന്‍ ജീവിതകാലത്ത് കഴിയാതെ വരുന്നു. .....

ഒരു ഭാര്യയും ഭര്‍ത്താവും അവര്‍ക്ക് ഒരു മകള്‍. വിവാഹം കഴിഞ്ഞ് അഞ്ചാറു വര്‍ഷത്തിനകം അവര്‍ രണ്ടു വീടുകളിലായി താമസം. ചില നിസാര പ്രശ്നങ്ങളുടെ പേരിലായിരുന്നു അവരുടെ പിരിയല്‍.മകള്‍ക്ക് നാലോ അഞ്ചോ വയസുള്ളപ്പോഴായിരുന്നു അവരുടെ വേര്‍‌പിരിയല്‍ .മകളെ അമ്മ തന്റെ വീട്ടിലേക്ക് കൊണ്ടു പോയി. രണ്ടു പേരും രണ്ടാമത് വിവാഹംകഴിച്ചില്ല. രണ്ടു പേരേയും രണ്ടു കൂട്ടരുടേയും ബന്ധുക്കള്‍ രണ്ടാമതൊരു വിവാഹത്തിന് നിര്‍ബന്ധിച്ചു എങ്കിലും രണ്ടു പേരും മറ്റൊരു വിവാഹത്തിന് സമ്മതിച്ചില്ല. മകളുടെ വിവാഹം ഒക്കെ ഉറപ്പിച്ച് കഴിഞ്ഞപ്പോള്‍ മകളെകൊണ്ട് അപ്പനെ അമ്മ വിളിപ്പിച്ചു. ആ അപ്പന്‍ പരാതിയോ പരിഭവമോ ഒന്നും ഇല്ലാതെ ഒരപ്പന്റെ സ്ഥാനത്തു നിന്നുതന്നെ ആ മകളുടെ വിവാഹം നടത്തി.

മകള്‍ ഭര്‍ത്താവിനോടൊപ്പം കേരളത്തിനു വെളിയിലേക്ക് പോയപ്പോള്‍ അമ്മയേയും കൊണ്ടു പോയി.
രണ്ടു വര്‍ഷത്തിനു മുമ്പ് ......
ഒരു ദിവസം അപ്പനെത്തേടി മകളുടെ ഫോണ്‍ എത്തി. അമ്മയ്ക്ക് തീരെ വയ്യാതായി എന്നായിരുന്നു ഫോണ്‍. ഞാന്‍ രണ്ടു ദിവസത്തിനകം എത്താം എന്ന് ആ അപ്പന്‍ മകളോട് പറഞ്ഞു. പിറ്റേന്ന് വീണ്ടും മകളുടെ ഫോണ്‍.
“അമ്മ മരിച്ചു. മൃതശരീരം നാട്ടില്‍ കൊണ്ടു വന്ന് അടക്കിക്കോട്ടേ...”
അയാള്‍ ഒരു മൂളലില്‍ സമ്മതം നല്‍കി.
“അമ്മ അങ്ങനെ പറഞ്ഞിരുന്നല്ലേ?” അയാള്‍ ചോദിച്ചു.
“ഉം...” അവള്‍.

പിറ്റേന്ന് മൃതശരീരം നാട്ടില്‍ എത്തി. അയാള്‍ മകളെ അകത്തേക്ക് വിളിച്ചു അലമാരയില്‍ നിന്ന് ഒരു സാരി എടുത്തു കൊടുത്തു.
“നിന്റെ അമ്മ പിണങ്ങി പോയതിനു ശേഷമുള്ള ഞങ്ങളുടെ ആദ്യ വിവാഹ വാര്‍ഷകത്തിനു വാങ്ങിയ സാരിയാ ഇത്. അവള്‍ എന്നെങ്കിലും തിരിച്ചു വരുമ്പോള്‍ അവള്‍ക്ക് കൊടുക്കണമെന്ന് കരുതി സൂക്ഷിച്ച് വെച്ചിരുന്നതാ.അവളീ സാരി ഉടുത്ത് എന്റെ കൂടെ പള്ളിയില്‍ പോകുന്നത് ഞാന്‍ പലപ്പോഴും സ്വപ്നം കണ്ടതാ... മോള്‍ ഈ സാരി അമ്മയെ പുതപ്പിക്കണം....” അയാള്‍ ഒരു കൊച്ചു കുഞ്ഞിനെപ്പോലെ പൊട്ടിക്കരഞ്ഞു.

ആ അമ്മയുടെ മൃതശരീരം പള്ളിയിലേക്ക് കൊണ്ടു പോയത് ആ സാരി പുതപ്പിച്ചായിരുന്നു

ജീവിതം 4 : ഒരു ലൈംഗിക തൊഴിലാളി ജനിക്കുന്നു

എനിക്ക് ആ പെണ്‍കുട്ടിയെ ചെറുപ്പം മുതലേ അറിയാം. യു‌പി സ്കൂളില്‍ എന്റെ ക്ലാസില്‍ ആണോ അത് പഠിച്ചതെന്ന് ഞാനിപ്പോള്‍ ഓര്‍ക്കുന്നില്ല. ഹൈസ്ക്കൂള്‍ ക്ലാസില്‍ അവള്‍ എന്റെ ക്ലാസില്‍ തന്നെ ആയിരുന്നു. ഒരു സാധാരണ പെണ്‍കുട്ടി.അവളെ നാട്ടിലെ പിള്ളാര് ഒരു സിനിമാ നടിയുടെ പേരായിരുന്നു വിളിച്ചിരുന്നത്. അവളുടെ ആകാരം കൊണ്ടോ മറ്റ് എതെങ്കിലും പ്രത്യകതകള്‍ കൊണ്ടോ ആയിരിക്കണം അവര്‍ അവളെ അങ്ങനെ വിളിച്ചത് .ഓട്ടത്തിലും ചാട്ടത്തിലും ഒക്കെ സമ്മാനം വാങ്ങിച്ചിരുന്നതുകൊണ്ടായിരിക്കാം ഒരു പക്ഷേ ആ പെണ്‍കുട്ടിയെ ശ്രദ്ധിച്ചിരുന്നത്. അവളുടെ വീട് യു‌പി സ്കൂളിന് അടുത്തായിരുന്നു. ഹൈസ്ക്കൂളില്‍ പഠിക്കുമ്പോള്‍ ആ കുട്ടിയും ഞങ്ങളുടേ ഒക്കെ കൂടെ ആയിരുന്നു പാട വരമ്പത്തൂടെ വന്നു കൊണ്ടിരുന്നത്.

പത്താം ക്ലാസില്‍ പഠിച്ചു കൊണ്ടിരുന്നപ്പോള്‍ ആ കുട്ടി ഇടയ്ക്കിടയ്ക്ക് ക്ലാസില്‍ വരാതിരിക്കും. രണ്ടു മൂന്നും ദിവസം കഴിയുമ്പോള്‍ വീണ്ടും വരും. എവിടെ പോയന്നോ എവിടേക്ക് പോയന്നോ ആരെങ്കിലും ചോദിച്ചാല്‍ എന്തെങ്കിലും ഒക്കെ പറയും. പത്തം ക്ലാസിലെ മോഡല്‍ പരീക്ഷ കഴിഞ്ഞിട്ട് ഒരാഴ്ചത്തേക്ക് ആ പെണ്‍കുട്ടി ക്ലാസില്‍ വന്നില്ല. കുറെ ദിവസം കഴിഞ്ഞപ്പോള്‍ ചില അദ്ധ്യാപകര്‍ ക്ലാസിലെ ചില്‍ അകുട്ടികളെ വിളിച്ച് ആ കുട്ടിയെക്കുറിച്ച് ചിലതൊക്കെ ചോദിച്ചു. ആ പെണ്‍കുട്ടിയെ കാണാനില്ലന്ന് . ആ കുട്ടി എവിടേക്ക് പോയന്ന് ആര്‍ക്കും അറിയില്ല.

ഒന്നു രണ്ടു ദിവസം കൂടി കഴിഞ്ഞപ്പോള്‍ കുറേ കുട്ടികള്‍ റോഡില്‍ നിന്നപ്പോള്‍ രണ്ട് മൂന്ന് ആള്‍ക്കാര്‍ വണ്ടിയില്‍ എത്തി അവളെക്കുറിച്ച് ചോദിച്ചു. അവള്‍ ക്ലാസില്‍ വരാറില്ലന്ന് അവര്‍ പറഞ്ഞു.
“അവള്‍ വരുമ്പോള്‍ പറഞ്ഞേക്ക് ഞങ്ങളുടെ അടുത്ത് അവള്‍ വന്നില്ലങ്കില്‍ അവളുടെ തുണിയില്ലാത്ത പടം ഞങ്ങളുടെ കൈയ്യിലുണ്ട്. അത് എല്ലായിടത്തും കൊണ്ടു പോയി ഒട്ടിച്ചു വെയ്ക്കുമെന്ന്”. വന്നവര്‍ ആരന്നോ അവരെന്തിനാണ് ആ പെണ്‍‌കുട്ടിയെ തിരക്കുന്നതെന്നോ ആ കുട്ടിയുടെ ഫോട്ടോ എങ്ങനെ അവരുടെ കൈയ്യില്‍ കിട്ടിയന്നോ ഒന്നും ആര്‍ക്കും അറിയില്ലായിരുന്നു. ആ കുട്ടികള്‍ സാറുന്മാരോട് ഈ വിവരം പറയുകയും ചെയ്തു.

പിന്നീട് ആ പെണ്‍കുട്ടിയെക്കുറിച്ച് കുറെക്കാലത്തേക്ക് ഒന്നും കേട്ടില്ല. കുറേ വര്‍ഷങ്ങള്‍ കഴിഞ്ഞിട്ട് ഞാന്‍ ആ പെണ്‍‌കുട്ടിയെ പത്തനം‌തിട്ടയില്‍ വെച്ച് കണ്ടു. അന്നവളുടെ കൈയ്യില്‍ ഒരു കുഞ്ഞ് ഇരിപ്പുണ്ടായിരുന്നു. ഞാന്‍ നാട്ടിലെത്തിയിട്ട് പിള്ളാരോട് അവളെക്കുറിച്ച് ചോദിച്ചു. അവരാണ് അവളെക്കുറിച്ച് പറഞ്ഞത്....

അവള്‍ സുഖം തേടി എത്തുന്നവരുടെ കൂടെ അവര്‍ നല്‍കുന്ന കാശിന് അവര്‍ക്ക് സുഖം നല്‍കാനായി പോയി. ഒരിക്കല്‍ വഴി തെറ്റിയാല്‍ പിന്നീടൊരിക്കലും ഒരു പെണ്ണിന് തിരിച്ച് കയറാന്‍ പറ്റില്ലല്ലോ? അവളേ വഴി തെറ്റിച്ചിവര്‍ തല്‍ ഉയര്‍ത്തി നടക്കുമ്പോള്‍ പകല്‍ വെളിച്ചത്തില്‍ ആ മാന്യന്മാരുടെ വാക്കുകള്‍ കേട്ട് അവള്‍ തല കുനിച്ചു നടന്നു. ഇരുട്ടിലും ആ മാന്യന്മാരുടെ വാക്കുകള്‍ കേട്ട് തലകുനിക്കേണ്ടി വന്നു. പക്ഷേ ആ ഇരുട്ടത്തെ വാക്കുകള്‍ കേള്‍ക്കുന്ന അവള്‍ക്ക് അവര്‍ പച്ച നോട്ടുകള്‍ നല്‍കി. .അവളുടെ അമ്മ വേറെ ഒരുത്തന്റെ ഭാര്യയെപ്പോലെ കഴിയുകയായിരുന്നു. അച്‌ഛനാണങ്കില്‍ മദ്യപാനി. അയാളിപ്പോള്‍ എവിടാണന്ന് ആര്‍ക്കും അറിയില്ല. അവള്‍ക്ക് ഒരു അനുജത്തി ഉണ്ടായിരുന്നു. അവളെ അവളുടെ വീട്ടില്‍ നിന്ന് പോലീസ് അറസ്റ്റു ചെയ്തു കൊണ്ടു പോയി. കേസ് വ്യഭിചാര കുറ്റം. അതോടെ നാട്ടുകാര്‍ അവരെ അവിടേക്ക് കയറ്റാതായി.

മറ്റുള്ളവര്‍ക്ക് സ്വന്തം ശരീരം നല്‍കുന്നതിനിടയില്‍ ആരോ അവളില്‍ പുതു ജീവന്റെ ബീജം നിക്ഷേപിച്ചു. അപ്പന്‍ ആരാണന്ന് അറിയാത്ത അതോ ആരാണന്ന് അറിയാമായിരുന്നിട്ടും അവള്‍ പറയാത്തതാണോ, ഒരു കുഞ്ഞിന് അവള്‍ ജന്മം നല്‍കി. ‘പിഴച്ചവള്‍‘(?) അങ്ങനെ നാടു വിട്ടൂ. അവള്‍ ആ കുഞ്ഞിനെ വളര്‍ത്തുന്നു.

ഞാന്‍ ആ പെണ്‍കുട്ടിയെ അവസാനമായി കണ്ടത്, കഴിഞ്ഞ നിയമ സഭാ ഇലക്ഷന്‍ ദിവസം ആയിരുന്നു. വോട്ട് ചെയ്യാനായി പോയപ്പോള്‍ നാട്ടിലേക്കൂള്ള സ്റ്റോപ്പില്‍ ഇറങ്ങിയപ്പോള്‍ ആ കുട്ടിയും അമ്മയും ഉണ്ടായിരുന്നു ആ ബസില്‍ നിന്ന് ഇറങ്ങാന്‍. അവള്‍ എന്നെ കണ്ട് ഒന്നു ചിരിച്ച് കാണിച്ചെങ്കിലും ആ കുട്ടിയുടെ രൂപം എന്റെ മനസില്‍ അങ്ങനെ ഒന്നു അല്ലായിരുന്നു എന്നുള്ളതുകൊണ്ട് ഒരു അപരിചതന്/അപരിചിതയ്ക്ക് നല്‍കുന്ന ചിരി നല്‍കി ഞാന്‍ നടന്നു. എന്നെ വിളിക്കാനായി എത്തിയവനോട് ഞാന്‍ ചോദിച്ചു , ആ കുട്ടി ഏതാണന്ന്. അവന്‍ ആ കുട്ടിയെ കുറിച്ച് പറഞ്ഞപ്പോഴാണ് വീണ്ടും അവളെക്കുറിച്ച് ചിന്തിച്ചത്.

ജീവിതത്തില്‍ വഴി പിഴച്ചവളായി മുദ്ര കുത്തപ്പെട്ട് മാറ്റപ്പെട്ട ആ പെണ്‍‌കുട്ടിയെ ഓര്‍ത്തെടുക്കാന്‍ പറ്റാതെപോയത് എന്റെ തെറ്റ്..... അവള്‍ എന്റെ ക്ലാസില്‍ പഠിച്ചതാണന്നും ഞങ്ങള്‍ ഒരുമിച്ച് പഠിച്ചതാണന്നും പറയാന്‍ ഞാന്‍ മടിക്കുന്നില്ല...

പ്രിയപ്പെട്ട പെണ്‍‌കുട്ടി നിന്നെ തിരിച്ചറിയാതിരുന്നത് എന്റെ തെറ്റാണ്. ഒരു പക്ഷേ എനിക്ക് നിന്നെ മനസിലായിരുന്നെങ്കിലും ഞാന്‍ നിന്നോട് സംസാരിക്കുമോ എന്ന് എനിക്കറിയില്ല....

എങ്കിലും പ്രിയ സുഹൃത്തേ, നമ്മള്‍ ഒരു ക്ലാസില്‍ പഠിച്ചവര്‍ തന്നെ ആണ് ആ സൌഹൃദം എപ്പോഴും കാണിക്കാന്‍ ഞാന്‍ ബാധ്യസ്ഥനുമാണ്...
നിന്നെ തിരിച്ചറിയാതെ പോയതില്‍ മാപ്പ്.....

അഭിമുഖം : ഫാദര്‍ യൂദാ ചാമ്പത്തറ

2011-07-17T21:12:00.000+05:30

(ഈ അഭിമുഖവും അഭിമുഖത്തിലുള്ളവരും സാങ്കല്പികം ആണ്. ആളുകള്‍ക്ക് ജീവിച്ചിരിക്കുന്നതോ മരിച്ചതോ ആയ ആരോടെങ്കിലും സാമ്യം തോന്നുന്നുണ്ടങ്കില്‍ അതൊരു തോന്നല്‍ മാത്രമാണ്)

ഇന്റ‌ര്‍ പള്ളി യൂണിയന്‍ ട്രഷറര്‍ ഫാദര്‍ യൂദാ ചാമ്പത്തറയുമായി നടത്തിയ അഭിമുഖത്തിന്റെ പൂര്‍ണ്ണരൂപം

നമസ്ക്കാരം ഫാദര്‍. ഫാദറിനെ ഈ അഭിമുഖത്തിലേക്ക് സ്വാഗതം ചെയ്യുന്നു.

ആ സ്വാഗതം ഞാന്‍ വരവു വെച്ചിരിക്കുന്നു. എന്നോട് കര്‍ത്താവിന് നിരക്കാത്തതൊന്നും ചോദിക്കരുതെന്ന് ഞാന്‍ ആദ്യം തന്നെ ആവിശ്യപ്പെടുകയാണ്.

അങ്ങ് ഇന്റ‌ര്‍ പള്ളി യൂണിയന്‍ ട്രഷറര്‍ ആണല്ലോ.. എന്തുകൊണ്ടാണ് ഇങ്ങനെ ഒരു പേര്.

അതായത് ഈ യൂണിയന്‍ എന്ന് പറഞ്ഞാല്‍ എന്താണന്ന് അറിയാമല്ലോ.. ഈ യൂണിയന്‍ എന്ന് പേര് കേട്ടാല്‍ ഒരുമാതിരി പെട്ടവരോക്കെ നമ്മളൊടൊന്നും ചോദിക്കാതെ നമ്മള്‍ പറയുന്നത് കേട്ട് നമ്മള്‍ ചോദിക്കുന്നത് തന്നിട്ടങ്ങ് പൊയ്‌ക്കോളും. അതുമാത്രവുമല്ല ഇപ്പോള്‍ ഞങ്ങള്‍ അച്ചന്മാര്‍ക്കും ബിഷപ്പുമാര്‍ക്കും അത്ര നല്ല സമയം അല്ലന്ന് അറിയാമല്ലോ.. കുഞ്ഞാടുകളൊക്കെ കന്നം തിരിവ് കാണിച്ചു തുടങ്ങി. പണ്ട് ഞങ്ങളൊന്നു വായിക്കും കുഞ്ഞാടുകള്‍ അതുകേട്ട് അനുസരിക്കുമായിരുന്നി. ഇപ്പോള്‍ അതൊക്കേ മാറി. ഞങ്ങളൊരു ഇടയ ലേഖനം ഇറക്കിയാല്‍ കുഞ്ഞാടുകള്‍ അതിനെ എതിര്‍ത്ത് രണ്ട് പത്ര പ്രസ്താവന ഇറക്കും. ഈ യൂണിയന്‍ എന്ന് പേരെങ്കിലും കേട്ടാന്‍ അവന്മാര്‍ അടങ്ങിക്കോളും എന്ന് ഞങ്ങള്‍ കരുതി, മാത്രവുമല്ല ഞങ്ങളുടെ അവകാശം നേടിയെടുക്കാന്‍ ഞങ്ങള്‍ക്കും ഒരു യൂണിയന്‍ ഒക്കെ ആവിശ്യമാണല്ലോ.

അപ്പോ ഒരു പക്ക യൂണിയന്‍ സെറ്റപ്പാണോ സംഘടന കൊണ്ട് ഉദ്ദേശിക്കുന്നത്.

പിന്നല്ലാതെ. ഇപ്പോള്‍ തന്നെ ഞങ്ങള്‍ കൂദാശകള്‍ അനുഷ്ഠിക്കുന്നതിന് വാങ്ങുന്നത് കൈക്കൂലി ആണന്ന് ചില കമ്യൂണിസ്റ്റുകാര്‍ പറയുന്നുണ്ട്. നമ്മളൊരു യൂണിയന്‍ ഉണ്ടാക്കി കഴിഞ്ഞാല്‍ ഇനി കൈക്കൂലിയുടെ പ്രശ്നം ഇല്ലല്ലോ. യൂണിയന്‍ വാങ്ങുന്ന കാശ് കൈക്കൂലി ആണന്ന് ഈ നാട്ടില്‍ ആരും പറയത്തില്ല. മാത്രവുമല്ല നമ്മളിപ്പോള്‍ ഒരിടത്ത് ഒരു പരിപാടിക്ക് വിളിച്ചിട്ട് ചെല്ലാന്‍ പറ്റിയില്ലങ്കിലും പിന്നീട് ചെല്ലുമ്പോള്‍ കിട്ടാനുള്ളത് കിട്ടും.

ഒരു നോക്കു കൂലി സെറ്റപ്പ്.

ആര്‍ക്കും എന്തും കരുതാം.

ഇപ്പോള്‍ പള്ളി യൂണിയനെക്കുറിച്ചുള്ള ഏറ്റവും വലിയ പരാതി വിദ്യാഭ്യാസ കച്ചവടത്തെക്കുറിച്ചാണല്ലോ. പൊയ്‌ക്കോണം കോളേജില്‍ ഇപ്പോള്‍ അഡ്‌മിഷനു വേണ്ടി ലക്ഷങ്ങള്‍ കോഴ വാങ്ങിയന്നുള്ള പരാതിയൊക്കെ ഉയര്‍ന്ന സാഹചര്യത്തില്‍ കച്ചവടത്തെക്കുറിച്ച് എന്താണ് അഭിപ്രായം.

ആ പൊയ്‌ക്കോണം കോളേജുകാര്‍ ഭയങ്കര മണ്ടന്മാരാണന്നേ.. അവന്മാര്‍ ഞങ്ങളുടെ യൂണിയനില്‍ ചേരാതെ വേറെ കുറേ പേരുടെ കൂടെ കൂടിയതിന്റെ ശിക്ഷയാ കിട്ടിയത്. കര്‍ത്താവ് തന്നെ പറഞ്ഞത് . വിശ്വാസം ഉണ്ടങ്കില്‍ ഈ മലയോട് ഇവിടെ നിന്ന് മാറി ദൂറെക്ക് പോകാന്‍ പറഞ്ഞാല്‍ ദൂരേക്ക് പോകുമെന്നാ. അങ്ങനെ വിശ്വസിക്കുന്ന ഞങ്ങളെ വിശ്വസിക്കാതെ അവരുടെ കൂടെ പോയില്ലേ.. എന്നിട്ടെന്തായി അവസാനം. പൊയ്‌ക്കോണം കാരുതമ്മില്‍ തല്ലായി. കാശ് കിട്ടാ‍ത്തവന്മാര്‍ കിട്ടിയവന്മാര്‍ക്കിട്ട് പാര വെച്ചു. കാശ് കിട്ടിയവന്മാര്‍ കിട്ടാത്തവന്മാര്‍ക്കിട്ട് കൈയ്യും വെച്ചു. കാശ് കിട്ടാത്തവന്മാരുടെ വാക്കുകേട്ട് ഉണ്ണാന്‍ ചെന്ന ആഫ്രിക്കന്‍ നെറ്റുകാര്‍ക്കിട്ട് കാശ് കിട്ടിയവന്മാര്‍ കൈയ്യിലുള്ളത് കൊടുക്കുകയും ചെയ്തു.

താങ്കള്‍ പറഞ്ഞല്ലോ വിശ്വാസം ഉണ്ടങ്കില്‍ മലയോട് ദൂരേക്ക് പോകാന്‍ പറഞ്ഞാല്‍ പോകുമെന്ന്.. ശരിക്കും അങ്ങനെ പോകുമോ?

ഹഹഹഹഹ്.. പിന്നില്ലാതെ. ഇങ്ങനെ ദൂരേക്ക് ദൂരേക്ക് പറഞ്ഞു വിട്ടല്ലേ ഞങ്ങള്‍ ഇത്രയും നാള്‍ മെഡിക്കല്‍ കോളേജൊക്കെ നടത്തിയത്.

ആരെയാണ് ദൂരേക്ക് പറഞ്ഞ് വിട്ടത്. ഏജന്റുമാരെയാണോ.

അല്ലന്നേ. സര്‍ക്കാരിനെ ആണ് ഞങ്ങള്‍ ഇങ്ങനെ ദൂരേക്ക് ദൂരേക്ക് പറഞ്ഞ് വിട്ടത്. പണ്ട് ഒരു പുണ്യാളന്‍ ഏതാണ്ട് രണ്ട് സമം ഏതാണ്ട് ഒന്നു പറഞ്ഞ് വന്നു. ആ പുണ്യാളനെ ഞങ്ങള്‍ ആദ്യം ദൂരേക്ക് പറഞ്ഞു വിട്ടു. കണ്ടില്ലേ ഇപ്പോള്‍ അങ്ങ് ദൂരയാ. പിന്നെ വേറെ കുറെ ആള്‍ക്കാര്‍ വന്നു. അവരേയും ഞങ്ങള്‍ പറഞ്ഞു വിട്ടു. വേറെ കുറേ ആള്‍ക്കാര്‍ വന്നു. അവരെ ഞങ്ങള്‍ ഭരണത്തില്‍ നിന്ന് പറഞ്ഞു വിട്ടു. എല്ലാ വര്‍ഷവും സര്‍ക്കാരെന്ന് പറയുന്ന സാത്താന്‍ ഞങ്ങളേ പരീക്ഷിക്കാനായി സാശ്രയ നിയമം എന്നൊക്കെ പറഞ്ഞ് വരും. എല്ലാ വര്‍ഷവും ഈ സാത്താന്‍ വരുന്നത് ജൂണ്‍ ജൂലൈ മാസത്തിലാ. ഓഗസ്റ്റാകുമ്പോഴേക്കും കര്‍ത്താവിനുള്ളത് കര്‍ത്താവിനും സീസര്‍ക്കുള്ളത് സീസര്‍ക്കും കൊടുത്ത് ഓഗസ്റ്റ് ആകുമ്പോഴേക്കും ഞങ്ങളാ സാത്താനെ ദൂരേക്ക് പറഞ്ഞ് വിടും. വീണ്ടും അടുത്ത ജൂണ്‍ ആകുമ്പോഴേ അവര്‍ തിരിച്ചു വരൂ.. വീണ്ടൂം അവരെ ഞങ്ങള്‍ പറഞ്ഞു വിടൂം. ഇതെല്ലാം നടക്കുന്നത് ഞങ്ങളുടെ വിശ്വാസം കൊണ്ടാ. വിശ്വാസം അതല്ലേ എല്ലാം !!!! മല പോലെ വരുന്ന സര്‍ക്കാര്‍ എലിപോലെ അല്ലേ തിരിച്ചു പോകുന്നത്

നിങ്ങള്‍ക്ക് സാമൂഹ്യനീതി നടപ്പാക്കാന്‍ ബാധ്യത ഇല്ലേ?

ഉണ്ട് .. എന്ന് കരുതി നാട്ടാരുടെ ബാധ്യത ഞങ്ങള്‍ ഏറ്റെടുക്കണോ? ഞങ്ങളെപ്പോലെ സാമൂഹിക നീതി നടപ്പാക്കുന്ന വേറെ ആരുണ്ട് ഈ സ്വാശ്രയ കച്ചവടത്തില്‍. ഏറ്റവും കൂടുതല്‍ കാശ് തരുന്നവന് ആദ്യം സീറ്റ് കൊടുക്കും. നൂറ് തരുന്നവനോടും പത്ത് തരുന്നവനോടും നമുക്ക് ഒരേ പോലെ പെരുമാറാന്‍ പറ്റുമോ? പത്ത് തരുന്നവനെ നൂറ് തരുന്നവന്റെ കൂടെ ഇരുത്താന്‍ പറ്റുമോ? പത്ത് തരുന്നവനെ നൂറ് തരുന്നവന്റെ കൂടെ ഇരുത്തുന്നതല്ല സാമൂഹിക നീതി. പത്ത് തരുന്നവനെ പത്തിന്റെ സ്ഥാനത്തും നൂറ് തരുന്നവനെ നൂറിന്റെ സ്ഥാനത്ത് ഇരുത്തുന്നതും ആണ് സാമൂഹിക നീതി. അല്ലാതെ പത്തു തരുന്നവനെ നൂറിന്റെ സീറ്റിലും നൂറ് തരുന്നവനെ പത്തിന്റെ സീറ്റിലും ഇരുത്തുന്നതല്ലെ സാമൂഹിക നീതി.

ഇടനിലക്കാരെ വെച്ച് കോളേജിലേക്ക് ആളെ പിടിക്കുന്നത് ശരിയാണൊ?

ഞങ്ങള്‍ കര്‍ത്താവ് പറയുന്നത് അനുസരിച്ച് ജീവിക്കുന്നവരാ. കര്‍ത്താവ് തന്നയാ പറഞ്ഞത് . എന്റെ പിന്നാലെ വരുവീന്‍ ഞാന്‍ നിങ്ങളെ മനുഷ്യരെ പിടിക്കുന്നവര്‍ ആക്കാമെന്ന്. ഞങ്ങള്‍ എങ്ങനാ ആള്‍ക്കാരെ പിടിക്കാന്‍ പോകുന്നതെന്ന് കരുതിയാ പിള്ളാരെ പിടിക്കാന്‍ ആള്‍ക്കാരെ വിട്ടിരിക്കുന്നത്. ചെയ്യുന്ന ജോലിക്ക് ഞങ്ങള്‍ കാശും കൊടുക്കുന്നുണ്ട്. കര്‍ത്താവ് പിന്നേം പറഞ്ഞിട്ടുണ്ട്. കലപ്പയ്ക്ക് കൈ വെച്ചിട്ട് തിരിഞ്ഞു നോക്കരുതെന്ന്. ഏതായാലും ഞങ്ങള്‍ കോളേജ് തുടങ്ങി. ഇനി തിരിഞ്ഞു നോക്കുന്ന പ്രശ്നം ഇല്ല.

നിങ്ങള്‍ ആത്മീയ കാര്യങ്ങള്‍ നോക്കാതെ കച്ചവടം നടത്തുവാണന്ന് പലര്‍ക്കും പരാതി ഉണ്ടല്ലോ?

പരാതി എല്ലാവരും പറയും. അതില്‍ കാര്യമാക്കേണ്ടതില്ല. ഏതായാലും കുഞ്ഞാടുകളുടെ ഒരു ആത്മീയ കാര്യത്തിനും ഒരു മുടക്കവും വന്നിട്ടില്ല. ഉദാഹരണത്തിന് ആ കിഴക്കേപറമ്പിലെ മത്തായി മാപ്പിള മരിച്ചു. അവരെന്നോട് പറഞ്ഞ് ശനിയാഴച ശവം അടക്കണമെന്ന്. ശനിയാഴ്ച എനിക്ക് കോളെജില്‍ മീറ്റിംങ്ങ് ഉണ്ടായിരുന്നു. അതുകൊണ്ട് ഞാന്‍ പറഞ്ഞു ശവമടക്ക് ശനിയാഴ്ച ഒക്കില്ല ഞായറാഴ്ച നടത്താമന്ന്. ആ വറീതിന്റെ മോന്റെ കല്യാണം തിങ്കളാഴ്ച നടത്തണമെന്ന് പറഞ്ഞപ്പോള്‍ ഞാന്‍ സമ്മതിച്ചില്ല. തിങ്കളാഴ്ച എല്‍‌കെ‌ജി പിള്ളാരുടെ ഇന്റ്‌ര്‍‌വ്യൂ വെച്ച്രുന്ന ദിവസമാ. അതുകൊണ്ട് ആ കല്യാണം ഞായറാഴ്ച ആക്കി. നമ്മളു തന്നെ എല്ലാം നടത്തണമെന്നാ കര്‍ത്താവിന്റെ വിധി.

(ആത്മഗതം) : അങ്ങയെപ്പോലെയുള്ളവരെ സഹിക്കണമെന്നുള്ളത് ഞങ്ങളുടെ വിധിയും.
നിങ്ങളുടെ യൂണിയനില്‍ പെട്ട കോളേജുകളില്‍ പ്രവേശനത്തിന് കൈക്കൂലി വാങ്ങുന്നുണ്ടോ?

അതൊക്കെ പാപമാണ്. ഇനി ആരെങ്കിലും സംഭാവനയായിട്ട് ഇരുപതോ മുപ്പതോ അമ്പതോ ലക്ഷം തന്നാല്‍ ഞങ്ങളത് വേണ്ടാന്ന് പറയുകയും ഇല്ല. ആരുടേയും മനസ് വേദനിപ്പിക്കുന്നത് ഞങ്ങള്‍ക്ക് ഇഷ്ടമല്ല.

നിങ്ങളുടെ സഭയിലെ പിള്ളാര്‍ സഭാ സ്കൂളില്‍ തന്നെ പഠിക്കണമെന്നുള്ള ഇടയ ലേഖനത്തെക്കുറിച്ച് എന്തെങ്കിലും പറയാനുണ്ടോ?

അങ്ങനെ പറയുന്നതില്‍ എന്താണ് തെറ്റ്. ഏതായാലും ഞങ്ങള്‍ ഇഷ്ടം പോലെ സ്കൂളും കോളേജും ഉണ്ടാക്കി ഇട്ടിട്ടൂണ്ട്. പിള്‍ലാരെ പ്ലേ സ്കൂളില്‍ ചേര്‍ത്ത് കഴിഞ്ഞിട്ട് വര്‍ഷാവര്‍ഷാദ്യം കാശ് എത്തിച്ചാല്‍ പിള്ളാരെ എന്‍‌ഞ്ചിനീയറോ ഡോക്‍ടറോ ഒക്കെ ആക്കി ഇരുപതുവര്‍ഷം കഴിഞ്ഞ് ഇറക്കി വിടും. മാതാപിതാക്കള്‍ ഒന്നും അറിയേണ്ട കാര്യമേ ഇല്ല. നമ്മള്‍ ഈ കണ്ട സ്ഥാപനങ്ങള്‍ ഓകെ ഉണ്ടാക്കിയിട്ടിട്ട് ഈ യൂണിയനില്‍ പെട്ട പിള്ളാര് വേറെ എവിടെങ്കിലും ഒക്കെ പോയി പടിച്ചാല്‍ നഷ്ടം ആര്‍ക്കാ? ഞങ്ങള്‍ക്ക് തന്നെ.. നമുക്ക് കിട്ടാനുള്ള കാശ് എന്തിനാ വേറെ ആര്‍ക്കെങ്കിലും ഒക്കെ കൊണ്ടു പോയി കൊടുക്കുന്നത്?

ഇങ്ങനെ കാശ് വാങ്ങി അഡ്‌മിഷന്‍ വാങ്ങി പഠിച്ചിറക്കുന്നവര്‍ക്ക് സമൂഹത്തോട് എന്തെങ്കിലും പ്രതിബദ്ധത ഉണ്ടാവുമോ?

ഏതായാലും വാങ്ങുന്ന കാശിന് ഞങ്ങള്‍ക്ക് പ്രതിബദ്ധത ഉണ്ടാവും.. തല്ലി പഠിപ്പിച്ചാണങ്കിലും ഞങ്ങള്‍ അവരെ എല്ലാം കോളെജിന് പുറത്തിറക്കിയിരിക്കും. പിന്നെ അവര്‍ തീരുമാനിക്കും ആരോടാ പ്രതിബദ്ധത വേണ്ടതെന്ന്.. കാശ് മുടക്കിയ വീട്ടുകാരോടോ മരുന്നു കമ്പ്നിക്കാരോടോ ശവപ്പെട്ടിക്കടക്കാരനോടോ മൊബൈല്‍ മോര്‍ച്ചറിക്കാരനോടോ ഒക്കെ അവര്‍ക്ക് പ്രതിബദ്ധത ഉണ്ടാവും. ഇവരൊക്കയും സമൂഹത്തില്‍ പെട്ടവരാണല്ലോ. അതുകൊണ്ട് തീര്‍ച്ചയായും ഞങ്ങളുടെ കോളേജില്‍ നിന്ന് പഠിച്ചിറങ്ങുന്നവര്‍ക്ക് സാമൂഹിക പ്രതിബദ്ധത ഉണ്ടാവും. ഞങ്ങളുടേത് ഒരു മിഷന്‍ പ്രവര്‍ത്തനമാണ്.

ഇപ്പോള്‍ യൂണിയനില്‍ പെട്ടവര്‍ നടത്തുന്നത് മിഷന്‍ പ്രവര്‍ത്തനം ആണോ?

മിഷനെക്കാള്‍ വലുത് വിഷനാണ്. വിഷന്‍ 2020 എന്ന ഒരു പദ്ധതി തന്നെ ഞങ്ങള്‍ക്കുണ്ട്. 2020 ആകുമ്പോഴേക്കും കേരളത്തിലെ എല്ലാ പഞ്ചായത്തിലും ഒരു മെഡിക്കല്‍ / എന്‍‌ഞ്ചനീയറിംഗ് കോളേജുകള്‍ സ്ഥാപിച്ച് കുട്ടികള്‍ക്ക് തങ്ങളുടെ പഞ്ചായത്തുകളില്‍ തന്നെ തുടര്‍ പഠനം നടത്താനുള്ള സാഹചര്യം ഉണ്ടാക്കുക എന്നുള്ളതാണ് ഞങ്ങളുടെ വിഷന്‍. പിന്നെ ഇതിനിടയ്ക്ക് എപ്പോഴെങ്കിലും സമയം കിട്ടുവാണങ്കില്‍ മിഷന്‍ പ്രവര്‍ത്തനങ്ങളും ചെയ്യും. പിന്നെ സെന്‍‌ട്രലൈസഡ് ത്രി സ്റ്റാര്‍ വൃദ്ധസദനം ഞങ്ങളുടെ മിഷന്‍ പ്രവര്‍ത്തനത്തില്‍ ഉള്‍പ്പെടുത്തി ഉടന്‍ തന്നെ ആരംഭിക്കുന്നുണ്ട്. മാസം പതിനഞ്ചായിരം രൂപ മാത്രമേ ഞങ്ങള്‍ ഈടാക്കാന്‍ ഉദ്ദേശിക്കുന്നുള്ളൂ.

ഈ സ്ഥാപനങ്ങള്‍ ആരംഭിക്കാനുള്ള മുടക്കു മുതലൊക്കെ എവിടെ നിന്നാണ്..

അതൊക്കെ ഞങ്ങളുടെ കുഞ്ഞാടുകള്‍ സംഭാവനായിട്ട് തരുന്നതാ.. ദൈവത്തിനുള്ളത് ദൈവത്തിനായി അവര്‍ നല്‍കുന്നു.

എന്നിട്ട് വിശ്വാസികളായ കുഞ്ഞാടുകളെ ആരേയും സ്ഥാപനങ്ങളുടെ ഭരണത്തില്‍ ഉള്‍പ്പെടുത്തിയിട്ടില്ലല്ലോ..

ഫലം ഇച്ഛിക്കാതെ കര്‍മ്മം ചെയ്യണമെന്നാണല്ലോ പ്രമാണം. അതുകൊണ്ട് കുഞ്ഞാടുകള്‍ സംഭാവനകള്‍ നല്‍കുക എന്ന കര്‍മ്മം മാത്രം തത്ക്കാലം ചെയ്താല്‍ മതി. സ്കൂളും കോളേജും ഒക്കെ നടത്താന്‍ എന്നെപ്പോലുള്ളവര്‍ ഇവിടെയുണ്ട്. പിന്നെ ഈ കുഞ്ഞാടുകളെ ഇതിനകത്തേക്ക് വലിച്ചു കയറ്റിയാല്‍ തൊന്തരവാണ്. പൊയ്‌ക്കോണംക്കാര്‍ക്ക് പറ്റിയത് അതാ. കുഞ്ഞാടുകളേ പിടിച്ച് ആശുപത്രി ഭരണത്തില്‍ കയറ്റി. ഒരുത്തന്‍ കാശടിച്ചു മാറ്റുന്നത് വേറെ ഒരുത്തന് ഇഷ്‌ടപ്പെട്ടില്ല. ഇഷ്ടപ്പെടാത്തവന്‍ ലിസ്റ്റ് ചോര്‍ത്തി ചാനലുകാര്‍ക്ക് കൊടുത്തു. എന്നിട്ടടിയായി. അവസാനം കാശുമില്ല ലിസ്റ്റുമില്ല സീറ്റും ഇല്ല. അതുപോലെ സംഭവിക്കാതിരിക്കാനാണ് ഞങ്ങളുടെ യൂണിയനിലെ കോളേജ് ഭരിക്കാന്‍ ഞങ്ങളെപ്പോലുള്ളവര്‍ മതി എന്ന് തീരുമാനിച്ചത്.

ഇനി മുതല്‍ മെഡിക്കല്‍ കോളേജുകളും ഗവണമെന്റ് കോളേജുകളും സര്‍ക്കാര്‍ തന്നെ നടത്തിയാല്‍ മതി എന്ന് സര്‍ക്കാര്‍ ഒരു തീരുമാനം എടുക്കുന്നു എന്ന് കരുതുക. എന്തായിരിക്കും പ്രതികരണം.

സര്‍ക്കാര്‍ എന്തിന് അങ്ങനെ ചെയ്യണം. അതൊക്കെ ചെയ്യാന്‍ ഞങ്ങളെപ്പോലുള്ള സമുദായക്കാര്‍ ഇല്ലേ? സര്‍ക്കാരിന് കോളേജുകള്‍ തുടങ്ങാന്‍ ഉപയോഗിക്കുന്ന പണം പാവങ്ങള്‍ക്ക് വേണ്ടി വിതരണം ചെയ്തു കൂടേ.. ഇവിടെ എത്രയോ ആളുകള്‍ വീടും ഭക്ഷണവും ഇല്ലാതെ നരകിക്കുന്നു. അവര്‍ക്ക സഹായം ചെയ്തു കൂടേ സര്‍ക്കാരിന്.

നിങ്ങള്‍ക്കും അങ്ങനെ ചെയ്തു കൂടേ..

സര്‍ക്കാര്‍ പണം തന്നാല്‍ അത് ചെയ്യുന്നതില്‍ ഞങ്ങള്‍ക്ക് വലിയ സന്തോഷമേയുള്ളൂ..

താങ്കള്‍ യോഹന്നാന്റെ സുവിശേഷം 12 ആം അദ്ധ്യായം വായിച്ചിട്ടൂണ്ടോ... അതില്‍ താങ്കളെപോലുള്ളവരെക്കുറിച്ച് പറയുന്നുണ്ട്..

ഞാന്‍ നേരത്തെ പറഞ്ഞില്ലേ.. ബൈബിള്‍ അനുസരിച്ച് ജീവിക്കുന്നവരാ ഞങ്ങളെന്ന്. അതുകൊണ്ട് ബൈബിളില്‍ എഴുതിയിരിക്കുന്നത് പലതും ഞങ്ങളെക്കുറിച്ചാണന്ന് തോന്നും. എന്താണ് യോഹന്നാന്റെ സുവിശെഷം 12 ആം അദ്ധ്യായത്തില്‍ ഞങ്ങളെക്കുറിച്ച് പറഞ്ഞിരിക്കുന്നത്.?

യോഹന്നാന്റെ സുവിശേഷം 12ന്റെ 6 ല്‍ പറയുന്നുണ്ട്. “ഇതു ദരിദ്രന്മാരെക്കുറിച്ചു വിചാരം ഉണ്ടായിട്ടല്ല, അവന്‍ കള്ളന്‍ ആക കൊണ്ടും പണസഞ്ചി തന്റെ പക്കല്‍ ആകയാല്‍ അതില്‍ ഇട്ടതു എടൂത്തു വന്നതുകൊണ്ടും അത്രേ പറഞ്ഞതു.“

നമ്മളെ വിളിച്ചു വരുത്തി കളിയാക്കുന്നോ?

നിങ്ങള്‍ എല്ലാവരും കൂടി മലയാളികളെ ഇട്ട് കളിയാക്കുന്നതിന് ഒരു കുഴപ്പവും ഇല്ലിയോ...?

താന്‍ നോക്കിക്കോ അടുത്ത മെത്രാന്‍ യോഗത്തില്‍ യോഹന്നാന്റെ 12 ആം അദ്ധ്യായം ബൈബിളില്‍ നിന്ന് ഒഴിവാക്കാന്‍ തീരുമാനം എടുക്കും. തന്നെ പോലുള്ളവരെ അങ്ങനെ ഒരു പാഠം പഠിപ്പിക്കും.

RIP : റെസ്റ്റ് ഇന്‍ പീസ്

2011-06-26T20:57:00.001+05:30

വേണം നമുക്കൊരു വിദ്യാഭ്യാസം

2011-06-19T21:34:00.001+05:30

പതിവു പോലെ ജൂണ്‍ മാസത്തില്‍ നമ്മള്‍ വീണ്ടും വിദ്യാഭ്യാസത്തെക്കൂറിച്ച് ചര്‍ച്ച ചെയ്യാന്‍ തുടങ്ങി. കഴിഞ്ഞ കുറെക്കാലമായി സാശ്രയ വിദ്യാഭ്യാസവും , സീറ്റ് കച്ചവടവും മാത്രമായിരുന്നു നമ്മുടെ ചര്‍ച്ച. പക്ഷേ ഈ വര്‍ഷം സാശ്രയ ചര്‍ച്ചയിലേക്ക് രാഷ്ട്രീയ സദാചാരവും , രാഷ്ട്രീയ ധാര്‍മ്മികതയും കടന്നു വന്നതിനോടൊപ്പം സ്കൂള്‍ വിദ്യാഭ്യാസവും കടന്നു വന്നു. ഈ സവിശേഷ സാഹചര്യത്തില്‍ നമ്മുടെ വിദ്യാഭ്യാസ സമ്പ്രുദായത്തിലേക്ക് ഒരു അന്വേഷ്ണം നടത്തുകയാണ്. (ഇതില്‍ പറയുന്നത് എന്റെ വ്യക്തിപരമായ അഭിപ്രായങ്ങള്‍ ആയതുകൊണ്ട് നിങ്ങള്‍ക്ക് ഔ പക്ഷേ യോജിപ്പോ വിജോയിപ്പോ ഉണ്ടായന്ന് വരാം).

വിദ്യാഭ്യാസം കച്ചവടം ആകുന്നു....
ഒരു കുഞ്ഞ് ജനിക്കുമ്പോള്‍ തന്നെ അവന്‍/അവള്‍ എന്തായി തീരണമെന്ന് മാതാപിതാക്കള്‍ ആഗ്രഹിക്കുകയും അതിനു വേണ്ടി കുഞ്ഞിനെ വളര്‍ത്തുകയും ചെയ്യുന്ന ഒരു കൂട്ടം മാതാപിതാക്കളാണ് നമ്മുടെ ഇടയില്‍ ഇന്നുള്ളത്. തന്റെ മകന്‍/മകള്‍ ഉന്ന്നത നിലയില്‍ വിദ്യാഭ്യാസം നടത്തി മറ്റുള്ളവരുടെ മക്കളെക്കാള്‍ ഒരുപടി മുന്നില്‍ നില്‍ക്കണമെന്ന് അവര്‍ ആഗ്രഹിക്കുന്നത് തെറ്റാണോ എന്ന് ഉത്തരം നല്‍കേണ്ടത് ആ കുഞ്ഞിന്റെ ആഗ്രഹങ്ങളൊടും ചേര്‍ന്നു നിന്നു കൊണ്ടാണ്. തങ്ങളുടെ മക്കളുടെ വിദ്യാഭ്യാസത്തിന് മാതാപിതാക്കള്‍ക്ക് എത്ര പണം വേണമെങ്കിലും ചിലവഴിക്കാന്‍ സാധിക്കുന്നുണ്ട്. ഈ അവസ്ഥയെ ചൂഷ്ണം ചെയ്യാന്‍ വേണ്ടിയാണ് വിദ്യാഭ്യാസ സ്ഥാപനങ്ങളെ ഒരു കച്ചവട-കറവപ്പശുവായി കാണുന്ന ചിലര്‍ എത്തിയത്.

സര്‍ക്കാര്‍ സ്‌കൂള്‍ തകര്‍ച്ചയും ഇംഗ്ലീഷ് വിദ്യാഭ്യാസവും
ലോകം ഇന്ന് ഒരൊറ്റ തുറന്ന വിപണിയായപ്പോള്‍ ആഗോളഭാഷയായ ഇംഗ്ലീഷ് വളര്‍ന്നു. ഇംഗ്ലീഷില്‍ സംസാരിക്കാന്‍ കഴിയാത്തവര്‍ മത്സരങ്ങളില്‍ പിന്തള്ളാപെടുമെന്ന് മാതാപിതാക്കള്‍ക്ക് തോന്നി. അവര്‍ തങ്ങളുടെ കുട്ടികളേ ഇംഗ്ലീഷ് മീഡിയം സ്കൂളുകളില്‍ ചേര്‍ക്കാന്‍ തുടങ്ങി. സര്‍ക്കാര്‍, എയ്‌ഡഡ് മലയാളം മീഡിയം സ്കൂളുകളില്‍ കുട്ടികള്‍ കുറഞ്ഞു തുടങ്ങുകയും അണ്‍‌എയിഡഡ് ഇംഗ്ലീഷ് മീഡിയം സ്കൂളുകളില്‍ കുട്ടികളുടെ എണ്ണം കൂടുകയും ചെയ്തു. പൊതു സമൂഹത്തില്‍ ആദ്യം ഇംഗ്ലീഷ് മീഡിയം വിദ്യാഭ്യാസത്തെ എതിര്‍ക്കുകയും മുഖം തിരിഞ്ഞു നില്‍ക്കുകയും ചെയ്‌ത അദ്ധ്യാപകര്‍ തങ്ങളുടെ സ്വന്തം കുട്ടികളെ അത്തരം സ്കൂളുകളിലേക്ക് പറഞ്ഞു വിടുകയും മറ്റ് കുട്ടികളെ തങ്ങള്‍ പഠിപ്പിക്കുന്ന സ്കൂളുകളില്‍ ചേര്‍ക്കാന്‍ വീടു‌വീടാന്തരം കയറി ഇറങ്ങുകയും ചെയ്തത് ഒരു തമാശ ആയിരുന്നു. അണ്‍‌എയിഡഡ് ഇ,ഗ്ലീഷ് മീഡിയം സ്കൂളുകള്‍ കൂണുകള്‍ പോലെ മുളച്ചു പൊന്തിയപ്പോഴാണ് സര്‍ക്കാരും അനങ്ങിത്തുടങ്ങിയത്. എയ്‌ഡഡ് സ്കൂളുകളിലും ഇംഗ്ലീഷ് മീഡിയം ഡിവഷനുകള്‍ ആരംഭിച്ചു എങ്കിലും അതും ഉദ്ദേശിച്ച പ്രയോജനം ഉണ്ടാക്കിയില്ല. ചില സര്‍ക്കാര്‍ പരിഷ്‌കാരങ്ങള്‍ തന്നെയാണ് കുട്ടികള്‍ സര്‍ക്കാര്‍-എയിഡഡ് സ്കൂളുകലീല്‍ നിന്ന് അണ്‍-എയിഡഡ് സ്കൂളുകളിലേക്ക് ചേക്കാറാന്‍ കാരണം. ആ കാരണങ്ങളിലേക്ക് നമുക്ക് പിന്നീട് വരാം.

സ്കൂളുകളും മതവും സമുദായവും.
നിങ്ങള്‍ രാവിലെ ഒരു ഏഴര മുതല്‍ ഒന്‍‌പതുമണിവരെ അടുത്തുള്ള വാഹന ഗതാഗതമുള്ള റോദില്‍ ചെന്ന് നില്‍ക്കുക. നിന്നഗ്ലേ അതിശയിപ്പിക്കുന്ന രീതിയില്‍ സ്കൂള്‍ ബസുകള്‍ പോകുന്നത് നിങ്ങള്‍ക്ക് കാണാന്‍ സാധിക്കും. ഇനി ആ സ്കൂള്‍ ബസുകളിലെ സ്കൂള്‍ പേരുകളിലേക്ക് നോക്കുക. മതവും സമുദായവും സംഘടനകളും ട്രസ്റ്റുകളും വകയായിട്ടുള്ളവയായിരിക്കും ആ സ്കൂള്‍ ബസുകള്‍. അതെ. ഇന്നത്തെ നമ്മുടെ സ്കൂളുകള്‍ മത-സമുദായ--ട്രസ്റ്റുകള്‍ വീതിച്ചെടുത്തിരിക്കുന്നു.

കുറേക്കാലം മുമ്പ് നടന്ന് പോകാന്‍ പറ്റുന്ന ദൂരത്ത് ഒരു സ്ഥലത്ത് ഒരു സ്കൂള്‍ മാത്രമേ ഉണ്ടായിരുന്നുള്ളൂ. അത് ഒരു പക്ഷേ സര്‍ക്കാര്‍ സ്കൂള്‍ ആയിരിക്കാം അല്ലങ്കില്‍ ഒരു മാനേജ്‌മെന്റ് നടത്തുന്ന എയിഡഡ് സ്കൂള്‍ ആയിരിക്കും. ഇന്ന് ഒന്ന് നോക്കുക നടന്നു പോകാവുന്ന ദൂരത്തില്‍ നാലഞ്ച് സ്കൂളുകള്‍. ആ സ്കൂളുകള്‍ നടത്തുന്നത് പല സമുദായങ്ങള്‍ ആയിരിക്കും. ക്രിസ്ത്യന്‍-മുസ്ലിം-ഹിന്ദു മാനേജുമെന്റ് സ്കൂളുകള്‍ എന്ന് പണ്ട് സംസാരഭാഷയില്‍ പറഞ്ഞിരുന്നെങ്കില്‍ ഇന്നങ്ങനെ പറയാന്‍ കഴിയില്ല. ഓര്‍ത്തഡൊക്സ്, പാത്രിയര്‍ക്കീസ്, മര്‍ത്തോമ്മാ, കത്തോലിക്ക, സി‌എസ്‌ഐ, എന്‍.എസ്.എസ്, എസ്.എന്‍.ഡി.പി , അമൃതാനന്ദമയി, വിവിധ ആശ്രമങ്ങള്‍, മുസ്ലിം, വിവിധ കന്യാസ്ത്രി മഠങ്ങളുടേയും എല്ലാം നേതൃത്വത്തില്‍ ഇന്ന് പ്രത്യകം പ്രത്യേകം സ്കൂളുകള്‍ പണുതുയര്‍ത്തിക്കഴിഞ്ഞു.

മതേതര സമൂഹത്തിന് ഭീക്ഷണിയാകുന്ന വിദ്യാഭ്യാസം
2008 ല്‍ ബിഷപ്പ് മാര്‍ പൌവ്വത്തില്‍ ഒരു പ്രസ്താവന നടത്തിയിരുന്നു, ക്രിസ്‌ത്യന്‍ കുട്ടികള്‍ ക്രിസ്‌ത്യന്‍ വിദ്യാലയങ്ങളില്‍ തന്നെ പഠിക്കണം അഥവാ ക്രിസ്‌ത്യന്‍ കുട്ടികളെ ക്രിസ്‌ത്യന്‍ വിദ്യാലയങ്ങളില്‍ തന്നെ പഠിപ്പിക്കണം എന്നായിരുന്നു ആ പ്രസ്താവന. ഇന്ന് അതില്‍ നിന്നൊക്കെ മാറ്റം വന്നിട്ട് ഓരോ വിഭാഗവും തങ്ങളുടെ കുട്ടികള്‍ തങ്ങളുടെ തന്നെ വിഭാഗങ്ങള്‍ നടത്തുന്ന സ്കൂളുകളില്‍ കുട്ടികളെ ചേര്‍ക്കാന്‍ ശ്രദ്ധിക്കുന്നു. കാശുള്ള ഓരോ പള്ളിക്കും പള്ളിവകയായി ഓരോ സ്കൂളുകള്‍. മുക്കിന് മുക്കിന് മുറുക്കാന്‍ കടതുടങ്ങുന്നതുപോലെയായി നമ്മുടെ നാട്ടിലെ സ്കൂളുകള്‍. കാശിറക്കി കാശുവാരാന്‍ പറ്റുന്നത് സ്കൂള്‍ നടത്തിപ്പുകളിലൂടെ ആണന്ന് തോന്നുന്നു. ഓരോ സമുദായവും പ്രത്യേകം പ്രത്യേകം സ്കൂളുകള്‍ തുടങ്ങുകയും തങ്ങളുടെ കുട്ടികളെ ആ സ്കൂളുകളില്‍ പഠിപ്പിക്കുകയും ചെയ്യുമ്പോള്‍ മതേതരരാജ്യം എന്നുള്ള ഒരു ‘സങ്കല്പം’ കുട്ടികളില്‍ നിന്നു തന്നെ അപ്രത്യക്ഷമാക്കാന്‍ നമുക്ക് കഴിയുന്നു. കുഞ്ഞു മനസുകളില്‍ വര്‍ഗ്ഗീയതയുടെ വിത്തുപാകാന്‍ നമുക്ക് വിദ്യാഭ്യാസകാലത്ത് തന്നെ കഴിയുന്നു എന്ന് വലിയ കാര്യമാണ്.

സിബി‌എസ്‌ഇ സ്‌കൂളുകള്‍ കൂണുപോലെ
ഈ ആഴ്ച നമ്മുടെ ചാനലുകളില്‍ വലിയ വാര്‍ത്ത ആയ ഒരു സംഭവം ആണ്. കേരളത്തിനു വെളിയിലുള്ള സിബി‌എസ്‌ഇ സ്‌കൂള്‍ മാനേജുമെന്റ് കേരളത്തില്‍ സ്കൂള്‍ സ്ഥാപിക്കാന്‍ വരുന്നു എന്നുള്ളത്. അതിനെതിരെ പലരും പല പ്രസ്താവനകള്‍ നടത്തുകയും ചെയ്തു. ജനങ്ങളെ കൊള്ളയടിക്കാനാണ് അവര്‍ വരുന്നതെന്ന് ചിലര്‍ അഭിപ്രായപ്പെടുകയും ചെയ്തു. എന്തുകൊണ്ട് അവര്‍ നടത്താന്‍ പോകുന്ന കൊള്ളയ്ക്ക് നമ്മുടെ മാതാപിതാക്കള്‍ തയ്യാറാകുന്നു എന്ന് ഇവിടെയുള്ള ആരും ചിന്തിക്കുന്നില്ല. അവര്‍ക്ക് ഇവിടേക്ക് കടന്നു വരാന്‍ നമ്മള്‍ തന്നെയല്ലേ വഴി ഒരുക്കിയത്.? പരീക്ഷകളില്‍ നൂറു ശതാമാനം വിജയം നേടുന്നതല്ല ശരിയായ വിദ്യാഭ്യാസം എന്ന് നമ്മുടെ മാതാപിതാക്കള്‍ കരുതുന്നു. അതുകൊണ്ടാണ് സ്റ്റേറ്റ് സിലബസില്‍ നിന്ന് കുട്ടികള്‍ കൊഴിഞ്ഞു പോവുകയും സിബി‌എസ്‌ഇ സ്‌കൂളുകള്‍ കൂണുപോലെ മുളച്ചു പൊന്തുകയും ചെയ്യുന്നത്.

(തുടരും.....)
picture : http://rhhr.files.wordpress.com/2009/11/schoolhouse.jpg

ഹൈടെക് ഉപവാസങ്ങളും അരാഷ്‌ട്രീയതയും.

2011-06-05T22:21:00.002+05:30

വീണ്ടും ഒരു ഉപവാസ നാടകത്തിന് ദുഃഖസാന്ദ്രമായ അന്ത്യം. സ്വന്തം അനുയായികളെ ചുറ്റിനും നിര്‍ത്തി ജനാധിപത്യ ഭാരതത്തിന്റെ പരിഛേദന എന്ന് സങ്കല്‍പ്പിച്ച് എന്തിനൊക്കയേ വേണ്ടി നടത്തിയ ഉപവാസ നാടകം അങ്ങനെ അര്‍ദ്ധരാത്രിയില്‍ പോലീസ് നടപടിയിലൂടേ അവസാനിപ്പിക്കേണ്ടി വന്ന ബാബ രാംദേവിന് കൈവിട്ട് പോയത് നേരത്തെ തയ്യാറാക്കിയ ഉപവാസ തിരക്കഥയിലെ നായക സ്ഥാനം. അണ്ണാഹാസരയ്ക്ക് കിട്ടിയ ജനപിന്തുണ കണ്ട് ഇറങ്ങിയ ബാബ രാം‌ദേവിന് നഷ്ടപ്പെട്ടത് സ്വന്തം മുഖം തന്നെ ആയിരുന്നു. ഇനിയും നഷ്ടപ്പെടാന്‍ പോകുന്നത് ഒരു പക്ഷേ അദ്ദേഹം തന്നെ കെട്ടി ഉയര്‍ത്തിയ തന്റെ സാമ്രാജ്യം ആയിരിക്കും. ആര്‍ക്കും ഒരാളെ എപ്പോഴും പറ്റിക്കാന്‍ പറ്റില്ലന്ന് പറയുന്നതുപോലെ ആയിരിക്കും ബാബയുടെ ഭാവികാലം. എനിക്ക് ഓര്‍മ്മ വരുന്നത് ഐ.പി.എല്‍ ചെയര്‍മാനായിരുന്ന ലളിത് മോഡിയുടെ ഇപ്പോശ്ഴത്തെ അവസ്ഥ ആണ്. പ്രസിദ്ധിയുടെ മുകളില്‍ നിന്ന് വീണ വീഴ്‌ച. താന്‍ കുഴിച്ച കുഴിയില്‍ വീണ ലളിത് മോഡിയുടെ അവസ്ഥയിലേക്കാണോ ബാബ രാം‌ദേവിന്റെ ഭാവിയും കടന്ന് പോകുന്നത് എന്നറിയാന്‍ കുറച്ചു ദിവസം കൂടി കാത്തിരിക്കേണ്ടി വരും.

അഴിമതിയും ഉപവാസങ്ങളും

അഴിമതി തടയാനുള്ള ലോക്‍പാല്‍ ബില്‍ ലോക്‍സഭയില്‍ അതരിപ്പിക്കണം എന്ന് ആവിശ്യപ്പെട്ടു കൊണ്ട് അണ്ണാഹസാരെ 2011 ഏപ്രില്‍ 5 ന് തുടങ്ങിയ ഉപവാസസമരം ഏപ്രില്‍ 9 ന് വിജയിച്ചതോടെ ഉപവാസം എന്ന സമരായുധം വീണ്ടും ജനങ്ങള്‍ക്കിടയില്‍ ചര്‍ച്ചാവിഷയമായി. നമ്മുടെ രാജ്യത്തെ മാധ്യമങ്ങള്‍ അണ്ണാഹസാരയുടെ ഉപവാസസമരത്തിന് പ്രത്യേക കവറേജ് നല്‍കുകയും സോഷ്യല്‍ മീഡിയാകളിലൂടെയും നേരിട്ടും ഉള്ള ജനങ്ങളുടെ ആവേശവും എല്ലാ കൂടി അണ്ണാഹസാരയുടെ സമരം കേന്ദ്രസര്‍ക്കാരിനെ ഭയപ്പെടുത്തി എന്നത് സത്യമാണ്. ജനവികാരം ഭയന്ന് സര്‍ക്കാ‍ര്‍ അണ്ണാഹസാരെ നിര്‍ദ്ദേശിച്ച നിര്‍ദ്ദേശങ്ങളും അദ്ദേഹം നിര്‍ദ്ദേശിച്ചവരേയും ചേര്‍ത്ത് ലോക്‍പാല്‍ ബില്ലിന്റെ നിര്‍ദ്ദേശങ്ങള്‍ ഉണ്ടാക്കാന്‍ തീരുമാനിക്കുകയും ചെയ്തു. അണ്ണാഹസാരെ നിര്‍ദ്ദേശിച്ചവരെ ലോക്‍പാല്‍ തയ്യാറാക്കുന്ന സമതിയില്‍ ഉള്‍പ്പെടുത്തുകയും ചെയ്തു. ഒരു ജനധിപത്യരാജ്യത്ത് ഒരാള്‍ നിര്‍ദ്ദേശിക്കുന്ന എല്ലാവരേയും ഒരു പ്രധാന നിയമം ഉണ്ടാക്കാനുള്ള സമിതിയില്‍ ഉള്‍പ്പെടുത്തുക വഴി കേന്ദ്രസര്‍ക്കാര്‍ ചെയ്തത് ഒരു അസാധാരണ നടപടിയായിരുന്നു എന്നതില്‍ തര്‍ക്കം ഉണ്ടാകാന്‍ വഴിയില്ല. പക്ഷേ അണ്ണാഹാസരയുടെ സമരത്തിന് ഒരു ലക്ഷ്യം ഉണ്ടായിരുന്നു. ആ ലക്ഷ്യം ജനുവിന്‍ ആയിരുന്നതുകൊണ്ടായിരുന്നു അദ്ദേഹത്തിന് സമരത്തിന് സാര്‍വത്രിക പിന്തുണ ലഭിക്കുകയും ചെയ്തത്.

2ജി സ്‌പെക്ട്രം, ആദര്‍ശ് കുഭകോണം,ഗെയിംസ് അഴിമതി എന്നിവയിലെല്ലാം പെട്ട് മുഖം നഷ്ടപെട്ട കോണ്‍‌ഗ്രസ് നേതൃത്വം നല്‍കുന്ന യു‌പി‌എ സര്‍ക്കാര്‍ നേരിട്ട ഏറ്റവും വലിയ പരീക്ഷണമായിരുന്നു അണ്ണാഹസാരയുടെ ഉപവാസ സമരം. പക്ഷേ ആ സമരത്തിന് പരിഹാരംകണ്ടപ്പോള ജനാധിപത്യത്തിന്റെ ഭാഗമായ രാഷ്ട്രീയ പാര്‍ട്ടികളുമായി ചര്‍ച്ച നടത്തി ഒരു തീരുമാനത്തില്‍ എത്താന്‍ ആ സര്‍ക്കാര്‍ ശ്രമിച്ചില്ല എന്നത് ഒരു വലിയ വീഴച തന്നെയാണ്. പിന്നീട് ലോക്പാന്‍ ബില്ലിനെക്കുറിച്ചുള്ള നിര്‍ദ്ദേശങ്ങള്‍ ആവിശ്യപ്പെട്ടുകൊണ്ട് സര്‍ക്കാര്‍ രാഷ്ട്രീയപാര്‍ട്ടികള്‍ക്ക് കത്ത് എഴുതിയപ്പോള്‍ അവര്‍ തങ്ങള്‍ക്ക് പറയനുള്ളത് ലോക്‍സഭയില്‍ വെച്ച് പറഞ്ഞോളാം എന്ന് പറഞ്ഞത് അതുകൊണ്ടാണ്.‍ ലോക്‍പാല്‍ ബില്ലിന് വേണ്ടിയുള്‍ല അണ്ണാഹാരയുടെ സമരം ഭാരതത്തിലെ ജനങ്ങള്‍ക്കിടയില്‍ അദ്ദേഹത്തെ കൂടുതല്‍ ജനകീയനാക്കി എന്നതില്‍ സംശയം ഇല്ല.

മേധാ പട്‌കര്‍, ഇറോം ചാനു ശര്‍മ്മിള, അണ്ണാ ഹസാരെ, ബാബ രാംദേവ്
ഈ നാലു പേരേയും പൊതുവായി ബന്ധിപ്പിക്കുന്നത് ഉപവാസം എന്ന സമരായുധം ആണ്. ഈ നാലു പേരുടെ ഉപവാസത്തില്‍ വിജയം നേടാനായത് മേധാ പട്‌കര്‍‌ക്കും അണ്ണാ ഹസാരയ്ക്കും മാത്രം.
ഇറോം ചാനു ശര്‍മ്മിള പത്തുവര്‍ഷമായി തുടരുന്ന ഉപവാസം ഇന്ന് വാര്‍ത്ത അല്ലാതെ ആയിരിക്കുന്നു. മാധ്യമങ്ങളില്‍ നിന്ന് അവരുടെ ഉപവാസം ഇന്ന് അപ്രത്യക്ഷമായിരിക്കുന്നു. കാരണം മാധ്യമ മുതലാളിമാരുടെ കാഴ്ച്ചപ്പാടിലും ജനങ്ങളുടെ ഇടയിലും അവരുടെ വാര്‍ത്താമൂല്യം കുറഞ്ഞിരിക്കുന്നു.

മണിപ്പൂരില്‍ സൈന്യത്തിന്റെ പ്രത്യേക അധികാരം നല്‍കുന്ന നിയമം ഉപേക്ഷിക്കണമെന്ന് ആവിശ്യപ്പെട്ടുകൊണ്ട് 2001 നവംബര്‍ 2 ന് ആണ് അവര്‍ നിരാഹാരം സമരം തുടങ്ങിയത്. ഇത്രയും വര്‍ഷം ആയിട്ടും അവരുടെ സമരം ഏറ്റെടുക്കാന്‍ ഒരു സോഷ്യല്‍ മീഡിയായിലേയും ‘കണ്ണു തുറന്നിരിക്കുന്നവര്‍’ എത്തിയില്ല. അവരിപ്പോഴും മണിപ്പൂരിലെ ജനങ്ങള്‍ക്കായി പോരാടുന്നു. ഒരു പക്ഷേ ആ നിരാഹാരം അവസാനിക്കുന്നത് അവരുടെ മരണത്തോടെ മാത്രം ആയിരിക്കും.

മെയ് 20 മുതല്‍ ഒന്‍‌പതു ദിവസം മേധാ പട്കര്‍ നിരാഹാര സമരം നടത്തിയത് എത്ര പേര്‍ അറിഞ്ഞു. എത്ര ചാനലുകളില്‍ ആ വാര്‍ത്ത ലൈവായി വന്നു? ഏതെങ്കിലും ചനലുകളീലെ ന്യുസ് അവറുകളില്‍ അവരുടെ നിരാഹാരം ചര്‍ച്ച ചെയ്തിട്ടുണ്ടോ? ഉണ്ടാവാന്‍ വഴിയില്ല. കാരണം അവരുടെ സമരം മുംബയിലെ ഖാറിലെ ഗോളിബാറിലെ ചേരിനിവാസികളെ അവരുടെ ഇടങ്ങളില്‍ നിന്ന് കുടിയൊഴിപ്പിക്കുന്നതിന് എതിരെ ആയിരുന്നു. തിളങ്ങുന്ന ഇന്ത്യയുടെ ചേരി പ്രശ്നം എങ്ങനെ ആയാലും നമ്മുടെ മാധ്യമങ്ങള്‍ക്ക് ഒന്നും ഇല്ലല്ലോ? കാരണം നഷ്ടപ്പെടൂന്നത് വെറും ഏഴാം കൂലി ചേരിയില്‍ കിടക്കൂന്നവനാണ്. മാധ്യമങ്ങള്‍ക്ക് പ്രശ്നം ഇന്ത്യയിലെ അഴിമതിയും കള്ളപ്പണവും മാത്രം ആണന്ന് തോന്നുന്നു. ഇന്നത്തെ മാധ്യമങ്ങളില്‍ പലതും പടുത്തുയര്‍ത്തിയത് ഈ കള്ളപ്പണം കൊണ്ടാണന്നുള്ളത് പരസ്യമായ രഹസ്യം മാത്രമല്ലേ????

ബാബാ രാംദേവും നിരാഹാരവും
അണ്ണാഹാസരയ്ക്ക് കിട്ടിയ ജനപ്രീതി കണ്ടു കൊണ്ടായിരിക്കണം ബാബാ രാംദേവ് എന്ന യോഗാചാര്യന്‍ ഉപവാസ സമരത്തിന് ഇറങ്ങിയത്. അണ്ണാഹസാരയെപ്പോലെ വെറും നിരാഹാരം കിടക്കാന്‍ അദ്ദേഹത്തിന് പറ്റാത്തതുകൊണ്ട് എല്ലാം ഹൈടൈക്ക് ആക്കി മാറ്റി. എയര്‍ കണ്ടീഷന്‍ ചെയത സമര പന്തല്‍, ഫാന്‍ തുടങ്ങി ഡല്‍ഹിയിലെ ചൂടേറ്റ് ഉപവാസം നടത്തി തളരാതിരിക്കാനുള്ള എല്ലാ സെറ്റപ്പും അദ്ദേഹം ഉണ്ടാക്കി. സ്വന്തം സ്തുതി ഗീതങ്ങള്‍ പാടാനായി അനുയായികളും സമര പന്തലില്‍ എത്തി. ചാര്‍ട്ടര്‍ ചെയ്ത വിമാനത്തില്‍ നിരാഹാരം ഇരിക്കാനായി ബാബ ഡല്‍ഹിയില്‍ എത്തുന്നതും കാത്ത് ഇന്ത്യന്‍ ജനാധിപത്യത്തിന്റെ മുഖം വികൃതമാക്കി ഇന്ത്യയിലെ നാലു മന്ത്രിമാര്‍ വിമാനത്താവളത്തില്‍ ചര്‍ച്ചയ്ക്കായി കാത്തു നിന്നു. ചര്‍ച്ച പരാജയമാണന്ന് പറഞ്ഞ് ബാബ നിരാഹാരം തുടങ്ങി.

ബാബാ രാംദേവിന്റെ ആവിശ്യങ്ങള്‍
ഇതാണ് ബാബ രാം ദേവിന്റെ ആവിശ്യങ്ങള്‍ (മനോരമയില്‍ നിന്ന്).

ഈ ആവിശ്യങ്ങള്‍ പലതില്‍ നിന്നും അദ്ദേഹം സമയാസമയങ്ങളില്‍ നിന്ന് പിന്മാറി. ഇന്ത്യന്‍ ജനാധിപത്യത്തെ തന്നെ തകര്‍ക്കുന്ന ചില ആവിശ്യങ്ങള്‍ ഇതില്‍ കാണാം. ബാബാ രാം ദേവിന്റെ നിരാഹാരത്തെ പിന്തുണയ്ക്കുന്ന ബിജെപി ഉള്‍പ്പെടെയുള്ള രാഷ്ട്രീയ കക്ഷികള്‍ ഈ ആവിശ്യങ്ങള്‍ എല്ലാം കണ്ടിട്ടാണോ സമരത്തെ പിന്തുണച്ചത്? സംസ്ഥാന ഗവണ്‍‌മെന്റ് തീരുമാനം എടുക്കേണ്ട കാര്യങ്ങളില്‍ പോലും കേന്ദ്ര സര്‍ക്കാരിനെ കൊണ്ട് സമ്മതിപ്പിക്കാന്‍ ബാബ രാം ദേവ് ശ്രമിച്ചു എന്ന് മനസിലാക്കാന്‍ കഴിയും. ഒരു വ്യക്തി ശ്രമിച്ചാല്‍/ ഒരു വ്യക്തിയുടെ സമരം കൊണ്ട് മാറ്റാന്‍ പറ്റുന്നതാണോ ഇന്ത്യന്‍ ജനാധിപത്യവും സംസ്ഥാന സര്‍ക്കാരുകള്‍ഊടെ ഭരണാ നിര്‍വഹണവും. ബാബാ രാം ദേവിന്റെ ആവിശ്യങ്ങള്‍ കേന്ദ്ര സര്‍ക്കാര്‍ അംഗീകരിച്ചിരുന്നു എങ്കില്‍ ഇന്ത്യ അരാജകത്വ അവസ്ഥയിലേക്ക് പോകും എന്നതില്‍ സംശയം ഇല്ലായിരുന്നു.

ബാബാ രാംദേവിന്റെ ജീവ ചരിത്രം മാധ്യമങ്ങളില്‍ നിന്ന് നമ്മള്‍ മനസിലാക്കി. അയാള്‍ മുന്നോട്ടു വെച്ച പല ആവിശ്യങ്ങള്‍ക്ക് അയാള്‍ തന്നെ പാലിക്കാന്‍ ശ്രമിക്കുന്നില്ല എന്ന് നമുക്ക് മനസിലാക്കാന്‍ സാധിക്കും. പിന്നെ എന്തിന് അയാള്‍ ഇങ്ങനെ ഒരു ഹൈടെക്ക് സമരത്തിന് തയ്യാറായി.?സ്വന്തം രാഷ്ട്രീയ പാര്‍ട്ടുയുടെ മൈലേജ് കൂട്ടല്‍ എന്നതില്‍ കവിഞ്ഞ് ഈ നിരാഹാര/ഉപവാസ/യോഗ സമരത്തിന് ഒരു അര്‍ത്ഥവും ഇല്ല.

ബി‌ജെപിയും ഉപവാസ സമര പിന്തുണയും
രാജ്യത്തെ മുഖ്യ പ്രതിപക്ഷമായ ബി‌ജെപി എന്തുകൊണ്ട് നേരിട്ട് അഴിമതിവിരുദ്ധ സമരത്തിന് നേതൃത്വം നല്‍കുന്നില്ല എന്നത് ഒരു ചോദ്യമാണ്. അണ്ണാഹസാരയുടേയും രാം ദേവിന്റേയും സമരങ്ങള്‍ക്ക് പിന്തുണ പ്രഖ്യാപിച്ച് കോണ്‍ഗ്രസിനെ പ്രതിരോധത്തില്‍ ആക്കുക എന്നതായിരുന്നു അവരുടെ തന്ത്രം. ബി‌ജെപി നേരിട്ട് ഈ സമരത്തില്‍ കടന്നു വെന്നാല്‍ കോണ്‍ഗ്രസ് ചില ചോദ്യങ്ങള്‍ ഉയര്‍ത്തുമെന്ന് അവര്‍ക്കറിയാം. ആ ചോദ്യങ്ങള്‍ക്ക് ഉത്തരം പറയാന്‍ ബിജെപിക്ക് ഇപ്പോള്‍ ആവത്തില്ല. കാര്‍ഗില്‍ യുദ്ധത്തില്‍ മരിച്ചവരെ അടക്കാന്‍ വാങ്ങിയ ശവപ്പെട്ടിയുടെ അഴിമതിയില്‍ എന്ത് നടപടി എടുത്തു എന്ന് കോണ്‍ഗ്രസ് ചോദിക്കുമെന്ന് ഉറപ്പാണ്. പിന്തുണ പ്രഖ്യാപിച്ചും പിന്തുണ പിന്‍‌വലിച്ചും ജനധിപത്യത്തെ കളിയാക്കുന്ന കര്‍ണ്ണാടകയിലെ സര്‍ക്കാരിനേയും അവിടുത്തെ ഖനി അഴിമതികളെക്കുറിച്ചും ഉയര്‍ന്ന വരുന്ന ചോദ്യങ്ങള്‍ക്കും പറയന്‍ ഉത്തരം പറയാന്‍ ബിജെപിക്ക് കഴിയില്ല എന്നതുകൊണ്ടാണ് അവര്‍ കലക്ക വെള്ളത്തില്‍ മീന്‍ പിടിക്കാന്‍ ശ്രമിക്കുന്നത്.

എന്തുകൊണ്ട് ജനങ്ങള്‍ രാഷ്ട്രീയക്കാരെ കൈവിടുന്നു.
രാഷ്ട്രീയകാരിലുള്ള തങ്ങളുടെ വിശ്വാസം ജനങ്ങള്‍ക്ക് നഷ്ടമായി കൊണ്ടിരിക്കുകയാണന്ന് മനസിലാക്കാന്‍ സാധീക്കും. അധികാരത്തിനു വേണ്ടി അവര്‍ എന്തും ചെയ്യും എന്ന് ജനങ്ങള്‍ വിശ്വസിക്കുന്നു. അതുകൊണ്ട് ജനങ്ങള്‍ തങ്ങളുടെ രക്ഷകരായി മാധ്യമ പിന്തുണയോടെ ഉയര്‍ന്നു വരുന്ന കോര്‍പ്പറേറ്റ് സ്പോണ്‍‌സേര്‍ഡ് ആളിനെ കാണുന്നു. നിങ്ങള്‍ക്കിയാളെ വിശ്വസിക്കാം ഇയാളാണ് രക്ഷകന്‍ എന്ന് മാധ്യമ ചര്‍ച്ചകളിലൂടെ തങ്ങള്‍ പിന്തുണയ്ക്കുന്ന ആളെ മാര്‍ക്കറ്റ് ചെയ്യാന്‍ കോര്‍പ്പറേറ്റ് (മാധ്യമ) ഭീകരന്മാര്‍ക്ക് കഴിയുകയും ചെയ്യുന്നു. ആളും അനക്കവും കാണുമ്പോള്‍ ജനങ്ങളും അയാളേ പിന്തുണയ്ക്കുന്നു. ചുമ്മാ അങ്ങ് പിന്തുണയ്ക്കുന്നു. മാധ്യമങ്ങള്‍ വിശകലനം ചെയ്ത് എല്ലാം ശരി എന്ന് ഉറപ്പിക്കുന്ന ആളെ ഇന്നത്തെ സമൂഹം അവിശ്വസിക്കത്തും ഇല്ല. അങ്ങനെയാണ് ആള്‍ ദൈവങ്ങള്‍, രക്ഷകരു സൃഷ്ടിക്കപ്പെടുന്നത്. രാഷ്ട്രീയം ചീയട്ടെ അവര്‍ എല്ലാം അഴിമതിക്കാര്‍ എന്നുള്ള ഒരു മിഥ്യാബോധം ജനങ്ങള്‍ക്കിടയില്‍ വളര്‍ത്തിയെടുക്കാന്‍ ഇത്തരം ആള്‍ക്കാര്‍ക്ക് മാധ്യമങ്ങളിലൂടെ കഴിയുകയും ചെയ്യുന്നു.

വ്യക്തിപൂജകള്‍ അരാഷ്ട്രീയ വാദത്തിലേക്കും അരാഷ്ട്രീയതിയിലേക്കും ആയിരിക്കും നയിക്കുന്നത്. ഇന്ത്യയിലെ നൂറു കോടി ജനങ്ങളുടെ പ്രതിനിധിയായി നിന്ന് ഒരാള്‍ തന്റെ അജണ്ട നടപ്പാക്കാന്‍ ഉപവാസത്തിലൂടയും നിരാഹാരത്തിലൂടയും ശ്രമിക്കുമ്പോള്‍ തല കുനിക്കുന്നത് പരിപാവനമായ ജനാധിപത്യമാണ്. ജനാധിപത്യത്തെ സംരക്ഷിക്കാന്‍ ഇത്തരം വ്യക്തിപൂജ സ്പോണ്‍സേര്‍ഡ് സമരങ്ങളെ തകര്‍ക്കേണ്ടതുണ്ട്. ജനാധിപത്യ രാജ്യത്ത് ആര്‍ക്കും തങ്ങളുടെ അഭിപ്രായം പ്രകടിപ്പിക്കാമെങ്കിലും അതൊരിക്കലും ആ രാജ്യത്തിന്റെ അഖണ്ഡതയെ വെല്ലു വിളിച്ചു കൊണ്ട് ആവരുത്.

ചിത്രങ്ങള്‍ എടുത്തത്::
ഷര്‍മ്മിള :: http://indianmilitarynews.files.wordpress.com/2011/04/irom-sharmila.jpg
അണ്ണാ ഹസാരേ : http://www.newsreporter.in/wp-content/uploads/2011/04/Anna-Hazare.jpg
രാം ദേവ് , മേധാ പടകര്‍ : http://in.news.yahoo.com

യു‌ഡി‌എഫ് തമാശകള്‍

2011-05-16T18:19:00.002+05:30

തൃശൂരിലെ സ്ഥാനാര്‍ത്ഥി നിര്‍ണ്ണയം കരുണാകരന്റെ ആത്മാവിനെ വേദനിപ്പിക്കുന്നതായിരുന്നു എന്ന് പത്മജ.
ചേച്ചിയുടെ പ്രവര്‍ത്തനവും പ്രസ്താവനകളും കണ്ടാല്‍ ഏ. ഓ. ഹ്യൂം , മോഹന്‍‌ദാസ് കരംചന്ദ് ഗാന്ധി തുടങ്ങിയവരുടെ ആത്മാവും വേദനിക്കും. അവരൊക്കെ ആരാണന്ന് ചേച്ചിക്കറിയാമോ ആവോ?

ചാലക്കുടിയിലെ കോണ്‍ഗ്രസുകാര്‍ തനിക്ക് വോട്ട് ചെയ്തില്ലന്ന് യു‌ഡി എഫ് സ്ഥാനാര്‍ത്ഥി ബെന്നി
വോട്ട് ചെയ്യുന്ന കുറേ കോണ്‍‌ഗ്ഗ്രസുകാരെക്കൂടി ഡല്‍ഹിയില്‍ നിന്ന് കൊണ്ട് വരാന്‍ രാഹുല്‍ ഗാന്ധിയോട് ആദ്യമേ പറയാമായിരുന്നു

തോല്‍‌വി അന്വേഷിക്കാന്‍ യുഡി‌എഫി നോട് ആവിശ്യപ്പെടുമെന്ന് ജോണി നെല്ലൂര്‍
ആദ്യം ജേക്കബിന്റെ കൂടെ യുഡീഫ് സ്ഥാനാര്‍ത്ഥി,പിന്നെ വഴി ഡി‌ഐസ് വഴി ഇടതുപക്ഷത്ത്, ദേ വീണ്ടും ജേക്കബ് വഴി വീണ്ടും യു‌ഡി‌എഫ്!!! അണ്ണന്‍ ആദ്യം എവിടെയെങ്കിലും ഒന്നു ഉറയ്ക്കട്ടെ എന്ന് ജനങ്ങള്‍ കരുതിയതിന് എന്ത് അന്വേഷണം

പ്രവര്‍ത്തകരെ പേടിച്ച് കോഴിക്കോട് കോണ്‍ഗ്രസ് യോഗം രഹസ്യമായി നടത്തിയന്ന് റിപ്പോര്‍ട്ട്.
ഇനി ജനങ്ങളേ അഞ്ചു വര്‍ഷം കഴിഞ്ഞ് പേടിച്ചാല്‍ മതിയല്ലോ എന്ന് ആശ്വസിച്ചിരിക്കുമ്പോഴാ പ്രവര്‍ത്തകര്‍!!!!!‍

മന്ത്രിയാകാന്‍ പോലും ഇല്ലന്ന് ചെന്നിത്തല
ആ കെപി‌സി‌സി പ്രസിഡണ്ട് സ്ഥാനം കൂടി ആര്‍ക്കെങ്കിലും കൊടുത്താല്‍ പാര്‍ട്ടി രക്ഷപെടും

പ്രധാന വകുപ്പുകള്‍ വേണാമെന്ന് ഘടക കക്ഷികളുടെ ആവിശ്യം
ഷിബു ബേബിജോണിനെ മുഖ്യമന്ത്രിയും ഗണേശ് കുമാറിനെ ആഭ്യന്തര മന്ത്രിയും ടി‌എം ജെക്കബിനെ ധനമന്ത്രിയും ആക്കണം. ഉമ്മാന്‍‌ചാണ്ടി വേണമെങ്കില്‍ റയില്‍‌വേ എടുത്തോട്ടേ

സീറ്റ് കുറവ് അന്വേഷിക്കുമെന്ന് യു‌ഡി‌എഫ് കണ്‍‌വീനര്‍.
ഇങ്ങനത്തെ ഒക്കെ അന്വേഷ്ണം നടത്താന്‍ സമയം തികയില്ലന്ന് കരുതിയതുകൊണ്ടാവും പുള്ളിക്കാരന്‍ മത്സരിക്കാതിരുന്നത്

ലയനം മൂലം കൂടുതല്‍ നഷ്ടം സംഭവിച്ചത് തനിക്കെന്ന് കെ.എം.മാണി
കേന്ദ്രത്തില്‍ ഒരു സഹമന്ത്രി സ്ഥാനം കൊണ്ട് ഈ നഷ്ടം ലാഭമാക്കാവുന്നതേ ഉള്ളൂ. താന്‍ മന്ത്രിയാകാനില്ലന്നും കെ.പി.സി.സി പ്രസിഡണ്ടായി കോണ്‍ഗ്രസിനെ നയിക്കും എന്നും ചെന്നിത്തല
അടുത്ത ഇലക്ഷന്‍ സമയത്ത് ചെന്നിത്തല കെ.പി.സി.സി പ്രസിഡണ്ടും രാഹുല്‍ മോന്റെ സ്ഥാനാര്‍ത്ഥി പട്ടികയും.. എല്‍‌ഡി‌എഫിന് പോസ്റ്റ്രു പോലും അടിക്കാതെ ഭരണത്തില്‍ വരാമെന്ന് ചുരുക്കം

തത്ക്കാല്‍ മാഫിയ

2011-04-29T11:50:00.001+05:30

അത്യാവശ്യമായി പെട്ടന്ന് യാത്ര ചെയ്യേണ്ടിയവര്‍ക്ക് ഒരുക്കിയ സംവിധനമാണല്ലോ റെയില്‍‌വേയുടെ തത്ക്കാല്‍ റിസര്‍‌വേഷന്‍. തത്ക്കാല്‍ റിസര്‍‌വേഷനു വേണ്ടി വളരെക്കുറച്ച് ടിക്കറ്റുകള്‍ മാത്രമെ നീക്കി വെച്ചിട്ടും ഉള്ളൂ. യാത്ര തിരിക്കേണ്ട ദിവസത്തിനു മുമ്പുള്ള രണ്ട് ദിവസത്തിനു മുമ്പേ തത്ക്കാല്‍ ടിക്കറ്റ് നല്‍കാറുള്ളൂ. എന്നാല്‍ ബുദ്ധിമുട്ടി വളരെ അകലെ നിന്ന് വന്ന് ക്യു നില്‍ക്കുന്ന എത്ര പേര്‍ക്ക് ഈ ടിക്കറ്റ് കിട്ടും????(എല്ലാവര്‍ക്കും കിട്ടണം എന്നല്ല പറഞ്ഞ് വരുന്നത്)... എനിക്കുണ്ടായ അനുഭവം ഇന്ന് എറണാകുളം നോര്‍ത്ത് റെയില്‍‌വേ സ്റ്റേഷനില്‍ ഒരു തത്ക്കാല്‍ ടിക്കറ്റ് എടുക്കാനായി പോയി. രാവിലെ ആറുമണീ ആയപ്പോഴേക്കും അവിടെ ചെന്നു. ഒരു പത്തു നാല്‍‌പ്പതു പേര്‍ അവിടെ നില്‍ക്കുകയും ഇരിക്കുകയും കിടക്കുകയും ഒക്കെ ചെയ്യുന്നുണ്ട്. ചെന്ന് ഒരു പത്ത് മിനിട്ട് കഴിഞ്ഞപ്പോള്‍ ഒരു പേപ്പറൊക്കെ ചുരുട്ടിപ്പിടിച്ച ഒരു ചേട്ടന്‍ ആ പേപ്പര്‍ എന്റെ നേരെ നീട്ടി. ആ പേപ്പറില്‍ ഓരോ കൌണ്ടറിന്റേയും പേര് എഴുതിയിട്ടുണ്ടായിരുന്നു. അതിന്റെ താഴെ താഴേ വരുന്നവര്‍ പേരെഴുതിയിട്ടുണ്ടാ‍ായിരുന്നു. മൂന്നാമത്തെ കൌണ്ടറിന്റെ താഴേയായി ഞാനു പേരെഴുതി.
“ഈ ലിസ്റ്റ് എപ്പോഴാ ചേട്ടാ എഴുതി തുടങ്ങുന്നത്?” എന്ന് ഞാന്‍ ചേട്ടനോട് ചോദിച്ചു.
തലേന്ന് രാത്രിയിലേ ഒന്‍പതും പത്തു മണിക്കും ഒക്കേ വന്ന് ആള്‍ക്കാര്‍ പേരെഴുതും എന്ന് പറഞ്ഞു. ആ ലിസ്റ്റ് അനുസരിച്ചുള്ളതിന്റെ പകുതിപോലും ആള്‍ക്കാര്‍ അവിടെ ഇല്ലായിരുന്നു എന്നതാണ് സത്യം. ആ ലിസ്റ്റില്‍ അനുസരിച്ച് ടിക്കറ്റ് എടുക്കാന്‍ നിന്നാല്‍ ടിക്കറ്റ് കണ്‍ഫേം ആയി കിട്ടില്ലന്ന് ഉറപ്പായിരുന്നു. അവിടെ നിന്ന് നേരെ സൌത്ത് റയില്‍‌വേ സ്റ്റേഷനിലേക്ക് വിട്ടു. അവിടെ ചെന്നപ്പോള്‍ അവിടെ ക്യു നില്‍ക്കുന്നതുമായി ചില പ്രശ്നങ്ങള്‍ നടക്കുകയാണ്. ഒന്നു രണ്ടു പേരോടും പോലീസുകാരനോടും ചോദിച്ചതില്‍ നിന്ന് മനസിലായ കാര്യങ്ങള്‍ ഇവയാണ്.

തലേന്ന്(ഇന്നലെ) രാത്രിയില്‍ തൊട്ടെ ക്യുവില്‍ നിന്ന ചിലരുടെ പേരൊന്നും അവിടെ കറങ്ങി നടക്കുന്ന ലിസ്റ്റില്‍ ഇല്ലത്രെ. ലിസ്റ്റില്‍ പേരില്ലാത്ത അവരെ ക്യുവില്‍ നിന്ന് മാറ്റാന്‍ ആരക്കയോ നോക്കിയന്ന്. ആ പേരില്ല കൂട്ടത്തില്‍ പെട്ട ഒരു നോര്‍‌ത്ത് ഇന്ത്യന്‍ ചേട്ടന്‍ അവരോടങ്ങ് ചൂടായി. ആ ബഹളം ശാന്തമാക്കാന്‍ പോലീസ് വന്നപ്പോഴാണ് ഞാന്‍ അവിടെ എത്തിയത്.

ഇങ്ങനെ ഒരു ലിസ്റ്റ് റെയില്‍‌വേയുടെ അനുമതി ഇല്ലാതെ ആണത്രെ ഉണ്ടാക്കുന്നത്. ആരാണ് ഈ ലിസ്റ്റ് ഉണ്ടാക്കുന്നതെന്ന് അവര്‍ക്ക് അറിയില്ല(?). മുന്നില്‍ വരുന്ന ആള്‍ക്കാര്‍ മുന്നില്‍ ക്യു നില്‍ക്കുന്ന രീതിയിലൊന്നും അല്ല ഈ സ്റ്റേഷനുകളില്‍ റിസര്‍വേഷന്‍ . (ടിക്കറ്റ് കൌണ്ടറ് തുറന്നു കഴിഞ്ഞാല്‍ ആള്‍ക്കാര്‍ ലിസ്റ്റിലെ പേരിനനുസരിച്ച് ക്യു നില്‍ക്കുന്നതുകൊന്റ് ക്യു വിന് അനുസരിച്ചല്ല ടിക്കറ്റ് കൊടുക്കുന്നതെന്നും പറയാന്‍ പറ്റില്ല). ആ ക്യുവിന്റെ പുറകില്‍ നിന്ന് കഴിഞ്ഞാല്‍ എട്ടര ആയാലും ടിക്കറ്റ് എടുക്കാന്‍ പറ്റില്ലന്ന് തോന്നിയതിനാല്‍(എന്റെ മുന്നില്‍ എണ്‍പതോളം ആളുകള്‍ ക്യുവില്‍ ഉണ്ടാ‍ായിരുന്നു) വീണ്ടും നോര്‍ത്തിലേക്ക് വന്നു.

ഒരു ഏഴുമണി കഴിഞ്ഞപ്പോള്‍ അവിടെ നിന്ന ഒരാള്‍ ലിസ്റ്റൊക്കെ നോക്കി പേര് വിളിച്ചു മൂന്നു ക്യുവായി ആള്‍ക്കാരെ നിര്‍ത്തി. ഈ മൂന്നു ക്യുവിലേയും ആദ്യത്തെ മൂന്നാലു ആള്‍ക്കാര്‍ ആ ലിസ്റ്റ് എഴുതിച്ച ആളിന്റേയും വായിച്ച ആളിന്റേയും ക്യൂ വായി നിര്‍ത്തുകയും ചെയ്യുന്ന ആളിന്റേയും ഒക്കെ ആള്‍ക്കാര്‍ ആണന്ന് അവരുടെ പെരുമാറ്റ രീതിയില്‍ നിന്ന് മനസിലാക്കാന്‍ പറ്റി. ഇവര്‍ ഏജന്റുമാര്‍ ആയിരിക്കണം. എങ്ങനെയൊക്കെ ആണങ്കിലും ഇവരുടെ ആള്‍ക്കാര്‍ക്കേ ക്യുവിന്റെ ആദ്യത്തെ സ്ഥാനങ്ങളില്‍ എത്താന്‍ പറ്റൂ എന്ന് ഉറപ്പ്. അല്ലങ്കില്‍ ഇത്തരം പ്രവര്‍ത്തനങ്ങള്‍ക്കേതിരെ റെ‌യില്‍‌വേ പോലീസ് നടപടികള്‍ എടുക്കണാം. തങ്ങളുടെ കൈയ്യിലിരിക്കുന്ന റിസര്‍‌വേഷന്‍ ഫോം എന്താണാന്നോ അതിലെന്താണ് എഴുതിയിരിക്കുന്നതെന്നോ അറിയാന്‍ വയ്യാത്തവര്‍ പോലും ഒരു കൌണ്ടറില്‍ ഇന്ന് ക്യുവില്‍ നില്‍ക്കുന്നത് കണ്ടു.

ക്യുവില്‍ പതിനാറോ പതിനാഴേ ആയി നിന്ന് ടിക്കറ്റ് എടുക്കാന്‍ കൌന്ററില്‍ കൊടുത്തപ്പോഴേക്കും ഞാന്‍ ടിക്കറ്റ് എടുക്കാന്‍ ചെന്ന ട്രയിനിലെ ടിക്കറ്റ് വെയ്‌റ്റിംങ്ങ് ലിസ്റ്റില്‍ 20കഴിഞ്ഞു. പിന്നെ ടിക്കറ്റ് എടുക്കാതെ മടങ്ങി.

മുംബൈ വസായ് റയില്‍‌വേ സ്റ്റേഷനില്‍ സീസണ്‍ സമയത്ത് ഞാന്‍ ടിക്കറ്റ് എടുക്കാന്‍ പോയിട്ടുണ്ട്. അവിടെ റെയില്‍‌വേയിലെ ഉദ്യോഗസ്ഥന്‍/പോലീസ് ആണ് നമുക്ക് തലേന്ന് ടോക്കണ്‍ തരുന്നത്. ആ ലിസ്റ്റില്‍ ഒരു തട്ടിപ്പും വെട്ടിപ്പും നടത്താന്‍ പറ്റില്ലന്നാണ് ഞാന്‍ മനസിലാക്കിയത്. പിറ്റേന്ന് ആ ടോക്കണ്‍ അനുസരിച്ച് നില്‍ക്കണം.

നമ്മുടെ നാട്ടിലെ തത്ക്കാല്‍ തട്ടിപ്പിന് റെയില്‍‌വേയും കൂട്ടു നില്‍ക്കുന്നുണ്ടോ എന്ന് സംശയിക്കേണ്ടി ഇരിക്കുന്നു. ക്യു നില്‍ക്കാന്‍ വേണ്ടി ഇത്രയും ആള്‍ക്കാര്‍ വരുമ്പോള്‍ ഒരു റെയില്‍‌വേ പോലീസുകാരനേയും പോലും അവിടെ കണ്ടില്ല. (മറ്റ് സ്റ്റേഷനുകളിലും ഇങ്ങനെ പെപ്പറില്‍ പേരെഴുതുന്ന പരിപാടി ഉണ്ടങ്കില്‍ ഇത്രയും തട്ടിപ്പ് വേറെ എങ്ങും ഇല്ലന്ന് അവിടെയുള്‍ല ചിലരുടെ സംസാരത്തില്‍ നിന്ന് മനസിലാക്കാന്‍ കഴിഞ്ഞു.)

റെയില്‍‌വേ റ്റഹ്ന്നെ നേരിട്ട് ഒരു ടോക്കണ്‍ സിസ്റ്റം നടപ്പിലാക്കിയാല്‍ ഇത്തരം മാഫിയാകളെ ഒഴിവാക്കാന്‍ പറ്റും എന്നാണ് തോന്നുന്നത്. ഒരാള്‍ക്ക് രണ്ടോ മൂന്നോ തത്ക്കാല്‍ ടിക്കറ്റേ നല്‍കുകയുള്ളൂ എന്നൊരു നിയമ കൂടി ഉണ്ടാക്കണം. കഷ്ടപ്പെട്ട് ഉറക്കം കളഞ്ഞ് രാത്രിയില്‍ റിസര്‍‌വേഷന്‍ കൌണ്ടറിനു മുന്നില്‍ കാത്തു കെട്ടിക്കിടക്കുന്ന ജനങ്ങളുടെ ദുരിതം കണ്ടില്ലന്ന് റെയില്‍‌വേ നടിക്കരുത്.

ക്യു നില്‍ക്കാന്‍ വേണ്ടി നില്‍ക്കാന്‍ ഉണ്ടാക്കുന്ന ലിസ്റ്റ് അനധികൃതമാണാങ്കില്‍ അതിനെതിരെ നടപടി എടുക്കേണ്ടാത് റയി‌ല്‍‌വേ ആണ്. റ്റഹ്ങ്ങള്‍ക്കാരും പാരാതി തന്നില്ല അതുകൊണ്ട് നടപിടി എടുക്കുന്നില്ല എന്ന് പറയരുത്. പരാതി കിട്ടിയാലേ ഇത്തരം സമൂഹവിരുദ്ധപ്രവര്‍ത്തനങ്ങളേ തടയൂ എന്നുള്ള പിടിവാശി എടുക്കരുത് . തത്ക്കാല്‍ ടിക്കറ്റ് എടുത്ത അത് ലാഭത്തിന് മറിച്ചു വില്‍ക്കുന്നവരെ തടയാല്‍ കഴിയുന്നില്ലങ്കില്‍ പിന്നെ നമുക്കെന്തിനാണ് നിയമം.

{ഏതായാലും ഇന്ന് ടിക്കറ്റ് കിട്ടിയില്ല... നാളെ രാവിലെ വേറെ ഏതെങ്കിലും സ്റ്റേഷനില്‍ പോയി നിന്ന് നോക്കണം. എറണാകുളം നോര്‍ത്ത് /സൌത്ത് സ്റ്റേഷനുകളില്‍ നിന്ന് ടിക്കറ്റ് കിട്ടുമെന്നുള്ള പ്രതീക്ഷ ഇല്ല) ശുഭയാത്ര.... (ചിത്രം :: http://www.indianrail.gov.in/ എന്ന സൈറ്റിലെ ഹോം പേജിലെ ഹെഡര്‍)

വിശ്വാസം/ഭക്തിയെ ചൂഷ്ണം ചെയ്യുന്നവര്‍ ....

2011-04-26T15:55:00.000+05:30

മൂന്നാലു ദിവസം കൂടി കഴിഞ്ഞാല്‍ മെയ് മാസം ആയി. മെയ് മാസത്തിലാണ് ഗീവര്‍ഗീസ് സഹദായുടെ പെരുന്നാള്‍ എല്ലായിടത്തും. ഇന്ന് ഒട്ടുമിക്ക ദേവാലയങ്ങളിലും ഗീവര്‍ഗീസ് സഹദായുടെ പെരുന്നാളുണ്ട് . (കേരളത്തിലെ നാലില്‍ ഒന്ന് പള്ളികളും സെന്റ് ജോര്‍ജിന്റെ പേരിലുള്ളതാണ്). ഗീവര്‍ഗീസ് സഹദായോടുള്ള വിശ്വാസികള്‍ക്കുള്ള ഭക്തി ചൂഷ്ണം ചെയ്തെടുക്കുക തന്നെയാണ് മിക്കയിടത്തും. ഇടവകകളെ സംബന്ധിച്ച് ഏറ്റവും ലാഭകരമായി നടത്തികൊണ്ട് പോകാവുന്ന പെരുന്നാളാണ് ഗീവര്‍ഗീസ് സഹദായുടെ പെരുന്നാള്‍ .

ഒരു ഇടവക പെരുന്നാള്‍ / ഓര്‍മ്മപെരുന്നാള്‍ എന്ന നിലയില്‍ നിന്നോക്കെ മാറി എങ്ങനെ ഏറ്റവും കൂടുതല്‍ കാശ് ദേവാലയ ഭണ്ഡാരത്തില്‍ വീഴ്‌ത്തിക്കാന്‍ പറ്റും എന്നുള്ള ബിസ്‌നസ് മൈന്‍ഡോടെ ആണ് ഇന്ന് പലയിടത്തും ഗീവര്‍ഗീസ് സഹദായുടെ പെരുന്നാള്‍ നടത്തുന്നത്. അതിന് ആളെകൂട്ടാന്‍ പല വഴികളും ഇടവക ഭരണാ സമതിതി പയറ്റും. ഇങ്ങനെയുള്ള ചില പയറ്റാണ് ഇവിടെ സൂചിപ്പിക്കുന്നത്. (ഈ പയറ്റുകള്‍ മദ്ധ്യതിരുവതാം‌കൂറിലെ ചില പള്ളികളില്‍ കണ്ടതും കണ്ടുകൊണ്ടിരിക്കുന്നതും ആണ്).

ആളെക്കൂട്ടാന്‍ കച്ചവടക്കാര് ചെയ്യുന്ന ഒരു പണിയുണ്ടല്ലോ. കട ഉത്ഘാടനത്തിന് സിനിമാക്കാരെ കൊണ്ടു വരിക. അതുപോലെ ഒരു പണിയാണ് ഒരു പള്ളിയില്‍ നടത്തുന്നത്. റാസയ്ക്കിറ്റയ്ക്ക് പ്രസംഗിക്കാന്‍ സിനിമാ നടന്മാരെ കൊണ്ടു വരിക. സാധാരണാ രാസയോക്കെ നടക്കുമ്പോള്‍ ആത്മീയ നേതാക്കളാരെങ്കിലും ഒക്കെ പ്രസംഗിക്കുകയാണ് ചെയ്യുന്നത്. എന്ത് പള്ളി,എന്ത് പട്ടക്കാരന്‍, എന്ത് പെരുന്നാള്‍ എന്നൊക്കെയുള്ള ലൈനില്‍ നില്‍ക്കുന്ന സെലിബ്രിറ്റികളെയാണ് മേല്‍ പറഞ്ഞ പള്ളിക്കാര്‍ കൊണ്ടു വന്ന് പ്രസംഗിപ്പിക്കുന്നത്. പ്രസംഗം എന്നതിനെക്കാള്‍ തന്മഹിമ വിളമ്പലാണ് അവിടെ നടക്കുന്നതെന്ന് മാത്രം.

മൂന്നാലു വര്‍ഷം മുമ്പ് ഒരു പള്ളിക്കാര്‍ റാസക്കിടയ്ക്ക് ആകാശത്ത് നിന്ന് പൂ വിതറാന്‍ പതിനായിരങ്ങള്‍ ചിലവാക്കി ഹെലി‌കോപ്‌റ്റര്‍ കൊണ്ടു വന്നു. ആകാസത്ത് നിന്ന് പുഷ്പവൃഷി എന്നൊക്കെ നോട്ടീസില്‍ വെണ്ടയ്ക്കാ വലുപ്പത്തില്‍ അടിച്ചിട്ടൂണ്ടായിരുന്നു. ഹെലി‌കോപ്‌റ്ററില്‍ നിന്നുള്ള പുഷ്പവൃഷ്ടി കാണാന്‍ ആളു കൂടി. പള്ളിക്കാര് പറഞ്ഞ് ഏല്‍പ്പിച്ച സമയത്തു തന്നെ ഹെലി‌കോപ്‌റ്റര്‍ എത്തി. പക്ഷേ ആ സമയത്ത് അവിടെ പ്രസംഗം നടന്ന കൊണ്ടിരിക്കുകയായിരുന്നു. ആകാശത്ത് വെറുതെ വട്ടമിട്ട് പറന്നാലും ഹെലി‌കോപ്‌ടറിനു പൈസ ചിലവാണല്ലോ? അവസാനം ഹെലി‌കോപ്റ്റര്‍ ആകാശത്ത് നിന്ന് റോസാപ്പൂ ഇട്ടിട്ട് അതിന്റെ വഴിക്ക് പോയി.(ഇതിന്റെ പേരില്‍(ഹെലികോപറ്ററിന്റെ വാടക പ്രശ്നത്തില്‍) പള്ളി യോഗത്തില്‍ വെച്ച് ഒരുത്തന്‍ അച്ചന്റെ ചെകിട്ടത്ത് അടിച്ചന്നോകെ പാണന്മാര്‍ കുറേക്കാലം പാടി നടന്നു).

രാഷ്ട്രീയക്കാര്‍ ജാഥയ്ക്ക് കാശ് കൊടുത്ത് ആളെ കൂട്ടുന്നതുപോലെ ഒരു സെന്റ്.ജോര്‍ജ് പള്ളിക്കാര്‍ തങ്ങളുടെ അടുത്ത പള്ളികള്‍ക്ക് കാശ് കൊടുത്ത് അവിടിത്തെ ജനങ്ങളെ പദയാത്രയായി തങ്ങളുടെ പള്ളിയില്‍ എത്തിച്ചു തുടങ്ങി.(പള്ളിക്ക് മാത്രമല്ല്ല കാശ് ആളെ എത്തിക്കുന്ന പള്ളിയിലെ അച്ചനും കിട്ടും കാശ്.). ഇങ്ങനെ ആളെ എത്തിച്ചതിന് ഒരു പള്ളിക്ക് സെന്റ്.ജോര്‍ജ് പള്ളി പത്ത് രണ്ടായിരം രൂപാ നല്‍കിയപ്പോള്‍ അവര്‍ അത് സ്നേഹപൂര്‍വ്വം നിരസിച്ചു. പക്ഷെ സെന്റ്.ജോര്‍ജ് പള്ളിയുടെ കണക്കുബുക്കില്‍ രണ്ടായിരം രൂപയുടെ കണക്കുള്ളതായി അടുത്ത സമയത്താണ് പദയാത്ര നടത്തിയ പള്ളിക്കാര്‍ അറിഞ്ഞത്. ആ പണം ആര് വാങ്ങി / ആര്‍ക്ക് കൊടുത്തു എന്നറിഞ്ഞിട്ടു മതി ഈ വര്‍ഷത്തെ പദയാത്ര എന്നാണ് പള്ളിക്കാര്‍ തീരുമാനിച്ചിരിക്കുന്നത്. (ഇങ്ങനെ പദയാത്രയ്ക്ക് ആളെ എത്തിക്കാനായും അച്ചന്മാര്‍ക്ക് കൊടുക്കാനുമായിട്ടൊക്കെ ലക്ഷത്തില്‍ പരം രൂപായുടെ ഫണ്ട് തന്നെ സെന്റ്.ജോര്‍ജ് പള്ളിക്കാര്‍ക്ക് ഉണ്ടത്രെ!!!) ഒരു പള്ളിയുടെ പേര് സെന്റ് മേരീസ്. ഗീവര്‍ഗീസ് സഹദായുടെ പെരുന്നാളില്‍ ആളൊക്കെ കുടി വന്നപ്പോള്‍ പല്ലി പെറങ്ങ് പരിഷ്ക്കരിച്ചു. പള്ളിയുടെ ഇപ്പോഴത്തെ പേര് സെന്റ്‌ മെരീസ് ആന്‍ഡ് സെന്റ് ജോര്‍ജ് !!!
പണം മുടക്കി പരസ്യം ചെയ്ത് പണം വാരുന്ന ഒരു ബിസ്നസ് ലോജിക് തന്നെയാണ് ഇപ്പോള്‍ പെരുന്നാളുകള്‍. കൂടുതല്‍ കാശിറക്കി പരസ്യം ചെയ്യുന്നവന് കൂടുതല്‍ ലാഭം !!! അതിനു വേണ്ടി മാധ്യമങ്ങളില്‍ വാര്‍ത്തയില്‍ നിറഞ്ഞു നില്‍ക്കാന്‍ എന്തും ചെയ്യും...കോടികള്‍ മുടക്കി പള്ളികള്‍ പണിയും.പള്ളിമുറ്റത്തൊരു സ്വര്‍‌ണ്ണക്കൊടിമരം ഉയര്‍ത്തും. (ഇതാണിപ്പോഴത്തെ ലേറ്റസ്റ്റ് ട്രന്‍ഡ്)പെരുന്നാള്‍ ദിവസം പള്ളിയില്‍ അതാതു സഭയിലെ എല്ലാ ബിഷപ്പുമാരേയും കൊണ്ടു വരാന്‍ നോക്കും.. ഇങ്ങനെ എന്തെല്ലാം വിദ്യകള്‍.... എല്ലാം ജനങ്ങളുടെ ഭക്തിയെ ചൂഷ്ണം ചെയ്ത് ദേവാലയ ഭണ്ഡാരം നിറയ്ക്കാനായിട്ട് മാത്രം !!!!